Նատաշա Հենսթրիջ

Նատաշա Հենսթրիջ;
Ծնվել է	օգոստոսի 15, 1974 (50 տարեկան)
Ծննդավայր	Springdale, Նյուֆաունդլենդ եւ Լաբրադոր, Կանադա
Քաղաքացիություն	Կանադա
Մասնագիտություն	դերասանուհի, մոդել, կինոդերասանուհի և ձայնային դերասանուհի
Ամուսին	Damian Chapa? և Darius Campbell Danesh?
	Natasha Henstridge Վիքիպահեստում

Նատաշա Հենսթրիջ (անգլ.՝ Natasha Tonya Henstridge, օգոստոսի 15, 1974(1974-08-15)^[1], Springdale, Նյուֆաունդլենդ եւ Լաբրադոր, Կանադա), կանադացի դերասանուհի, նախկին ֆոտոմոդել։

Կենսագրություն

Նատաշա Հենսթրիջը ծնվել է 1974 թվականի օգոստոսի 15-ին Սփրինգդեյլ քաղաքում (Նյուֆաունդլենդ և Լաբրադոր)։ Մեծացել է նավթագործի ընտանիքում, ով իր ընտանիքը տեղավորել է Ալբերտա նահանգի Ֆորտ Մաքմուրեյ քաղաքում գտնվող վագոնում։ Բարձրահասակ և սլացիկ աղջիկը (հասակը՝ 177 սմ^[2]) ակնհայտորեն ճնշվել է շրջապատից և 14 տարեկանում թողել է ուսումն ու հեռացել հայրենի քաղաքից, որպեսզի փորձի իրեն ֆոտոմոդելի կարիերայում։ Տեղափոխվելով Փարիզ, հետո` Նյու Յորք՝ նա հինգ տարի աշխատել է որպես ֆոտոմոդել։ 15 տարեկանում նրա նկարը հայտնվել է «Cosmopolitan» ֆրանսիական հրատարակության շապիկին։ Մոդելային բիզնեսին մասնակցելու տարիներին գովազդել է «Lady Stetson», «Olay», «Old Spice» ապրանքանիշերը։

1994 թվականին Հենսթրիջը երեք ֆիլմի պայմանագիր է կնքել «Մետրո-Գոլդուին-Մայեր» ընկերության հետ։ Նրա առաջին` «Առանձնյակը» ֆանտաստիկ ֆիլմը, որում նա մարմնավորել է մարդու և Ուժ այլմոլորակայինի հիբրիդ, էկրան է բարձրացել 1995 թվականին։ Ֆիլմը գնահատվել է հանդիսատեսի կողմից, Նատաշան ստացել է իր կյանքի առաջին կինոմրցանակը՝ «MTV Movie Awards»-ը` «Լավագույն համբույր» անվանակարգում, իսկ պրոդյուսերները դերասանուհու մեջ տեսել են ֆանտաստիկայի ժանրի ֆիլմերի գեղեցիկ հերոսուհիների կատարողի։

Դրան հաջորդել է Քրիստոֆեր Լամբերտի մասնակցությամբ «Ադրենալին. հետապնդման վախը» (1996 թվական) և Ժան-Կլոդ Վան Դամի «Առավելագույն ռիսկ» ֆիլմերի մասնակցությունը։ Դրանց համար «Femme Fatale» ամսագիրը գիտաֆանտաստիկ մարտաֆիլմերում նկարահանված ամենասեքսուալ դերասանուհիների և դերասանների ցանկում Նատաշային առաջինն է համարել^[3]։

Այնուհետև հետևել է դրամատիկ դերը. մարտաֆիլմերի շարքն ընդհատվել է օսկարակիր հայտնի բրազիլացի ռեժիսոր Ֆաբիո Բարետուի հետ աշխատանքով, որը Նատաշային հրավիրել է գլխավոր դեր խաղալու «Հիանալի Դոննա» մելոդրամայում, որին հաջորդել են դերեր հեռուստատեսության համար նկարահանված մի քանի սերիալներում և ֆիլմերում, ինչպես նաև մեծ բյուջե ունեցող ֆիլմերում։ Ամենաարդյունավետը 2000 թվականն էր՝ «Ուրիշի տոմս», «Ինը յարդ»։ 2001 թվականին վերադարձ եղավ կինոֆանտաստիկայի աշխարհ՝ ռեժիսոր Ջոն Կարպենտերի «Մարսի ուրվականները», որտեղ ռեժիսորը ընտրել է Նատաշային մեկ այլ հավակնորդի՝ Քորթնի Լավի փոխարեն։

2007 թվականին Հենսթրիջը եղել է իրանական առաջին ամենամյա «Նուր» կինոփառատոնի դատավորը։

Անձնական կյանք

1995-1996 թվականներին Հենսթրիջն ամուսնացած է եղել դերասան Դեմիան Չապայի հետ։

1996 թվականից մինչև 2004 թվականը նա հանդիպել է դերասան Լիամ Ուեյթի հետ։ Նրանք ունեցել են երկու որդի՝ Տրիստան Ռիվեր Ուեյթը (ծնվ. 1998 թվականի հոկտեմբերի 12-ին) և Աշեր Սքայ Ուեյթը (ծնվ. 2001 թվականի սեպտեմբերին)^[4]։ 2011-2018 թվականներին ամուսնացած է եղել երգիչ Դարիուս Դանեշի հետ^[5]։

2009 թվականի հունիսին Հենսթրիջը խոսել է նախկինում քաշի կորստի նպատակով ծայրահեղ դիետաների հետ համատեղ դիետիկ հաբերի օգտագործման մասին. նա ասել է, որ դա վնասել է իր նյութափոխանակությունը և հանգեցրել է քաշի ավելացման^[6]։

2017 թվականի նոյեմբերին` #MeToo շարժման գագաթնակետին, Հենսթրիջը միացել է վեց այլ դերասանուհիների, որոնք մեղադրել են ռեժիսոր Բրեթ Ռաթներին սեռական բռնության և ոտնձգության մեջ^[7]. նա պնդել է, որ 1990-ականների սկզբին Ռաթները ստիպել է օրալ սեքսով զբաղվել իր հետ։ Նա նաև մեղադրել է պրոդյուսեր Հարվի Վայնշտեյնին սեռական ոտնձգությունների մեջ^[8]։

Ընտրված ֆիլմագրություն

Տարի	Հայերեն անվանում	Բնօրինակ անվանում	Դեր
1995	Առանձնյակը	Species	Ուժ
1996	Առավելագույն ռիսկ	Maximum Risk	Ալեքս Մինետի
1996	Ադրենալին. հետապնդման վախը	Adrenalin: Fear the Rush	Դելոն
1997	Հնարավորից այն կողմ	The Outer Limits	Էմմա
1998	Հարավային այգի	South Park	Տիկին Էլեն
1998	Պաշարում	Standoff	Մերի
1998	Առանձնյակը 2	Species II	Եվա
1998	Հիանալի Դոննա	Bela Donna	Դոննա
1998	Շների այգի	Dog Park	Լորնա
1999		Caracara	Ռեյչել Սազերլենդ
2000	Ճակատագրից չես փախչի	It Had to Be You	Աննա Պեն
2000	Ինը յարդ	The Whole Nine Yards	Սինտիա Տադեսկի
2000	Յասոնը և արգոնավորդները	Jason and the Argonauts	Գիպսիպիլա
2000	Երկրորդ մաշկ	Second Skin	Կրիստալ Բոլ
2000	Ուրիշի տոմս	Bounce	Միմի Պրեյջեր
2000	Մարսի ուրվականները	John Carpenter's Ghosts of Mars	Լեյտենանտ Մելանի Բալարդ
2001	Ձյան մրցարշավորդ	Kevin of the North	Բոնի
2002	Անկասելիները	Steal	Քերեն
2002-2004	Լրտեսները	She Spies	Քեյսի Մակբեյն
2004	Ինը յարդ 2	The Whole Ten Yards	Սինտիա Օզերանսկի
2004	Առանձնյակը 3	Species 3	Եվա
2005-2006	Կին նախագահը	Commander in Chief	Ջեյն Մյուրեյ
2007	Շնաձուկ	Shark	Նիկոլետ Ռոս
2008	Command & Conquer 3: Kane’s Wrath	Command & Conquer 3: Kane’s Wrath	Ալեքսա Կովաքս
2008	Կոնտակտների ցուցակ	Deception	Սիմոնա
2008-2009	Վերջին օրը	Impact	դոկտոր Մեդի Ռոդս
2009		Anytown	Քերոլ Միլս
2010	Դե, ի՞նչ, խաղա՞նք։	Let the Game Begin	Անժելա
2010		You Lucky Dog	Լիզա Ռեյբորն
2010	Սատանայի արցունք	The Devil's Teardrop	Մարգարետ Լուկաս
2010	Մինչև մահ գեղեցիկ	Drop Dead Diva	Քլեր Հարիսոն
2011	Կատարյալ ուսանող	The Perfect Student	Նիկոլ
2011	C.S.I.: Հանցագործության վայրը` Մայամի	CSI: Miami	գործակալ Ռենե Լոկլեր
2012	Պե՞տք էր Ռոմեոն	Should've Been Romeo	Նադյա
2011-2012	Գաղտնի շրջան	Secret Circle	տնօրեն Դոն Չեմբերլեն
2012		Christmas Song	Դիանա
2013		Cold Spring	Սառա
2013		A Sister's Nightmare	Քեսիդի
2013	Ցուլը Բրոնքսից	The Bronx Bull	Սալի
2013	Բնության դեմ	Against the Wild	Սյուզան Վեյդ
2014		Nowhere Safe	Ջուլի Ջոնսոն
2014	Հավայան կղզիներ 5.0	Hawaii Five-0	Քերոլայն Փորթեր
2015	Սելֆի	Selfie	Յասմին Սապերշտեյն
2015	Գեղեցկուհին և հրեշը	Beauty and the Beast	Քերոլ Հոլ
2016	Ներխուժում տուն	Home Invasion	Քլոյա
2017		Medinah	Սալմա
2019-2022		Diggstown	Քոլին

Մրցանակներ և անվանակարգեր

Տարի	Մրցանակ	Կատեգորիա	Աշխատանք	Արդյունք
1995	The Stinkers Bad Movie Awards	Վատագույն դերասանուհի	Առանձնյակը	Առաջադրված
1996	MTV Movie Awards	Լավագույն համբույր		Հաղթանակ
1996	MTV Movie Awards	Տարվա լավագույն բեկում		Առաջադրված
2005	DVD Exclusive Awards	Երկրորդ պլանի լավագույն դերասանուհի (DVD-ի պրեմիերա ֆիլմում)	Առանձնյակը 3	Հաղթանակ
2005	Միջազգային կինոփառատոն Տեմեկուլա Վելլիում	Կարիերայում ստեղծագործական նվաճումների համար		Հաղթանակ
2008	Ջեմինի	Լավագույն դերասանուհի, որը նկարահանվել է դրամատիկական ծրագրում կամ մինի սերիալում	Թագավորներ կլինեն	Հաղթանակ

Ծանոթագրություններ

↑ ^1,0 ^1,1 L'Encyclopédie canadienne, The Canadian Encyclopedia
↑ Рост Наташи Хенстридж на сайте Celebheights
↑ Scapperotti, Dan (1996 թ. հունիս). «Natasha Henstridge – Species' Sexy Seductress» (PDF). Femme Fatales. Vol. 4, no. 8. Վերցված է 2018 թ. հունվարի 27-ին.
↑ Lipton, Michael A. (2002 թ. հուլիսի 29). «Natasha Henstridge Plays for Laughs on She Spies but Takes Love Seriously». People. Վերցված է 2013 թ. մայիսի 1-ին.
↑ «Natasha Henstridge Files for Divorce from Darius Campbell». Արխիվացված օրիգինալից 2013 թ. օգոստոսի 1-ին. Վերցված է 2013 թ. հուլիսի 30-ին.
↑ «Natasha Henstridge: Diets and Pills Damaged My Body». People.
↑ Kaufman, Amy; Miller, Daniel (2017 թ. նոյեմբերի 1). «Six women accuse filmmaker Brett Ratner of sexual harassment or misconduct». Los Angeles Times (ամերիկյան անգլերեն). ISSN 0458-3035. Վերցված է 2017 թ. նոյեմբերի 1-ին.
↑ Guglielmi, Jodi (2017 թ. նոյեմբերի 15). «Natasha Henstridge Says Harvey Weinstein Sexually Harassed Her After Brett Ratner Did». People.

Վիքիպահեստն ունի նյութեր, որոնք վերաբերում են «Նատաշա Հենսթրիջ» հոդվածին։

[_813fb3c4d99e78bc-1] 1,0 ^1,1 L'Encyclopédie canadienne, The Canadian Encyclopedia

[2] Рост Наташи Хенстридж на сайте Celebheights

[fatales-3] Scapperotti, Dan (1996 թ. հունիս). «Natasha Henstridge – Species' Sexy Seductress» (PDF). Femme Fatales. Vol. 4, no. 8. Վերցված է 2018 թ. հունվարի 27-ին.

[4] Lipton, Michael A. (2002 թ. հուլիսի 29). «Natasha Henstridge Plays for Laughs on She Spies but Takes Love Seriously». People. Վերցված է 2013 թ. մայիսի 1-ին.

[5] «Natasha Henstridge Files for Divorce from Darius Campbell». Արխիվացված օրիգինալից 2013 թ. օգոստոսի 1-ին. Վերցված է 2013 թ. հուլիսի 30-ին.

[6] «Natasha Henstridge: Diets and Pills Damaged My Body». People.

[7] Kaufman, Amy; Miller, Daniel (2017 թ. նոյեմբերի 1). «Six women accuse filmmaker Brett Ratner of sexual harassment or misconduct». Los Angeles Times (ամերիկյան անգլերեն). ISSN 0458-3035. Վերցված է 2017 թ. նոյեմբերի 1-ին.

[8] Guglielmi, Jodi (2017 թ. նոյեմբերի 15). «Natasha Henstridge Says Harvey Weinstein Sexually Harassed Her After Brett Ratner Did». People.

[1]

[2]

[3]

[4]

[5]

[6]

[7]

[8]