Կատյա Պոպովա

Կատյա Պոպովա
Բնօրինակ անուն	բուլղար․՝ Катя Попова
Ի ծնե անուն	բուլղար․՝ Катя Асенова Попова
Ծնվել է	հունվարի 21, 1924; Պլևեն, Բուլղարիայի թագավորություն
Երկիր	Բուլղարիա
Մահացել է	նոյեմբերի 24, 1966 (42 տարեկան); Բրատիսլավա, Հունգարիայի թագավորություն
Մասնագիտություն	օպերային երգչուհի
Երգչաձայն	սոպրանո
Գործիքներ	վոկալ
Կրթություն	Երաժշտության պետական ակադեմիա
Պարգևներ	և
	Katya Popova Վիքիպահեստում

Կատյա Ասենովա Պոպովա (բուլղար․՝ Катя Асенова Попова, հունվարի 21, 1924(1924-01-21), Պլևեն, Բուլղարիայի թագավորություն - նոյեմբերի 24, 1966(1966-11-24), Բրատիսլավա, Հունգարիայի թագավորություն), բուլղարացի օպերային երգչուհի (լիրիկական սոպրանո)։ Բուլղարիայի Ժողովրդական Հանարապետության ժողովրդական արտիստ։ Դիմիտրովյան I աստիճանի մրցանակի դափնեկիր (1959)։

Կենսագրություն

Կատյա Պոպովան ծնվել է 1924 թվականին Պլևենում, երաժշտասերների ընտանիքում։ Քույրը՝ երգչուհի Դիանա Պոպովան, աշխատել է Ստեֆան Մակեդոնսկու անվան ազգային երաժշտական թատրոնում։ Կատյա Պոպովան սովորել է Բուլղարիայի ազգային երաժշտական ակադեմիայում (ուսուցիչ` Մառա Մարինովա-Ցիբուլկա), այնուհետև կատարելագործվել է Ասեն Դիմիտրովի և Կատյա Սպիրիդոնովայի մոտ։ Սոֆիայի օպերայի բեմում առաջին անգամ հանդես է եկել 1947 թվականին՝ կատարելով Էսմերալդայի դերերգը Բեդրժիխ Սմետանայի Վաճառված հարսնացուն օպերայում։

1955-1956 թվականներին փորձաշրջան է անցել Մոսկվայի Մեծ թատրոնում։ Հաջողությամբ հանդես է եկել Մոսկվայի Մեծ թատրոնի, Գրանդ օպերայի և Կոմիկ-օպերայի (Փարիզ) բեմերում, Վիեննայում, Աթենքի, Պրահայի, Բելգրադի, Կիևի, Լենինգրադի, Խարկովի, Սվերդլովսկի, Սկոպյեի բեմերում։

Եղել է Պյոտր Չայկովսկու, Շառլ Գունոյի, Ջակոմո Պուչինիի, Ժյուլ Մասնեի և այլ կոմպոզիտորների օպերաների գլխավոր դերերգերի կատարողը։

Զոհվել է Բրատիսլավայի մոտ Բալկանյան ավիաընկերության ԻԼ-18 ինքնաթիռի վթարի հետևանքով^[1]։

Ընտրյալ դերերգեր

Դերերգ	Օպերա	Հեղինակ
Մարգարիա	Ֆաուստ	Շառլ Գունո
Մանոն Լեսկո	Մանոն	Ժյուլ Մասնե
Միմի	Բոհեմ	Ջակոմո Պուչինի
Նատաշա	Պատերազմ և խաղաղություն	Սերգեյ Պրոկոֆև

Պարգևներ և մրցանակներ

«Աշխատանքային կարմիր դրոշի» շքանշան
Բուլղարիայի Ժողովրդական Հանրապետության III աստիճանի շքանշան (1959)
Դիմիտրովյան I աստիճանի մրցանակ (1959) (Սերգեյ Պրոկոֆևի «Պատերազմ և խաղաղություն» օպերայում Նատաշայի և Շառլ Գունոյի «Ֆաուստ» օպերայում Մարգարիտայի դերերի համար)
Բուխարեստում IV Երիտասարդների և ուսանողների միջազգային փառատոնի I մրցանակ (1953)
Պրահայի միջազգային երաժշտական մրցույթի II մրցանակ (1954)

Ծանոթագրություններ

↑ Абаджиев, Александър. Оперните звезди на България. София, „Изток-Запад“, 2008. ISBN 9789543214334. с. 117 – 125.

Արտաքին հղումներ

Илка Попова. «Встречи на оперной сцене». Катя Попова

[1] Абаджиев, Александър. Оперните звезди на България. София, „Изток-Запад“, 2008. ISBN 9789543214334. с. 117 – 125.

[1]