Քույր քաղաքների ծառուղի (Պետրոզավոդսկ)
 | |
|---|---|
 | |
| Տեսակ | Ծառուղի |
| Երկիր |  Ռուսաստան |
| Վարչատարածք | Պետրոզավոդսկ |
  | |
Քույր քաղաքների ծառուղի (ռուս.՝ Аллея Городов-Побратимов), ծառուղի Ռուսաստանի Կարելիայի Հանրապետության Պետրոզավոդսկ քաղաքի կենտրոնում։ Սկսվում է Կիրովի հրապարակում և հասնում մինչև Լոսոսինկա գետ` Կոմսոմոլսկի պուրակի և Կույբիշևի փողոցի միջև[1]։
Ծառուղին ներառվել է Պետրոզավոդսկ քաղաքի հասցեների ցուցակում[1]։
Պատմություն[խմբագրել | խմբագրել կոդը]
Մինչև 1958 թվականը այս վայրում գտնվում էր կամուրջ, որը սկսվում էր «Պրավդայի» փողոցից[1]։
- 18-րդ դարի երկրորդ կես՝ Մեծ կամուրջ
- 1859 թվականի հունիսի 19՝ Տրոֆիմովսկի կամուրջ
- 19-րդ դարի երկրորդ կես՝ Ավրամովսկի կամուրջ
- 1918 թվականի հոկտեմբերի 23՝ Խորհրդային կամուրջ
- 2008 թվականի հունիսի 19՝ Քույր քաղաքների ծառուղի
Պետրոզավոդսկը զարգացնում է երկկողմ հարաբերությունները մյուս երկրների, հիմնականում՝ Հյուսիսային Եվրոպայի քաղաքների հետ, 1960-ական թվականներից։ Պետրոզավոդսկի առաջին քույր քաղաքը 1965 թվականին դարձել է ֆիննական Վարկաուսը։ Դրանից հետո 1973 թվականին քույր քաղաք են դարձել ֆրանսիական Լա Ռոշելը և շվեդական Ումեոն, որի հետ բարեկամական հարաբերությունների պայմանագիրը ստորագրվել է 1973 թվականին[2]։
Նոյբրանդենբուրգը առաջին գերմանական քաղաքն է, որը դարձել է Կարելիայի մայրաքաղաքի քույր քաղաքը։ Դա տեղի է ունեցել 1986 թվականին։ Իսկ հաջորդ տարի Պետրոզավոդսկը բարեկամացել է այլ մայր ցամաքի քաղաքի՝ Ամերիկայի Միացյալ Նահանգների Մինեսոտա նահանգի մայրաքաղաք Դուլութի հետ։ 1980-1990-ական թվականներին Պետրովավոդսկի քույր քաղաքներ են դարձել Թյուբինգենը (Գերմանիա), Մու ի Ռանան (Նորվեգիա), Յոենսուուն (Ֆինլանդիա), Ալիտուսը (Լիտվա), Էջմիածինը (Հայաստան)[3], Բրեստը (Բելառուս), Նիկոլաևը (Ուկրաինա), Պորտոմաջորեն (Իտալիա), Օհարան (Ճապոնիա)[2]։
Քույր քաղաքների միջև համագործակցությունը հաստատված է տարբեր ուղղություններով՝ տնտեսություն, կրթություն, մշակույթ, սպորտ։ Քույր քաղաքների մասին Պետրոզավոդսկում, բացի այս ծառուղուց, հիշեցնում են նրա փողոցների և առափերի անվանումները, քանդակները առափնյա փողոցում, ինչպես նաև Լենինի պողոտում Կարելիայի Հանրապետության կառավարության շենքի դիմաց գտնվող որոշ քույր քաղաքների նկարներով պատկերասրահը[2]։
Հուշարձաններ[խմբագրել | խմբագրել կոդը]
Ծառուղում գտնվում է երեք հուշարձան` «Բարեկամության ծառ», Քույր քաղաքների հուշանշան և Խոնարհ խաչ` ի հիշատակ Սոբորնայա հրապարակի կորսված տաճարների[1]։
Ծանոթագրություններ[խմբագրել | խմբագրել կոդը]
- ↑ 1,0 1,1 1,2 1,3 «Аллея городов-побратимов с «Деревом Дружбы»». Վերցված է 2018 Դեկտեմբեր 20-ին.
- ↑ 2,0 2,1 2,2 «Достопримечательности Петрозаводска: Аллея Городов-Побратимов». Արխիվացված է օրիգինալից 2018 թ․ դեկտեմբերի 31-ին. Վերցված է 2018 Դեկտեմբեր 20-ին.
- ↑ Էջմիածնի համայնքապետարանի պաշտոնական կայք