Հայաստանի ֆուտբոլի Առաջին խմբի առաջնությունը Հայաստանի ֆուտբոլի երկրորդ առաջնություն է` Հայաստանի Բարձրագույն խմբից հետո։ Այն ձևավորվել է 1992 թվականին Հայաստանի ֆուտբոլի ֆեդերացիայի ստեղծման ժամանակ։ 1992-1995 թվականներին առաջնությունը անցկացվել է «գարուն-աշուն» համակարգով, 1995-96 և 1996-97 մրցաշրջաններին «աշուն-գարուն» համակարգով, 1997 թվականից մինչև 2011 թվականը կրկին «գարուն-աշուն» համակարգով, իսկ 2012-13 մրցաշրջանից սկսված վերջնականապես անցել է «աշուն-գարուն» համակարգին[1]։ Ներկայումս առաջնությունը հիմնականում բաղկացած է Բարձրագույն խմբի մի քանի ակումբների պահեստային թիմերից, սակայն ոչ պահեստային թիմեր նույնպես մասնակցում են։
