Նիլ Դոֆֆ

Վիքիպեդիայից՝ ազատ հանրագիտարանից
Jump to navigation Jump to search
Նիլ Դոֆֆ
հոլ.՝ Neel Doff
Neel Doff.jpg
Ծնվել էհունվարի 27, 1858(1858-01-27)[1][2]
ԾննդավայրBuggenum
Վախճանվել էհուլիսի 14, 1942(1942-07-14)[1][2] (84 տարեկանում)
Վախճանի վայրԻքսել, Arrondissement of Brussels-Capital, Բրյուսել, Բելգիա
ԳերեզմանIxelles Cemetery
Մասնագիտությունգրող
Լեզուֆրանսերեն[1]
ՔաղաքացիությունFlag of Belgium.svg Բելգիա
Flag of the Netherlands.svg Նիդերլանդների Թագավորություն
ՊարգևներԹագի շքանշանի ասպետ

Նիլ (Նել) Դոֆֆ (հոլ.՝ Neel Doff), իրական անունը՝ Գ. Սերիժյե, հունվարի 27, 1858(1858-01-27)[1][2], Buggenum - հուլիսի 14, 1942(1942-07-14)[1][2], Իքսել, Arrondissement of Brussels-Capital, Բրյուսել, Բելգիա), նիդերլանդական ծագմամբ բելգիացի գրող և թարգմանչուհի:

Ռեալիզմի և պրոլետարական գրականության ներկայացուցիչ է: Հիմնականում ստեղծագործել է ֆրանսերեն:

Կենսագրություն[խմբագրել | խմբագրել կոդը]

Ծնվել է բազմազավակ ընտանիքում: Մանուկ հասակում ապրել է ծայրահեղ աղքատության մեջ: Հաճախ գումար վաստակելու նպատակով ընտանիքի հետ գաղթել է, այդ թվում՝ Ամստերդամ, Անտվերպեն և Բրյուսել: Գումար վաստակել է՝ որպես բնորդուհի հանդես գալով բելգիացի հայտնի գեղանկարիչների և քանդակագործների մոտ, ինչպիսիք են Ֆելիսիեն Ռոփսը և Ջեյմս Էնսորը:

Կյանքի մեծ մասը բնակվել է Բրյուսելի մոտակայքում: Առաջին ամուսինը եղել է «La Société nouvelle» թերթի գլխավոր խմբագիր Ֆեռնան Բրոեզը, իսկ երկրորդը՝ Անտվերպենից հայտնի դատապաշտպան Ժորժ Սերիգերը, որը Բելգիայի մշակույթի հայտնի գործիչների շրջանում ունեցել է առաջադեմ հայացքներ: Ամուսինների շնորհիվ Նիլ Դոֆֆը ծանոթացել է այնպիսի մտավորական մարդկանց հետ, որոնք ունեին սոցիալիստական գաղափարներ:

Պատանեկության և երիտասարդության տպավորությունները, աշխատավորների և աղքատ մարդկանց հետ հանդիպումներն արտացոլվել են նրա ստեղծագործություններում:

Իր անդրանիկ գրքում՝ «Jours de Famine et de Dresse» (1911, հայ․՝ «Սովի և աղետի օրեր»), Նիլ Դոֆֆը նկարագրել է մի աղջկա պատմություն, որն զբաղվում է մարմնավաճառությամբ՝ կրտսեր եղբայրներին և քույրերին օգնելու նպատակով: Դրան հաջորդում են «Keetje» (1919) և «Kettje Trottin» (1921) գրքերը, որոնք եզրափակում են ինքնակենսագրական եռերգությունը: Գրողը շարունակել է ստեղծագործել, նիդերլանդերենից ֆրանսերեն թարգմանություններ է կատարել:

Շատերը նրա ստեղծագործությունները շփոթում են Էմիլ Զոլայի վեպերի հետ: Բացի այդ, Նիլ Դոֆֆին անվանել են «Հյուսիսի Դոստոևսկի»:

1911 թվականին առաջադրվել է Գոնկուրյան մրցանակի, բայց այն բաժին է ընկել Ալֆոնս դը Շատոբրիանին: Նիլ Դոֆֆի ստեղծագործությունների մեծ երկրպագու է եղել Լորան Թայադը:

Մահացել է Երկրորդ համաշխարհային պատերազմի տարիներին երիկամային անբավարարությունից: Թաղվել է Բրյուսելի արվարձան Իքսելի գերեզմանատանը:

Ընտրյալ ստեղծագործություններ[խմբագրել | խմբագրել կոդը]

  • Jours de famine et de détresse (1911)
  • Michel (1922)
  • Angelinette (1923)
  • Campine (1926)
  • Elva, suivi de Dans nos bruyères (1929)
  • Une fourmi ouvrière (1931)
  • Quitter tout cela, suivi de Au jour le jour (1937)

Ծանոթագրություններ[խմբագրել | խմբագրել կոդը]

  1. 1,0 1,1 1,2 1,3 1,4 1,5 data.bnf.fr: տվյալների բաց շտեմարան — 2011.
  2. 2,0 2,1 2,2 2,3 2,4 Cornelia Hubertina Doff — 2009.

Արտաքին հղումներ[խմբագրել | խմբագրել կոդը]