Սիմոն Զաքյան

Սիմոն Զաքյան
հոկտեմբերի 18, 1899 - ապրիլի 2, 1942 (42 տարեկան)
Ծննդավայր	Քարքանջ, Շամախիի գավառ, Բաքվի նահանգ, Ռուսական կայսրություն
Մահվան վայր	Կերչի թերակղզի, Ղրիմի ինքնավար խորհրդային սոցիալիստական հանրապետություն, ՌԽՖՍՀ, ԽՍՀՄ
Գերեզման	Մանկական այգի
Քաղաքացիություն	ԽՍՀՄ
Զորատեսակ	Բանվորա-գյուղացիական Կարմիր բանակ
Կոչում	գնդապետ
Հրամանատարն էր	63rd Mountain Rifle Division?, 89-րդ Հայկական հրաձգային դիվիզիա և 390-րդ Հայկական հրաձգային դիվիզիա
Մարտեր/; պատերազմներ	Հայրենական մեծ պատերազմ, Կերչ-Թեոդոսիայի դեսանտային գործողություն, Q21636225? և Anglo-Soviet invasion of Iran?
Կրթություն	Մ. Վ. Ֆրունզեի անվան ռազմական ակադեմիա (1934)
Պարգևներ

Վիքիպեդիայում կան հոդվածներ Զաքյան ազգանունով այլ մարդկանց մասին։

Սիմոն Գևորգի Զաքյան (Զաքիյան) (հոկտեմբերի 18, 1899(1899-10-18)^[1], Քարքանջ, Շամախիի գավառ, Բաքվի նահանգ, Ռուսական կայսրություն^[1] - ապրիլի 2, 1942(1942-04-02)^[1], Կերչի թերակղզի, Ղրիմի ինքնավար խորհրդային սոցիալիստական հանրապետություն, ՌԽՖՍՀ, ԽՍՀՄ^[1]), խորհրդային բանակի գնդապետ, դիվիզիայի հրամանատար։

Կենսագրություն[խմբագրել | խմբագրել կոդը]

Կարմիր բանակում ծառայել է 1918 թվականից։ Մասնակցել է Բաքվի կոմունայի պաշտպանությանը, խորհրդային կարգերի հաստատմանն ու ամրապնդմանը Ադրբեջանում, Հայաստանում և Վրաստանում։

1923 թվականին ավարտել է Երևանի կարմիր հրամանատարների առաջին դասընթացները։ Դասավանդել է Երևանի Ա․ Մյասնիկյանի անվան ռազմական դպրոցում (1923-1926)։ Ծառայել է հայկական հրաձգային դիվիզիայի տարբեր գնդերում, Մ․ Ֆրունզեի անվան ռազմական ակադեմիան ավարտելուց հետո (1934)՝ Ուկրաինական ռազմական օկրուգում։ 1935 թվականից տեղափոխվել է Անդրկովկասյան ռազմական օկրուգ, եղել է լեռնահրաձգային գնդի, ապա՝ 76-րդ հայկական դիվիզիայի հրաձգային գնդի հրամանատար։

1941 թվականի օգոստոսին Զաքյանի գունդը ռազմական անհրաժեշտությամբ Իրանի տերիտորիան մտած զորքերի կազմում էր։

Զաքյանը եղել է 89-րդ հայկական դիվիզիայի առաջին հրամանատարը։

1942 թվականի մարտին նշանակվել է Ղրիմում կազմակերպված 390-րդ հայկական հրաձգային դիվիզիայի հրամանատար և մարտերի մեջ մտել թշնամու դեմ Կերչում։ Մահացել է անհավասար մարտում ստացած ծանր վերքերից։ Թաղված է Երևանի մանկական զբոսայգում, որտեղ կանգնեցված է նրա կիսանդրին (հեղինակ՝ Արա Հարությունյան)։

Երևանի կենտրոնում նրա անունով կա փողոց։

Ծանոթագրություններ[խմբագրել | խմբագրել կոդը]

↑ ^1,00 ^1,01 ^1,02 ^1,03 ^1,04 ^1,05 ^1,06 ^1,07 ^1,08 ^1,09 ^1,10 ^1,11 ^1,12 ^1,13 Հայկական սովետական հանրագիտարան (հայ.) / Վ. Համբարձումյան, Կ. Խուդավերդյան — Հայկական հանրագիտարան հրատարակչություն, 1974.

Վիքիպահեստն ունի նյութեր, որոնք վերաբերում են «Սիմոն Զաքյան» հոդվածին։

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից (հ․ 3, էջ 677)։

[_5e5775e65518eefb-1] 1,00 ^1,01 ^1,02 ^1,03 ^1,04 ^1,05 ^1,06 ^1,07 ^1,08 ^1,09 ^1,10 ^1,11 ^1,12 ^1,13 Հայկական սովետական հանրագիտարան (հայ.) / Վ. Համբարձումյան, Կ. Խուդավերդյան — Հայկական հանրագիտարան հրատարակչություն, 1974.

[1]