Օտտո Շմիդտ

Վիքիպեդիայից՝ ազատ հանրագիտարանից
Jump to navigation Jump to search
Օտտո Շմիդտ
ռուս.՝ Отто Юльевич Шмидт
Otto Schmidt 1936.jpg
Ծնվել էսեպտեմբերի 18 (30), 1891
Մոգիլյով, Մոգիլյովյան նահանգ, Ռուսական կայսրություն[1]
Մահացել էսեպտեմբերի 7, 1956(1956-09-07)[1][2][3][4] (64 տարեկանում)
Մոսկվա, ԽՍՀՄ[1]
բնական մահով
ԳերեզմանՆովոդեվիչյան գերեզմանոց
ՔաղաքացիությունՌուսական կայսրություն
Flag of Russia.svg Ռուսական հանրապետություն
Խորհրդային Ռուսաստան
Flag of the Soviet Union (1924–1955).svg ԽՍՀՄ
Մասնագիտությունաստղագետ, մաթեմատիկոս, ճանապարհորդ հետազոտող, քաղաքական գործիչ, համալսարանի պրոֆեսոր և ֆիզիկոս
Հաստատություն(ներ)Ռուսաստանի գիտությունների ակադեմիա, Սուրբ Վլադիմիրի անվան կայսերական համալսարան և Մոսկվայի պետական համալսարան
Գործունեության ոլորտխմբերի տեսություն, աստղագիտություն, մաթեմատիկա, աշխարհագրություն և Երկրաֆիզիկա
Պաշտոն(ներ)ԽՍՀՄ գերագույն խորհրդի պատգամավոր և պրիվատ-դոցենտ
ԱնդամակցությունՈւկրաինայի գիտությունների ազգային ակադեմիա, ԽՍՀՄ գիտությունների ակադեմիա և Ռուսաստանի գիտությունների ակադեմիա
Ալմա մատերՇևչենկոյի անվան համալսարան և Սուրբ Վլադիմիրի անվան կայսերական համալսարան
Կոչումպրոֆեսոր, ԽՍՀՄ ԳԱ ակադեմիկոս և լրիվ պրոֆեսոր
Գիտական աստիճանմագիստրոս
Տիրապետում է լեզուներինռուսերեն
Գիտական ղեկավարԴմիտրի Գրավե
ՊարգևներԽորհրդային Միության հերոս Լենինի շքանշան Աշխատանքային Կարմիր դրոշի շքանշան Կարմիր Աստղի շքանշան «Հայրենական մեծ պատերազմի ժամանակ Անձնվեր աշխատանքի համար» մեդալ և Մոսկվայի 800-րդ ամյակին նվիրված մեդալ
ԿուսակցությունԽՄԿԿ
Ամուսին(ներ)Vera Schmidt?
Երեխա(ներ)Sigurd Ottovich Schmidt?
Otto Schmidt Վիքիպահեստում

Օտտո Յուլիևիչ Շմիդտ, (սեպտեմբերի 18 (30), 1891, Մոգիլյով, Մոգիլյովյան նահանգ, Ռուսական կայսրություն[1] - սեպտեմբերի 7, 1956(1956-09-07)[1][2][3][4], Մոսկվա, ԽՍՀՄ[1]), խորհրդային մաթեմատիկոս, երկրաֆիզիկոս, աստղագետ, Արկտիկայի հետազոտող, պետական և հասարակական գործիչ, ԽՍՀՄ ԳԱ ակադեմիկոս (1935), Ուկրաինական ԽՍՀ ԳԱ ակադեմիկոս (1934), Սովետական Միության հերոս (1937)։ ՍՄԿԿ անդամ 1918 թվականից։

Կենսագրություն[խմբագրել | խմբագրել կոդը]

1913 թվականին ավարտել է Կիևի համալսարանը։ 1916 թվականից նույն համալսարանի դոցենտ։ 1918-1921 թվականներին եղել է մի շարք ժողկոմատների կոլեգիաների անդամ, 1923-1956-ը՝ Մոսկվայի համալսարանի պրոֆեսոր, 1930-1932 թվականները՝ Արկտիկական ինստիտուտի տնօրեն, 1932-1939 թվականները՝ Հյուսիսային ծովային գլխավոր ուղու վարչության պետ, 1924-1941 թվականները՝ Սովետական մեծ հանրագիտարանի գլխավոր խմբագիր, 1939-1942 թվականները՝ ԽՍՀՄ ԳԱ փոխնախագահ։ 1937 թվականին Շմիդտի նախաձեռնությամբ կազմակերպվել է ԽՍՀՄ ԳԱ տեսական երկրաֆիզիկայի ինստիտուտը։ Մասնակցել է Պամիրյան սովետա-գերմանական առաջին արշավախմբին։ 1929-1930 թվականներին ղեկավարել է արշավախոլմբ «Գեորգի Սեդով» սառցահատով, կազմակերպել առաջին գիտահետազոտական կայանը Ֆրանց Ցոսիֆի երկրում, ուսումնասիրել Կարայի ծովի հյուսիսարևելյան մասը, Հյուսիսային երկրի արմ․ ափը և հայտնաբերել մի շարք կղզիներ։ Շմիդտի արշավախումբը «Սիբիրյակով» սառցահատով, առաջին անգամ մեկ նավարկության ընթացքում, անցավ Հյուսիսային․ ծովային ուղին՝ Արխանգելսկից Խաղաղ օվկիանոս։ 1933-1934 թվականները Շմիդտը ղեկավարել է «Չելյուսկին» շոգենավով նավարկությունը, որը 1934 թվականի փետրվարի 13-ին Չուկոտի ծովում ճզմվեց սառույցներով և ընկղմվեց։ 1937 թվականին ղեկավարել է «Հյուսիսային բևեռ-1» դրեյֆող կայանի կազմակերպման օդային արշավախումբը։ 1943 թվականին Շմիդտը առաջ քաշեց Երկրի և Արեգակնային համակարգի մյուս մոլորակների առաջացման կոսմոգոնիական տեսությունը։ Շմիդտը եղել է ԽՍՀՄ Կենտգործկոմի անդամ, ԽՍՀՄ I գումարման Գերագույն սովետի դեպուտատ։ Պարգևատրվել է Լենինի 3 շքանշանով։ Շմիդտի անվամբ են կոչվել կղզի Կարայի ծովում, հրվանդան Չուկոտի ծովի ափին, ԽՍՀՄ ԳԱ Երկրի ֆիզիկայի ինստիտուտը։

Ծանոթագրություններ[խմբագրել | խմբագրել կոդը]

  1. 1,0 1,1 1,2 1,3 1,4 1,5 1,6 1,7 1,8 Шмидт Отто Юльевич // Большая советская энциклопедия: [в 30 т.] / под ред. А. М. Прохоров — 3-е изд. — М.: Советская энциклопедия, 1969.
  2. 2,0 2,1 2,2 Մակտյուտոր մաթեմատիկայի պատմության արխիվ
  3. 3,0 3,1 3,2 Encyclopædia Britannica
  4. 4,0 4,1 4,2 Munzinger-Archiv — 1913.
Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից։ CC-BY-SA-icon-80x15.png