Քրիստափոր Ալավերդյան

Վիքիպեդիայից՝ ազատ հանրագիտարանից
Jump to navigation Jump to search
Քրիստափոր Ալավերդյան
Alaverdov.jpg
մայիսի 25, 1895(1895-05-25) - 1942
ԾննդավայրՀայաստան
Մահվան վայրՆյուրնբերգ, Միջին Ֆրանկոնիա, Բավարիա, Նացիստական Գերմանիա
ՔաղաքացիությունԽՍՀՄ
Կոչումգեներալ
Հրամանատարն էր113-րդ հրաձգային դիվիզիա
Մարտեր/
պատերազմներ
Առաջին համաշխարհային պատերազմ և Երկրորդ համաշխարհային պատերազմ
ՊարգևներԿարմիր դրոշի շքանշան, «Բանվորագյուղացիական Կարմիր բանակի 20 տարի» հոբելյանական մեդալ և Աշխատանքային Կարմիր դրոշի շքանշան

Քրիստափոր Նիկողոսի (Նիկոլայի) Ալավերդյան (Ալավերդով) (մայիսի 25, 1895(1895-05-25), Հայաստան - 1942, Նյուրնբերգ, Միջին Ֆրանկոնիա, Բավարիա, Նացիստական Գերմանիա), խորհրդային ռազմական գործիչ, ԽՄԿԿ անդամ (1917 թ.), գեներալ-մայոր (1940 թ.):

Կյանք[խմբագրել | խմբագրել կոդը]

Ծնվել է 1897 թվականի մայիսի 25-ին, Փաշալու գավառի Օղբին գյուղում (այժմ՝ Վայոց ձորի մարզ)։ Եղել է հովիվ, սևագործ բանվոր, ցարական բանակի զինվոր։ Սովորել է Կիևի ռազմական դպրոցում, ավարտել Մոսկվայի Ֆրունզեի անվան ռազմական ակադեմիայի հատուկ դասընթացը (1936) և կարմիր բանակի Գլխավոր շտաբի ռազմական ակադեմիան (1939)։ Ալավերդյանին հիտլերականները տանջամահ են արել Նյուրնբերգի բանտում, 1942 թվականի ապրիլին։ Պարգևատրվել է Աշխատանքային կարմիր դրոշի և մարտական Կարմիր դրոշի (2) շքանշաններով։ Ալավերդյանի կիսանդրին դրված է Վայք քաղաքում։ Նրա անունով է կոչվում Արարատի մարզի Մխչյան գյուղի միջնակարգ դպրոցը և Վայոց ձորի մարզի Խնձորուտի միջնակարգ դպրոցը։

Գործունեություն[խմբագրել | խմբագրել կոդը]

1919-1920 թվականներին կարմիր բանակի շարքերում մասնակցել է քաղաքացիական կռիվներին։ Այնուհետև ծառայել է Ուկրաինայում, Միջին Ասիայում, Մոսկվայի զինվորական օկրուգում։ 1931-1935 թվականներին Քրիստափոր Ալավերդյանը հայկական հեծելազորային գնդի հրամանատար էր։ «Սպիտակ ֆինների» դեմ պատերազմում (1939-1940 թթ.) եղել է 7-րդ բանակի հեծելազորային դիվիզիայի հրամանատար։ 1941-1945 թվականների Հայրենական մեծ պատերազմը Քրիստափոր Ալավերդյանը դիմավորեց սահմանագլխին, որպես 113-րդ հետևակային դիվիզիայի հրամանատար։ Ծանր մարտերից հետո դիվիզիան նահանջեց, իսկ վիրավոր Ք. Ալավերդյանը ընկավ թշնամու ձեռքը։ Համելբուրգի համակենտրոնացման ճամբարում գեներալ-մայոր Ի. Ս. Նիկիտինի հետ Ալավերդյանը ստեղծել և գլխավորել է հակաֆաշիստական այն կազմակերպությունը, որը հետագայում ղեկավարեց գեներալ-լեյտենանտ Մ. Դ. Կարբիշևը։

Աղբյուրներ[խմբագրել | խմբագրել կոդը]

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից։ CC-BY-SA-icon-80x15.png