Վարուժան Սուքիասյան

Վարուժան Գարսևանի Սուքիասյան
Անձնական տվյալներ
Ամբողջական անուն	Վարուժան Գարսևանի Սուքիասյան
Քաղաքացիությունը	Հայաստան և ԽՍՀՄ
Ծննդյան ամսաթիվ	օգոստոսի 5, 1956 (68 տարեկան)
Ծննդավայր	Երևան, Հայկական ԽՍՀ
Հասակ	181 սանտիմետր
Դիրք	Հարձակվող
Մասնագիտական կարիերա*
Մարզչական կարիերա
1989—1990	Լոռի
1992—1994	Բանանց
1995	Վան
1997	Հոմենմեն
1998—1999	Ցեմենտ
1998—1999	Հայաստան (մինչև 21)
2000	Արաքս
2000—2001	Հայաստան
2001	Սպարտակ (Երևան)
2003—2005	Հոմենմեն
2006—2007	Արարատ (Երևան)
2007—2008	Հայաստան (մինչև 21)
2008	Արարատ (Երևան)
2010	Իմպուլս
2015	Արարատ (Երևան)
2015—2016	Հայաստան
2018	Ալաշկերտ
	* Մասնագիտական կարիերայում ընդգրկված են միայն առաջնության խաղերը և գոլերը:

Վիքիպեդիայում կան հոդվածներ Սուքիասյան ազգանունով այլ մարդկանց մասին։

Վարուժան Գարսևանի Սուքիասյան (օգոստոսի 5, 1956(1956-08-05), Երևան, Հայկական ԽՍՀ, ԽՍՀՄ), հայազգի ֆուտբոլային մարզիչ, նախկին ֆուտբոլիստ^[2]։ 2015 թվականի դեկտեմբերի 10-ից- 2016 թվականը եղել է Հայաստանի ազգային հավաքականի գլխավոր մարզիչ^[3]։

1978-1987 թվականներին խաղացել է «Կոտայք» ֆուտբոլային ակումբում, 2015 թվականի ապրիլի 28-ից եղել է «Արարատ» ֆուտբոլային ակումբի մարզիչ։ Ֆուտբոլիստ Երվանդ Սուքիասյանի եղբայրն է։

Ակումբային կարիերա

1978 թվականից մինչև 1987 թվականը Վարուժան Սուքիասյանը խաղացել է «Կոտայք» ֆուտբոլային ակումբում։ Թիմի հետ նա երկրորդ լիգայից անցել է առաջին լիգա, որտեղ անցկացրել է մի քանի մրցաշրջան։

Հանդես է եկել հարձակվողի դիրքում։ 1983 թվականին 21 գոլով ճանաչվել է թիմի լավագույն ռմբարկու։

Մարզչական կարիերա

1988 թվականին Վարուժան Սուքիասյանն անցել է մարզչական գործունեության։ Սկզբում գլխավորել է «Կոտայքը», ապա «Լոռին», որը հանդես էր գալիս ԽՍՀՄ երկրորդ լիգայում։

1992 թվականին դարձել է նորաստեղծ «Բանանց» ակումբի գլխավոր մարզիչ։ Թիմի հետ միասին նա առաջին իսկ մրցաշրջանում նվաճել է արծաթե մեդալ առաջնությունում և դարձել Հայաստանի գավաթակիր։ Հաջորդ մրցաշրջանում թիմը վաստակել է բրոնզե մեդալ։ Մեկ տարի անց՝ առաջնության ավարտից հետո, որում ակումբն զբաղեցրել է 5-րդ տեղը, «Բանանցը» դադարեցրել է իր գոյությունը՝ ձուլվելով «Կոտայքին», իսկ Սուքիասյանը մնացել է առանց աշխատանքի^[4]։

Շուտով Վարուժան Սուքիասյանն ընդունել է Երևանի «Վան» ակումբի հրավերը, որտեղ աշխատել է մեկ տարի։ Բաց թողնելով մեկ մրցաշրջան՝ Սուքիասյանը վերադարձել է Աբովյան, որտեղ զբաղեցրել է մարզիչ-խորհրդատուի պաշտոն տեղի «Կոտայք» ակումբում։ Նույն թվականին նա մեկնել է Լիբանան՝ մարզելու հայկական սփյուռքի «Օմենմեն» ակումբը^[5]։

1998 թվականին Վարուժան Սուքիասյանը գլխավորել է «Ցեմենտ» ֆուտբոլային ակումբը, որի հետ կատարել է դուբլ։ Միաժամանակ նա դարձել է Հայաստանի երիտասարդական հավաքականի գլխավոր մարզիչ^[5]։ Հավաքականի հեը նա բարձր արդյունքների չի հասել, փոխարենը ակումբը խաղացել է շատ հաջող։ «Ցեմենտ» ակումբի հետ Սուքիասյանը նվաճել է նախ Գավաթը, ապա Հայաստանի առաջնության ոսկե մեդալներ, ինչն առաջինն էր և՛ ակումբի, և՛ մարզչի համար։ Հաջորդ տարի ակումբը կատարվել է հերթական դուբլը՝ հաղթելով Հայաստանի գավաթի խաղարկությունում և Սուպերգավաթի եզրափակչում առաջ անցնելով «Շիրակից» հետխաղյա 11 մետրանոցների շնորհիվ։ Առաջնությունում թիմը հանդես է եկել պակաս հաջողությամբ՝ նվաճելով բրոնզե մեդալ։ Սակայն Սուքիասյանը հեռացել է թիմից մրցաշրջանի ավարտից երկու ամիս առաջ։

Վարուժան Սուքիասյանը վերադարձել է 2000 թվականին։ Նրա գլխավորությամբ թիմը, որն արդեն կոչվում էր «Արաքս», կրկին նվաճել է ոսկե մեդալ Հայաստանի առաջնությունում։ Նույն թվականին Սուքիասյանը դարձել է Հայաստանի ազգային հավաքականի գլխավոր մարզիչ՝ այդ պաշտոնն զբաղեցնելով գրեթե երկու տարի։ Սակայն հավաքականի հետ նա առանձին ձեռքբերումներ չի ունեցել և 2001 թվականի հոկտեմբերին Նորվեգիայի հավաքականի դեմ տնային խաղում կրած պարտությունից հետո հեռացել է պաշտոնից^[6]։

2001 թվականի ապրիլին Վարուժան Սուքիասյանը վերադարձել է ակումբ, որն այդ ժամանակ արդեն կոչվում էր «Սպարտակ», և որի հետ նվաճել էր իր մարզչական կարիերայի հիմնական տիտղոսներն։ Չորս ամիս գլխավոր մարզչի պաշտոնն զբաղեցնելուց հետո Սուքիասյանը հեռացել է ակումբից։ 2003 թվականին նա կրկին գլխավորել է լիբանանյան «Օմենմենը»^[5]։

2006 թվականին Սուքիասյանը դարձել է Երևանի «Արարատ» ակումբի գլխավոր մարզիչ։ Սուքիասյանի գալուց հետո ակումբի խաղը փեխվել է, դարձել տեխնիկական, գրագետ։ Թիմը հասել է երկար սպասված հաջողությունների։ 2007 թվականին ակումբը հասել է Հայաստանի գավաթի խաղարկության եզրափակիչ, որտեղ ավելացված ժամանակում պարտվել է «Բանանցին»։ Ամռանը, երբ «Արարատը» Հայաստանի առաջնությունում զբաղեցնում էր երկրորդ տեղը, Սուքիասյանը հեռացել է ակումբից ղեկավարության հետ ունեցած տարաձայնությունների պատճառով։ Դրանով նա իր դժգոհությունն է հայտնել ղեկավարության գործողություններից, որն ակումբ էր հրավիրել սերբ Դուշան Միյիչին։ Վերջինս էլ արդյունքում փոխարինել է Սուքիասյանին^[7]^[8]։

Մեկ տարուց քիչ ժամանակում գլխավորել է Հայաստանի երիտասարդական հավաքականը։ 2008 թվականի մարտին վերադարձել է «Արարատ»։ Նրա գլխավորությամբ ակումբը դարձել է Հայաստանի գավաթակիր, իսկ առաջնության եզրափակչում պարտվել է ավելացված ժամանակում^[7]^[9]։ Հանդիպումից հետո մամուլում տպագրվել է Սուքիասյանի խոսքը, որում նա խղի գլխավոր մարզիչ մեղադրել է հանդիպումից հետո իր նկատմամբ ֆիզիկական ուժ կիրառելու մեջ^[փա՞ստ]։ Տարվա վերջին Սուքիասյանը հեռացել է «Արարարտից» ղեկավարության հետ ունեցած տարաձայնությունների պատճառով։

2009 թվականի փետրվարի 3-ին հայկական մարզական մամուլում լուրեր են տարածվել «Իմպուլս» ակումբի վերստեղծման վերաբերյալ։ Ակումբի փոխնախագահ և մարզչական շտաբի ղեկավար է դարձել Վարուժան Սուքիասյանը, որը հետագայում դարձել է նաև ակումբի սելեկցիոներ։ Նրա օգնությամբ Դիլիջանի ակումբը նվաճել է փոքր ոսկե մեդալներ Հայաաստանի առաջին լիգայի առաջնությունում։ 2010 թվականի սկզբին Սուքիասյանը դարձել է «Իմպուլսի» գլխավոր մարզիչ։ Նրա գլխավորությամբ ակումբը կատարել է իր նորամուտը Հայաստանի գավաթի խաղարկությունում և Պրեմիեր լիգայում։ Սակայն գավաթի խաղարկությունում երկու անգամ նվազագույն հաշվով պարտվել է «Փյունիկին», որը շարունակել է պայքարը^[10], իսկ առաջնությունում կրել է երկու խոշոր պարտություն^[11]։ Առաջնության սկզբում կրած անհաջողությունից հետո ակումբը շտկել է դրությունը, սակայն ընդհանուր առմամբ եղել են բազմաթիվ խնդիրներ։ Առաջատարների դեմ խաղերում ակումբի հաջողություն չի ունեցել։ Ակումբի ղեկավարությունը որոշել է Վարուժան Սուքիասյանին հեռացնել գլխավոր մարզչի պաշտոնից և նրա փոխարեն նշանակել Արմեն Գյուլբուդաղյանցին^[12]^[13]։ Հուլիսի վերջին հայտնի է դարձել, որ Սուքիասյանը հեռանում է ֆուտբոլից։ Նա աշխատանքի է անցել Երևանի քաղաքապետարանում։

2014 թվականի հունիսի 10-ին Վարուժան Սուքիասյանը նշանակվել է «Ալաշկերտ» ֆուտբոլային ակումբի փոխնախագահ։

2015 թվականի ապրիլի 28-ին դարձել է «Արարատ» (Երևան) ակումբի գլխավոր մարզիչ։ Նույն թվականի դեկտեմբերի 10-ին դարձել է Հայաստանի հավաքականի գլխավոր մարզիչ։

Ձեռքբերումներ

Հայաստան
- Հայաստանի չեմպիոն – 1998, 2000
- Հայաստանի առաջնության արծաթե մեդալակիր – 1992, 2008
- Հայաստանի առաջնության բրոնզե մեդալակիր – 1993, 1999
- Հայաստանի գավաթակիր – 1992, 1998, 1999, 2008
- Հայաստանի գավաթի խաղարկության եզրափակչի մասնակից – 2007
- Հայաստանի սուպերգավաթակիր – 1998

Ծանոթագրություն

↑ 1982-1987 մրցաշրջանների արդյունքները։ Մյուս մրցաշրջանների մասին տվյալներ չկան։
↑ «Վարուժան Սուքիասյան, 05/08/1956». Արխիվացված է օրիգինալից 2015 թ․ հուլիսի 24-ին. Վերցված է 2015 թ․ հուլիսի 31-ին.
↑ Վարուժան Սուքիասյանը նշանակվեց Հայաստանի ազգային հավաքականի գլխավոր մարզչի պաշտոնում
↑ История ФК «Бананц» Արխիվացված 2018-09-26 Wayback Machine(ռուս.)
↑ ^5,0 ^5,1 ^5,2 Варужан Сукиасян: мы не фавориты Արխիվացված 2016-06-02 Wayback Machine(ռուս.)
↑ Профиль Варужана Сукиасяна на armfootball.tripod.com(անգլ.)
↑ ^7,0 ^7,1 Сукиасян покидает «Арарат»(ռուս.)
↑ ТОВАРИЩЕСКИЕ МАТЧИ Արխիվացված 2022-06-30 Wayback Machine(ռուս.)
↑ Соперник «Рубина» по Кубку Содружества остался без тренера(ռուս.)
↑ Кубок Армении 2010(ռուս.)
↑ Армения. Высшая лига(ռուս.)
↑ Варужана Сукиасяна заменил Армен Гюлбудагянц Արխիվացված 2010-06-14 Wayback Machine(ռուս.)
↑ Армен Гюльбудагянц назначен главным тренером «Импульса» Արխիվացված 2014-01-08 Wayback Machine(ռուս.)

Արտաքին հղումներ

[1] 1982-1987 մրցաշրջանների արդյունքները։ Մյուս մրցաշրջանների մասին տվյալներ չկան։

[2] «Վարուժան Սուքիասյան, 05/08/1956». Արխիվացված է օրիգինալից 2015 թ․ հուլիսի 24-ին. Վերցված է 2015 թ․ հուլիսի 31-ին.

[3] Վարուժան Սուքիասյանը նշանակվեց Հայաստանի ազգային հավաքականի գլխավոր մարզչի պաշտոնում

[4] История ФК «Бананц» Արխիվացված 2018-09-26 Wayback Machine(ռուս.)

[biografy-5] 5,0 ^5,1 ^5,2 Варужан Сукиасян: мы не фавориты Արխիվացված 2016-06-02 Wayback Machine(ռուս.)

[6] Профиль Варужана Сукиасяна на armfootball.tripod.com(անգլ.)

[sukiasyan-7] 7,0 ^7,1 Сукиасян покидает «Арарат»(ռուս.)

[8] ТОВАРИЩЕСКИЕ МАТЧИ Արխիվացված 2022-06-30 Wayback Machine(ռուս.)

[9] Соперник «Рубина» по Кубку Содружества остался без тренера(ռուս.)

[10] Кубок Армении 2010(ռուս.)

[11] Армения. Высшая лига(ռուս.)

[12] Варужана Сукиасяна заменил Армен Гюлбудагянц Արխիվացված 2010-06-14 Wayback Machine(ռուս.)

[13] Армен Гюльбудагянц назначен главным тренером «Импульса» Արխիվացված 2014-01-08 Wayback Machine(ռուս.)

[1]

[2]

[3]

[4]

[5]

[6]

[7]

[8]

[9]

[10]

[11]

[12]

[13]