Ադոլֆ Դասլեր

Վիքիպեդիայից՝ ազատ հանրագիտարանից
Ադոլֆ Դասլեր
Adi.dassler Skulptur.jpg
Ծնվել է նոյեմբերի 3, 1900({{padleft:1900|4|0}}-{{padleft:11|2|0}}-{{padleft:3|2|0}})[1]
Ծննդավայր Հերցոգենաուրախ, Էրլանգեն Հյոխշտադ, Միջին Ֆրանկոնիա, Բավարիա, Գերմանական կայսրություն
Մահացել է սեպտեմբերի 6, 1978({{padleft:1978|4|0}}-{{padleft:9|2|0}}-{{padleft:6|2|0}})[1] (77 տարեկանում)
Մահվան վայր Հերցոգենաուրախ, Էրլանգեն Հյոխշտադ, Միջին Ֆրանկոնիա, Բավարիա, Գերմանիայի Ֆեդերատիվ Հանրապետություն
Քաղաքացիություն Flag of Germany.svg Գերմանիա
Մասնագիտություն ձեռնարկատեր և քաղաքական գործիչ
Քաղաքական կուսակցություն Նացիոնալ-սոցիալիստական ​​գերմանական բանվորական կուսակցություն
Պարգևներ և
մրցանակներ
«Վաստակների համար» բավարիական շքանշան
Երեխաներ Horst Dassler
Adi Dassler Վիքիպահեստում

Ադոլֆ (Ադի) Դասլեր (գերմ.՝ Adolf (Adi) Dassler; 1900 թվական նոյեմբերի 3, Հերցոգենաուրախ, — 1978 թվական սեպտեմբերի 6, Հերցոգենաուրախ ), գերմանացի ձեռնարկատեր, Ադիդաս ընկերության հիմնադիր:

Մանկություն, պատանեկություն, բիզնես[խմբագրել | խմբագրել կոդը]

Ծնվել է ոչ հարուստ ընտանիքում: Մասնագիտությամբ կոշկակար էր, (մասնագիտությունը ժառանգել էր հորից, մայրը լվացարարուհի էր) արդեն առաջին համաշխարհային պատերազմից հետո Ադոլֆը հոր` Կրիստոֆ Դասլերի օգնությամբ սկսեց արտադրել սպորտային կոշիկներ: Նրա գործընկերներն էին Ցելեյն եղբայրները, նրանք դարբին էին և ստեղծեցին մարզակոշիկների ներբանների պայտասեպերը: 1923 թվականին Ադոլֆը իր ֆիրմա հրավիրեց ավագ եղբորը` Ռուդոլֆին: 1924 թվականի հուլիսի 1ին Ռուդոլֆ և Ադոլֆ եղբայրները բացեցին Gebrüder Dassler կոշիկի ֆիրման, որը դարձավ շատ հաջողակ: Ադոլֆը զբաղվում էր արտադրության հարցերով, Ռուդոլֆը` վաճառքով: Արդեն 1928 թվականի օլիմպիական խաղերի ժամանակ որոշ մարզիկներ հանդես եկան Դասլերի մարզակոշիկներով: 1933 թվականի մայիսի 1-ին երկու եղբայրները ընդգրկվեցին Նացիոնալ սոցիալիստական գերմանական աշխատանքային կուսակցության մեջ: Շուտով եղբայրների հարաբերությունները վատացան և 1948 թվականին նրանք բաժանեցին ֆիրման: Ադոլֆը ստեղծեց Ադիդաս ֆիրման, իսկ Ռուդոլֆը` Պումա ընկերությունը: 1978 թվականի օգոստոսի 18ին Ադոլֆը ունեցավ ուղեղի կաթված և մահացավ սեպտեմբերի 6ին:

Անձնական հատկանիշներ[խմբագրել | խմբագրել կոդը]

Դասլերը կոմերցիոն հաջողությունները դասեց երկրորդ տեղում: Առաջին տեղում նրա անզուսպ սերն էր դեպի սպորտը: Նա շատ ակտիվ մարդ է եղել: 75 տարեկանում թենիս է խաղացել և լողացել է լողավազանում: Ֆիրմայի գործերով զբաղվել է մինչև մահ: Նրա հետաքրքրություններից մեկը եղել է ֆուտբոլային մարզակոշիկների ձևավորումը: Նրան է պատկանում փոփոխվող պայտասեպերով ֆուտբոլային մարզակոշիկների ստեղծումը: 1954 թվականի աշխարհի առաջնության ժամանակ Դասլերը պատասխանատու էր Գերմանիայի ֆուտբոլի հավաքականի հանդերձանքի համար:

Հուշարձան[խմբագրել | խմբագրել կոդը]

2006 թվականի մայիսին « Ադիդաս» ֆիրմայի հիմնադրի հայրենի Հերցոգենաուրախ (Բավարիա) քաղաքում բացվեց Ադի Դասլերի բրոնզյա հուշարձանը: Քանդակագործն էր Իոսիֆ Տաբաչնիկը: Ադի Դասլերը նստած էր իր անունով մարզադաշտի երկրորդ շարքում` մարդկանց մեջ: Էներգիայով լեցուն, կրքոտ, չվհատվող, ուժերով լեցուն, հասարակ կոշկակար, ով դարձավ միլիոնատեր, ձեռքին բռնած է աշխարհը նվաճած ֆուտբոլային մարզակոշիկը:

Ծանոթագրություններ[խմբագրել | խմբագրել կոդը]

  1. 1,0 1,1 Person Profile // Internet Movie Database — 1990.

Գրականություն[խմբագրել | խմբագրել կոդը]

  • Смит, Барбара. Adidas или Puma? Борьба братьев за мировое лидерство. / Пер. с нем. И. Каневской. — М.: ЗАО «Олимп-Бизнес», 2012. — 392 с.: ил. — ISBN 978-5-9693-0198-6.

Արտաքին հղումներ[խմբագրել | խմբագրել կոդը]