Ալեքսիս Բլեդել

Ալեքսիս Բլեդել; անգլ.՝ Alexis Bledel
Ծնվել է	սեպտեմբերի 16, 1981 (43 տարեկան)
Ծննդավայր	Հյուստոն, Տեխաս, ԱՄՆ
Քաղաքացիություն	ԱՄՆ
Մայրենի լեզու	անգլերեն և իսպաներեն
Կրթություն	Թիշչ արվեստի դպրոց
Մասնագիտություն	մոդել, հեռուստատեսային դերասանուհի և կինոդերասանուհի
Ամուսին	Վինսենթ Քարթայզեր
Կուսակցություն	Դեմոկրատական կուսակցություն
Պարգևներ և ; մրցանակներ	«Էմմի» մրցանակ դրամատիկական հեռուստասերյալներում հրավիրված ամենալավ դերասանուհի կատեգորիայում
Երեխաներ	Jeffrey Kartheiser?
	Alexis Bledel Վիքիպահեստում

Քիմբերլի Ալեքսիս Բլեդել (անգլ.՝ Kimberley Alexis Bledel, սեպտեմբերի 16, 1981(1981-09-16)^[1], Հյուստոն, Տեխաս, ԱՄՆ), ամերիկացի դերասանուհի։

Վաղ տարիներ

Բլեդելը ծնվել է Տեխաս նահանգի Հյուստոն քաղաքում։ Նրա հայրը՝ Մարտին Բլեդելը, ծագումով Արգենտինայից է՝ դանիական, գերմանական և անգլո-ամերիկյան արմատներով, մայրը՝ Նանեթ Բլեյքը, բնիկ Ֆինիքսից է, մեծացել է Գվադալախարայում և Մեխիկոյում։ Չնայած հյուսիսեվրոպական և անգլո-ամերիկյան արմատներին, աղջկա մայրենի լեզուն իսպաներենն է։ Երբ նա ութ տարեկան էր, ծնողները նրան տվել են ինքնագործ թատրոն, որպեսզի այն օգնի նրան կարողանալ հաղթահարել ամաչկոտությունը։ Հուսադրող դերասանուհին խաղացել է «Մեր քաղաքը» և «Կախարդը Օզ երկրից» բեմադրություններում։ Տեղական առևտրի կենտրոնում նրա վրա ուշադրություն է դարձրել երիտասարդ տաղանդների որոնման գործակալը, և նա ստացել է մոդելի աշխատանք։ Ալեքսիսը հաճախել է Հյուստոնի Սուրբ Ագնեսայի ակադեմիան։

Կարիերա

Մինչ «Գիլմորի աղջիկները» սերիալում Ռորի դերը ստանալը, Բլեդելը սովորել է Ռեյջ Փարքսի մոդելային և դերասանական վարպետության դպրոցում և մեկ տարի՝ Նյու Յորքի համալսարանում, որտեղ մասնագիտացել է կինեմատոգրաֆիայում։ 2002 թվականին Teen People ամսագիրը նրան ընդգրկել է Ամենաթեժ երիտասարդ աստղերի ցուցակում։ Նրա վաղ աշխատանքների թվում է նաև «Ռաշմորի ակադեմիա» ֆիլմում, որը նկարահանվել է նրա հայրենի քաղաքում, խաղացած փոքրիկ դերը։ «Գիլմորի աղջիկները» սերիալը, որում սկսել է նկարահանվել 2000 թվականից, դարձել է Ալեքսիսի առաջնաելույթը հեռուստատեսությունում։ Նա կատարել է միայնակ մոր դստեր՝ Ռորի Գիլմորի դերը։ Սերիալի սկզբում, երբ Ռորին բարձր դասարանցի էր, նա ապրում էր մոր հետ, սակայն հետո մեկնում է սովորելու Եյլի համալսարանում, որտեղ դառնում է «Եյլ Դեյլի Նյուս» թերթի խմբագիրը։ Հարցազրույցներից մեկում Ալեքսիսն ասել է, որ նա շատ նման է իր հերոսուհուն, հատկապես այն, ինչ վերաբերում է բնավորության գծերին և ծնողների հետ հարաբերություններին։

2002 թվականին Ալեքսիսը նկարահանվել է Նատալի Բեբիթի «Հավերժական թխկոց» հեքիաթային վիպակի էկրանավորումում (ռուսական վարձույթում՝ «Անմահները»), որտեղ խաղացել է աղջկա, որը սիրահարվել էր անմահ պատանու։

2005 թվականին Ալեքսիսի մասնակցությամբ միանգամից թողարկվել է երկու ուշագրավ ֆիլմ։

Դրանցից առաջինը Էն Բրեշերսի առաջին «Ջինսե թալիսման» վեպի էկրանավորումն էր՝ «Միություն․ «Կախարդական տաբատ»» ցիկլից։ Ֆիլմում, որը շատ ջերմ է ընդունվել քննադատների կողմից, Ալեքսիսը խաղացել է որպես Լենա Կալիգարիս՝ չորս անբաժան ընկերուհիներից մեկը, որոնք պետք է առաջին անգամ ամառն անցկացնեն առանձին։

Երկրորդ ֆիլմում խաղացած դերը՝ Ռոբերտ Ռոդրիգեսի և Ֆրենկ Միլլերի «Մեղքերի քաղաքը» նեո նուարն էր, Ալեքսիսից պահանջել է ամպուլայի կտրուկ փոփոխություն։ Եթե նախկինում նա ստիպված էր խաղալ քնքուշ տնային աղջկա դերեր, ապա այստեղ խաղացել է մարմնավաճառ դեր։ Իր հարցազրույցներից մեկում Ալեքսիսն ասել է իր հերոսուհու մասին. «Նա շատ պրոֆեսիոնալ մարմնավաճառ էր։ Նա կրում էր ատրճանակ և միշտ կարողացել է պաշտպանել իրեն»^[2]։

Ֆիլմը գրեթե ամբողջությամբ նկարահանվել է սև և սպիտակ գամմայով, դրա համար էլ գույնի օգտագործումը հատկապես արտահայտիչ էր։ Ալեքսիսի հերոսուհու՝ Բեքիի դեպքում, դա նրա կապույտ աչքերն էին։

Անձնական կյանք

2014 թվականի հունիսից Բլեդելը ամուսնացած է եղել «Խելագարները» հեռուստասերիալի իր խաղընկեր՝ Վինսենթ Կարտայզերի հետ^[3], ում հետ նա հանդիպել է իրենց հարսանիքից 2 տարի առաջ^[4]^[5]։ Ամուսիններն ունեն մեկ որդի^[6]։

Ֆիլմագրություն


Տարի		Հայերեն անվանում	Բնօրինակ անվանում	Դեր
1998	ֆ	Ռաշմորի ակադեմիա	Rushmore	ուսանողուհի
2000—2007	ս	Գիլմորի աղջիկները	Gilmore Girls	Լորելեյ «Ռորի» Լի Գիլմոր
2002	ֆ	Անմահները	Tuck Everlasting	Ուիննիֆրիդ «Ուիննի» Ֆոսթեր
2004	ֆ	Վհատվածը	DysEnchanted	ոսկեհեր
2004	ֆ	Հարսնացուն և նախապաշարմունքները	Bride & Prejudice	Ջորջիանա «Ջորջիա» Դարսի
2005	ֆ	Որբ թագավոր	The Orphan King	Դիլան
2005	ֆ	Մեղքերի քաղաքը	Sin City	Բեքի
2005	ֆ	Ջինսե թալիսման	The Sisterhood of the Traveling Pants	Լենա Կալիգարիս
2006	ֆ	Իմ անունը Ռիդ Ֆիշ է	I’m Reed Fish	Քեյթ Պետերսոն
2008	ֆ	Ջինսե թալիսման 2	The Sisterhood of the Traveling Pants 2	Լենա Կալիգարիս
2009	ֆ	Ավարտական գոյատևման դպրոցը	Post grad	Ռեյդեն Մելբի
2009	ֆ	Լավ տղա	The Good Guy	Բեթ Վեստ
2010	ֆ	Դավադիր	The Conspirator	Սառա Ուեթսոն
2010	ֆ	Վեպ Քեյթ Լոգանի հետ	The Kate Logan Affair	Քեյթ Լոգան
2011	ֆ	Աղջիկը մտնում է բար	Girl Walks Into a Bar	պարուհի
2011	ֆ	Վիոլետ և Դեյզի	Violet & Daisy	Վիոլետ
2012	ս	Խելագարները	Mad Men	Բեթ
2012	ֆ	Միլիոն թեյնիկների համար	Brass Teapot	Պեյթոն
2013	ֆ	Հիշիր կիրակին	Remember Sunday	Մոլի
2013	ֆ	Նամակ	The Letters	Ջանեթ Տրեդվեյ
2014	ֆ	Մեկ միլիարդերորդ բաժին	Parts Per Billion	Սառա
2013—2014	ս	Մենք և նրանք	Us & Them	Սթեյսի
2015	ֆ	Ջենիի հարսանիքը	Jenny's Wedding	Քիթի
2017—2019	ս	Աղախնի պատմվածքը	The Handmaid’s Tale	Գլենովա / Էմիլի
2019	ֆ	Ծպտյալ	Crypto	Քեթի

Ծանոթագրություններ

↑ ^1,0 ^1,1 https://www.sunsigns.org/famousbirthdays/profile/alexis-bledel/
↑ The WB Interview
↑ «Vincent Kartheiser and Alexis Bledel Are Married». Արխիվացված է օրիգինալից 2014 թ․ օգոստոսի 8-ին. Վերցված է 2020 թ․ հուլիսի 20-ին.
↑ Verne Gay. (2012 թ․ հունիսի 20). «Report: Alexis Bledel, Vincent Kartheiser an item» (անգլերեն). Newsday.com. Արխիվացված է օրիգինալից 2013 թ․ մայիսի 21-ին. Վերցված է 2013 թ․ մայիսի 15-ին.
↑ Justin Ravitz. (2013 թ․ մարտի 20). «Alexis Bledel, Vincent Kartheiser Engaged! Mad Men Costars to Marry» (անգլերեն). Us Weekly. Արխիվացված է օրիգինալից 2013 թ․ մայիսի 21-ին. Վերցված է 2013 թ․ մայիսի 15-ին.
↑ «Alexis Bledel Is a Mom! Gilmore Girls Star and Husband Vincent Kartheiser Welcomed Son Months Ago». Արխիվացված է օրիգինալից 2016 թ․ մայիսի 19-ին. Վերցված է 2016 թ․ մայիսի 19-ին.

Արտաքին հղումներ

Ալեքսիս Բլեդել (անգլ.) Internet Movie Database կայքում

Վիքիպահեստն ունի նյութեր, որոնք վերաբերում են «Ալեքսիս Բլեդել» հոդվածին։

[_f81f39c3e26301a7-1] 1,0 ^1,1 https://www.sunsigns.org/famousbirthdays/profile/alexis-bledel/

[wb-2] The WB Interview

[3] «Vincent Kartheiser and Alexis Bledel Are Married». Արխիվացված է օրիգինալից 2014 թ․ օգոստոսի 8-ին. Վերցված է 2020 թ․ հուլիսի 20-ին.

[4] Verne Gay. (2012 թ․ հունիսի 20). «Report: Alexis Bledel, Vincent Kartheiser an item» (անգլերեն). Newsday.com. Արխիվացված է օրիգինալից 2013 թ․ մայիսի 21-ին. Վերցված է 2013 թ․ մայիսի 15-ին.

[5] Justin Ravitz. (2013 թ․ մարտի 20). «Alexis Bledel, Vincent Kartheiser Engaged! Mad Men Costars to Marry» (անգլերեն). Us Weekly. Արխիվացված է օրիգինալից 2013 թ․ մայիսի 21-ին. Վերցված է 2013 թ․ մայիսի 15-ին.

[6] «Alexis Bledel Is a Mom! Gilmore Girls Star and Husband Vincent Kartheiser Welcomed Son Months Ago». Արխիվացված է օրիգինալից 2016 թ․ մայիսի 19-ին. Վերցված է 2016 թ․ մայիսի 19-ին.

[1]

[2]

[3]

[4]

[5]

[6]