Սոլսբերի (Անգլիա)

Վիքիպեդիայից՝ ազատ հանրագիտարանից
Jump to navigation Jump to search
Քաղաք
Սոլսբերի
Salisbury
View From Harnham Hill, Salisbury - geograph.org.uk - 1587145.jpg
ԵրկիրՄեծ Բրիտանիա Մեծ Բրիտանիա
ԵնթարկումՈւիլթշիր կոմսություն
ՇրջանՀարավարևմտյան Անգլիա
Մակերես11,3 կմ²
Պաշտոնական լեզուանգլերեն
Բնակչություն40302 մարդ ((2011 թ. մարդահամար))
Ժամային գոտիUTCUTC0, ամառը [[UTCԱրտահայտության սխալ․ չճանաչված բառ՝ «utc»։Արտահայտության սխալ․ չճանաչված բառ՝ «utc»։]]
Հեռախոսային կոդ01722
Փոստային ինդեքսներSP1, SP2
Պաշտոնական կայքsalisburycitycouncil.gov.uk
##Սոլսբերի (Անգլիա) (Միացյալ Թագավորություն)
Red pog.png

Սոլսբերին (անգլ.՝ Salisbury, New Sarum), քաղաք է Մեծ Բրիտանիայում, Անգլիայի Ուիլթշիր կոմսության հարավարևելքում։ Այն տեղակայված է Սոլսբերյան հարթավայրում՝ Էյվոն գետի ափին։ Սոլսբերի վարչական շրջանի կենտրոնն է։ Բնակչությունը 2011 թ. մարդահամարի տվյալների համաձայն՝ մոտ 40000 է։

Պատմություն[խմբագրել | խմբագրել կոդը]

Սոլսբերի քաղաքը հիմնադրվել է 1220 թվականին, սակայն նախկինում քաղաքի վայրում բնակավայր է եղել։ Օլդ Սերամ բլրի վրա նեոլիթյան շրջանի բնակավայրի հետքեր են հայտնաբերվել։ Բլուրը Երկաթե դարում ամրոց է եղել։ Հռոմեացիներն ամրոցը կոչել են “Sorviodunum”։ Քաղաքի տարածքում հաստատված սաքսոններն այն կոչել են "Searesbyrig"[1], իսկ նորմանները կառուցել են "Seresberi" ամրոցը[2]։

Սոլսբերիի առաջին տաճարը կառուցվել է արքեպիսկոպոս Օսմունդի կողմից 1075-1092 թվականներին։ Նույն վայրում ավելի մեծ շենք է կառուցվել 1120 թվականին։ Այդուհանդերձ, հոգևորականության և զինվորականության միջև վատ հարաբերությունների պատճառով որոշվել է տաճարի կառուցումը տեղափոխել այլ վայր։

1219 թվականին Օլդ Սերամի արքեպիսկոպոս Ռիչարդ Փուրը որոշել է նոր քաղաք ու տաճար կառուցել իր հողատարածքում՝ Էյվոն գետի ափին։ 1220 հիմնվել է Նյու Սերամ բնակավայրը, որն էլ հայտնի է Սոլսբերի անունով։

Նոր տաճարի շինարարությունը սկսել է Փուրը 1221 թվականին։ Շինարարության հիմնական մասն ավարտվել է 38 տարում։ Այն անգլիական վաղ ճարտարապետության գլուխգործոցներից մեկն է։

Աշխարհագրություն[խմբագրել | խմբագրել կոդը]

Եղիսաբեթ թագուհու այգիները

Սոլսբերին տեղակայված է հովտային վայրում։ Երկրաբանական կառուցվածքում, ինչպես Ուիլթշիրի և Հեմփշիրի մեծ մասում, գերակշռում է կավճային շերտը։

Քաղաքի միջով հոսող գետերի հունը փոխվել է հանրային այգիները ոռոգելու նպատակով։ Այգիները, հատկապես Եղիսաբեթ թագուհու այգին, մեծ ժողովրդականություն են վայելում։

Սոլսբերին Սաութհեմփթոն նավահանգստից 30 կմ հեռավարության վրա է։

Բնակչություն[խմբագրել | խմբագրել կոդը]

2011 թվականի մարդահամարի համաձայն՝ Սոլսբերիի բնակչությունը 40.302 մարդ է՝ չհաշված քաղաքի մի շարք արվարձանների բնակչությունը։

Բնակչության 95.73%-ը սպիտակ է (91%-ը՝ սպիտակ բրիտանացի), 2.48%-ը՝ ասիացի, 0.45%-ը՝ սև, 1.15%-ը՝ խառը[3]։ Քաղաքի բնակիչների 86.43%-ը ծնվել է Անգլիայում։

Սոլսբերիի բնակիչների 62.49%-ն իրեն համարում քրիստոնյա, 27.09%-ը կրոն չունի, իսկ 8.02%-ը հրաժարվել է նշել դավանանքը[4]։ Մուսուլմանների, բուդդիստների, հինդուիստների թիվը չի գերազանցում մեկական տոկոսը։

Բնակչության 95.89%-ի մայրենի լեզուն անգլերենն է, 1.2%-ինը՝ լեհերենը։

Տնտեսություն[խմբագրել | խմբագրել կոդը]

Սոլսբերիի տոնավաճառը

1226 թվականին Հենրիխ 3-րդ արքան Սոլսբերիի եպիսկոպոսին իրավունք է տվել քաղաքում և դրա շրջակայքում տոնավաճառ անցկացնել[5]։ 1227 թվականից սկսած կանոնավոր կերպով տոնավաճառներ են անցկացվում։

15-րդ դարում շուկայում քարե խաչեր են տեղադրվել, որոնք ցույց էին տալիս, թե արհեստագործական ու գյուղատնտեսական ինչ ապրանքներ կարելի է գտնել տվյալ հատվածում։ Ներկայիս դրությամբ պահպանվել է միայն ընտանի թռչունների պատկերով խաչը։ Ներկայում էլ տոնավաճառն անց է կացվում հոկտեմբերի երրորդ երկուշաբթիից սկսած և տևում է 3 օր։

Քաղաքի տնտեսությանն ու առևտրին նպաստում է հանրահայտ Սթոունհենջ մեգալիթյան հուշարձանը, որը Սոլսբերիից 13 կմ հեռավորության վրա է։

Տեղի բնակչության հիմնական գործատուներն են Salisbury District Hospital-ը, Friends Life-ը։

Կլիմա[խմբագրել | խմբագրել կոդը]

Սոլսբերիում, ինչպես Մեծ Բրիտանիայի մեծ մասում, գերիշխող է օվկիանոսային կլիման։

Nuvola apps kweather.svg Ջերմաստիճանի և տեղումների տարեկան միջին ցուցանիշները Սոլսբերիում
Ամիս հունվ փետ մարտ ապր մայ հուն հուլ օգոս սեպ հոկ նոյ դեկ տարին
բացարձակ առավելագույնը (°C) 13,6 15,7 21,3 25,9 27,5 33,7 34,5 34,2 27,8 26,2 17,6 14,3 34,5
միջին առավելագույնը (°C) 6,9 7,3 9,8 12,4 16,1 18,9 21,7 21,4 18,2 14,1 10,0 7,8 13,8
միջին նվազագույնը (°C) 1,1 1,0 2,8 3,8 6,8 9,5 11,8 11,7 9,6 6,9 3,6 2,2 5,7
բացարձակ նվազագույնը (°C) −12,4 −9,6 −9,6 −4,7 −2,4 −0,1 4,4 3,6 −0,1 −3,4 −6,4 −11,3 −12,4
տեղումների քանակը (մմ) 76,4 52,9 59,0 48,2 52,1 55,1 40,5 57,1 64,5 70,9 73,2 85,9 735,6
Աղբյուր՝ Met Office[6]

Ծանոթագրություններ[խմբագրել | խմբագրել կոդը]

  1. Samuel, Lewis.'Lewis's Topographical dictionary of England: Volume Four'. S. Lewis, 1835, Indiana University
  2. wiltshire.gov.uk
  3. Neighbourhood Statistics։ «British government census statistics for race and ethnicity»։ Neighbourhood.statistics.gov.uk։ Արխիվացված է օրիգինալից 2014-05-02-ին։ Վերցված է 2014-09-06 
  4. Neighbourhood Statistics։ «British government census statistics for religion»։ Neighbourhood.statistics.gov.uk։ Արխիվացված է օրիգինալից 2014-05-02-ին։ Վերցված է 2014-09-06 
  5. «Wiltshire»։ Gazetteer OF MARKETS AND FAIRS IN ENGLAND AND WALES TO 1516։ Centre for Metropolitan History 
  6. http://www.metoffice.gov.uk/climate/uk/averages/19712000/sites/boscombe_down.html

Արտաքին հղումներ[խմբագրել | խմբագրել կոդը]