Ջեյն Ռասել
 անգլ.՝ Jane Russell | |
|---|---|
 | |
| Ծնվել է | հունիսի 21, 1921[1][2][3][…] |
| Ծննդավայր | Բեմիջի, Մինեսոտա, ԱՄՆ |
| Մահացել է | փետրվարի 28, 2011[1][2][3][…] (89 տարեկան) |
| Մահվան վայր | Santa Maria, Սանտա Բարբարա շրջան, Կալիֆոռնիա, ԱՄՆ |
| Կրթություն | Վան Նույսի ավագ դպրոց |
| Քաղաքացիություն |  ԱՄՆ |
| Կրոն | քրիստոնեություն[4] |
| Մասնագիտություն | կինոդերասանուհի, դերասանուհի, երգչուհի, մոդել և հեռուստատեսային դերասանուհի |
| Ամուսին(ներ) | Bob Waterfield? |
| Պարգևներ և մրցանակներ | |
Ջեյն Ռասել (անգլ.՝ Jane Russell), ի ծնե Էռնեստին Ջեյն Ջերալդին Ռասել (անգլ.՝ Ernestine Jane Geraldine Russell,հունիսի 21, 1921[1][2][3][…], Բեմիջի, Մինեսոտա, ԱՄՆ - փետրվարի 28, 2011[1][2][3][…], Santa Maria, Սանտա Բարբարա շրջան, Կալիֆոռնիա, ԱՄՆ), ամերիկյան դերասանուհի, 1940-ական թվականների վերջի և 1950-ական թվականների սկզբի սեքս-խորհրդանիշ։
Կենսագրություն[խմբագրել | խմբագրել կոդը]
Ջեյն Ռասելը ծնվել է Բեմիջի քաղաքում (Մինեսոտա)։ ԱՄՆ-ի բանակի լեյտենանտ Ռոյ Ուիլյամի և նախկին դերասանուհի Ջերալդին Ջեկոբիի հինգ երեխաներից ավագն է։ Հոր հրաժարականից հետո ընտանիքը տեղափոխվել է Կալիֆոռնիա, որտեղ հաստատվել են Բերբանկ քաղաքում։ Պատանեկության տարիներին, մոր պնդմամբ նա դաշնամուրի դասերի էր հաճախում և մասնակցում դպրոցի թատերական խմբակին։
Դպրոցն ավարտելուց հետո Ռասելը երազում էր դիզայներ դառնալ, սակայն հոր անսպասելի մահը` 1936 թվականին, փոխել է նրա պլանները և նա սկսել է աշխատել որպես գործավարուհի։ Սակայն Ջերալդինը իր աղջկան տեսնում էր դերասանուհու մասնագիտության մեջ, և նա պնդել է, որ դուստրը շարունակի և կատարելագործի իր դերասանական ընդունակությունները։ Այդ ժամանակ Ջեյն Ռասելը ռեժիսոր Մաքս Ռեյնահարթի մոտ գրանցվել է դերասանական կուրսերի, ինչպես նաև սովորել է Մարիյա Ուսպենսկայայի դրամատիկական դպրոցում, որից հետո 1940 թվականին յոթնամյա պայմանագիր է կնքել միլիոնատեր Հաուըրտ Հիվզի հետ։
Հիվզը հավատում էր, որ Ռասելը կարող է լուրջ մրցակից հանդիսանալ այդ ժամանակվա ճանաչված սեքս խորհրդանիշներ` Ռիտա Հեյուորթի և Լանա Թըրների համար։
1985 թվականին դերասանուհին իր ինքնակենսագրության մեշ նշել է, որ երազել է ավելի նուրբ դերերի մասին։ Նրա ամենահիշված գործերից մեկը` «Ջենտլմենները նախընտրում են շիկահերներին» (1953) կատակերգությունն է, որտեղ նա ստիպված էր բախվել հաջորդ սերնդի սեքս խորհրդանիշ` Մերլին Մոնրոյին։
1970-ական թվականներին կինոյից հեռանալուց հետո, Ջեյն Ռասելը դերասանական կարիերան շարունակել է թատրոնում, ինչպես նաև սկսել է մասնակցել երեխաների որդեգրման գործընթացը պարզեցնող ֆոնդին, քանի որ ինքն էլ է այդ բնագավառում հանդիպել դժվարությունների։
Անձնական կյանք[խմբագրել | խմբագրել կոդը]
Դերասանուհին ամուսնացել է երեք անգամ։ Իր առաջին ամուսնու` ամերիկյան ֆուտբոլի խաղացող Բոբ Ուոտերֆիլդի հետ 25 տարվա ամուսնության ընթացքում երեք երեխա են որդեգրել. երկու տղա և աղջիկ։ Դերասանուհին չէր կարողանում երեխա ունենալ։
Ռասելը բազմաթիվ դժվարությունների է հանդիպել որդեգրման ընթացքում, և 1955 թվականին հիմնադրել է բարեգործական կազմակերպություն, որը օգնում է մարդկանց նման իրավիճակներում։ Իր երկրորդ ամուսնու` Ռոջեր Բարեթի հետ ընդամենը մեկ տարի է ապրել, վերջինիս անսպասելի մահվան պատճառով 1968 թվականին։ Նրա երրորդ ամուսինը` Ջոն Քելվին Պիպլսը մահացել է 1999 թվականին, սրտային անբավարարվածությունից. նրանց համատեղ կյանքը տևել է 25 տարի։
Ջեյն Ռասելը մահացել է 2011 թվականի փետրվարի 28-ին Սանտա Մարիայում, 89 տարեկանում, շնչառական անբավարարությունից[5][6][7]:
Ֆիլմագրություն[խմբագրել | խմբագրել կոդը]
- Օրենքից դուրս / The Outlaw (1943)
- Երիտասարդ այրի / Young Widow (1946)
- Դալկադեմը/ The Paleface (1948)
- Նրա երազանքների կինը / His Kind of Woman (1951)
- Կրկնակի պայթուցիկ/ Double Dynamite (1951)
- Պատմություն Լաս Վեգասում/ The Las Vegas Story (1952)
- Մակաո (ֆիլմ, 1952)/ Macao (1952)
- Դալկադեմի որդին / Son of Paleface (1952)
- Montana Belle (1952)
- Ճանապարհ դեպի Բալի / Road to Bali (1952) (Cameo)
- Ջենտլմենները նախընտրում են շիկահերներին / Gentlemen Prefer Blondes (1953)
- The French Line (1954)
- Ջրի տակ / Underwater! (1955)
- Foxfire (1955)
- Բարձրահասակ տղամարդիկ / The Tall Men (1955)
- Ջենտլմենները ամուսնանում են թխահերների հետ/ Gentlemen Marry Brunettes (1955)
- Տաք արյուն / Hot Blood (1956)
- The Revolt of Mamie Stover (1956)
- The Fuzzy Pink Nightgown (1957)
- Ճակատագիր — որսորդ/ Fate Is the Hunter (1964)
- Ջոնի Ռիտո/ Johnny Reno (1966)
- Ուեկո/ Waco (1966)
- Ծնված խռովություններ/ The Born Losers (1967)
- Սաթից մռայլ / Darker Than Amber (1970)
- Հոլիվուդը կրակի մեջ է / Hollywood on Fire (2007) (документальный)
Մշակույթում[խմբագրել | խմբագրել կոդը]
Ամերիկացի նկարիչ Նորման Ռոքուելի «Աղջիկը հայելու դիմաց» նկարում, երիտասարդ Մերի Ուելենը պատկերված է ձեռքում ամսագիր` Ջեյն Ռասելի լուսանկարով [8]։
Ծանոթագրություններ[խմբագրել | խմբագրել կոդը]
- ↑ 1,0 1,1 1,2 1,3 1,4 Bibliothèque nationale de France data.bnf.fr (ֆր.): տվյալների բաց շտեմարան — 2011.
- ↑ 2,0 2,1 2,2 2,3 2,4 Encyclopædia Britannica
- ↑ 3,0 3,1 3,2 3,3 3,4 Internet Broadway Database — 2000.
- ↑ Caine M. The Elephant to Hollywood — London: Hachette, 2010.
- ↑ «Умерла секс-дива золотой эры Голливуда»։ Yтро.ru։ 28.02.2011։ Արխիվացված է օրիգինալից 2012-02-21-ին։ Վերցված է փետրվարի 28, 2011
- ↑ «The Outlaw Sexpot Jane Russell Dies» (անգլերեն)։ E! Online։ 28.02.2011։ Արխիվացված է օրիգինալից 2012-02-21-ին։ Վերցված է փետրվարի 28, 2011
- ↑ «Addio a Jane Russell» (իտալերեն)։ la Repubblica։ 28.02.2011։ Արխիվացված է օրիգինալից 2012-02-21-ին։ Վերցված է փետրվարի 28, 2011
- ↑ «Norman Rockwell Girl at the Mirror» (անգլերեն)։ Norman Rockwell Museum։ Վերցված է 2018-09-9
Արտաքին հղումներ[խմբագրել | խմբագրել կոդը]
- Ջեյն Ռասելը Internet Movie Database կայքում
| ||||||||||||||||||||
- Հունիսի 21 ծնունդներ
- 1921 ծնունդներ
- ԱՄՆ-ում ծնվածներ
- Փետրվարի 28 մահեր
- 2011 մահեր
- Կալիֆոռնիայում մահացածներ
- Անձինք այբբենական կարգով
- Դերասաններ այբբենական կարգով
- Ամերիկացի հեռուստատեսային դերասանուհիներ
- Ամերիկացի դերասանուհիներ
- Ամերիկացի կինոդերասանուհիներ
- Ամերիկացի երգչուհիներ
- Ամերիկացի մոդելներ
- 20-րդ դարի ամերիկացի դերասանուհիներ