Հարություն Պզտիկյան

Հարություն Պզտիկյան; արմտ. հայ.՝ Յարութիւն Պզտիկեան
Ծնվել է	հուլիսի 27, 1937
Ծննդավայր	Բեյրութ, Լիբանան
Մահացել է	ապրիլի 11, 2021 (83 տարեկան)
Մահվան վայր	Սևր
Քաղաքացիություն	Լիբանան
Ազգություն	հայ
Կրոն	Հայ Առաքելական Եկեղեցի
Մասնագիտություն	աստվածաբան, արվեստագետ, նկարիչ, վարդապետ և հոգևորական
Աշխատավայր	Սամուել-Մուրատ վարժարան
Պարգևներ և ; մրցանակներ	Փարիզ քաղաքի մեդալ
Անդամություն	Հայաստանի նկարիչների միություն և ՀԳՄ
Կայք	bezdikian.am

Հարություն Պզտիկյան (հուլիսի 27, 1937(1937-07-27), Բեյրութ, Լիբանան^[1] - ապրիլի 11, 2021(2021-04-11)^[1], Սևր^[1]), աստվածաբան, փիլիսոփայության և արվեստի դոկտոր, արվեստաբան, գեղանկարիչ^[2]։

Կենսագրություն[խմբագրել | խմբագրել կոդը]

Հարություն Պզտիկյանը ծնվել է 1937 թվականի հուլիսի 27-ին, Բեյրութում։ Սովորել է տեղի Սուրբ Գրիգոր Լուսավորիչ ճեմարանում, 1950 թվականից՝ Վենետիկի Մխիթարյան միաբանության վարժարանում։ Հռոմի համալսարանում ուսումնասիրել է փիլիսոփայություն, աստվածաբանություն և հոգևոր երաժշտություն, Հռոմի Գրիգորյան համալսարանից ստացել է փիլիսոփայության և աստվածաբանության դոկտորի կոչում։ 1962 թվականին դարձել է վարդապետ։ Երկու տարի սովորել է Վենետիկի գեղարվեստի ակադեմիայում։

Հոգևոր և ստեղծագործական աշխատանքներին զուգահեռ կատարել է նաև խմբագրական գործեր, եղել է Հալեպի Մխիթարյան վարժարանի տնօրեն, դասավանդել է հայկական կրթօջախներում։ Հեղինակել է բազմաթիվ գրքեր հայերեն և օտար լեզուներով։ Դասավանդել է Փարիզի Սամուել-Մուրատ վարժարանում։ Եղել է Մխիթարյան միաբանության պաշտոնական ամսագրի` «Բազմավէպ»-ի խմբագրապետ^[3]։

Հեղինակ է գրականագիտական, հայագիտական, արվեստին ու մանկավարժությանը վերաբերող հայերեն և օտար լեզուներով բազմաթիվ աշխատությունների^[4]։

2018 թվականին Ֆրանկոֆոնիայի 17-րդ գագաթնաժողովի շրջանակներում Երևանի Նարեկացի արվեստի միությունում հանդես է եկել «Նապոլեոն Բոնապարտի կապը Մխիթարյան միաբանության հետ» թեմայով դասախոսությամբ^[5]^[6]։

Երկեր[խմբագրել | խմբագրել կոդը]

Մխիթարի և Մխիթարեաններու նպաստը հայ մշակոյթին, 2003։
Մխիթար վրդ. Սեբաստացիի և Մխիթարեաններու նպաստը հայ մշակոյթին, 2003։
Հայաստանեան պատկերներ Եվսեբիոս Քրոնիկագիր, 2003^[7]։
Օսմանեան Թուրքիոյ հարստահարութիւնները հայ հպատակներուն վրայ կամ ինչո՞ւ հայերը չեն բազմացած..., 2003^[8]:
Հայ ժողովուրդի ազատագրութեան պայքարը (ԺԹ-ի դդ), 2004։
Պատմական հողերու վրայ, 2004։
Խոհեր կեանքի մասին, 2004։
Հայկական ցոլքեր, 2004, 2006, 2008, 2009, 2011։
Լոս Անճելըս Հայաստանեան պատկերներ Հայ ժողովուրդի պատմութիւն, 2004։
Վենետիկ-Ս.Ղազար Հայաստանեան պատկերներ Հայ գրականութիւն, 2006։

Որպես նկարիչ[խմբագրել | խմբագրել կոդը]

Գեղանկարների առաջին ցուցահանդեսով առաջին անգամ ներկայացել է 1962 թվականին Վենետիկում, այնուհետև աշխատանքները ներկայացրել է տարբեր երկրներում՝ արժանանալով մրցանակների։

2002 թվականի նոյեմբերի 8-28-ը Հայաստանի գեղարվեստի պետական ակադեմիայի Ալբերտ և Թովէ Բոյաջյան ցուցասրահում կազմակերպվել է Հարություն Պզտիկյանի «Կինը հոգևորում» կոլաժների ցուցահանդեսը։ Աշխատանքները ներկայացվել են լուսանկարչության և գեղանկարչության համադրման միջոցով^[9]։

2016 թվականի նոյեմբերին Երևանի Ավետիք Իսահակյանի անվան կենտրոնական գրադարանում կազմակերպվել է Պզտիկյանի «Գրասեղանային էսքիզներ» խորագրով ցուցահանդեսը^[10]։

Աշխատանքներից գտնվում են Հայաստանի ազգային պատկերասրահում^[11]։

Անդամակցություն[խմբագրել | խմբագրել կոդը]

Վենետիկի գեղարվեստի ակադեմիայի նկարչության խորհրդի անդամ
Հայաստանի նկարիչների միության անդամ
Հայաստանի գրողների միության անդամ

Պարգևներ[խմբագրել | խմբագրել կոդը]

ՀՀ սփյուռքի նախարարության «Մայրենիի դեսպան» մեդալ

Ծանոթագրություններ[խմբագրել | խմբագրել կոդը]

↑ ^1,0 ^1,1 ^1,2 ^1,3 ^1,4 ^1,5 ^1,6 ^1,7 ^1,8 Fichier des personnes décédées
↑ «AV Production - Հարություն Պզտիկյան». avproduction.am. Արխիվացված է օրիգինալից 2021 թ․ հոկտեմբերի 17-ին. Վերցված է 2020 թ․ հուլիսի 27-ին.
↑ «Հարություն վարդապետ Պզտիկյանը Մխիթարյան միաբանության հետ ֆրանսիացի հայագետների կապի մասին դասախոսություն կարդաց Երևանում». armenpress.am. Վերցված է 2020 թ․ հուլիսի 27-ին.
↑ «Կոհա առցանց քարտարան, Հ. Յարութիւն վրդ. Պզտիկեան, Պզտիկյան, Հարություն Մովսեսի,'». haygirk.nla.am. Վերցված է 2020 թ․ հուլիսի 27-ին.
↑ Institute, Naregatsi Art. «Հանդիպում-դասախոսություն». naregatsi.org. Վերցված է 2020 թ․ հուլիսի 27-ին.
↑ Institute, Naregatsi Art. «Ֆրանկոֆոնիայի 17-րդ գագաթնաժողովին նվիրված միջոցառումների շարք». naregatsi.org. Վերցված է 2020 թ․ հուլիսի 27-ին.
↑ Pztikean, Harutʻiwn (2003). Հայաստանեան պատկերներ. Զանգակ-97.
↑ Pztikean, Harutʻiwn (2003). Օսմանեան Թուրքիոյ հարստահարութիւնները հայ հպատակներուն վրայ կամ ինչո՞ւ հայերը չեն բազմացած... Զանգակ-97. ISBN 978-99930-2-647-1.
↑ «08.11-28.11.2002. Հարություն Պզտիկյան». izi.TRAVEL. Վերցված է 2020 թ․ հուլիսի 27-ին.
↑ «Հանդիպում Հայր Հարություն Վարդապետ Պզտիկյանի հետ».
↑ «Շտեմարան - Հավաքածու - Հայաստանի ազգային պատկերասրահ». www.gallery.am. Վերցված է 2020 թ․ հուլիսի 27-ին.

Արտաքին հղումներ[խմբագրել | խմբագրել կոդը]

Վարդապետ, զգույշ եղիր...Հարություն Պզտիկյանն՝Ազնավուրի խորհրդի, Հայաստանի խնդիրների և այլնի մասին

Վիքիդարանն ունի նյութեր, որոնք վերաբերում են «Հարություն Պզտիկյան» հոդվածին։

[_7adf09ac39f1bac3-1] 1,0 ^1,1 ^1,2 ^1,3 ^1,4 ^1,5 ^1,6 ^1,7 ^1,8 Fichier des personnes décédées

[2] «AV Production - Հարություն Պզտիկյան». avproduction.am. Արխիվացված է օրիգինալից 2021 թ․ հոկտեմբերի 17-ին. Վերցված է 2020 թ․ հուլիսի 27-ին.

[3] «Հարություն վարդապետ Պզտիկյանը Մխիթարյան միաբանության հետ ֆրանսիացի հայագետների կապի մասին դասախոսություն կարդաց Երևանում». armenpress.am. Վերցված է 2020 թ․ հուլիսի 27-ին.

[4] «Կոհա առցանց քարտարան, Հ. Յարութիւն վրդ. Պզտիկեան, Պզտիկյան, Հարություն Մովսեսի,'». haygirk.nla.am. Վերցված է 2020 թ․ հուլիսի 27-ին.

[5] Institute, Naregatsi Art. «Հանդիպում-դասախոսություն». naregatsi.org. Վերցված է 2020 թ․ հուլիսի 27-ին.

[6] Institute, Naregatsi Art. «Ֆրանկոֆոնիայի 17-րդ գագաթնաժողովին նվիրված միջոցառումների շարք». naregatsi.org. Վերցված է 2020 թ․ հուլիսի 27-ին.

[7] Pztikean, Harutʻiwn (2003). Հայաստանեան պատկերներ. Զանգակ-97.

[8] Pztikean, Harutʻiwn (2003). Օսմանեան Թուրքիոյ հարստահարութիւնները հայ հպատակներուն վրայ կամ ինչո՞ւ հայերը չեն բազմացած... Զանգակ-97. ISBN 978-99930-2-647-1.

[9] «08.11-28.11.2002. Հարություն Պզտիկյան». izi.TRAVEL. Վերցված է 2020 թ․ հուլիսի 27-ին.

[10] «Հանդիպում Հայր Հարություն Վարդապետ Պզտիկյանի հետ».

[11] «Շտեմարան - Հավաքածու - Հայաստանի ազգային պատկերասրահ». www.gallery.am. Վերցված է 2020 թ․ հուլիսի 27-ին.

[1]

[2]

[3]

[4]

[5]

[6]

[7]

[8]

[9]

[10]

[11]