Միհրան Սոսոյան

Միհրան Սոսոյան
Ծնվել է	ապրիլի 15, 1928
Ծննդավայր	Երևան, ԱԽՖՍՀ, ԽՍՀՄ
Վախճանվել է	փետրվարի 12, 1992 (63 տարեկան)
Մահվան վայր	Երևան, Հայաստան
Ազգություն	հայ
Քաղաքացիություն	ԽՍՀՄ և Հայաստան
Կրթություն	Փանոս Թերլեմեզյանի անվան գեղարվեստական ուսումնարան (1948) և Երևանի պետական գեղարվեստա-թատերական ինստիտուտ (1954)
Մասնագիտություն	նկարիչ և դասախոս
Ժանր	գրքային գրաֆիկա
Պարգևներ
Կուսակցություն	ԽՄԿԿ
	Միհրան Սոսոյան Վիքիդարանում

Միհրան Ռուբենի Սոսոյան (ապրիլի 15, 1928(1928-04-15)^[1], Երևան, ԱԽՖՍՀ, ԽՍՀՄ^[1] - փետրվարի 12, 1992(1992-02-12), Երևան, Հայաստան]), հայ նկարիչ, գրաֆիկ, ձևավորող, վաստակաշատ մանկավարժ, ԽՍՀՄ վաստակավոր նկարիչ (1967)։

Կենսագրություն

1948 թ. ավարտել է Փանոս Թերլեմեզյանի անվան գեղարվեստի ուսումնարանը, 1954 թ.՝ Երևանի պետական գեղարվեստա-թատերական ինստիտուտը։ 1956 թ.-ից մասնակցել է ցուցահանդեսների, արժանացել մրցանակների և մեդալների։ 1964 թ.-ից եղել է «Հայաստան» հրատարակչության գլխավոր նկարիչ։ 1967 թ. ստացել է ԽՍՀՄ վաստակավոր նկարչի կոչում։ 1968 թ.-ից եղել է Հայհրատպետկոմի գլխավոր նկարիչ։ 1975 թ.-ից դասավանդել է Երևանի պետական գեղարվեստա-թատերական ինստիտուտում։

Նշանակալի գործերից

Գրքի ձևավորումներ՝

Մարկ Տվեն «Թոմ Սոյերի արկածները» (Երևան, 1953 թ.),
Հովհաննես Թումանյան, «Գիքորը» (Երևան, 1955 թ.),
Էռնեստ Հեմինգուեյ, «Ծերունին և ծովը» (Երևան, 1957 թ.),
Մկրտիչ Սարգսյան «Տիրամոր պատկերի առջև» (Երևան, 1963 թ.),
Եղիշե Չարենց, «Ամբոխները խելագարված» (Երևան, 1967 թ.),
Նաիրի Զարյան, «Սասնա Դավիթ» (Երևան, 1966 թ .),
Հայկ Խաչատրյան, «Էրեբունի» (Երևան, 1968 թ.)

Գրաֆիկական շարքեր՝

«Մեծ բարեկամություն» (1960 թ.) ,
«Բուլղարական մոտիվներ» (1968 թ.) ,

Խճանկարների շարք «Հայոց մեծերը», Մոսկվայի գրքի միջազգային ցուցահանդեսի հայկական տաղավարի ձևավորման համար (1985 թ.)։

Միհրան Սոսոյանի ստեղծագործություններից գտնվում են Հայաստանի ազգային պատկերասրահում^[2]։

Գրականություն

Դանիել Դզնունի «Հայ կերպարվեստագետներ» (Երևան, 1977 թ.)
Միհրան Սոսոյան «Աշխատանքների կատալոգ» (Երևան, 2003 թ.) ISBN 99941-926-0-4

Ծանոթագրություններ

1 2 3 4 5 6 7 Հայկական սովետական հանրագիտարան, հատոր 10 (հայ.) — հատոր 10. — էջ 512.
↑ «Միհրան Սոսոյանի աշխատանքներից ՀԱՊ-ում». Արխիվացված է օրիգինալից 2016-03-04-ին. Վերցված է 2015-04-15-ին.

Վիքիդարանն ունի նյութեր, որոնք վերաբերում են «Միհրան Սոսոյան» հոդվածին։

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից (հ․ 10, էջ 512)։

[_8ac8a028d14aff49-1] 1 2 3 4 5 6 7 Հայկական սովետական հանրագիտարան, հատոր 10 (հայ.) — հատոր 10. — էջ 512.

[2] «Միհրան Սոսոյանի աշխատանքներից ՀԱՊ-ում». Արխիվացված է օրիգինալից 2016-03-04-ին. Վերցված է 2015-04-15-ին.

[1]

[2]