Ալբերտ և Թովէ Բոյաջյան ցուցասրահ
Ալբերտ և Թովէ Բոյաջյան ցուցասրահ | |
---|---|
![]() | |
Տեսակ | պատկերասրահ |
Երկիր | ![]() |
Տեղագրություն | Երևան |
Հիմնադրվել է | մայիսի 1, 2001 |
![](http://upload.wikimedia.org/wikipedia/hy/0/09/%D4%B1%D5%AC%D5%A2%D5%A5%D6%80%D5%BF_%D6%87_%D4%B9%D5%B8%D5%BE%D5%A7_%D4%B2%D5%B8%D5%B5%D5%A1%D5%BB%D5%B5%D5%A1%D5%B6_%D6%81%D5%B8%D6%82%D6%81%D5%A1%D5%BD%D6%80%D5%A1%D5%B0.jpg)
Ալբերտ և Թովէ Բոյաջյան ցուցասրահ, հիմնադրվել է 2001 թվականի մայիսի 1-ին, Երևանում որպես Երևանի գեղարվեստի պետական ակադեմիայի, 2017 թվականից` Հայաստանի գեղարվեստի պետական ակադեմիայի ցուցասրահ[1][2]։ Ցուցասրահի ստեղծման գործում մեծ է Բոյաջյան ընտանիքի ներդրումը։
Պատկերասրահի հիմնական նպատակը երիտասարդ արվեստագետներին աջակցելն է, նրանց անհատական ցուցահանդեսները կազմակերպելը, ոգևորել և ոգեշնչել իրենց ապագա ստեղծագործական կյանքում[3]։ Ցուցասրահի տնօրենն է Իրինա Իսաբեկյանը։
Պատմություն
[խմբագրել | խմբագրել կոդը]Ցուցասրահը բացվել է ՀԽՍՀ վաստակավոր նկարչուհի, Երևանի գեղարվեստի պետական ակադեմիայի պրոֆեսոր Արփենիկ Նալբանդյանի (1916-1964) անհատական ցուցահանդեսով, որին ներկա են գտնվել բարերար Ալբերտ Բոյաջյանը, Երևանի քաղաքապետ Ռոբերտ Նազարյանը, Արարատյան հայրապետական թեմի առաջնորդ Նավասարդ արքեպիսկոպոս Կճոյանը և այլք։
Իր գործունեության ընթացքում ցուցասրահը կազմակերպել է ավելի քան 300 ցուցահանդես՝ ուսանողական, անհատական, խմբակային, մրցութային, նաև դասախոսություններ, արվեստաբանական քննարկումներ։ Այստեղ հյուրընկալվում են բազմաթիվ արվեստագետներ Հայաստանից և արտերկրից։ 2004 թվականին ցուցասրահը մասնակցել է Թբիլիսիում կայացած «ART-EXPO 2004–KAVKAZ» ցուցահանդեսին։
2018 և 2019 թվականներին ցուցասրահը մասնակցել է «Armenia Art Fair»-ին։
Միջոցառումներ, ցուցահանդեսներ
[խմբագրել | խմբագրել կոդը]Ցուցասրահում իրենց աշխատանքներ են ներկայացնում ինչպես Երևանի գեղարվեստի ակադեմիայի ուսանողները, շրջանավարտները, այնպես էլ կայացած հայտնի արվեստագետներ, անցկացվում են նաև մանկական ցուցահանդեսներ[4]։ Տարբեր տարիներին ցուցասրահում ներկայացվել են նկարիչներ Գրիգոր Աղասյանի[5], Արմեն Վարդանյանի, Միհրան Սոսոյանի[6], Անատոլի Գրիգորյանի[7], Արամ Իսաբեկյանի, Արման Կարախանյանի, Գեղամ Մալխասյանի, Հենրիկ Մամյանի, Հարություն Պզտիկյանի, Անատոլի Պապյանի, Սարո Գալենցի[8], Գագիկ Ղազարյանի (և՛ գրաֆիկակական աշխատանքներ, և՛ քանդակներ)[9], Սուրեն Սաֆարյանի[10], Կարեն Հովակիմյանի, Մարտիրոս Մորյանի, Գրիգոր Գեղամյանի, Հայկ Սայադյանի, Լիլիթ Արսենյանի, Սիրանուշ Հակոբյանի, Սամվել Պողոսյանի, Տաթևիկ Սարգսյանի[11], քանդակագործներ Թերեզա Միրզոյանի, Գետիկ Բաղդասարյանի, Նունե Թումանյանի, Էդգար Գրիգորյանի[12], արվեստաբան Վիգեն Ղազարյանի[13] աշխատանքները։
Ծանոթագրություններ
[խմբագրել | խմբագրել կոդը]- ↑ «Ցուցասրահի բացումը». Արխիվացված է օրիգինալից 2017 թ․ մայիսի 21-ին. Վերցված է 2016 թ․ ապրիլի 28-ին.
- ↑ Ալբերտ և Թովէ Բոյաջյան ցուցասրահ
- ↑ Երևանի պատկերասրահներ
- ↑ «Աշխարհը մանկան աչքերով». Արխիվացված է օրիգինալից 2017 թ․ ապրիլի 23-ին. Վերցված է 2016 թ․ ապրիլի 28-ին.
- ↑ «Գրիգոր Աղասյան 20․05-30․05․2016». izi.TRAVEL. Վերցված է 2016 թ․ սեպտեմբերի 30-ին.
- ↑ Միհրան Սոսոյան. 23.06-30.06.2008
- ↑ «Անատոլի Գրիգորյան 20․05-30․05․2016». izi.TRAVEL. Վերցված է 2016 թ․ սեպտեմբերի 30-ին.
- ↑ «Սարո Գալենց.13.12.06-19.01.2007». izi.TRAVEL. Վերցված է 2016 թ․ սեպտեմբերի 30-ին.
- ↑ «Գագիկ Ղազարյան. 29.09-02.10.2007». izi.TRAVEL. Վերցված է 2016 թ․ սեպտեմբերի 30-ին.
- ↑ «Սուրեն Սաֆարյան. 25․04-29.04.2006». izi.TRAVEL. Վերցված է 2016 թ․ սեպտեմբերի 30-ին.
- ↑ «Հայաթ. 17.06-15.07․2009». izi.TRAVEL. Վերցված է 2016 թ․ սեպտեմբերի 30-ին.
- ↑ Էդգար Գրիգորյան. 22.11-29.11.2008
- ↑ Վիգեն Ղազարյան. 10.05-22.05.2008