Ջորջ Հերբերտ

Ջորջ Հերբերտ; անգլ.՝ George Herbert
Ծնվել է	ապրիլի 3, 1593
Ծննդավայր	Montgomery, Montgomery, Պոուիս, Ուելս, Անգլիայի թագավորություն
Վախճանվել է	մարտի 1, 1633 (39 տարեկան)
Վախճանի վայր	Բեմերտոն, Սոլսբերի, Ուիլթշիր, Ուիլտշիր, Միացյալ Թագավորություն
Մասնագիտություն	քահանա, բանաստեղծ, գրող և քաղաքական գործիչ
Լեզու	անգլերեն
Քաղաքացիություն	Անգլիայի թագավորություն և Ուելս
Կրթություն	Թրինիթի քոլեջ և Վեսմինստերի դպրոց
Անդամակցություն	Հակոբ Ա-ի չորրորդ խորհրդարան
Ամուսին	Ջեյն Դանվերս
	George Herbert Վիքիպահեստում

Ջորջ Հերբերտ (անգլ.՝ George Herbert ապրիլի 3, 1593(1593-04-03)^[1]^[2]^[3], Montgomery, Montgomery, Պոուիս, Ուելս, Անգլիայի թագավորություն - մարտի 1, 1633(1633-03-01)^[1]^[3], Բեմերտոն, Սոլսբերի, Ուիլթշիր, Ուիլտշիր, Միացյալ Թագավորություն), անգլիացի բանաստեղծ-մետաֆիզիկ, քահանա, հոգևոր բանաստեղծության հեղինակ^[5]։

Կենսագրություն[խմբագրել | խմբագրել կոդը]

Ջորջ Հերբերտը ծնվել է բարձրաշխարհիկ և հարուստ մտավորականի ընտանիքում։ Հայրը՝ Ռոբերտ Հերբերտը^[6], կրել է իր պապի անունը, որը Վիլյամ Հերբերտի^[7] փոքր եղբայրն է եղել։ Վերջինս 1423-1469 թվականներին եղել է Պեմբրուգի առաջին կոմսը։ Մայրը եղել է Ջոն Դոննի ընկերն ու հովանավորը, ավագ եղբայրը՝ Էդվարդը, նշանավոր բանաստեղծ և փիլիսոփա-դեիստ՝ դեիզմի հետևորդ։ Համարվում է «անգլիական դեիզմի հայրը»^[8]։

Հայրը մահացել է, երբ Ջորջը երեք տարեկան էր։ Մայրը մենակ է հոգացել տասը երեխայի ընտանեկան կարիքները։ Ջորջը սովորել է Վեստմինստերի դպրոցում, այնուհետև՝ 1609-1613 թվականներին, ուսումը շարունակել է քեմբրիջյան Տրինիտի քոլեջում։ 1618 թվականից դասավանդել է ճարտասանություն Քեմբրիջի համալսարանում, իսկ 1620-1628 թվականներին եղել է համալսարանի հանրային ճարտասանը։ 1624 թվականից եղել է Պառլամենտի պատգամավոր։ Նրան հովանավորել է Անգլիայի թագավոր Հակոբ Առաջինը, բայց նա շուտով մահացել է։ 1627 թվականին մահացել է նաև Հերբերտի մայրը․ հուղարկավորութան արարողությունը գլխավորել է Ջոն Դոննը։

1630 թվականին Հերբերտը դարձել է Բիմերտոնի ծխական քահանա (Բիմերտոնը Լոնդոնից 75 մղոն հեռավորության վրա է)։ 1633 թվականին Հերբերտն ավարտել է իր «Եկեղեցի» բանաստեղծությունների ժողովածուն։ Նա ծանր հիվանդ է եղել, բայց կազմել է նաև գո րծնական ուղեցույց քահանաների համար։ Մահացել է պալարախտից՝ իր ձեռագիր «Եկեղեցի» գիրքը ավանդելով Նիկոլաս Ֆերրերիին՝անգլիկան Լիտլ Գիդենգի (Հանտինգդոնշիր) կրոնական համայնքի հիմնադրին։ Գիրքը տպագրվել է նույն՝ 1633 թվականին և մինչև 1690 թվականը հրատարակվել է ութ անգամ^[9]։

Հերբերտը նաև հունարեն և լատիներեն բանաստեղծություններ է գրել։

Հետմահու կյանք[խմբագրել | խմբագրել կոդը]

Ջորջ Հերբերտի առաջին կենսագիրը եղել է անգլիացի գրող Իսահակ Ուոլտնը։

Անգլիական եկեղեցին Հերբերտին դասել է սրբերի շարքը․ նրա հիշատակության օրը փետրվարի քսանյոթն է։

Հերբերտը գրական մեծ ազդեցություն է թողել Սամուել Քոլրիջի, Խոպկինսի, Թոմաս Սթեռնս Էլիոթի ստեղծագործությունների վրա։ Հերբերտի բանաստեղծությունների համար երաժշտություն են գրել Հենրի Պյորսելը, Ռալֆ Վոան Ուիլյամսը, Բենջամեն Բրիտտենը, Վիլյամ Ուոլտնը, Ջուդիտ Ուիրը, Նիկոլայ Սերգեևիչ Կորնդորֆը և ուրիշներ^[10]։

Ռուսական անդրադարձը Հերբերտի բանաստեղծություններին[խմբագրել | խմբագրել կոդը]

Հերբերտի բանաստեղծությունները ռուսերեն են թարգմանել Իվան Ալեքսեևիչ Լիխաչովը, Ալեքսանդր Վելիչանսկին, Գենադի Ալեքսանդրովիչ Ռուսակովը, Վիկտոր Տոպորովը, Գրիգորի Կրուժկովը, Դմիտրի Վլադիմիրովիչ Շչեդրովիցկին, Օլեգ Կոմկովը։

Հերբերտի թևավոր խոսքերից[խմբագրել | խմբագրել կոդը]

Ով ամուսնանում է հարստության համար, կորցնում է իր ազատությունը։
Ոչ մեկի չի կարելի վստահել կնոջ և զենքի ընտրությունը։
Լավն է այն տունը, ուր լավ մարդիկ են բնակվում։
Հայրն ավելին է, քան հարյուր ուսուցիչը։

Գրականություն[խմբագրել | խմբագրել կոդը]

Տասնվեցերորդ դարի առաջին կեսի անգլիական բանաստեղծություն

Ծանոթագրություններ[խմբագրել | խմբագրել կոդը]

↑ ^1,0 ^1,1 ^1,2 ^1,3 ^1,4 Bibliothèque nationale de France data.bnf.fr (ֆր.): տվյալների բաց շտեմարան — 2011.
↑ ^2,0 ^2,1 Lundy D. R. The Peerage
↑ ^3,0 ^3,1 ^3,2 ^3,3 ^3,4 Proleksis enciklopedija, Opća i nacionalna enciklopedija (хорв.) — 2009.
↑ Kindred Britain
↑ George Herbert 1593–1633 The Poetry Foundation․ 11 April 2013
↑ (անգլ.) Роберт Герберт, лорд Чёрбери на сайте thepeerage.com.
↑ (անգլ.) Сэр Уильям ап Томас на сайте thepeerage.com.
↑ Waligore, Joseph (2012). "The Piety of the English Deists: Their Personal Relationship with an Active God". Intellectual History Review. 22 (2): 181–197. doi:10.1080/17496977.2012.693742. ISSN 1749-6977.
↑ Cox, Michael, ed. (2004) The Concise Oxford Chronology of English Literature Oxford University Press. ISBN 978-0-19-860634-5
↑ George Herbert (1593-1633)The Lied and Art Song Texts Page

Արտաքին հղումներ[խմբագրել | խմբագրել կոդը]

Волкова А. Г. (2012). «Герберт Джордж». Информационно-исследовательская база данных «Современники Шекспира». Վերցված է 2012 թ․ հունիսի 9-ին.
Стихи Джорджа Херберта в переводе Д. В. Щедровицкого.

Վիքիպահեստն ունի նյութեր, որոնք վերաբերում են «Ջորջ Հերբերտ» հոդվածին։

[_40b0ca2f168d267f-1] 1,0 ^1,1 ^1,2 ^1,3 ^1,4 Bibliothèque nationale de France data.bnf.fr (ֆր.): տվյալների բաց շտեմարան — 2011.

[_03ef78838cc5e2ee-2] 2,0 ^2,1 Lundy D. R. The Peerage

[_1f0a23e0c06fb1ab-3] 3,0 ^3,1 ^3,2 ^3,3 ^3,4 Proleksis enciklopedija, Opća i nacionalna enciklopedija (хорв.) — 2009.

[_a1a9224fa228c4d6-4] Kindred Britain

[5] George Herbert 1593–1633 The Poetry Foundation․ 11 April 2013

[6] (անգլ.) Роберт Герберт, лорд Чёрбери на сайте thepeerage.com.

[7] (անգլ.) Сэр Уильям ап Томас на сайте thepeerage.com.

[8] Waligore, Joseph (2012). "The Piety of the English Deists: Their Personal Relationship with an Active God". Intellectual History Review. 22 (2): 181–197. doi:10.1080/17496977.2012.693742. ISSN 1749-6977.

[9] Cox, Michael, ed. (2004) The Concise Oxford Chronology of English Literature Oxford University Press. ISBN 978-0-19-860634-5

[10] George Herbert (1593-1633)The Lied and Art Song Texts Page

[1]

[2]

[3]

[4]

[5]

[6]

[7]

[8]

[9]

[10]