Ադիդաս

Վիքիպեդիայից՝ ազատ հանրագիտարանից
Ադիդաս
Adidas Logo.svg
Adidas-factory-outlet-Herzogenaurach.jpg
Տեսակ բիզնես ձեռնարկություն
Անվանված է Ադոլֆ Դասլեր
Հիմնադրված է օգոստոսի 18, 1949
Հիմնադիր Ադոլֆ Դասլեր և Կասպեր Ռորստեդ
Վայր Հերցոգենաուրախ
Երկիր Գերմանիա
Reebok, Runtastic, TaylorMade-Adidas և Ashworth
Կայք http://www.adidas-group.com/
Բորսա Ֆրանկֆուրտի ֆոնդային բիրժա և Վարդագույն էջեր
Adidas Վիքիպահեստում

Ադիդաս (անգլ.՝ Adidas), սպորտային հագուստ և պարագաներ արտադրող ընկերություն։ Սպորտային կոշիկներից բացի ընկերությունն արտադրում է նաև այլ պարագաներ՝ պայուսակներ, վերնաշապիկներ, տաբատներ, գլխարկներ և այլ սպորտային պարագաներ։ Ամենախոշոր սպորտային հագուստ արտադրող ընկերությունն է Եվրոպայում և երկրորդ խոշորագույն արտադրողը աշխարհում։ Ընկերության արտադրանքի վրա սովորաբար պատկերված է երեք սպիտակ կամ սև գիծ, որը հանդիսանում է ընկերության ապրանքանիշը։


Պատմություն[խմբագրել | խմբագրել կոդը]

Բրենդի պատմությունը սկսվել է դեռևս 1920-ին: 1920 թվականի սկիզբ… Դասլեր ընտանիքը որոշել է կոշիկի արտադրության բիզնես սկսել: Նրանց առաջին արտադրանքը նախատեսված էր հեռացատկորդների պարապմունքների համար: Նորաբաց ընկերությունը կոչվում էր հենց Դասլեր:

1920-ին հիմնադրած ընկերության ղեկավարումը ստանձնել էին Ադին և Քրիստոֆ Դասլերը (հայրը): 1924թ. նրանց է միացել նաև Ռուդին: Երկու եղբայրները հրաշալի փոխլրացնում էին միմյանց: Ադին իսկական գյուտարար էր իր ոլորտում, մինչդեռ Ռուդին հանճար էր կապերի, մարկետինգի և վաճառքի ոլորտում:

1925-ին նրանց բիզնեսը սկսեց կտրուկ աճել: Ադին` որպես ֆուտբոլասեր, ստեղծեց առաջին ֆուտբոլային մարզակոշիկը: Տակի մասում դրանք երկաթյա մատիկներ ունեին, և այդպես ծնվեցին ֆուտբոլային այժմյան մարզակոշիկները: 1927-ին Դասլեր ընկերությունը գնեց հսկայական լքված մի ֆաբրիկա: Կոշիկի արտադրությունն օրեկան հասավ 100 զույգի, իսկ աշխատողների քանակը՝ 25-ի: Հաջորդ օլիմպիական խաղերին Լոս Անջելեսում 1932թ., գերմանացի Արտուր Յոնատը 100 մետր մրցավազքում գրավեց 3-րդ տեղը: Այդ ժամանակ նա կրում էր Դասլեր մարզակոշիկները:

1948-ի գարնանը` հոր մահից հետո, եղբայրները վերջնականորեն որոշեցին կիսել բիզնեսը, առանձնացան ու պայմանավորվեցին, որ երկու բիզնեսներից ոչ մեկն էլ ընտանիքի անվամբ չեն կոչելու: Ադոլֆն իր բիզնեսն անվանեց Ադիդաս (Ադի + Դասլեր), իսկ Ռուդին՝ Պումա:

Այսօր «Ադիդաս»-ն աշխարհին ներկայանում է արտադրանքի լայն տեսականիով` տարբեր մարզակոշիկներ, սպորտային հագուստ, կոշիկներ զբոսաշրջիկների համար:

Այժմ աշխարհահռչակ այս երկու բրենդներն իրար հետ կատաղի մրցակցության մեջ են, իսկ ամեն ինչ սկսվեց մի ընտանիքից, որում պարզապես ուզում էին ինչ-որ գործ սկսել:

Աղբյուրներ[խմբագրել | խմբագրել կոդը]

http://armlur.am/275615/