Արամ Իսաբեկյան

Արամ Իսաբեկյան
Ի ծնե	Արամ Էդուարդի Իսաբեկյան
Ծնվել է	սեպտեմբերի 26, 1952(1952-09-26) (66 տարեկան)
Ծննդավայր	Երևան, Հայկական ԽՍՀ, ԽՍՀՄ
Ազգություն	հայ
Քաղաքացիություն	Հայաստան
Կրթություն	Երևանի պետական գեղարվեստա-թատերական ինստիտուտ
Մասնագիտություն	նկարիչ
Պարգևներ	Հայաստանի Հանրապետության արվեստի վաստակավոր գործիչ և Մովսես Խորենացու մեդալ
Անդամակցություն	Հայաստանի նկարիչների միություն
Հայր	Էդուարդ Իսաբեկյան
Մայր	Արփենիկ Նալբանդյան
Aram Issabekyan Վիքիպահեստում

Արամ Իսաբեկյան (սեպտեմբերի 26, 1952(1952-09-26), Երևան, Հայկական ԽՍՀ, ԽՍՀՄ), հայ նկարիչ, ՀՀ արվեստի վաստակավոր գործիչ (2002)։

Էդուարդ Իսաբեկյանի և Արփենիկ Նալբանդյանի որդին է։

Կենսագրություն

1976 թվականին ավարտել է Երևանի գեղարվեստա-թատերական ինստիտուտը։ 1980 թվականից դասավանդում է նույն ինստիտուտում (1990-1994 թթ.` պրոռեկտոր), 1994 թվականից Երևանի գեղարվեստի ինստիտուտի (2000 թվականից` Երևանի գեղարվեստի պետական ակադեմիա) ռեկտոր, (2003 թվականից՝ պրոֆեսոր)։ 2003, 2008 և 2013 թթ. վերընտրվել է ակադեմիայի ռեկտորի պաշտոնում: 1982 թվականից Հայաստանի նկարիչների միության և ՅՈւՆԵՍԿՕ-ի Նկարիչների միջազգային ընկերության անդամ է։

Ստեղծել է նատյուրմորտներ, կոմպոզիցիաներ։ 1976 թվականից մասնակցել է համապետական և համամիութենական ավելի քան 200 ցուցահանդեսների։ Անհատական ցուցահանդեսներ է ունեցել Երևանում (1982, 1999, 2001), Էջմիածնում (1987), Փարիզում (1995, 1996, 1998), Հալեպում (1991), Կահիրեում, Լոնդոնում։ 2002 թվականին դարձել է բնության և հասարակության մասին գիտությունների միջազգային ակադեմիայի իսկական անդամ, ակադեմիկոս։

Աշխատանքները գտնվում են տարբեր թանգարաններում ու ցուցասրահներում, ինչպես նաև բազմաթիվ անհատական հավաքածուներում։

Պարգևներ, մրցանակներ

• ՀՀ կրթության և գիտության նախարարության ոսկե մեդալ, 1999
• ՀՀ Մովսես Խորենացու մեդալ, 2001
• ՀՀ արվեստի վաստակավոր գործիչ, 2002

Ստեղծագործությունները

Դիմանկարներ

• «Շեփորով նատյուրմորտ» (1982)
• «Նամակ Ամերիկայից» (1988)
• «Արվեստանոցում» (1993)
• «Նվիրում» (1992)
• «Հորս դիմանկարը» (1995)
• «Փարավոն Միրզոյան» (1997)
• «Վարվառան» (1999)
• Աննայի դիմանկարների շարքը (1995-1997)

Ճանապարհորդական տպավորությունների, կարդացածի և վերհուշերի արդյունք են հետևյալ ստեղծագործությունները՝

• «Երազ», (1991)
• «Ասպետն ու կինը», (1992)
• «Հանդիպում», (1997)
• «Կախարդուհին», (1999)
• «Վենետիկյան մոտիվ», (1999)

Պատկերասրահ

• 
• 
• 
• 
• 
• 

Ծանոթագրություններ

Մեդիա ֆայլեր

Վիքիպահեստ նախագծում կարող եք այս նյութի վերաբերյալ հավելյալ պատկերազարդում գտնել Արամ Իսաբեկյան կատեգորիայում։