Թերեզա Միրզոյան

Վիքիպեդիայում կան հոդվածներ Միրզոյան ազգանունով այլ մարդկանց մասին։

Թերեզա Միրզոյան
Ծնվել է	օգոստոսի 11, 1922(1922-08-11)
Ծննդավայր	Ղարաքիլիսա, Ալեքսանդրապոլի գավառ, Հայկական ԽՍՀ, ԱԽՖՍՀ
Մահացել է	օգոստոսի 7, 2016(2016-08-07) (93 տարեկան)
Քաղաքացիություն	ԽՍՀՄ և  Հայաստան
Ազգություն	հայ
Կրթություն	Թբիլիսիի գեղարվեստի ակադեմիա (1946)
Ստեղծագործություն(ներ)	Հունան Ավետիսյանի կիսանդրի և Սիրում է, չի սիրում
Մասնագիտություն	քանդակագործ և դասախոս
Աշխատավայր	Երևանի պետական գեղարվեստա-թատերական ինստիտուտ
Պարգևներ և մրցանակներ	և
Անդամություն	ԽՍՀՄ նկարիչների միություն
Teresa Mirzoyan Վիքիպահեստում

Թերեզա Հայկի Միրզոյան (Միրզոևա) (օգոստոսի 11, 1922(1922-08-11), Ղարաքիլիսա, Ալեքսանդրապոլի գավառ, Հայկական ԽՍՀ, ԱԽՖՍՀ - օգոստոսի 7, 2016(2016-08-07)), հայ քանդակագործ, ՀԽՍՀ վաստակավոր նկարիչ (1967), ՀԽՍՀ արվեստի վաստակավոր գործիչ (1986)։

Կենսագրություն

1939 թվականին ավարտել է Թբիլիսիի Անդրկովկասյան ճարտարապետության ուսումնարանը, 1946 թվականին՝ գեղարվեստի ակադեմիան։

1946-1947 թվականներին կատարելագործվել է Մոսկվայում։ 1947-1968 թվականներին դասավանդել է Երևանի գեղարվեստի ուսումնարանում, 1947 թվականից, միաժամանակ՝ Երևանի գեղարվեստա-թատերական ինստիտուտում (1980-2000 թթ.՝ ամբիոնի վարիչ)։

Ստեղծագործություններ

Ստեղծագործում է հաստոցային և մոնումենտալ քանդակագործության բնագավառներում։ Թերեզա Միրզոյանի արվեստում գերակշռում են սիրո, մայրության և գարնան թեմաները։

• Հունան Ավետիսյանի կիսանդրին Երևանի № 74 դպրոցի առջև (1956, բրոնզ, բազալտ)
• «Կժով աղջիկը» (1962, բազալտ)
• «Թռիչք» (1963, ալյումին)
• «Ջուլհակուհի» (1964, ալյումին, բազալտ, Գյումրի)
• Չարենցավան քաղաքի մուտքի հուշակոթողը (1970, կոփածո պղինձ, ֆելզիտ, համահեղինակ՝ Սուրեն Նազարյան)
• «Զինվոր» մոնումենտալ քանդակը (1975, Աշտարակ)
• «Սպասում» եռաքանդակը (1985, հրակավ)
• Սստվածաշնչյան թեմայով՝ «Վիշապահաղթ հրեշտակապետ Միքայելը» (2001)
• «Սիրում է, չի սիրում» քանդակ, վերականգնվել է 2012 թվականին

Ցուցահանդեսներ

• Ռուսաստանի Դաշնություն
• Վրաստան
• Բուլղարիա
• Լիբանան
• Լեհաստան
• Գերմանիա
• ԱՄՆ
• Ռումինիա

Պատկերասրահ

• 
  Հունան Ավետիսյանի կիսանդրին Երևանի № 74 դպրոցի առջև
• 
  «Սիրում է, չի սիրում» քանդակ, վերականգնվել է 2012 թվականին
• 
  Ջուլհակուհի
• 
  «Ողբ»
• 
  «Կժով աղջիկը», Դիլիջանի երկրագիտական թանգարան-պատկերասրահ

Ծանոթագրություններ

Վիքիպահեստն ունի նյութեր, որոնք վերաբերում են «Թերեզա Միրզոյան» հոդվածին։

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից  (հ․ 7, էջ 618)։