Նավասարդ արքեպիսկոպոս Կճոյան

Վիքիպեդիայից՝ ազատ հանրագիտարանից
Jump to navigation Jump to search
Նավասարդ արքեպիսկոպոս Կճոյան
Կառավարում
Տիտղոս Արարատյան Հայրապետական թեմի առաջնորդական փոխանորդ
Ժամանակամիջոց Դեկտեմբերի 1, 1999 թ-ներկա
Եկեղեցի Հայ Առաքելական եկեղեցի Հայ Առաքելական եկեղեցի
Անձնական տվյալներ
 
Կրթություն Գևորգյան Հոգևոր Ճեմարան
Անունը ծնվելիս Սամվել Կճոյան
Ծնվել է սեպտեմբերի 18, 1957 (61 տարեկան)
Ծննդավայր Երևան, Հայկական Խորհրդային Սոցիալիստական Հանրապետություն Հայկական ԽՍՀ,
Ձեռնադրում 1984 թ.
Գարեգին Բ    Armenian Apostolic Church logo.png     →

Տեր Նավասարդ արքեպիսկոպոս Կճոյան (ծնվել է՝ Սեպտեմբերի 18, 1957), Հայ Առաքելական Եկեղեցու Արարատյան Հայրապետական թեմի առաջնորդական փոխանորդ 1999 թ.-ից։

Կենսագրություն

1985 թվականին ավարտել է Սուրբ Էջմիածնի Հոգևոր ճեմարանը՝ ներկայացնելով «Սուրբ Հովհան Դամասկացու «Բանք ընդդիմադրականք ի քակտումն հերձուածոց Յակոբիկ Ասորոց» ավարտաճառը։ 1985-1986 թվականներին աշխատել է «Էջմիածին» ամսագրի խմբագրությունում՝ որպես քարտուղար։ 1987 թվականին ձեռնադրվել է կուսակրոն քահանա։ 1989 թվականին նշանակվել է Օշականի Սուրբ Մեսրոպ Մաշտոց եկեղեցու վանահայր։ Նույն թվականին ստացել է վարդապետական աստիճան՝ պաշտպանելով «Սուրբ Գրիգոր Տաթևացու քրիստոսաբանական հայացքները» թեզը։ 1991 թվականից Օշականի և 1995 թվականից Ֆրանսիայի Ալֆորվիլ քաղաքի Պատվավոր քաղաքացի է։ 1996 թվականին Գարեգին Ա Ամենայն Հայոց Կաթողիկոսի բարձր տնօրինությամբ նշանակվել է նորաստեղծ Արագածոտնի թեմի Առաջնորդ։ 1996 թվականին Գարեգին Ա-ի օրհնությամբ և հովանավորությամբ Օշականում հիմնել է «Սուրբ Մեսրոպ Մաշտոցի դպրատուն» գիտամշակութային կենտրոնը։ 1997 թվականին Մայր տաճարում ձեռամբ Ն.Ս.Օ.Տ.Տ. Գարեգին Ա Հայրապետի ձեռնադրվել և օծվել է եպիսկոպոս։ 1999 թվականի դեկտեմբերի 1-ին Ն.Ս.Օ.Տ.Տ. Գարեգին Բ կաթողիկոսի կողմից նշանակվել է Արարատյան Հայրապետական Թեմի Առաջնորդական փոխանորդ։[1]

Հանրային կարծիք

ՀՀԿ-ի հետ հարաբերությունները

Հասարակության որոշակի հատվածի մոտ Նավասարդ արքեպիսկոպոս Կճոյանը ասոցացվում է որպես Հանրապետական կուսակցության շահերը սպասարկող հոգևորական։ «Առավոտ» օրաթերթը այս առնչությամբ նրան անվանել է «Հանրապետական տերտեր»՝ պատճառաբանելով, որ նրան մարդիկ տեսնում էին և են բացառապես ՀՀԿ միջոցառումները օրհնելիս, ինչպես օրինակ ՀՀԿ համագումար, ՀՀԿ հանդիսավոր խորհրդի նիստ, «Նիգ-Ապարան» հայրենակցական միության բացում՝ հոգևոր տեքստով, և նմանատիպ այլ միջոցառումներ։ Այնուամենայնիվ, սրբազանի այս քայլերի վրա հայ հասարակությունը ավելի շատ սկսեց ծիծաղել ու լրջորեն չքննարկել։[2][3]

Զենք-զինամթերք

Նավասարդ Կճոյանի անունը առավել ակտիվորեն սկսեց շրջանառվել Տիգրան Սարգսյանի` ՀՀ վարչապետ դառնալուց հետո։ Ըստ մամուլի հրապարակումների` ՀՀ կառավարության նախկին ղեկավարը Նավասարդ Կճոյանին անվանական զենքով է պարգևատրել։ Սա միակ դեպքը չէ, որով Ն. Կճոյանի անունը կապվում է զենք-զինամթերքի հետ։ 1995 թ.-ին ՀՀ Ազգային անվտանգության նախարար եղած ժամանակ Սերժ Սարգսյանը մի գործակալական ահազանգի հիման վրա խուզարկել էր սրբազանի՝ Աշտարակում գտնվող տունը և հայտնաբերել չորս ատրճանակ, որից հետո ձերբակալել էր եպիսկոպոսին և երկու օր պահել կալանքի տակ։ Այնուհետև Ն. Կճոյանն ազատ էր արձակվել Ամենայն Հայոց կաթողիկոս Գարեգին Ա-ի միջնորդությամբ։ Երբ Մայր Աթոռ Սբ. Էջմիածնի հրավերով Հայաստան էր ժամանել Կ. Պոլսի տիեզերական պատրիարք Բարդուղիմեոսը` օդանավակայանից Էջմիածին գնալու ճանապարհին Ն. Կճոյանի ավտոմեքենան հավասարվել էր պատրիարքի մեքենային, և Ն. Կճոյանը կատակով ատրճանակը հանել է պատուհանից և ուղղել պատրիարքի կողմը, ինչից վերջինս ուշագնաց է եղել։[2][4][5]

Թանկարժեք նվերը՝ Բենթլի ավտոմեքենա

Հասարակական հնչեղություն էր ստացել Ն.Կճոյանի` մի քանի հարյուր հազար դոլար արժողությամբ թանկարժեք «Բենթլի» ավտոմեքենայով որոշ ժամանակ երթևեկելու փաստը։ Ն. Կճոյանի պարզաբանմամբ մեքենան նա նվեր էր ստացել իր սանիկից։[6] Հասարակությունը, ըստ որոշ լրատվամիջոցների, Ն. Կճոյանին կնքեց «Բենթլի Սամո» մականվամբ։[2][5][7][8][9][10][11][12] Մամուլի հրապարակումներից և քննադատությունից հետո՝ 2013 թ. աշնանը Ն. Կճոյանը վաճառել է «Բենթլին» և գումարն ուղղել բարեգործության։[13]

«Օֆշորային սկանդալ»

2013 թ. մայիսի 29-ին «Հետք» հետաքննող լրագրողներ» կայքում հայտնվեց տեղեկություն «WLISPERA HOLDINGS LIMITED» անունով կազմակերպության մասին, որը գրանցված է Կիպրոսում, և որի բաժնետոմսերը բաշխված էին երեք անձանց միջև՝ Աշոտ Սուքիասյան, Տիգրան Սարգսյան, Սամվել Կճոյան, որոնցից վերջին երկուսը, ըստ թերթի եզրահանգումների, այդ օրերին գործող ՀՀ վարչապետ Տիգրան Սարգսյանն է ու Արարատյան Հայրապետական Թեմի առաջնորդ Նավասարդ Կճոյանը (աշխարհիկ անունը՝ Սամվել Կճոյան)։ Ընկերության բաժնետոմսմերից 334-ը պատկանում էին Սուքիասյանին, իսկ Տիգրան Սարգսյան ու Սամվել Կճոյան անունով անձանց պատկանում էր 333-ական բաժնետոմս։ Նշված ընկերությանը Աշոտ Սուքիասյանի կողմից փոխանցվել է 350 հազար դոլար՝ Ամերիաբանկից ստացած 10 միլիոն 700 հազար ԱՄՆ դոլար վարկից։ Աշոտ Սուքիասյանը նշված վարկը ստացել էր Հայաստանում ադամանդագործության զարգացման ծրագիր իրականացնելու համար[14]։

Տիգրան Սարգսյանը հայտարարել է, որ ինքը կապ չունի Կիպրոսում գրանցված ընկերության հետ և չգիտի թե ով է իր անվանը այդքան մեծ գումար փոխանցել։ Նա դիմել է ՀՀ գլխավոր դատախազություն՝ պարզելու դեպքի հանգամանքները[15]։ Նավասարդ Կճոյանը նույնպես հայտարարել է, որ ինքը կապ չունի օֆշորում գրանցված այդ ընկերության հետ[16]։ Ոստիկանությունը Աշոտ Սուքիասյանի նկատմամբ հայտարարել է հետախուզում[17]։ Հունիսի 18-ին Աշոտ Սուքիասյանը ՀՀ գլխավոր դատախազի անունով իր նամակում հայտարարեց, որ որպես «WLISPERA HOLDINGS LIMITED» ընկերության հիմնադիր բաժնեմասեր է գրել Տիգրան Սարգսյանի և Նավասարդ Կճոյանի անուններով՝ «առանց նրանց գիտության և առանց նրանց համաձայնության»՝ դա անելով նրա համար, որպեսզի իր բիզնեսը զերծ պահի «տարբեր ոտնձգություններից»[18]։ Չնայած այս ամենին՝ դեռևս գործը բացահայտված չէ, և առկա են բազմաթիվ չբացահայտված հանգամանքներ։

Ռեստորանային այցելություններ իգական սեռի ներկայացուցիչների հետ

Որոշ լրատվամիջոցների պնդմամբ Նավասարդ արքեպիսկոպոսին տեսել են իգական սեռի ներկայացուցիչների հետ տարբեր ճաշարաններում ու զվարճանքի կենտրոններում՝ հատկապես Երևանի օղակաձև այգում գտնվող «Ջոզե» ռեստորանում, որը, հասարակության կողմից հայտնի է որպես «Կճոյանի ռեստորան»։[2][4] Այն տեղեկություններին որոնք պնդում են որ Նավասարդ արքեպիսկոպոսը մասնաբաժին ունի «Ջոզե» ռեստորանում, նա այս կերպ է արձագանքել. "Բացառվում է, դա սուտ է: Ես այցելում եմ, իհարկե, ոչ միայն «Ջոզե», ուրիշ տեղեր էլ, օրինակ՝ «Նոյան տապան», «Օջախ» եւ այլ ռեստորաններ, երբ հյուրեր են լինում, այցելում ենք տարբեր տեղեր":[19]

Քրեական աշխարհ

Ըստ «Առավոտ» օրաթերթի հրապարակման՝ Ն. Կճոյանի անունը երբեմն շրջանառվում է նաև կրիմինալ շրջանակների ներկայացուցիչների հետ նույն շարքում։ Օրաթերթը պնդում է, որ լինում էին «ռազբորկաներ», որտեղ Հայաստանը ներկայացնում է Նավասարդ Կճոյանը։[2]

Պարգևներ և կոչումներ

2002 թ. փետրվարի 22-ին ՀՀ Գիտությունների ազգային ակադեմիայի նախագահությունը Տ. Նավասարդ եպիսկոպոս Կճոյանին շնորհեց Ազգային ակադեմիայի պատվավոր դոկտորի կոչում։ 2003 թ. հոկտեմբերին Նավասարդ սրբազանը Երևանի Գեղարվեստի պետական ակադեմիայի գիտխորհրդի կողմից արժանացել է պատվավոր պրոֆեսորի կոչման։ 2005 թ. հոկտեմբերին Նավասարդ եպիսկոպոս Կճոյանին Մ. Հերացու անվան պետական բժշկական համալսարանի կողմից շնորհվել է պատվավոր դոկտորի կոչում։ 2006 թ. հունիսի 4-ին Գարեգին Երկրորդ Ամենայն Հայոց Հայրապետը Նավասարդ սրբազանին սրբատար կոնդակով շնորհեց Արքության Պատիվ։

2017 թվականի դեկտեմբերի 30-ին ՀՀ նախագահ Սերժ Սարգսյանի որոշումով պարգևատրվել է «Հայրենիքին մատուցած ծառայությունների համար» 1-ին աստիճանի շքանշանով[20]։

Ծանոթագրություններ

  1. http://www.araratian-tem.am/index.php?page=Liders&id=5
  2. 2,0 2,1 2,2 2,3 2,4 http://www.aravot.am/2013/07/03/261580/
  3. http://www.lragir.am/index/arm/0/comments/view/50983
  4. 4,0 4,1 http://www.ilur.am/news/view/15341.html
  5. 5,0 5,1 http://norkhosq.net/?p=3258
  6. https://www.azatutyun.am/a/3548942.html
  7. Այսուհետ «Բենթլի Սամո» չէ, պարզապես Սամո. Կճոյանը այլևս «Բենթլի» չունի:
  8. Կճոյանը «կերպարանափոխման» մի քանի փուլեր է անցել:
  9. Ինչ գործ ուներ Բենթլի Սամոն:
  10. http://report.am/news/society/navasard-arqepiskopos-kchoyan-bentli.html?external=1&itpl=default/print.tpl.html
  11. http://www.pressing.am/?p=4500&l=am
  12. http://www.yerkir.am/am/news/52059.htm
  13. http://www.yerkir.am/news/view/56512.html
  14. Ովքեր են Փայլակ Հայրապետյանի ունեզրկման հեղինակները. օֆշորային եռյակը
  15. Վարչապետը դիմել է դատախազություն
  16. Կճոյանը հերքում է ամեն ինչ
  17. Աշոտ Սուքիասյանը հետախուզվում է
  18. Աշոտ Սուքիասյանի նամակը գլխավոր դատախազին եւ «Հետքին»
  19. Արքեպիսկոպոս Նավասարդ Կճոյանը ոչ միայն Jose է այցելում, այլեւ «Նոյան տապան»...
  20. ՏԵՐ ՆԱՎԱՍԱՐԴ ԱՐՔԵՊԻՍԿՈՊՈՍ ԿՃՈՅԱՆԻՆ «ՀԱՅՐԵՆԻՔԻՆ ՄԱՏՈՒՑԱԾ ԾԱՌԱՅՈՒԹՅՈՒՆՆԵՐԻ ՀԱՄԱՐ» 1-ԻՆ ԱՍՏԻՃԱՆԻ ՇՔԱՆՇԱՆՈՎ ՊԱՐԳԵՎԱՏՐԵԼՈՒ ՄԱՍԻՆ

Արտաքին հղումներ