Տիգրան Լևոնյան

Տիգրան Լևոնյան
հայ օպերային երգիչ, օպերային ռեժիսոր, կինոռեժիսոր, դերասան
ԱԱՀ՝	Լևոնյան (Խանդիկյան) Տիգրան Լևոնի
Ծննդյան օր՝	դեկտեմբերի 14, 1936 (1936-12-14)
Ծննդավայր՝	Բեյրութ
Վախճանի օր՝	25.06.2004
Վախճանի վայր՝	Երևան

Տիգրան Լևոնի Լևոնյան (Խանդիկյան) (1936 դեկտեմբերի 14, Բեյրութ — 2004 հունիսի 25, Երևան), հայ օպերային երգիչ (դրամատիկական տենոր), օպերային ռեժիսոր, կինոռեժիսոր, դերասան։ 1984-ից` ՀՀ ժողովրդական արտիստ։

1946-ին ծնողների հետ հայրենադարձվել է։ 1958-ին ավարտել է Երևանի թատերական ինստիտուտը։ 1977-ին ավարտել է Մոսկվայի թատերարվեստի ինստիտուտի օպերային ռեժիսուրայի բաժինը։ Երգեցողական արվեստն ուսանել է ապագա կնոջ` Գոհար Գասպարյանի մոտ։ Ստաժավորվել է Միլանի հռչակավոր «Լա Սկալա» թատրոնում։ 1962-ից` Երևանի օպերայի և բալետի ազգային ակադեմիական թատրոնի մեներգիչ։ 1970—77-ին միաժամանակ` ռեժիսոր, 1977-ից` գլխավոր ռեժիսոր, 1991—99-ին նաև գեղարվեստական ղեկավար։ Եղել է Երևանի պետական կոնսերվատորիայի պրոֆեսոր։

Դերերգերը

• Սարո (Ա. Տիգրանյանի «Անուշ»)
• Տիրիթ (Տ. Չուխաճյանի «Անուշ»)
• Մանրիկո (Ջ. Վերդիի «Տրուբադուր»)
• Օթելլո (Ջ. Վերդիի «Օթելլո»)

Բեմադրությունները օպերայում

• 1974, 1978 — Ջոակինո Ռոսինիի «Սևիլիացի սափրիչը»
• 1974, 1981 — Արմեն Տիգրանյանի «Դավիթ Բեկ»
• 1984 — Տիգրան Չուխաճյանի «Արշակ Բ»
• 1986 — Ջակոմո Պուչչինիի «Չիո-Չիո-Սանը»
• 1987, 1992 — Տիգրան Չուխաճյանի «Լեբլեբիջի Հոր-հոր աղա» («Կարինե»)
• 1993 — Գաետանո Դոնիցետիի «Պողիկտոս»
• 1994 — Արմեն Տիգրանյանի «Անուշ»
• 1995 — Ջուզեպպե Վերդիի «Օթելլոն»
• 1996 — Ռուջերո Լեոնկավալոյի «Պայացներ»

Տիգրան Լևոնյանը կինոյում

• 1968 — «Կարինե» կինոնկարում (ռեժ.` Արման Մանարյան) խաղացել է Մարգարի դերը, կատարել նաև Արմենի դերերգը
• 1983 — «Անուշ» ֆիլմ-օպերայում (բեմադրող ռեժ.` Մարատ Վարժապետյան) կատարել է Սարոյի դերերգը
• 1988 — իր բեմադրած «Արշակ Երկրորդ» կինոնկարում կատարել է Արշակի դերը, նաև կատարել է Տիրիթի դերերգը, նաև ֆիլմի սցենարի հեղինակն է
• 1986 — սեփական սցենարով բեմադրել է «Ալմաստ» ֆիլմ-օպերան
• 1986 — «Օտար խաղեր» կինոնկարի սցենարի համահեղինակն է
• 1997 — «Հարսնացուն Ջերմուկից» ֆիլմում (ռեժ.` Ս. Բաբայան) կատարել է դերերից մեկը

Ընտանիքը

Տիգրան Լևոնյանը կնոջ` ԽՍՀՄ ժողովրդական արտիստուհի Գոհար Գասպարյանի հետ:

Կինն էր օպերային մեծանուն երգչուհի Գոհար Գասպարյանը (1924-2007)։

Աղբյուրներ

• Հայկական համառոտ հանրագիտարան, 4 հատորով, հ. 2, էջ 434—435, 1995