Իվան Ղալամյան

Իվան Ղալամյան
Հիմնական տվյալներ
Ծնվել է	հունվարի 23, 1903; Թավրիզ, Իրան
Երկիր	Իրան և ԱՄՆ
Մահացել է	ապրիլի 14, 1981 (78 տարեկան); Նյու Յորք, Նյու Յորք, ԱՄՆ
Ժանրեր	դասական երաժշտություն
Մասնագիտություն	ջութակահար և երաժշտության ուսուցիչ
Գործիքներ	ջութակ
Աշխատավայր	Conservatoire Rachmaninoff?, Քերտիսի անվան երաժշտական ինստիտուտ և Ջուլիարդ դպրոց
Կրթություն	Ռուսաստանի թատերական արվեստի համալսարան (1919)
Անդամակցություն	Երաժշտության թագավորական ակադեմիա

Իվան (Հովհաննես) Ալեքսանդրի Ղալամյան (անգլ.՝ Ivan Galamian՝ Այվն Գալամյան, ֆրանսերեն՝ Jan Galamian՝ Ժան Գալամյան) (հունվարի 23, 1903(1903-01-23)^[1], Թավրիզ, Իրան^[2] - ապրիլի 14, 1981(1981-04-14)^[1], Նյու Յորք, Նյու Յորք, ԱՄՆ^[2]) XX դարի անվանի ջութակահար-մեթոդիստ։

Կենսագրություն

Իվան Ղալամյանը ծնվել է 1903 թ. Թավրիզում։ 1904 թ.-ին Ղալամյանների ընտանիքը տեղափոխվում է Մոսկվա։ 1916-1919 թթ. Մոկվայի ֆիլհմոնիկ դպրոցում Իվանը աշակերտում է ականավոր մանկավարժ Կոնստանտին Մոստրասին։ 1919 թվականին, ավարտելով ուսումը, 16-ամյա Իվանը ընդունվում է Մոսկվայի Մեծ թատրոնի նվագախումբ։ Հոկտեմբերյան հեղափոխությունից հետո 1919 թվականին Ղալամյանը հեռանում է Ռուսաստանից, իսկ 1922 թվականին տեղափոխվում է Փարիզ, որտեղի կոնսերվատորիայում ուսումը շարունակում է ջութակի ֆրանսիական դպրոցի հեղինակավոր ներկայացուցիչԼյուսիեն Կապեի մոտ։

Սկսած 1924 թվականից Իվան Ղալամյանը մի քանի տարի շարունակ մենակատար ջութակահարի գործունեություն է ծավալում, որը սակայն երկար չի տևում։ Շուտով Ղալամյանը թողնում է համերգային կատարողի գործունեությունը և մինչև կյանքի վերջը նվիրվում է ջութակի մանկավարժությանը։ 1937 թվականին արդեն հայտնի մանկավարժի համբավ ունեցող Ղալամյանը տեղափոխվում է ԱՄՆ և հաստատվում է Նյու Յորքում։ 1941 թ․ Իվան Ղալամյանը ամուսնանում է Ջուդիթ Ջոնսոնի հետ։ Սկսած 1944 թվականից նա դասավանդում է Ֆիլադելֆիայի Կուրտիսի երաժշտական ինստիտուտում, իսկ 1946 թվականից աշխատանքի է անցնում Նյու Յորքի Ջուլիարդ Սքուլում, որտեղ հետագայում ղեկավարում է ջութակի բաժինը։

Իր ուսուցիչների միջոցով Ղալամյանը մանկավարժությունը փոխառում է ռուսական և ֆրանսիական դպրոցի լավագույն հատկանիշները և ստեղծում սեփական ջութակի մեթոդիկան, որտեղ նա մեծ տեղ է հատկացնում Լուսիեն Կապեի աղեղնային տեխնիկային։ Նրա մեթոդիկան հետագայում շարունակում է նրա ասիստենտը՝ Դորոթի Դիլեյը (1917-2002)^[4]։

Աշակերտները

Ղալամյանի ամենահայտնի աշակերտներից են Իցհակ Պերլմանը, Պինկաս Ցուկերմանը, Կյունգ վա Չունգը, Մայքլ Ռաբինը, Ջեյմ Լարեդոն, Պոլ Ցուկովսկին, Իդա Քավաֆյանը, Անի Քավաֆյանը և այլք։ Ղալամյանի բազմաթիվ աշակերտներ դարձել են միջազգային ամենահեղինակավոր մրցույթների դափնեկիրներ։

Ղալամյանի հեղինակած գրքերը

Ղալամյանը հեղինակ է երկու հիմնարար մեթոդիկ գրքերի՝ «Ջութակի նվագի և դասավանդման սկզբունքները» և «Ժամանակակից ջութակի տեխնիկան»

Galamian I. Principles of Violin Playing and Teaching. Dover Publications, Inc., Mineola, New York 2013, Ivan Galamian, A Biographical Sketch, © by Stephanie Chase, 108 p.
Galamian I., Neumann F. Contemporary Violin Technique Volume 2, Double and Multiple Stops in Scale and Arpeggio Exercises. Boston: Galaxy Music Corporation, 1977, 41 p.
Galamian I., Neumann F. Contemporary Violin Technique Volume 1, Scales and Arpeggio Exercises with Bowing and Rhythm Patterns. New York: Schirmer, 1963, Part 1, 75 p, Part two, 40 p.

Ծանոթագրություններ

↑ ^1,0 ^1,1 ^1,2 ^1,3 ^1,4 Encyclopædia Britannica
↑ ^2,0 ^2,1 ^2,2 ^2,3 ^2,4 ^2,5 Deutsche Nationalbibliothek Record #130239437 // Gemeinsame Normdatei (գերմ.) — 2012—2016.
↑ Հայկական սովետական հանրագիտարան (հայ.) / Վ. Համբարձումյան, Կ. Խուդավերդյան — Հայկական հանրագիտարան հրատարակչություն, 1974.
↑ Green E. A. H. Miraculous Teacher: Ivan Galamian and the Meadowmount experience, Copyright E. A. H Green, 1993, 180 p.

Արտաքին հղումներ

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից (հ․ 5, էջ 169)։

[_99ee8291f62b4d1b-1] 1,0 ^1,1 ^1,2 ^1,3 ^1,4 Encyclopædia Britannica

[_7c2b9bd75104e821-2] 2,0 ^2,1 ^2,2 ^2,3 ^2,4 ^2,5 Deutsche Nationalbibliothek Record #130239437 // Gemeinsame Normdatei (գերմ.) — 2012—2016.

[_5e5775e65518eefb-3] Հայկական սովետական հանրագիտարան (հայ.) / Վ. Համբարձումյան, Կ. Խուդավերդյան — Հայկական հանրագիտարան հրատարակչություն, 1974.

[4] Green E. A. H. Miraculous Teacher: Ivan Galamian and the Meadowmount experience, Copyright E. A. H Green, 1993, 180 p.

[1]

[2]

[3]

[4]