Չանախի

Վիքիպեդիայից՝ ազատ հանրագիտարանից
Picto infobox mets.png
Չանախի
ჩანახი
Chanakhi.jpg
Չանախի
Վրացական խոհանոց
Ծագում
Ենթատեսակստյու և գառան մսով կերակուր
Առաջացման երկիրՎրաստան Վրաստան
Բաղադրամասեր
Հիմնականոչխարի միս
կարտոֆիլ
սմբուկ
լոլիկ
սոխ
Commons-logo.svg Chanakhi Վիքիպահեստում

Չանախի (վրաց.՝ ჩანახი), վրացական խոհանոցի ճաշատեսակ, որը կավե անոթում բանջարեղենի հետ շոգեխաշած ոչխարի միս է։ Չանախիի ավանդական բանջարեղենները՝ կարտոֆիլը, լոլիկը, սմբուկը և սոխը, անոթի մեջ շարում են շերտերով։ Բոլոր բանջարեղենները միասին վերցվում են մսի զանգվածի չափով։ Չանախիի պատրաստման համար, որպես կանոն, օգտագործվում են վրացական խոհանոցին հատուկ համեմունքներ։

Կերակրատեսակն ի հայտ է եկել մինչև 16-րդ դարը, երբ կարտոֆիլը Ամերիկայից բերեցին Եվրոպա։

Ճաշատեսակը միայն վրացական խոհանոցին չէ հատուկ։ Նման ճաշատեսակ տարածված է նաև Արևելքում։ Այդպիսին է, օրինակ, փիթի ապուրը Ադրբեջանում, կճուճը Հայաստանում և այլն։ Այդ բոլոր ճաշատեսակների համար ընդհանուր է «դրեց և մոռացավ» սկզբունքը, այսինքն՝ դրանց պատրաստման ժամանակ լրացուցիչ գործողություններ չեն պահանջվում։

Մասնավորապես, չանախի կամ նման կերակրատեսակ պատրաստում էին Մերձակա ամառանոցում Ի. Ստալինի և Քաղբյուրոյի անդամների համար։

Aquote1.png …Նա սիրում էր հնարել և պատվիրել մեզ անհայտ ճաշատեսակներ։ Օրինակ՝ նա սկսեց խոհարարներին պատվիրել և աստիճանաբար կատարելագործել մի կերակրատեսակ, որը ոչ ապուր էր, ոչ էլ երկրորդ ճաշատեսակ։ Մեծ կաթսայում խառնեցին սմբուկ, լոլիկ, սև տաքդեղ, դափնու տերև, ոչխարի ոչ յուղոտ մսի կտոր և այդ բոլորը եփեցին մինչև պատրաստ լինելը։ Այդ ճաշատեսակը մատուցվեց տաք վիճակում։ Երբ կաթսան բացեցին, տարածվեց հաճելի բուրմունք։ Այնտեղ ավելացրին համեմ և այլ կանաչեղեն։ Ճաշատեսակը շատ համեղ էր։ Ստալինն այն անվանեց «Արագվի»։
- Անաստաս Միկոյան[1]
Aquote2.png


Տես նաև[խմբագրել | խմբագրել կոդը]

Ծանոթագրություններ[խմբագրել | խմբագրել կոդը]

Արտաքին հղումներ[խմբագրել | խմբագրել կոդը]