Ալեքսանդր Պետրակով

Ալեքսանդր Պետրակով ուկրաիներեն՝ Олекса́ндр Васи́льович Петрако́в
Քաղաքացիությունը	Ուկրաինա
Ծննդյան ամսաթիվ	օգոստոսի 6, 1957(1957-08-06) (67 տարեկան)
Ծննդավայր	Կիև, Ուկրաինական ԽՍՀ, ԽՍՀՄ
Դիրք	պաշտպան
Պատանեկան կարիերա
1975 Դինամո (Կիև)
Մասնագիտական կարիերա*
Տարի	Ակումբ	Խաղ	(Գոլ)
1976—1978 Լոկոմոտիվ (Վիննիցա) 69 (2) 1978—1979 ԲՄԱ (Կիև) 13 (0) 1979—1980 Դնեպր (Չեկասի) 41 (0) 1981—1982 Ավանգարդ (Ռովնո) 90 (2) 1983—1984 Կոլոս (Նիկոպոլ) 46 (0)
Մարզչական կարիերա
1993—1994 Տորպեդո (Զապորոժիե) մարզիչ 1996—1998 ԲԿՄԱ-2 (Կիև) մարզիչ 1998—1999 ԲԿՄԱ-2 (Կիև) 2000—2001 Սպարտակ (Սումի) 2001 Վիննիցա 2001—2005 Դինամո (Կիև) մարզիչ 2006—2010 ՖԿՀԲՈՒ (Կիև) մարզիչ 2010—2011 Ուկրաինա (մինչև 16) 2012 Ուկրաինա (մինչև 17) 2013 Ուկրաինա (մինչև 18) 2014 Ուկրաինա (մինչև 19) 2015 Ուկրաինա (մինչև 20) 2016 Ուկրաինա (մինչև 17) 2017 Ուկրաինա (մինչև 18) 2018 Ուկրաինա (մինչև 19) 2019 Ուկրաինա (մինչև 20) 2019 Ուկրաինա (մինչև 16) 2019—2020 Ուկրաինա (մինչև 17) 2021 Ուկրաինա (մինչև 18) 2021—2022 Ուկրաինա 2023—2024 Հայաստան
* Մասնագիտական կարիերայում ընդգրկված են միայն առաջնության խաղերը և գոլերը:

Ալեքսանդր Վասիլևիչ Պետրակով (ուկրաիներեն՝ Олекса́ндр Васи́льович Петрако́в, օգոստոսի 6, 1957(1957-08-06), Կիև, Ուկրաինական ԽՍՀ, ԽՍՀՄ), ուկրաինացի ֆուտբոլիստ և մարզիչ (ունի ՈՒԵՖԱ-ի «ՊՐՈ» կարգի դիպլոմ), Ուկրաինայի վաստակավոր մարզիչ, Ուկրաինայի ֆիզկուլտուրայի և սպորտի վաստակավոր գործիչ, մանկապատանեկան ֆուտբոլի ուկրաինացի առաջատար մասնագետներից մեկը։ Որպես մարզիչ 2019 թվականին դարձել է մինչև 20 տարեկան հավաքականների երիտասարդների աշխարհի չեմպիոն, որն Ուկրաինայի ազգային ֆուտբոլի պատմության ամենամեծ ձեռքբերումն է։ 2021 թվականի նոյեմբերի 17-ից մինչև 2022 թվականի դեկտեմբերի 31-ը եղել է Ուկրաինայի ազգային հավաքականի գլխավոր մարզիչը։ 2023 թվականի հունվարի 14-ից մինչև 2024 թվականի հոկտեմբերի 13-ը գլխավորել է Հայաստանի ազգային հավաքականը։

Կենսագրություն

Ակումբային կարիերա

Կիևի «Դինամոյի» սան է։ Ֆուտբոլիստի կարիերայի ընթացքում նա որպես պաշտպան հանդես է եկել ցածր լիգաների մի շարք ակումբներում, մասնավորապես՝ «Լոկոմոտիվում» (Վիննիցա), ԲՄԱ-ում (Կիև), «Դնեպրում» (Չերկասի), «Ավանգարդում» (Ռովնո) և «Կոլոսում» (Նիկոպոլ), որտեղ ֆուտբոլիստի 8-ամյա կարիերայի ընթացքում անցկացրել է ավելի քան 250 պաշտոնական հանդիպում (ԽՍՀՄ առաջին խումբ՝ 46 խաղ, երկրորդ խումբ՝ 213, և ԽՍՀՄ գավաթ՝ 4 պաշտոնական հանդիպում)։

Մարզչական կարիերա

Պրոֆեսիոնալ մարզչական կարիերան Պետրակովը սկսել է Զապորոժիեի «Տորպեդոյում», որտեղ 1993-1994 թվականներին եղել է մարզչական շտաբի կազմում, իսկ ավելի ուշ աշխատել է նույն պաշտոնում Կիևի ԲԿՄԱ-2-ում։ Իսկ 1998 թվականին նա գլխավորել է Կիևի բանակային երկրորդ թիմը, որն այն ժամանակ հանդես է եկել Ուկրաինայի առաջնության առաջին խմբում։ Այնուհետև նա մարզել է Ուկրաինայի երկրորդ վարկանիշային դիվիզիոնի մասնակիցներին՝ Սումիի «Սպարտակը» և «Վիննիցա» ՖԱ-ն։ Ալեքսանդր Պետրակովի հետագա կարիերան կապվել է մանկապատանեկան ֆուտբոլի հետ. սկզբում նա որպես մարզիչ աշխատել է Կիևի «Դինամոյի» մանկապատանեկան մարզադպրոցում, այնուհետև Կիևի Ֆիզիկական կուլտուրայի հանրապետական բարձրագույն ուսումնարանում (ՖԿՀԲՈՒ, այժմ՝ Իվան Պոդդուբնու անվան օլիմպիական պրոֆեսիոնալ քոլեջ)։ 2010 թվականից նա աշխատել է որպես Ուկրաինայի տարբեր պատանեկան հավաքականների գլխավոր մարզիչ, որտեղ տարբեր տարիների ուկրաինական ֆուտբոլը հասցրել է միջազգային զգալի հաջողությունների։

2019 թվականին Ուկրաինայի մինչև 20 տարեկանների հավաքականը նրա գլխավորությամբ դարձել է աշխարհի չեմպիոն։

2021 թվականի օգոստոսի 18-ին Պետրակովը նշանակվել է Ուկրաինայի ազգային հավաքականի գլխավոր մարզչի ժամանակավոր պաշտոնակատար։ 2021 թվականի նոյեմբերի 17-ին նա նշանակվել է Ուկրաինայի ազգային հավաքականի գլխավոր մարզիչ։ Պետրակովը խնդրել է իջեցնել իր աշխատավարձը, իսկ որպես գլխավոր մարզիչ ստացել է 7-8 անգամ ավելի քիչ, քան Անդրեյ Շևչենկոն՝ ասելով, որ իրեն այդքան պետք չէ. «մարդիկ չեն հասկանա»։

Նրա գլխավորությամբ Աշխարհի առաջնություն-2022-ի որակավորման փուլում Ուկրաինան խմբային փուլն ավարտել է երկու հաղթանակով և երեք ոչ-ոքիով, փլեյ-օֆֆ փուլի առաջին խաղում հաղթել է Շոտլանդիայի հավաքականին (3:1), բայց վճռորոշ խաղում 0։1 հաշվով պարտվել է Ուելսի հավաքականին և չի հայտնվել ԱԱ-2022-ի եզրափակիչ փուլում։ 2022 թվականի դեկտեմբերի 31-ին ավարտվել է Պետրակովի պայմանագիրը Ուկրաինայի հավաքականի հետ։

2023 թվականի հունվարի 14-ին նա նշանակվել է Հայաստանի ազգային հավաքականի գլխավոր մարզիչ։ Այդ պաշտոնում նա աշխատել է մինչև 2024 թվականի հոկտեմբերի 13-ը։ Այդ օրը նրա գլխավորած հավաքականը ՈՒԵՖԱ Ազգերի Լիգայի խաղում սեփական հարկի տակ 0-2 հաշվով զիջել է Հյուսիսային Մակեդոնիայի հավաքականին։ Այդ խաղից հետո ՀՖՖ-ի որոշմամբ Պետրակովը հեռացվել է աշխատաքից։

Նվաճումներ

Որպես խաղացող

• Ուկրաինական ԽՍՀ առաջնության արծաթե մեդալակիր (1)՝ 1979 թվական
• Ուկրաինական ԽՍՀ առաջնության բրոնզե մեդալակիր (2)՝ 1978, 1981 թվականներ

Որպես մարզիչ

• Երիտասարդական հավաքականների աշխարհի չեմպիոն՝ 2019 թվական
• Աշխարհի երիտասարդական առաջնության մասնակից՝ 2015 թվական (1/8 եզրափակիչ)
• Եվրոպայի երիտասարդական առաջնության մասնակից՝ 2014 (5-րդ տեղ), 2018 (3-4-րդ տեղ) թվականներ

Կոչումներ

• Ուկրաինայի ֆիզիկական կուլտուրայի և սպորտի վաստակավոր գործչի պատվավոր կոչում (2019)
• Ուկրաինայի վաստակավոր մարզիչ (2009)

Արտաքին հղումներ

• «Խաղացողի պրոֆիլ». «Історія та статистика українського футболу». Արխիվացված է օրիգինալից 2016 թ․ մարտի 4-ին. Վերցված է 6 жовтня 2014-ին. {{cite web}}: External link in |publisher= (օգնություն)
• «Խաղացողի պրոֆիլ» (рос.). «FootballFacts». Արխիվացված է օրիգինալից 6 жовтня 2014-ին. Վերցված է 6 жовтня 2014-ին. {{cite web}}: External link in |publisher= (օգնություն)CS1 սպաս․ չճանաչված լեզու (link)
• «Խաղացողի պրոֆիլ» (рос.). «Footbook». Արխիվացված է օրիգինալից 6 жовтня 2014-ին. Վերցված է 6 жовтня 2014-ին. {{cite web}}: External link in |publisher= (օգնություն)CS1 սպաս․ չճանաչված լեզու (link)
• «Խաղացողի պրոֆիլ» (рос.). «Go! Ukraine». Արխիվացված է օրիգինալից 6 жовтня 2014-ին. Վերցված է 6 жовтня 2014-ին. {{cite web}}: External link in |publisher= (օգնություն)CS1 սպաս․ չճանաչված լեզու (link)
• Олександр Петраков: тренерський шлях до Кубка світу Արխիվացված 2019-06-23 Wayback Machine [Архівовано 23 червня 2019 у Wayback Machine.]

Վիքիպահեստն ունի նյութեր, որոնք վերաբերում են «Ալեքսանդր Պետրակով» հոդվածին։