Ջենտլմենները նախընտրում են շիկահերներին

Վիքիպեդիայից՝ ազատ հանրագիտարանից
Picto infobox cinema.png
Ջենտլմենները նախընտրում են շիկահերներին
անգլ.՝ Gentlemen Prefer Blondes
Gentlemen Prefer Blondes Movie Trailer Screenshot (11).jpg
ԵրկիրԱՄՆ
Ժանրռոմանտիկ կատակերգություն, երաժշտական ֆիլմ[1], կինոկատակերգություն և դրամա
Թվականհուլիսի 1, 1953[2] և ապրիլի 7, 1954[3]
Լեզուանգլերեն
ՌեժիսորՀովարդ Հոուքս[4][1]
ՊրոդյուսերՍոլ Ս. Սիգել
Սցենարի հեղինակՉարլզ Լեդերեր, Ջոզեֆ Ֆիլդս և Անիտա Լուս
ԴերակատարներՄերիլին Մոնրո[5][4], Ջեյն Ռասել[5][4], Չարլզ Կոբյորն[5][4], Մարսել Դալիո[5][4], Նորմա Վարդեն[5][4], Ստիվեն Գերեյ[5][4], Էլիոտ Ռեյդ[5][4], Ժան դը Բրիակ[5], Ժան Դել Վել[5], Ռոլֆ Սիդան[5], Թեյլոր Հոլմս[5][4], Թոմի Նունան[5][4], Ջորջ Ուինսլոու[6], Հարրի Քերի (կրտսեր)[6], Ջորջ Չաքիրիս[6], Ջեք Չեֆ[6], Բես Ֆլաուերս[6], Ռոբերտ Ֆոուլկ[6], Ռոբերտ Ֆուլեր[6], Քոլին Քեննի[6], Հարոլդ Միլլեր[6], Ռեյ Մոնթգոմերի[6], Էլվի Մուր[6], Ռոջեր Մուր[6], Նիլ Նոել[6], Սթիվ Ռիվզ[6], Դոն Ուիլսոն[6] և Հովարդ Ուենդել
ՕպերատորՀարրի Ջ. Ուայլդ
ԵրաժշտությունՀոգի Քարմայքլ, Jule Styne?, Eliot Daniel? և Lionel Newman?
ՄոնտաժՀուգ Ս. Ֆոուլեր
Պատմվածքի վայրՓարիզ
Կինոընկերություն20th Century Studios
Տևողություն88 րոպե
ՀաջորդGentlemen Marry Brunettes?
Commons-logo.svg Gentlemen Prefer Blondes (1953 film) Վիքիպահեստում

«Ջենտլմենները նախընտրում են շիկահերներին» (անգլ.՝ Gentlemen Prefer Blondes), երաժշտական ֆիլմ` նկարահանված Անիտա Լուսի համանուն գրքի հիման վրա, ռեժիսոր Հովարդ Հոուքսի կատակերգությունը։ Ֆիլմը բեմադրվել է համանուն մյուզիքլի մոտիվներով (1949)։ Գլխավոր դերերում են Ամերիկայի երկու սեքս-խորհրդանիշները՝ թխահեր Ջեյն Ռասելը և շիկահեր Մերիլին Մոնրոն։

1955 թվականին լույս տեսավ ֆիլմի շարունակությունը՝ «Ջենտլմեններն ամուսնանում են թխահերների հետ», որտեղ նկարահանվել է Ջեյն Ռասելն առանց Մերիլին Մոնրոյի, և ֆիլմն այնպիսի հաջողություն չի ունեցել հանդիսատեսի մոտ, ինչպես առաջին մասը։

Սյուժե[խմբագրել | խմբագրել կոդը]

Դորոթի Շոուն (թխահեր) և Լորելի Լին (շիկահեր)՝ երկու երգչուհիներ և մտերիմ ընկերուհիներ, ուղևորվում են ծովային ճանապարհորդության «Queen Mary» զբոսանավով՝ Ատլանտյան օվկիանոսի վրայով դեպի Փարիզ հյուրախաղերի։ Երկու չամուսնացած աղջիկներ որոնում են պոտենցիալ փեսացուներ։ Բայց եթե Դորոթին նախընտրում է ամուսնությունը՝ հիմնված սիրո վրա, ապա Լորելին` միայն հաշվարկով, ընդ որում Լորելին արդեն նշանված է միլիոնատեր Գաս Էսմոնդի հետ։ Էսմոնդի կասկածամիտ հայրը հարսի հետևից մասնավոր խուզարկուի է ուղարկում՝ նրան հանձնարարելով հետևել, թե արդյոք Լորելին հավատարիմ կմնա Գասին։

Փարիզ հասնելու ճանապարհին կպչուն Լորելին հանդիպում է միլիոնատեր և «Փիգգի» ալմաստի հանքերի սեփականատեր Բիքմանին և հեշտությամբ գայթակղում նրան։ Մասնավոր խուզարկու Էրնի Մելոունին հաջողվում է այդ թեմայով վարկաբեկող ապացույցներ հավաքել։ Չնայած նրան, որ Մելոունն անկեղծորեն սիրահարվում է Լորելիի ընկերուհուն՝ Դորոթիին, խիստ անձնական լուսանկարներն ընկնում են փեսացուի հոր ձեռքը, և նա համոզում է Գասին հրաժարվել Լորելիի հետ ամուսնությունից։ Փարիզ ժամանելուն պես աղջիկները հայտնաբերում են, որ Էսմոնդը հրաժարվում է վճարել շքեղ հյուրանոցում իրենց բնակության համար։ Այդ ընթացքում նրանց առաջ նոր խնդիր է ծառանում. Բիքմանի կինը Լորելիին մեղադրում է իր ադամանդե տիարան՝ թագը գողանալու մեջ, ինչը միլիոնատերն իրականում նվիրել էր Լորելիին զբոսանավում։ Այն բանից հետո, երբ վերջինս հրաժարվում է վերադարձնել զարդը, նա խոստանում է պատասխանատվության ենթարկել Լորելիին։

Ելույթից հետո Դորոթին և Լորելին կիմանան, որ ֆրանսիական ոստիկանությունը վերջինիս ձերբակալման օրդեր ունի։ Լորելին համաձայնում է վերադարձնել թագը, բայց չի գտնում այն. ինչ-որ մեկը գողացել էր։ Այդ ժամանակ Դորոթին, դնելով բաց գույնի մազերով կեղծամը, գնում է դատարան ընկերուհու փոխարեն, իսկ նա մնում է հանդերձարանում Գասի հետ՝ փորձելով համոզել նրան վճարել թագի դիմաց։

Դատարան են գալիս Էսմոնդ ավագն ու Մելոունը։ Դորոթիին հաջողվում է անճանաչ մնալ բոլորի կողմից, բացի Մելոունից, և համոզել նրան հրաժարվել իր ցուցմունքներից։ Որոշ ժամանակ անց Մելոունն ասում է, որ գլխի է ընկնում, թե որտեղ է գտնվում թագը, և պատրաստ է այն դատարանի դահլիճ հասցնել։ Ստանալով նման հնարավորություն՝ նա շուտով բերում է միլիոնատեր Բիքմանին։ Գործը հայտարարվում է փակված։

Վերջում Լորելին և Գասը հանդիպում են նրա հոր հետ։ Նա մենակ է մնում նրա հետ և համոզում իր ճշմարտացիության մեջ։ Ֆիլմն ավարտվում է միաժամանակ անցկացվող երկու հարսանիքների տեսարանով՝ Գասի և Լորելիի, Էրնիի և Դորոթիի, որոնք տեղի էին ունենում միևնույն զբոսանավում։

Դերերում[խմբագրել | խմբագրել կոդը]

Արտադրություն[խմբագրել | խմբագրել կոդը]

Սկզբում Լորելի Լիի դերի համար պլանավորվում էր Բեթի Գրեյբլը, որին ֆիլմի համար ստիպված կլինեին վճարել 150 000 դոլար, սակայն «Նիագարա» կինոֆիլմի հաջողության և ավելի քիչ հոնորարի պատճառով այդ դերը բաժին հասավ Մերիլին Մոնրոյին։ Մոնրոյի հոնորարը կազմել է ընդամենը 11 250 դոլար, մինչդեռ Ջեյն Ռասելի հոնորարը գրեթե 18 անգամ ավելին պիտի լիներ[7][8]։ Նկարահանումների ժամանակ Մոնրոն նույնիսկ սեփական հանդերձարան չուներ։ Արդյունքում դերասանուհին վրդովվել է. «Տեսե՛ք, ֆիլմը կոչվում է «Ջենտլմենները նախընտրում են շիկահերներին», իսկ ես շիկահեր եմ»[8]։

Ֆիլմի շահույթը կազմել է 5,3 միլիոն դոլար։

Պատկերասրահ[խմբագրել | խմբագրել կոդը]

Ծանոթագրություններ[խմբագրել | խմբագրել կոդը]

Արտաքին հղումներ[խմբագրել | խմբագրել կոդը]