Աբել Ռամիրես Ագիլար

Վիքիպեդիայից՝ ազատ հանրագիտարանից
Jump to navigation Jump to search
Աբել Ռամիրես Ագիլար
իսպ.՝ Abel Ramírez Águilar
Olimpic Prix.jpg
Ծնվել էմայիսի 22, 1943(1943-05-22) (76 տարեկան)
ՔաղաքացիությունFlag of Mexico.svg Մեքսիկայի Միացյալ Նահանգներ
ԿրթությունEscuela Nacional de Pintura, Escultura y Grabado "La Esmeralda"
Մասնագիտություննկարիչ և քանդակագործ
Abel Ramírez Aguilar Վիքիպահեստում

Աբել Ռամիրես Ագիլար (իսպ.՝ Abel Ramírez Águilar, մայիսի 22, 1943(1943-05-22)), մեքսիկացի քանդակագործ, ով ԱՄՆ-ում, Կանադայում, Ճապոնիայում, Եվրոպայում փայտե քարե, մետաղե, սառցե և ձյունե քանդակների համար արժանացել է տարբեր մրցանակների։ Սովորել է Մեքսիկայում և Նիդերլանդներում, 1960 թվականից մասնակցել է անհատական և խմբակային ցուցահանդեսների։ Ձյունե և սառցե քանդակներով սկսել է զբաղվել 1980-ական թվականներին Քվեբեկ այցելությունից հետո, նախ սիրողական, ապա՝ պրոֆեսիոնալ։ 1992 թվականի ձմեռային օլիպիական խաղերի ժամանակ ներկայացել է ձյունե և սառցե քանդակներով և արժանացել է ոսկե մեդալի։

Կենսագրություն[խմբագրել | խմբագրել կոդը]

Ռամիրեսը և նրա ստեղծած քանդակը Ճապոնիայում

Աբել Ռամիրես Ագիլերը ծնվել է Մեխիկոյում[1]: Արվեստի նկատմամբ հետաքրքրությունն ու տաղանդն ի հայտ է եկել վաղ տարիքից[2]:

Ստացել է ճարտարապետական կրթություն։ Քանդակագործություն ուսանել է 1958, 1963, 1967 և 1968 թվականներին "La Esmeralda" գեղանկարչության, քանդակագործության և փորագրության ազգային դպրոցում, Խոսե Չավես Մորադոյի դասարանում, 1958-1963 թվականներին կերամիկա, ապակեգործություն և ջնարակ է սովորել Մեխիկոյի դիզայնի և արհեստների ազգային դպրոցում[1][3]: 1962 թվականին կրթաթոշակ է ստացել սովորելու Ռոդ Այլենդի դիզայնի դպրոցում[1]:

Ռամիրեսը հմուտ ջրասուզակ է, գրանցված մարզիչ և Ստորջրյա գործունեության մեքսիկական ֆեդերացիայի հիմնադիր[4]: Նա Մեքսիկայում առաջինն է կատարել ստորջրյա լուսանկարներ, երբ երկրում դեռևս ստորջրյա անհրաժեշտ սարքավորումներ չկային կառավարության կողմից ներմուծման արգելքների պատճառով[5]: Ռամիրեսը ստորջրյա լուսանկարների բազմաթիվ ցուցահանդեսներ է ունեցել Մեքսիկայում և արտերկրում[6]: 1975 թվականին Համաշխարհային ստորջրյա ֆեդերացիայի կողմից Ստոկհոլմում ստորջրյա լուսանկարչության համար արժանացել է Գրան պրի մրցանակի[1][5]:

Polonia Mislanice 2004.jpg

Գեղանկարների և քանդակների բազմաթիվ ցուցահանդեսներից հետո 1979 թվականին Հոլանդիայի կառավարության կողմից ստանում է Հաագայի գեղարվեստի թագավորական ակադեմիայում սովորելու կրթաթոշակ[2][7]: 1980-1981 թվականներին Հաագայում միաժամանակ հրավիրվում է աշխատելու Ինգրիդ Ռոլեմա արտիստիկ հիմանդրամում[1]:

Lili Ham. Olímpic 3.jpg

Մինչև 1980 թվականը Ռամիրեսը երբևէ ձյունով չի աշխատել։ Քվեբեկ կատարած այցելությունից հետո նա տարվում է ձյունե և սառցե քանդակներով։ Ձյունե և սառցե քանդակների բնագավառում ձեռք է բերում նոր քանդակագործ ընկերներ և սիրողական մակարդակով սկսում զբաղվել դրանով, այնուհետև կատարելագործվում է այդ բնագավառում[8][9]:

Բնակվում է Մեխիկոյում։

Ռամիրեսն անհատական և խմբակային ցուցահանդեսների է մասնակցել ավանդական փայտե, քարե աշխատանքներով, ավելի ուշ՝ ձյունե և սառցե քանդակներով[1] մի շարք երկրներում՝ Շվեդիա, Նորվեգիա, Ֆինլանդիա, Ֆրանսիա, Կանադա, ԱՄՆ, Ճապոնիա, Կոլումբիա, Արգենտինա, Շոտլանդիա, Լեհաստան, Հունգարիա, Բանգլադեշ[2][7]: Մեքսիկայում ամեն տարի մասնակցում է մետաաղե, քարե, փայտե քանդակների ցուցահանդեսների, ինչպես նաև Տուլտեպեկի քանդակագործության սիմպոզիումին, Օախակայի միջազգային փառատոնին, Մադերայի քանդակագործության ազգային մրցույթին և այլն[1]:

Արգենտինայի Վիլյա Կառլոս Պաս քաղաքի տուրիստական համալիրի լսարանը 1998 թվականին անվանվել է Ռամիրեսի անունով[1]: 1998 թվականից անդամակցում է Մեքսիկայի գեղարվեստի սրահին, 2001 թվականին արժանացել է El Tlacuilo մեդալի։ Անդամակցում է նաև Մեքսիկայի նկարիչների միությանը[1][2]:

Ծանոթագրություններ[խմբագրել | խմբագրել կոդը]

  1. 1,0 1,1 1,2 1,3 1,4 1,5 1,6 1,7 1,8 «Curriculum» [Resume] (Spanish)։ Mexico City: Abel Ramírez։ Վերցված է հոկտեմբերի 10, 2012 
  2. 2,0 2,1 2,2 2,3 «Semblanza» [Profile] (Spanish)։ Mexico City: Abel Ramírez։ Վերցված է հոկտեմբերի 10, 2012 
  3. «Alumno de Chavez Morado» [Student of Chávez Morado]։ Reforma (Spanish) (Mexico City)։ հունիսի 4, 2001։ էջ 1 
  4. «Tendría Veracruz una nueva estatua» [Veracruz will have a new statue]։ Agenciá Imagen del Golfo (Spanish) (Veracruz)։ նոյեմբերի 1, 2010։ Վերցված է հոկտեմբերի 10, 2012 
  5. 5,0 5,1 Maria Antonieta de Alba (հոկտեմբերի 15, 1975)։ «Cinco Medallas de Plata Para México Antes de los Panamericanos» [Five Silver Medals for Mexico Before the Panamerican Games]։ Novedades (Spanish) (Mexico City)։ էջ B5 
  6. «Las Bellezas del Fondo del mar y el Arte Fotográfico» [The Beauties of the Bottom of the Sea and Photographic Art]։ El Sol de México (Spanish) (Mexico City)։ հունիսի 24, 1979։ էջեր 5–6 
  7. 7,0 7,1 Patricia Rosales։ «Entrevista Abel Rasmírez Aguilar» [Interview with Abel Ramírez Aguilar] (Spanish)։ Mazatlan, Mexico: Mazatlan Interactivo։ Վերցված է հոկտեմբերի 10, 2012 
  8. Edgar Alejandro Hernandez (հունիսի 4, 2001)։ «Pueblito los deja 'helados'» [Small town leaves them "frozen"]։ Palabra (Spanish) (Saltillo, Mexico)։ էջ 6 
  9. «A snow sculptor? Si!»։ McClatchy - Tribune Business News (Washington)։ հունվարի 27, 2007։ էջ 1