Հովհաննես Դավթյան (ձյուդոիստ)
- Վիքիպեդիայում կան հոդվածներ Դավթյան ազգանունով այլ մարդկանց մասին։
| Հովհաննես Դավթյան | |
|---|---|
| Անձնական տեղեկություն | |
| Սեռ՝ | արական |
| Մասնագիտացում՝ | ձյուդոիստ |
| Երկիր՝ |  Հայաստան |
| Ծննդյան ամսաթիվ՝ | նոյեմբերի 25, 1983 (40 տարեկան) |
| Ծննդավայր՝ | Լենինական, Հայկական ԽՍՀ, ԽՍՀՄ |
| Քաշ՝ | 60 կիլոգրամ |
Հովհաննես Ժորայի Դավթյան (նոյեմբերի 25, 1983, Լենինական, Հայկական ԽՍՀ, ԽՍՀՄ), հայ ձյուդոիստ, Հայաստանի չեմպիոն և գավաթակիր, աշխարհի գավաթի քառակի արծաթե և կրկնակի բրոնզե մրցանակակիր, աշխարհի սուպերգավաթի կրկնակի չեմպիոն և բրոնզե մեդալակիր։ «Մեծ սաղավարտի» չեմպիոն և արծաթե մրցանակակիր, Եվրոպայի առաջնության կրկնակի արծաթե մրցանակակիր, Եվրոպայի գավաթի արծաթե մրցանակակիր, մի քանի միջազգային մրցույթների հաղթող և մրցանակակիր, 2008, 2012 և 2016 թվականների Օլիմպիական խաղերի մասնակից։ Դասվել է 21-րդ դարի Հայաստանի լավագույն ձյուդոիստների շարքին։
Կենսագրություն[խմբագրել | խմբագրել կոդը]
Հովհաննես Դավթյանը ծնվել է 1983 թվականի։ 12 տարեկանից զբաղվել է ձյուդոյով։ Նրա մարզիչը եղել է Կարեն Սիմոնյանը։ Ամուսնացած է, ունի մեկ որդի[1]։
Մարզական կարիերա[խմբագրել | խմբագրել կոդը]
2005 թվական[խմբագրել | խմբագրել կոդը]
Առաջին միջազգային արենայում կայացած մրցաշարը 2005 թվականին էր՝ Թբիլիսիում տեղի ունեցած աշխարհի գավաթի ժամանակ, որտեղ Հովհաննեսը գրավեց 5-րդ տեղը։ Նույն թվականի մարտին Տալլինում տեղի ունեցած մրցաշարում նա արծաթե մեդալ նվաճեց։ 2005 թվականի հոկտեմբեր և նոյեմբեր ամիսներին Եվրոպայի առաջնությանը նախապատրաստվելու ժամանակ Դավթյանը երկրորդ տեղն է զբաղեցրել Շվեդիայում անցկացված միջազգային մրցաշարում։ Կիևում կայացած Եվրոպայի պատանեկան առաջնությունում Դավթյանը 5-րդ տեղն է զբաղեցրել։
2006 թվական[խմբագրել | խմբագրել կոդը]
2006 թվականը Հովհաննես Դավթյանի համար մարզական առումով անհաջող տարի էր։ Մարտ ամսին Պրահայում տեղի ունեցած աշխարհի գավաթի մրցաշարում նա կորցրել է վճռական մարտում հաղթանակը։ Հետագայում հնարավորություն է ունեցել պայքարը շարունակել բրոնզի համար, սակայն նրան միայն հաջողվել է գրավել 5-րդ տեղը[2]։
2007 թվական[խմբագրել | խմբագրել կոդը]
2007 թվականը Հովհաննես Դավթյանի համար հաջողությամբ է սկսել։ Հունվարին Թբիլիսիում կայացած աշխարհի գավաթի մրցաշարի ժամանակ Հովհաննեսը գրավել է 3-րդ տեղը։ Փետրվարի սկզբին Փարիզում կայացած աշխարհի սուպեր գավաթի մրցաշարում նա գրավել է 5-րդ տեղը։ Մի քանի ամիս անց, փետրվարի վերջին Փարիզում կայացած աշխարհի սուպեր գավաթի մեկ այլ մրցաշարում Հովհաննես Դավթյանը միջազգային մրցաբեմում նվաճեց իր առաջին ոսկե մեդալը։ Ապրիլին Բելգրադում կայացած Եվրոպայի առաջնության ժամանակ Դավթյանը գրավել է երկրորդ տեղը։ Մեկ ամիս անց Մոսկվայում կայացած աշխարհի սուպեր գավաթի մեկ այլ մրցաշարում Հովհաննես Դավթյանը նվաճել է ոսկե մեդալ և զբաղեցրել առաջին տեղը։ Տարեվերջին Երևանում և Թեհրանում կայացած միջազգային մրցաշարերում նա գրավել է երկրորդ տեղը։
2008 թվական[խմբագրել | խմբագրել կոդը]
Տարեսկզբին Թբիլիսիում կայացած աշխարհի գավաթի մրցաշարում Հովհաննեսը գրավել է 5-րդ տեղը։ Փետրվարի սկզբին Փարիզում կայացած աշխարհի սուպեր գավաթի մրցաշարում եղել է 7-րդը։ Փետրվարի վերջին Համբուրգում տեղի ունեցած աշխարհի սուպեր գավաթի մեկ այլ մրցաշարում գրավել է երրորդ տեղը։ Լիսաբենում կայացած Եվրոպայի առաջնության ժամանակ գրավել է 7-րդ տեղը։ Նույն թվականին ընդգրկվել է Հայաստանի հավաքականի կազմում և մասնակցել Պեկինի Օլիմպիական խաղերին։ Օլիմպիական խաղերի ժամանակ առաջին մրցափուլում հաղթել է կուբացի Իյոսմանին Պիկերային, սակայն երկրորդ մրցափուլում պարտվել է հարավկորեացի Կիմ Կյոն Չինին։
2009 թվական[խմբագրել | խմբագրել կոդը]
Փետրվարի 28-ին Վարշավայում տեղի ունեցած աշխարհի գավաթի մրցաշարում Հովհաննեսը գրավել է երկրորդ տեղը։ Մայիսին եղել է Մոսկվայում կայացած «Մեծ սաղավարտ» մրցաշարի հաղթող։ Օգոստոսին Ռոտերդամ աշխարհի առաջնությունում եղել է 3-րդը։ Դրանից հետո հաղթող է ճանաչվել Հայաստանի առաջնությունում։ Տարեվերջին մասնակցել է Տոկիոյում կայացած «Մեծ սաղավարտ» մրցաշարին և գրավել 5-րդ տեղը։
2010 թվական[խմբագրել | խմբագրել կոդը]
2010 թվականի մարտին Հովհաննես Դավթյանը նվաճում է Հայաստանի գավաթը։ Այնուհետև Վիեննայում կայացած Եվրոպայի առաջնությունում գրավում է 5-րդ տեղը։ Նոյեմբերին Աբու-Դաբիիում կայացած Գրան-Պրի մրցաշարում զբաղեցնում է 3-րդ տեղը։
2011 թվական[խմբագրել | խմբագրել կոդը]
Հունվարի վերջին Թբիլիսիում կայացած աշխարհի գավաթի մրցաշարում Հովհաննեսը գրավում է 3-րդ տեղը։ Փետրվարի սկզբին Փարիզում տեղի ունեցած «Մեծ սաղավարտ» մրցաշարում նա գրավում է երկրորդ տեղը։ Մեկ շաբաթ անց Բուդապեշտում տեղի ունեցած աշխարհի գավաթի մրցաշարում նա գրավում է երկրորդ տողը։ Փետրվարի 19-ին Դյուսելդորֆում կայաացած Գրան-Պրի մրցաշարում Հովհաննես Դավթյանը գրավում է 5-րդ տեղը։ Փետրվարի վերջին Վարշավայի աշխարհի գավաթի մրցաշարի ժամանակ հայազգի մարզիկը գրավում է երկրորդ տեղը։ Մայիսին՝ Մոսկվայի Գրան-Պրի մրցաշարում նա նորից զբաղեցնում է 5-րդ հորիզոնականը, իսկ օգոստոսին Փարիզի աշխարհի առաջնության ժամանակ 7-րդն է լինում։ Հենաց այդ տարին համապատասխան գործակցային միավորներ է հավաքում և իրավունք ստանում մասնակցելու 2012 թվականի Լոնդոնի Օլիմպիական խաղերին[3]։
2012 թվական[խմբագրել | խմբագրել կոդը]
2012 թվականի փետրվարի 4-ին Փարիզի «Մեծ սաղավարտի» ժամանակ Հովհաննես Դավթյանը գրավել է 7-րդ տեղը։ Դրանից հետո Չելյաբինսկի Եվրոպայի առաջնությan ժամանակ Դավթյանը մարտը տանուլ է տալիս ռուս ըմբշամարտիկ Բեսլան Մուդրանովին (մարզիչ՝ Ռուդոլֆ Բաբայան)[4] և գրավում երկրորդ տեղը[5]։ Հունիսին Պրահայում աշխարհի գավաթի մրցաշարի ժամանակ Հովհաննեսը նորից զբաղեցնում է երկրորդ հորիզոնականը, իսկ Լոնդինի Օլիմպիական խաղերի ժամանակ 5-րդ։
2015 թվական[խմբագրել | խմբագրել կոդը]
Մայիսի 2-ին Զագրեբում կայացած Գրան-Պրի մրցաշարում Հովհաննես Դավթյանը նվախում է ոսկե մեդալ[6][7] և իրավունք է ստանում մասնակցելու 2016 թվականի Ռիո դե Ժանեյրոյի Օլիմպիական խաղերին։ Ռիո դե Ժանեյրոյում հայազգի մարզիկը 1/8 եզրափակչում պարտվում է Բեսլան Մուդրանովին և դուրս մնում հետագա պայքարից[8]։
Հիմնական մրցաշարերը և զբաղեցրած տեղերը[խմբագրել | խմբագրել կոդը]
| Տարեթիվ | Մրցաշար | Անցկացման վայրը | Զբաղեցրած տեղը |
|---|---|---|---|
| 2005 | Աշխարհի գավաթ | Թբիլիսի | 5 |
| 2005 | Աշխարհի գավաթ | Տալլին | 2 |
| 2005 | Շվեդիայի բաց առաջնություն | Բուրոս | 2 |
| 2005 | Ֆինլանդիայի բաց առաջնություն | Վանտաա | 1 |
| 2005 | Եվրոպայի առաջնություն (մինչև 23 տարեկան) | Կիև | 5 |
| 2006 | Աշխարհի գավաթ | Պրահա | 5 |
| 2007 | Աշխարհի գավաթ | Թբիլիսի | 3 |
| 2007 | Աշխարհի սուպեր գավաթ | Փարիզ | 5 |
| 2007 | Աշխարհի սուպեր գավաթ | Համբուրգ | 1 |
| 2007 | Եվրոպայի առաջնություն | Բելգրադ | 2 |
| 2007 | Աշխարհի սուպեր գավաթ | Մոսկվա | 1 |
| 2007 | Միջազգային գավաթ | Թեհրան | 2 |
| 2007 | Միջազգային մրցաշար | Երևան | 2 |
| 2008 | Աշխարհի գավաթ Թբիլիսիի | Թբիլիսի | 5 |
| 2008 | Աշխարհի սուպեր գավաթ | Փարիզ | 7 |
| 2008 | Աշխարհի սուպեր գավաթ | Համբուրգ | 3 |
| 2008 | Օլիմպիական խաղեր | Պեկին | դուրս է մնացել երկրորդ մրցաշարից հետո |
| 2008 | Եվրոպայի առաջնություն | Լիսսաբոն | 7 |
| 2009 | Աշխարհի գավաթ | Վարշավա | 2 |
| 2009 | Մեծ սաղավարտ | Մոսկվա | 1 |
| 2009 | Աշխարհի առաջնություն | Ռոտերդամ | 3 |
| 2009 | Հայաստանի առաջնություն | Երևան | 1 |
| 2009 | Մեծ սաղավարտ | Տոկիո | 5 |
| 2010 | Հայաստանի գավաթ | Երևան | 1 |
| 2010 | Եվրոպայի առաջնություն | Վիեննա | 5 |
| 2010 | Գրան-Պրի | Աբու-Դաբի | 3 |
| 2011 | Աշխարհի գավաթ | Թբիլիսի | 3 |
| 2011 | Մեծ սաղավարտ | Փարիզ | 2 |
| 2011 | Աշխարհի գավաթ | Բուդապեշտ | 2 |
| 2011 | Գրան-Պրի | Դյուսելդորֆ | 5 |
| 2011 | Աշխարհի գավաթ | Վարշավա | 2 |
| 2011 | Մեծ սաղավարտ | Մոսկվա | 5 |
| 2011 | Աշխարհի առաջնություն | Փարիզ | 7 |
| 2012 | Մեծ սաղավարտ | Փարիզ | 5 |
| 2012 | Եվրոպայի առաջնություն | Չելյաբինսկ | 2 |
| 2012 | Եվրոպայի գավաթ | Պրահա | 2 |
| 2012 | Օլիմպիական խաղեր | Լոնդոն | 5 |
| 2015 | Գրան-Պրի | Զագրեբ | 1 |
Ծանոթագրություններ[խմբագրել | խմբագրել կոդը]
- ↑ Լոնդոն-2012. Հայ օլիմպիականները. Հովհաննես Դավթյան
- ↑ Hovhannes Davtyan
- ↑ «Լոնդոն 2012». Արխիվացված է օրիգինալից 2017 թ․ հուլիսի 13-ին. Վերցված է 2017 թ․ հուլիսի 9-ին.
- ↑ РУДОЛЬФ БАБОЯН: "ЧЕМ ТЯЖЕЛЕЕ ЖЕРЕБЬЕВКА, ТЕМ ЛУЧШЕ БЕСЛАН МУДРАНОВ СРАЖАЕТСЯ"
- ↑ Чемпионат Европы. Мудранов и Гаданов выиграли «золото» и другие результаты
- ↑ Բաքու մեկնելուց առաջ Հովհաննես Դավթյանը հաղթեց «Գրան Պրիում»
- ↑ Judo Grand Prix Zagreb 2015 Final -60kg DAVTYAN Hovhannes (ARM) vs. ENGLMAIER Tobias (GER)
- ↑ Ռիո-2016. Հովհաննես Դավթյանը պարտություն կրեց
| ||||||
