«Ազատ կոլեկտիվ» թատերախումբը սկսել է իր գործունեությունը 1925 թվականին ԵրևանումԱմո Խարազյանի գլխավորությամբ։ Թատերախումբը բաղկացած էր սիրողական խմբերից հավաքված երիտասարդ դերասաններից։ Մեծ մասամբ խաղում էին հեղափոխական դեպքերին նվիրված ագիտպիեսներ և մեծ հաջողություն էին վայելում բանվորական և գյուղական հասարակության շրջանում։ Այս թատրոնում էին աշխատում Աշխեն Խարազյանը, Գուրգեն Ջանոյանը, Վրույր Փանոյանը, Ժ. Գևորգյանը, Ս. Հովսեփյանը, Գ. Պողոսյանը և այլն։ Հետագայում՝ 1928 թվականին, այս թատրոնի հիման վրա ստեղծվեց Հայաստանի գյուղական պետական շրջիկ թատրոնը, որը 1933 թվականին կոչվեց Ամո Խարազյանի անունով[1]։
Հայաստան