Քելսի Գրեմեր

Վիքիպեդիայից՝ ազատ հանրագիտարանից
Jump to navigation Jump to search
Քելսի Գրեմեր
անգլ.՝ Allen Kelsey Grammer
Kelsey Grammer fleet week.jpg
Ծնվել էփետրվարի 21, 1955(1955-02-21)[1][2][2][3] (65 տարեկան)
ԾննդավայրՇարլոտե Ամալիե, Ամերիկյան Վիրջինյան կղզիներ, ԱՄՆ
ԿրթությունՋուլիարդ դպրոց
ՔաղաքացիությունFlag of the United States.svg ԱՄՆ
Կրոնքրիստոնեական գիտություն
Մասնագիտությունդերասան, կրկնօրինակող, հեռուստատեսային դերասան, կինոդերասան, հնչյունավորող, գրող, սցենարիստ և կինոպրոդյուսեր
Ամուսին(ներ)Camille Grammer?
Երեխա(ներ)Greer Grammer?, Spencer Grammer?, Jude Grammer? և Mason Grammer?
Պարգևներ և մրցանակներՓրայմթայմ Էմմի մրցանակ
kelseylive.com

Ալեն Քելսի Գրեմեր (անգլ.՝ Allen Kelsey Grammer, փետրվարի 21, 1955(1955-02-21)[1][2][2][3], Շարլոտե Ամալիե, Ամերիկյան Վիրջինյան կղզիներ, ԱՄՆ), ամերիկացի դերասան, կատակերգակ, հեռուստապրոդյուսեր, հեռուստառեժիսոր և երգիչ[4]: «Ոսկե գլոբուս» (1996, 2001, 2012) և «Էմմի» (1994, 1995, 1998, 2004, 2006) մրցանակների դափնեկիր[5]: Մեծ ճանաչում է ձեռք բերել NBC ալիքի «Ուրախ խմբակ» և «Ֆրեյզեր» կատակերգական հեռուստասերիալներում խաղացած Ֆրեյզեր Քրեյնի դերով:

Հայտնի է նաև «Հեռացնել շրջադիտակը» (1996), «Իքս մարդիկ։ Վերջին մարտը» (2006) ֆիլմերում խաղացած Գազան մուտանտի դերով և «Տրանսֆորմերներ։ Բնաջնջման դարաշրջանը» (2014) ֆիլմերի վրա կատարված աշխատանքով[6]: Բացի այդ, Գրեմերը հնչյունավորել է բազմաթիվ անիմացիոն կերպարների՝ «Անաստասիա» մուլտֆիլմում (1997)՝ Վլադիմիրին, «Խաղալիքների պատմություն 2»ում (1999)՝ ջանասեր «Գարշահոտ» Փիթին և «Սիմփսոնները» մուլտիսերիալում (սկսված 1990 թվականի Krusty Gets Busted էպիզոդից)՝ Սայդշո Բոբին:

2011-2012 թվականներին դրամատիկական «Բոսը» հեռուստասերիալում կատարել է Չիկագոյի քաղաքապետ Թոմ Քեյնի գլխավոր դերը[7]:

Ամուսնացած է եղել չորս անգամ, ունի յոթ երեխա և մեկ թոռ[8]:

Կարիերա[խմբագրել | խմբագրել կոդը]

Ծնվել է 1955 թվականին Շարլոթա Ամալիա քաղաքում։ Գրեմերը, նախքան դպրոցը թողնելը և հաջող բեմական կարիերա սկսելը, Ջուլիարդի դպրոցում երկու տարի ուսանել է դրամա: Դերասանական կարիերան սկսել է 1981 թվականին Բրոդվեյ թատրոնում, որտեղ դեր է խաղացել «Մակբեթ» և «Օթելլո» պիեսներում։ Գրեմերի առաջին հեռուստատեսային դերը եղել է 1980-ականներին սկսված «Քեննեդի» մինի-սերիալում[9]: Սակայն մեծ ճանաչում է ձեռք բերել NBC հեռուստաալիքի «Ուրախ ընկերություն» սիթքոմում բժիշկ Ֆրեյզեր Քեյնի դերի շնորհիվ։ Ավելին, այս դերը այնքան հաջող էր, որ գործարկվել է Գրեմերի կերպարին նվիրված սփին-օֆֆում: Կերպարը ստացել է «Ֆրեյզեր» անվանումը և հեռարձակվել է 1993-2004 թվականները։

Գրեմերը հայտնի է նաև որպես հնչյունավորող դերասան: Նրա ձայնը կարելի է լսել «Անաստասիա» և «Խաղալիքների պատմություն 2» մուլտիպլիկացիոն ֆիլմերում։ 1990 թվականին «Սիմփսոններ» մուլտսերիալում նրա ձայնով խոսում էր Սայդշոու Բոբը։

Գրեմերը 14 անգամ առաջադրվել է «Էմմի» մրցանակի և հինգ անգամ դարձել է դափնեկիր․ դրանցից չորսը «Ֆրեյզեր» սերիալում խաղացած դերի համար է, իսկ մեկը՝ «Սիմփսոններ»-ի Սայդշոու Բոբի հնչյունավորման։ «Ոսկե Գլոբուս»-ի եռակի և կատակերգության բնագավառում Ամերիկյան մրցանակի կրկնակի դափնեկիր։ Իր երրորդ «Ոսկե Գլոբուս»-ը ստացել է 2012 թվականին՝ որպես հեռուստասերիալի լավագույն դերասան՝ «Բոսս» հեռուստասերիալում Չիկագոյի քաղաքապետի դերի համար։

Անձնական կյանք[խմբագրել | խմբագրել կոդը]

Գրեմերի ընտանիքին հետապնդել են ողբերգական իրադարձությունները։ Այսպես, 1968 թվականին հայրը գնդակահարվել է իրենց տան դիմաց, 1975 թվականին նրա քույր Քարենը դարձել է հայտնի մարդասպանի՝ Ֆրեդի Գլենի զոհը[10]:

Քելսին ունի յոթ երեխա:

Իր առաջին կնոջից՝ Դորին Ալդերամանից (ամուսնացած են 1982 թվականից մինչև 1990 թվականը), ունի դուստր՝ Սպենսեր Գրեմերը (ծնվել է 1983 թվականին), որը հեռուստատեսային դերասանուհի է[11]:

Ամուսնությունից դուրս՝ Բարի Բուքներից, ունի դուստր՝ Քենդեյս Գրիրը[12][13]:

Երրորդ կնոջից ՝ «Playboy»-ի նախկին մոդել Կամիլ Դոնատաչիից[13], ունի դուստր՝ Մեյսոն Օլիվիան (ծնվել է 2001 թվականին) և որդի՝ Ջուդ Գորդոնը (ծնվել է 2004 թվականին)[13]: Զույգը ամուսնացած է եղել 1997 թվականի օգոստոսից մինչև 2011 թվականի փետրվարի 10-ը:

2011 թվականի փետրվարի 25-ին՝ ամուսնալուծության գործընթացի ավարտից անմիջապես հետո, Գրեմերն չորրորդ անգամ ամուսնացել է բրիտանուհի Քեյթ Ուելշի հետ, որը նրանից փոքր է 25 տարով[14]: Զույգը ունի երեք երեխա՝ դուստրը՝ Ֆեյթ Էվանգելին Էլիասը (англ. Faith Evangeline Elisa, ծնվել է 2012 թվականի հուլիսի 13-ին), որդիները՝ Քելսի Գաբրիել Էլիասը (англ. Kelsey Gabriel Elias, ծնվել է 2014 թվականի հուլիսի 22-ին) և Օդեն Ջեյմս Էլիաս (անգլ. ՝ Jayden James Ellis, ծնվել է 2016 թվականի սեպտեմբերի 14-ին)։

Հանրապետական կուսակցության անդամ է: 2008 թվականի նախագահական ընտրություններում Գրեմերն ի սկզբանե պաշտպանել Է Նյու Յորքի նախկին քաղաքապետ Ռուդոլֆ Ջուլիանիի, իսկ ավելի ուշ՝ Ջոն Մաքքեյնի թեկնածությունը:

Ընտրյալ ֆիլմագրություն[խմբագրել | խմբագրել կոդը]

Տարի Հայերեն անվանում Բնօրինակ անվանում Դեր
1984-1993 ս Ուրախություն Cheers բժիշկ Ֆրեյզեր Քրեյն
1990-2019 սմ Սիմփսոնները Simpsons Սայդշոու Բոբ
1992 ֆ Սիրո մոլորակ Planet of Love Փիթր
1992 ս Աստղային ճանապարհ: Հաջորդ սերունդը Star Trek: The Next Generation կապիտան Բաթեսոն
1993-2004 ս Ֆրեյզեր Frasier բժիշկ ֆրեյզեր Քրեյն
1996 ֆ Հեռացնել շրջադիտակը Down Periscope Թոմաս Դոջ
1997 մֆ Անաստասիա Anastasia Վլադիմիր
1998 ֆ Պենտագոնի պատերազմը The Pentagon Wars Maj. Gen. Partridge
1999 մֆ Խաղալիքների պատմություն 2 Toy Story 2 ջանասեր Գարշահոտ Փիթ
2001 ֆ 15 րոպե 15 Minutes Ռոբերտ Հոքինս
2003 մս Կեղտոտ Հարի Gary the Rat Գերի «Քրիս» Էնդրյու
2006 ֆ Իքս մարդիկ։ Վերջին մարտը X-Men: The Last Stand բժիշկ Գազան
2007 հխ The Simpsons Game The Simpsons Game Սայդշոու Բոբ
2009 ֆ Փառք Fame Ջոել Քրենսոն
2011 ֆ Ես չգիտեմ, թե ինչպես է նա անում դա I Don't Know How She Does It Քլարկ Կուպեր
2013 մֆ Օզի լեգենդը: Դորոթին վերադառնում է Legends of Oz: Dorothy's Return Երկաթե փայտահատ
2014 ֆ Իքս մարդիկ: Անցած ապագայի օրերը X-Men: Days of Future Past բժիշկ Գազան
2014 ֆ Տրանսֆորմերներ։ Բնաջնջման դարաշրջանը Transformers: Age of Extinction Հարոլդ Աթինջեր
2014 ֆ Անզուսպները 3 The Expendables 3 Բոնապարտ
2016-2018 մֆ Արագիլները Storks որսորդ

Ծանոթագրություններ[խմբագրել | խմբագրել կոդը]

  1. ↑ 1,0 1,1 SNAC — 2010.
  2. ↑ 2,0 2,1 2,2 2,3 Internet Broadway Database — 2000.
  3. ↑ 3,0 3,1 Encyclopædia Britannica
  4. ↑ Transcript: Twenty Years of 'Frasier' from. Fox News. Retrieved May 2, 2012.
  5. ↑ Kelsey Grammer: Awards
  6. ↑ Kroll Justin (2013-05-01)։ «Kelsey Grammer to Play Villain in 'Transformers 4′»։ Variety 
  7. ↑ Bianco Robert (2011-10-21)։ «Kelsey Grammer rules on the unruly 'Boss'»։ USA Today 
  8. ↑ Michaud, Sarah; Zuckerman, Blaine Kelsey Grammer Becomes Grandfather(անգլ.) // People : magazine. — Mark Allen Group, 2011. Архивировано из первоисточника 15 Հունվարի 2012.
  9. ↑ «Kelsey Grammer - Film Actor, Theater Actor, Actor, Television Actor - Biography»։ web.archive.org։ 2018-03-23։ Վերցված է 2019-11-17 
  10. ↑ Edecio Martinez (2009-07-27)։ «Kelsey Grammer Faces Sister's Killer» (անգլերեն)։ CBS News։ Արխիվացված է օրիգինալից 2012-04-29-ին 
  11. ↑ «Spencer Grammer» (անգլերեն)։ TVGuide.com։ Արխիվացված է օրիգինալից 2012-01-15-ին։ Վերցված է 2012-01-15 
  12. ↑ Michael A. Lipton Cheers and Tears: For Kelsey Grammer, Divorcing Wife and Losing An Unborn Child Is the Latest of Life's Cruel Blows (англ.) // People : magazine. — Mark Allen Group, 1993. — В. 1 (July 05). — Т. 40.
  13. ↑ 13,0 13,1 13,2 «Kelsey Grammer» (անգլերեն)։ HelloMagazine.com։ Արխիվացված է օրիգինալից 2012-01-15-ին։ Վերցված է 2015-04-17 
  14. ↑ «Kelsey Grammer Is a Married Man – Again»։ People (անգլերեն)։ 2011-02-25։ Արխիվացված է օրիգինալից 2012-06-18-ին 
Թեմատիկ կայքեր
Բառարաններ և հանրագիտարաններ
Ստացված է «https://hy.wikipedia.org/w/index.php?title=Քելսի_Գրեմեր&oldid=7275077» էջից