Իմրիխ Բուգար

Իմրիխ Բուգար
Անձնական տեղեկություն
Սեռ՝	արական
Բնօրինակ անուն՝	Imrich Bugár
Մասնագիտացում՝	թեթևատլետ
Երկիր՝	Չեխոսլովակիա և Չեխիա
Ծննդյան ամսաթիվ՝	ապրիլի 14, 1955 (69 տարեկան)
Ծննդավայր՝	Ohrady, Dunajská Streda District, Տրնավայի երկրամաս, Սլովակիա
Հասակ՝	196 սանտիմետր
Քաշ՝	120 կիլոգրամ
	Տղամադկանց ատլետիկա
	Competitor for
	Օլիմպիական խաղեր
	Աշխարհի առաջնություն
	Եվրոպայի առաջնություն

Իմրիխ Բուգար (սլովակ.՝ Imrich Bugár, ապրիլի 14, 1955(1955-04-14)^[1]^[2], Ohrady, Dunajská Streda District, Տրնավայի երկրամաս, Սլովակիա), հունգարացի սկավառականետորդ^[4], ով 1970-ական թվականների վերջից մինչև 1990-ական թվականների սկիզբը հանդես է եկել Չեխոսլովակիայի ու Չեխիայի Հանրապետության հավաքականներում։ Օլիմպիական խաղերի արծաթե մեդալակիր (1980 թ.), Եվրոպայի չեմպիոն (1982 թ.) և աշխարհի առաջնության ոսկե մեդալակիր (1983 թ.)։ Նրա լավագույն նետումը եղել է 71,26 մետր, որով էլ նա գրավում է ութերորդ տեղը բոլոր ժամանակների մարզիկների շարքում։ Սկավառակի նետման Չեխիայի գործող ռեկորդակիր։

Կարիերա

Իմրիխ Բուգարը ծնվել է 1955 թվականի ապրիլի 14-ին Չեխոսլովակիայի Տրնավայի երկրամասի Օխրադի գյուղում։ Ունի հունգարական արմատներ^[4]։ Թեթև ատլետիկայով ակտիվորեն զբաղվել է վաղ տարիքում. նախ մարզվել է Բրատիսլավայի «Ինտեր» ակումբում, ապա Պրահայի «Դուկլա» ակումբում^[5]։

Մեծահասակների միջազգային մրցություններում առաջին լուրջ հաջողությանը Իմրիխ Բուգարը հասել է 1978 թվականին, երբ Չեխոսլովակիայի ազգային հավաքականի կազմում մասնակցել է Պրահայում անցկացվող Եվրոպայի առաջնությանը, որտեղ արժանացել է բրոնզե մեդալի՝ սկավառակի նետման ժամանակ զիջելով գերմանացի Վոլֆգանագ Շմիդտին ու Ֆինն Մարկու Տուոկոյին^[6]։ Այդ մրցաշրջանում Իմրիխ Բուգարն առաջին անգամ հաղթել է Չեխոսլովակիայի առաջնությունում հետագա տարիներին պահպանելով այդ չեմպիոնական տիտղոսը. ընդհանուր առմամբ նա երկրի չեմպիոն է դարձել 13 անգամ ( 1978, 1979, 1980, 1981, 1982, 1983, 1984, 1985, 1986, 1988, 1990, 1991 և 1992)^[7], իսկ 1993 և 1994 թվականներին դարձել է Չեխիայի չեմպիոն^[8]։ Մի շարք հաջող ելույթների շնորհիվ նա իրավունք է ստացել ներկայացնելու Չեխոսլովակիան 1980 թվականին Մոսկվայում անցկացված Ամառային օլիմպիական խաղերին։ Այդտեղ նա նվաճել է արծաթե մեդալ՝ զիջելով միայն ԽՍՀՄ ներկայացուցիչ Վիկտոր Ռաշչուպկինին^[9]։

1982 թվականին Իմրիխ Բուգարը հաղթել է Աթենքում անցկացվող Եվրոպայի առաջնությունում և մրցաշրջանի արդյունքներով ճանաչվել է երկրի լավագույն մարզիկ։ Մեկ տարի անց նա առաջին տեղն է գրավել Հելսինկիում անցկացվող աշխարհի առաջնությունում և արժանացել է ոսկե մեդալի։ Իմրիխ Բուգարը եղել է 1984 թվականին Լոս Անջելեսում անցկացվող օլիմպիական խաղերին մասնակցելու հիմնական թեկնածուներից մեկը, սակայն Չեխոսլովակիան սոցիալիստական մի շարք այլ երկրների հետ քաղաքական պատճառներով բոյկոտել է այդ մրցությունը։ 1985 թվականին Սան Խոսեում անցացվող առաջնության ժամանակ Իմրիխ Բուգարը սկավառակը նետել է 71,26 մետր՝ սահմանելով ազգային ռեկորդ, որը մնում է անգերազանցելի^[10]։

1986 թվականի Եվրոպայի առաջնության ժամանակ Իմրիխ Բուգարը զբաղեցրել է 8-րդ տեղը, իսկ Մոսկվայում անցկացվող Բարի կամքի խաղերում եղել է 4-րդը^[11]^[12]։ Հաջորդ մրցաշրջանում Հռոմում անցկացվող աշխարհի առաջնությունում եղել է 7-րդը։ Լինելով Չեխոսլովակիայի ազգային հավաքականի առաջատար մարզիկներից մեկը՝ հաջողությամբ անցել է 1988 թվականին Սեուլում անցկացվելիք Օլիմպիական խաղերի որակավորումը։ Խաղերի բացման արարողության ժամանակ նա եղել է Չեխոսլովակիայի հավաքականի դրոշակակիրը, սակայն սկավառակի նետման առաջնությունում գրավել է ընդամենը 12-րդ տեղը^[13]։

Սեուլի օլիմպիական խաղերից հետո Իմրիխ Բուգարը մնացել է Չեխոսլովակիայի թեթև ատլետիկայի հավաքականի հիմնական կազմում և շարունակել է մասնակցել միջազգային խոշոր մրցություններին։ 1990 թվականին Հարավսլավիայի Սպիլիտ քաղաքում անցկացվող Եվրոպայի առաջնությունում զբաղեցրել է 7-րդ տեղը, իսկ 1991 թվականին մասնակցել է Տոկիոյում անցկացվող աշխարհի առաջնությանը, սակայն չի կարողացել անցնել եզրափակիչ փուլ։ Ավելի ուշ տեղի է ունեցել 1992 թվականին Բարսելոնայում անցկացվելիք Օլիմպիական խաղերի ընտրությունը, սակայն Իմրիխ Բուգարը զբաղեցրել է 20-րդ տեղը և չի կարողացել հաղթահարել որակավորման փուլը։

Երբ Չեխոսլովակիան դադարել է գոյություն ունենալուց, Իմրիխ Բուգարը ստացել է Չեխիայի քաղաքացիություն և հետագա մի քանի տարիների ընթացքում միջազգային մրցությունների է մասնակցել Չեխիայի ազգային հավաքականի կազմում։ Մասնավորապես նա հանդես է եկել 1993 թվականին Շտուտգարտում անցկացվող աշխարհի առաջնությանը և 1994 թվականին Հելսինկիում անցկացվող Եվրոպայի առաջնությանը սակայն առանձնակի հաջողությունների չի հասել։ Այդ մրցությունների ավարտից կարճ ժամանակ անց Իմրիխ Բուգարը որոշել է ավարտել իր մարզական կարիերան՝ Չեխիայի հավաքականում իր տեղը զիջելով երիտասարդ մարզիկներին^[7]^[8]։

Ծանոթագրություններ

↑ ^1,0 ^1,1 World Athletics database
↑ ^2,0 ^2,1 Կերպարվեստի արխիվ — 2003.
↑ Olympedia — 2006.
↑ ^4,0 ^4,1 Nagy, Myrtil (2012). «Maďari». In Myrtil Nagy (ed.). Naše národnostné menšiny. Šamorín: Fórum inštitút pre výskum menšín. էջ 9. ISBN 978-80-89249-57-2.
↑ «Imrich Bugár». Sports-Reference.com. Արխիվացված է օրիգինալից 2011 թ․ ապրիլի 6-ին. Վերցված է 2011 թ․ հունվարի 25-ին.
↑ «European Championships (Men)». GBR Athletics. Athletics Weekly. Վերցված է 2011 թ․ հունվարի 25-ին.
↑ ^7,0 ^7,1 «Czechoslovakian Championships». GBR Athletics. Athletics Weekly. Վերցված է 2011 թ․ հունվարի 24-ին.
↑ ^8,0 ^8,1 «Czech Championships». GBR Athletics. Athletics Weekly. Վերցված է 2011 թ․ հունվարի 24-ին.
↑ «IAAF World Cup in Athletics». GBR Athletics. Athletics Weekly. Վերցված է 2011 թ․ հունվարի 25-ին.
↑ Կաղապար:Iaaf name
↑ «Men Discus Throw European Championships 1986 Stuttgart (GER)». Todor Krastev. Վերցված է 2011 թ․ հունվարի 25-ին.
↑ «Men Athletics Goodwiil Games Moscva (URS) 1986». Todor Krastev. Վերցված է 2011 թ․ հունվարի 25-ին.
↑ «Men Discus European Championships 1990 Split (YUG)». Todor Krastev. Վերցված է 2011 թ․ հունվարի 25-ին.

Արտաքին հղումներ

Իմրիխ Բուգար - անձնական էջը IAAF-ում(անգլ.)
Իմրիխ Բուգարը Sports-Reference.com կայքում Արխիվացված 2011-04-06 Wayback Machine (անգլ.)

Վիքիպահեստն ունի նյութեր, որոնք վերաբերում են «Իմրիխ Բուգար» հոդվածին։

[_9d78240ff8611361-1] 1,0 ^1,1 World Athletics database

[_dfff6e0895423212-2] 2,0 ^2,1 Կերպարվեստի արխիվ — 2003.

[_63d8990ccd94ebe0-3] Olympedia — 2006.

[Nagy_2012_9-4] 4,0 ^4,1 Nagy, Myrtil (2012). «Maďari». In Myrtil Nagy (ed.). Naše národnostné menšiny. Šamorín: Fórum inštitút pre výskum menšín. էջ 9. ISBN 978-80-89249-57-2.

[sref-5] «Imrich Bugár». Sports-Reference.com. Արխիվացված է օրիգինալից 2011 թ․ ապրիլի 6-ին. Վերցված է 2011 թ․ հունվարի 25-ին.

[ec-6] «European Championships (Men)». GBR Athletics. Athletics Weekly. Վերցված է 2011 թ․ հունվարի 25-ին.

[Czechoslovakian_Championships-7] 7,0 ^7,1 «Czechoslovakian Championships». GBR Athletics. Athletics Weekly. Վերցված է 2011 թ․ հունվարի 24-ին.

[Czech_Championships-8] 8,0 ^8,1 «Czech Championships». GBR Athletics. Athletics Weekly. Վերցված է 2011 թ․ հունվարի 24-ին.

[9] «IAAF World Cup in Athletics». GBR Athletics. Athletics Weekly. Վերցված է 2011 թ․ հունվարի 25-ին.

[bio-10] Կաղապար:Iaaf name

[11] «Men Discus Throw European Championships 1986 Stuttgart (GER)». Todor Krastev. Վերցված է 2011 թ․ հունվարի 25-ին.

[12] «Men Athletics Goodwiil Games Moscva (URS) 1986». Todor Krastev. Վերցված է 2011 թ․ հունվարի 25-ին.

[13] «Men Discus European Championships 1990 Split (YUG)». Todor Krastev. Վերցված է 2011 թ․ հունվարի 25-ին.

[1]

[2]

[3]

[4]

[5]

[6]

[7]

[8]

[9]

[10]

[11]

[12]

[13]