Արևելյան Զանգեզուրի տնտեսական շրջան
 Şərqi Zəngəzur iqtisadi rayonu | |
|---|---|
| Երկիր |  Ադրբեջան |
| Կարգավիճակ | տնտեսական շրջան |
| Խոշորագույն քաղաք | Բերձոր, Կովսական, Քաշունիք, Քարվաճառ |
| Հիմնական լեզու | ադրբեջաներեն |
| Բնակչություն (2023) | 1205 (փաստացի՝ 500-600)[1] |
| Կրոնական կազմ | իսլամ |
| Տարածք | 7.448 կմ² |
 | |
| Հիմնադրված է | հուլիսի 7, 2021 թ. |
Արևելյան Զանգեզուրի տնտեսական շրջան (ադրբ.՝ Şərqi Zəngəzur iqtisadi rayonu), Ադրբեջանի Հանրապետության 14 տնտեսական շրջաններից մեկը[2]։ Ձևավորվել է 44-օրյա պատերազմի արդյունքում Ադրբեջանի կողմից բռնազավթված Արցախի Հանրապետության Շահումյանի և Քաշաթաղի շրջանների տարածքներում[2]։ Ստեղծվել է Ադրբեջանի նախագահ Իլհամ Ալիևի ստորագրած՝ «Ադրբեջանի Հանրապետության տնտեսական շրջանների բաժանման մասին» օրենքով[2]։
Տնտեսական շրջանի հարավային մասը գրավվել էր 44-օրյա պատերազմի ժամանակ, իսկ հյուսիսային և կենտրոնական հատվածը հանձնվել է Ադրբեջանի զինված ուժերին 2020 թվականի նոյեմբերի 25-ին և դեկտեմբերի 10-ին՝ Հայաստանի վարչապետ Նիկոլ Փաշինյանի, Ադրբեջանի Հանրապետության նախագահ Իլհամ Ալիևի և Ռուսաստանի Դաշնության նախագահ Վլադիմիր Պուտինի կողմից ստորագրված եռակողմ համաձայնագրով[3][4]։ 2022 թվականի օգոստոսի 25-ին Քաշաթաղի շրջանի Բերձոր քաղաքը, Աղավնո և Ներքին Սուս գյուղերը ևս հանձնվել են Ադրբեջանին[5]։ Հարավում սահմանակցում է Իրանի Իսլամական Հանրապետությանը, իսկ արևմուտքում՝ Հայաստանի Սյունիքի, Վայոց ձորի և Գեղարքունիքի մարզերին։
Արևելքում սահմանակցում է Ղարաբաղի և հյուսիսում Գանձակ-Դաշքեսան տնտեսական շրջաններին։ Տնտեսական շրջանի մեջ են մտնում Կովսականի (Զանգելան), Սանասարի (Կուբաթլու), Ջրականի (Ջաբրայիլ), Բերձորի (Լաչին) և Քարվաճառի (Քելբաջար) շրջանները[2]։
Զբաղեցնում է 7,448 կմ² տարածք։ 2023 թվականի տվյալներով միայն Բերձոր քաղաքի բնակչությունը կազմում է 1205 մարդ, որից, սակայն փաստացի մնացել է միայն 500-600 մարդ[1]։
Ծանոթագրություններ[խմբագրել | խմբագրել կոդը]
- ↑ 1,0 1,1 «Արցախում բնակեցված ադրբեջանցիները հեռանում են, իսկ Ալիևների ընտանիքը «Մեծ վերադարձի» անվան տակ միլիոններ է վաստակում». factor.am. Վերցված է 2023 թ․ նոյեմբերի 13-ին.
- ↑ 2,0 2,1 2,2 2,3 «Ալիևի հրամանով տնտեսական նոր շրջաններ են ստեղծվել՝ Արևելյան Զանգեզուրի և Ղարաբաղի». hetq.am. Վերցված է 2023 թ․ նոյեմբերի 13-ին.
- ↑ «Հայաստանի, Ռուսաստանի և Ադրբեջանի ղեկավարները պատերազմը ժամը 01.00-ից դադարեցնելու մասին հայտարարություն են ստորագրել». արմենպրես.հայ. Վերցված է 2023 թ․ նոյեմբերի 13-ին.
{{cite web}}: Check|url=value (օգնություն) - ↑ «"Заявление Президента Российской Федерации"». kremlin.ru. Վերցված է 2023 թ․ նոյեմբերի 13-ին.
- ↑ ««Ալիևին զեկուցել են, որ Բերձորն անցել է ադրբեջանական հսկողության ներքո»». hraparak.am. Վերցված է 2023 թ․ նոյեմբերի 13-ին.