Bangerz (ալբոմ, Մայլի Սայրուս)

Վիքիպեդիայից՝ ազատ հանրագիտարանից
Jump to navigation Jump to search
Bangerz
Bangerz.png
Մայլի Սայրուսի ստուդիական
Թողարկվածհոկտեմբերի 4, 2013
Ձայնագրված2013
Ժանրփոփ
Տևողություն50:28
Լեզուանգլերեն
ԼեյբլRCA
ՊրոդյուսերMike Will Made It, Cirkut, will.i.am, Pharrell Williams, Tyler Johnson, Rock City
Մայլի Սայրուսի ալբոմների ժամանակագրություն
Can't Be Tamed, 2010 Bangerz Miley Cyrus and Her Dead Petz

Bangerz, ամերիկացի երգչուհի Մայլի Սայրուսի չորրորդ ստուդիական ալբոմը: Այն թողարկվել է 2013 թվականի հոկտեմբերի 14-ին RCA Records-ի օժանդակությամբ: Սայրուսը այս ժամանահատվածում ձգտել է վերականգնել իր երաժշտական կարիերան դերասանական կարիերայի փոխարեն: Նա պլանավորել էր դեռ 2012 թվականին ձայնագրել ալբոմը, սակայն նախապատրաստական աշխատանքները ձգձգվեց մինչ 2013 թվականը: Այդ ժամանակվանից նա աշխատում էր RCA Records-ի հետ համատեղ: Սայրուսի նկարագրությամբ, Bangerz-ը հանդես է գալիս «հարավային կեղտոտ հիփ-հոփ» ոճում, որը նկարագրում է իր արդեն մեծ և հասուն տարիքը: Սայրուսը և Mike Will Made It-ը ալբոմի ստեղծման համար համագործակցեցին այնպիսի պրոդյուսերների հետ ինչպիսիք են Սիրքութը, Ֆարել Ուիլյամսը և Ուիլ Այ Էմը: Նրանք այս խումբը հավաքել էին Մայլիի աշխատանքին նոր հնչյունավորում տալու համար: Ալբոմի վոկալային հյուրերն են փոփ երգչուհիԲրիթնի Սփիրսը, ռեփերներ Ֆրենչ Մոնտանան, Ֆյուչուրը, Լյուդաքրիսը և Նելլին:

Bangerz-ը քննադատների կողմից ստացել է դրական արձագանք: Նրանք բարձր են գնահատել Սայրուսի նոր թիմի փոփոխություններն ու կատարյալ աշխատանքը: Ալբոմը ԱՄՆBillboard 200-ի առաջին հորիզոնականն է զբաղեցրել և վաճառվել 270.000 օրինակով: Այդպես, այն դարձել է Սայրուսի հինգերորդ անընդմեջ թվային համար մեկ ալբոմը, ներառելով նախորդ սետղծագործությունը, որտեղ նա հանդես է եկել իր Հաննահ Մոնթանա կերպարով: Ալբոմը ստացել է Գրեմմի արձանիկ նոմինացվելով «լավագույն փոփ վոկալ ալբոմ» անվանակարգում, որը Մայլիի առաջին հաղթանակն էր Գրեմմիում:

"We Can't Stop- թողարկվել է 2013 թվականի հունիսի 3-ին, ոչպես ալբոմի լիդ սինգլ և ամերիկյան Billboard Hot 100-ում զբաղեցրել երկրորդ հորիզոնականը: Ալբոմի երկրորդ սինգլը "Wrecking Ball"-ը թողարկվել է 2013 թվականի օգոստոսի 25-ին և դարձել Սայրուսի առաջին սինգլը, որը զբաղեցրել է առաջին հորիզոնականը ԱՄՆ-ում: Տեսահոլովակը Vevo հավաքել է ռեկորդային դիտումներ։ Այն հատել է մինչև 100 միլիոն դիտումների քանակը, որի չափանիշները համապատասխանում են Ադելի Hello տեսահոլովակին։ Այն նաև 2014 թվականի MTV Video Music Awards մրցանակաբաշխության ժամանակ նոմինացված է եղել «Video of The Year» անվանակարգում և հաղթել այն։ «Adore You» թողարկվել է 2013 թվականիդեկտեմբերի 17-ին, որպես ալբոմի երրորդ սինգլ։ Այն Billboard Hot 100 հիթ-շքերթում զբաղեցրել է 21-րդ հորիզոնականը։

Հետարտադրություն և արտադրություն[խմբագրել | խմբագրել կոդը]

«Այժմ երբ, մարդիկ iTunes ծրագրով գնում են լսելու իմ հին երաժշտությունը, դա միևնույն ժամանակ, և՛ նյարդայնացնում է ինձ, և՛ հաճույք պատճառում։ Քանի որ դրանք նույնպես կազմում են իմ աշխատանքի մի մասը և ես չեմ կարող դրանք ջնջել։ Իմ Can't Be Tamed ստեղծագործությունը ես ստեղծել եմ 16 կամ 17 տարեկանում, սակայն երբ լրանա ձեր 20 տարեկանը դուք նույնիսկ չեք հիշի այդ ամենի մասին։»

Սայրուսը նկարագրում է ալբոմի ոճային փոփոխությունները[1]։

2012 թվականին Սայրուսը հայտարարեց իր պլանների մասին, որ ցանկություն ունի կետրոնանալ իր դերասանական կարիերայի վրա: Այդ տարի նա նկարահանվեց LOL ֆիլմում։ 2013 թվականին Մայլին ստորագրել է պայմանագիր RCA Records ընկերության հետ[2]։ Մարտ ամսին նա հայտարարեց, որ իր չորրորդ ստուդիական ալբոմը կթողարկվի 2013 թվականի վերջում[3]։ Սայրուսը հարցազրույցներից մեկում նշել է, որ Bengerz-ով նա ամեն ինչ նորից է սկսում։ Նա ավելացրեց, որ Bengerz-ը համարում է իր առաջին դեբյուտային և ռեկորդային ալբոմը[4]։

Մայլին երաժշտությունը նկարագրել է, որպես «կեղտոտ հարավային հիփ-հոփ» և հիփ-հոփի ելևէջները խառնել է քանթրիի ելևէջներին։ Արդյունքը նա անվանել է «լավ հիբրիդ»[5]։ Այս համադրությունը ստանալու համար Մայլին աշխատել է հիփ-հոփ պրոդյուսեր Mike Will Made It-ի, Մեք Միլլերի, Ֆարել Ուիլիամսի և այլոց հետ։ Մայլին ավելացրել է նաև, որ իր չորրորդ ալբոմը կստիպի լռեցնել բոլորին։ Պրոդյուսեր Շոն Գարրեթթը ալբոմն անվանել է «զվարճալի և հուզիչ»[6]։ Իսկ Mike Will Made It-ը բացատրել է, որ ալբոմի անվանումն ընտրել են, հասկանալով, որ «ամբողջ ալբոմը նման է բանդիտների»[7]։

Կոմպոզիցիա[խմբագրել | խմբագրել կոդը]

Bengerz-ը բացառապես փոփ ալբոմ է, որը ներառում է հիփ-հոփ և քանթրի էլեմենտներ[8]։ The Ellen DeGeneres Show-ի ընթացքում տված հարցազրույցում Էլլենը Մայլիին հարցրել է, թե արդյո՞ք ձայնագրման ոգեշնչումը կապված է իր և Լիամ Հեմսֆորթի հարաբերությունների հետ։ Մայլին ի պատասխան ասել է․«Ամբողջ ալբոմը մի պատմություն է, որը սկսվում է «Adore You»-ով և վերջանում «Someone Else»․․․․ Ես մտածում եմ, որ հասկանում էի, թե կյանքս ինչ ուղիով է գնում[9]։»

Քննադատական կարծիքներ[խմբագրել | խմբագրել կոդը]

Bengerz-ը հիմնականում ստացել է դրականին խառնված քննադատություններ երաժշտական քննադատների կողմից։ Metacritic-ը ալբոմը գնահատել է բոլոր 100 վարկանշային գնահատականներից միջինում 61, որը բավարար արդյունք է։ Այս գնահատականը կազմվել է 21 քննադատականների կողմից[10]։ Billboard-ից Ջեյսոն Լիսփութսն ալբոմն անվանել է «կատաղի անհատականություն»։ Նա նաև ավելացրել է, որ ալբոմը 2013 թվականի «ո՛չ լավ, ո՛չ վատ արտադրություն է», իսկ «Wrecking Ball »-ը Մայլիի ամենահաջողված ստեղծագործությունն է։ Նիք Կատուչին «Entertainment Weekly»-ից նկարագրել է ալբոմը, որպես «լիովին թարմ» և «փոփ բլից է հիփ-հոփ գունավոր արտադրություն»։

Ծանոթագրություններ[խմբագրել | խմբագրել կոդը]

  1. Chester Jason (June 14, 2013)։ «'I Want To Erase My Past': Miley Cyrus Admits She's 'Embarrassed' By Hannah Montana»։ Entertainmentwise. Gigwise։ Արխիվացված օրիգինալից-ից December 26, 2014-ին։ Վերցված է September 26, 2013 
  2. Hampp Andrew (January 30, 2013)։ «Miley Cyrus Signs With RCA, Will Work With Dr. Luke on New LP»։ Billboard։ Վերցված է January 26, 2014 
  3. Lipshutz Jason (March 7, 2013)։ «Miley Cyrus: 'My New Music Is Gonna Shut Everyone Up'»։ Billboard։ Վերցված է August 25, 2013 
  4. Eells Josh (September 24, 2013)։ «Miley Cyrus: Confessions of Pop's Wildest Child»։ Rolling Stone։ Wenner Media, LLC։ Վերցված է September 26, 2013 
  5. «Miley Cyrus talks new album»։ The Marquee Blog։ CNN։ November 9, 2013։ Վերցված է October 3, 2013 
  6. Legaspi Althea (August 28, 2013)։ «Buzz Bites (8/28/13): It's Confirmed! Miley Cyrus + Britney Spears Collaborated On A 'Bangerz' Track!»։ MTV Buzzworthy. Viacom։ Վերցված է August 29, 2013 
  7. Ryan Patrick (October 8, 2013)։ «Thanks to Miley, hitmaker Mike Will made it»։ USA Today։ Վերցված է October 7, 2013 
  8. Lipshutz Jason (October 1, 2013)։ «Miley Cyrus, 'Bangerz': Track-By-Track Review»։ Billboard։ Վերցված է October 1, 2013 
  9. Ellen DeGeneres, Miley Cyrus (2013)։ Miley Discusses Her Relationship with Liam Hemsworth (YouTube)։ Burbank, California: The Ellen DeGeneres Show։ Իրադարձությունը կատարվել է 1:06 minutes։ Վերցված է October 12, 2013 
  10. «Bangerz Reviews, Ratings, Credits, and More»։ Metacritic. CBS Interactive։ Վերցված է October 4, 2013