Ջեֆ Մանուկյան
| Ջեֆ Մանուկյան | |
|---|---|
 | |
| Հիմնական տվյալներ | |
| Ծնվել է | նոյեմբերի 24, 1953 Սոլթ Լեյք Սիթի, ԱՄՆ[1] |
| Երկիր |  ԱՄՆ |
| Մահացել է | հուլիսի 10, 2021[2] (67 տարեկան) Սոլթ Լեյք Սիթի, ԱՄՆ |
| Մասնագիտություն | կոմպոզիտոր և դիրիժոր |
| Գործիքներ | դաշնամուր |
Ջեֆ Մանուկյան (անգլ.՝ Jeff Manookian, նոյեմբերի 24, 1953, Սոլթ Լեյք Սիթի, ԱՄՆ[1] - հուլիսի 10, 2021[2], Սոլթ Լեյք Սիթի, ԱՄՆ), ամերիկահայ դաշնակահար, կոմպոզիտոր և դիրիժոր Սոլթ Լեյք Սիթիից (Յուտա)[3][4]։
Կենսագրություն
[խմբագրել | խմբագրել կոդը]Ջեֆ Մանուկյանը 2017 թվականին առաջին մրցանակն է բաժանել Դաշնամուրի ուսուցիչների համաշխարհային ասոցիացիայի կազմակերպած դաշնակահարների միջազգային մրցույթում[5]։ Նա եղել է Բրիգհամ Յանգ համալսարանի Barlow Endowment-ի[6][7], Աբրահամյան լարային քառյակի և Արվեստների ազգային հիմնադրամի[8] բիզնես գործընկերը։
Մանուկյանը եղել է Տուկումանի (Արգենտինա, 10 տարի[9]), Intermountain Classical Orchestra-ի (Սոլթ Լեյք Սիթի, Յուտա), Յուտայի համալսարանի ամառային գեղարվեստական նվագախմբի[10], Վեսթմինսթերի կամերային նվագախմբի (Սոլթ Լեյք Սիթի, Յուտա) երաժշտական տնօրեն և Յուտայի հռետորական ընկերության (ԱՄՆ) գեղարվեստական ղեկավար[11]։
Մանուկյանի երաժշտությունը հնչել է Քենեդիի կենտրոնում (ուղիղ հեռարձակվել է համացանցով)։ Չեխիայի ռադիոյի սիմֆոնիկ նվագախումբը (Բոստոնի սիմֆոնիկ դահլիճում և Պրահայի «Դվորժակ» սրահում), Հայաստանի ֆիլհարմոնիկ նվագախումբը, Հայաստանի ազգային օպերային թատրոնի նվագախումբը և երգչախումբը, «Սերենադ» կամերային նվագախումբը, Լաս Վեգասի համալսարանի երաժշտական ընկերությունը, Փասադենայի, Յուտայի, Քարսոն Սիթի (Նևադա), Ամերիկյան արևմտյան, Սոլթ Լեյք Սիթիի սիմֆոնիկ նվագախմբերը, Վեսթմինսթերի կամերային նվագախումբը, «Բարտոկ» անսամբլը (Սանտյագո, Չիլի), դաշնակահար Գրանտ Յոհանեսենը և բազմաթիվ մենակատարներ Մանուկյանի ստեղծագործությունները ներառել են իրենց համերգային երգացանկերում[3]։
Մանուկյանի մի քանի ստեղծագործություններ թողարկել են Warmer Brothers Publications, Feature Films for Families և Windsor Editions հրատարակչությունները։ Մանուկյանի ստեղծագործությունները կարելի է լսել Albany Records, 4-Tay Records, MMC Recordings, Tantara և MAF Excel լեյբլներում[3]։
Որպես դաշնակահար Ջեֆ Մանուկյանը մենակատար է եղել Ֆիլիպինների ֆիլհարմոնիայի, Մեքսիկայի պետական սիմֆոնիկ, Բոլիվիայի ազգային սիմֆոնիկ և այլ նվագախմբերի հետ։ Նա հանդես է եկել մի քանի երկրների ազգային հեռուստաընկերություններով և նկարահանվել է Liberace Show-ում, Mike Douglas Show-ում, Joe Franklin Show-ում և Ted Mack Amateur Hour-ում։ Մանուկյանը, որպես դաշնակահարների Արամ Խաչատրյանի անվան միջազգային մրցույթի հաղթող, հանդես է եկել Նյու Յորքի Մերկին Հոլում, Քենեդիի կենտրոնում, Primeira Semana de Musica das Americas-ում (Սան Պաուլու, Բրազիլիա), Bösendorfer Saal-ում (Վիեննա, Ավստրիա) և այլուր[3]։
Մանուկյանը որպես հրավիրյալ դիրիժոր ղեկավարել է Փասադենայի սիմֆոնիկ նվագախումբը, Հայաստանի ֆիլհարմոնիկ նվագախումբը, Հայաստանի ազգային օպերայի նվագախումբը և երգչախումբը, «Սերենադ» կամերային նվագախումբը, Լաս Վեգասի համալսարանի երաժշտական ընկերության նվագախումբը և այլն[3]։
Ջեֆ Մանուկյանը վախճանվել է 2021 թվականի հուլիսի 21-ին արյան քաղցկեղից[12]։
Ծանոթագրություններ
[խմբագրել | խմբագրել կոդը]- ↑ 1,0 1,1 1,2 Carnegie Hall linked open data — 2017.
- ↑ 2,0 2,1 2,2 American Conductor Jeff Manookian Has Died, Aged 67
- ↑ 3,0 3,1 3,2 3,3 3,4 Jeff Manookian,Requiem Survey.
- ↑ «Salt Lake Symphony Guest Artist: Jeff Manookian». Salt Lake Symphony website. Salt Lake Symphony. Արխիվացված է օրիգինալից 2016 թ․ մարտի 4-ին. Վերցված է 2012 թ․ հոկտեմբերի 20-ին.
- ↑ «9th World Piano Conference (catalog)» (PDF). Վերցված է 2020 թ․ հունիսի 21-ին.
- ↑ «1999 Annual Report». Barlow Endowment for Music Composition. Արխիվացված է օրիգինալից 2020 թ․ հունիսի 22-ին. Վերցված է 2020 թ․ հունիսի 21-ին.
- ↑ «2005 Annual Report». Barlow Endowment for Music Composition. Արխիվացված է օրիգինալից 2020 թ․ հոկտեմբերի 21-ին. Վերցված է 2020 թ․ հունիսի 21-ին.
- ↑ «Salt Lake Symphony Guest Artist: Jeff Manookian». Salt Lake City Symphony. Արխիվացված է օրիգինալից 2021 թ․ օգոստոսի 31-ին. Վերցված է 2020 թ․ հունիսի 21-ին.
- ↑ «Antes de regresar a su país Jeff Manookian brindará un concierto». radiotucuman.com (իսպաներեն). Արխիվացված է օրիգինալից 2021 թ․ օգոստոսի 31-ին. Վերցված է 2021 թ․ օգոստոսի 31-ին.
- ↑ Michael Herman. «American Symphonies: A Discography of CDs and LPs» (PDF). MusicWeb International. էջ 93. Արխիվացված է օրիգինալից (PDF) 2018 թ․ հունվարի 19-ին. Վերցված է 2021 թ․ օգոստոսի 31-ին.
- ↑ Musical America: International directory of the performing arts. United States: Primedia Information. 2004. էջ 364. ISBN 9781891131387.
- ↑ Channel, The Violin (2021 թ․ հուլիսի 16). «American Conductor Jeff Manookian Has Died, Aged 67». The World's Leading Classical Music News Source. Est 2009. (ամերիկյան անգլերեն). Վերցված է 2021 թ․ օգոստոսի 31-ին.
Արտաքին հղումներ
[խմբագրել | խմբագրել կոդը]- Free scores by Jeff Manookian at the International Music Score Library Project (IMSLP)
| ||||||
