Նեջմիյե Պագարուշա

Վիքիպեդիայից՝ ազատ հանրագիտարանից
Jump to navigation Jump to search
Նեջմիյե Պագարուշա
Նաև հայտնի է որպեսBilbili i Kosoves
Ծնվել էմայիսի 7, 1933(1933-05-07) (86 տարեկան)
Մալիշևո, Mališevo Municipality, Prizren District, Կոսովո
ԵրկիրFlag of Kosovo.svg Կոսովո
Flag of Albania.svg Ալբանիա
ալբանացի
Ժանրերօպերա
Մասնագիտությունդերասանուհի, երգչուհի և օպերային երգչուհի
Երգչաձայնկոնտրալտո
Գործիքներվոկալ

Նեջմիյե Պագարուշա (մայիսի 7, 1933(1933-05-07), Մալիշևո, Mališevo Municipality, Prizren District, Կոսովո), ալբանացի հայտնի երգչուհի և դերասանուհի Կոսովոյից, նրան հաճախ անվանում են «ալբանական երաժշտության թագուհի»[1][2]:

Կենսագրություն[խմբագրել | խմբագրել կոդը]

Նեջմիյե Պագարուշան ծնվել է Պագարուշա անունով փոքր գյուղում` Մալիշևո գյուղի մոտ` Կոսովոյում: Նա տարրական դպրոցն ավարտել է Մալիշևոյում, այնուհետև մեկնել Բելգրադ, որտեղ 3 տարի հաճախել է երաժշտական դպրոցի սոլո երգեցողության բաժինը: Նա իր երաժշտական կարիերան սկսել է 1948 թվականին` որպես «Ռադիո Պրիստինա»-ի երգչուհի:

Երաժշտության ասպարեզում նրա աշխատանքը տևել է գրեթե 40 տարի, և դժվար է ասել, թե նա ինչ ժանրի է պատկանում, քանի որ նա երգել է գրեթե բոլոր ժանրերում: Ժողովրդական երաժշտության ժանրում նրա կատարումներն այնքան կատարյալ էին, ինչքան դասական երաժշտությունում, հատկապես` օպերայում: Պագարուշային անվանում են Կոսովոյի սոխակ (Bilbili i Kosovës), ալբանական երաժշտության թագուհի, մադամ Թիթեռնիկ և այլն:

Նա հայտնի է դարձել ոչ միայն իր հայրենիքում, այլ նաև եվրոպական այլ երկրներում, ինչպիսիք են Ալբանիան, Մակեդոնիան, Բոսնիա և Հերցեգովինան, Բուլղարիան և այլն: Այդ երկրներում, ինչպես նաև Իսրայելում նա անցկացրել է մի քանի համերգային շրջագայություններ: Կոսովոյում նա արժանացել է դարի երգչուհու (Këngëtare e shekullit) կոչմանը:

Baresha (հայ․՝ Հովվուհի) երգը նրա ամենահայտնի երգերից է: Դրա հեղինակն իր ամուսինն է` Ռեքսո Մուլիքին, իսկ երգի խոսքերը գրել է Ռիֆաթ Կուկայը: Պագարուշան խաղացել է շատ թատրոնների բեմերում և ֆիլմերում, ինչպես նաև մրցանակներ է ստացել որպես դերասանուհի:

Իր երաժշտական կարիերան նա ավարտել է 1984 թվականին` Սարաևոյում մեծ համերգ անցկացնելուց հետո: 2000 թվականին` 16 տարվա բացակայությունից հետո, նա երգեց Për ty (Քեզ համար) երգը: Այժմ նա աշխատում է «Ռադիո Կոսովոյում» և «Ռադիո Blue Sky»-ում:

2012 թվականին նա Ալբանիայի նախագահ Բուժար Նիշանիի կողմից պարգևատրվել է Ազգի պատիվ կոչմամբ[3]:

Սինգլներ[խմբագրել | խմբագրել կոդը]

  • Baresha (անգլ.՝ The Shepherdess)
  • Ani mori nuse (անգլ.՝ Don't worry, young bride)
  • Mora testin (անգլ.՝ I took the test)
  • Kur më shkon si zog n'hava (անգլ.՝ When you go like a bird in the sky)
  • Kur më del në derë (անգլ.՝ When you come to my door)
  • Ke selvitë (անգլ.՝ At the cypresses)
  • Ç'u ngrit lulja në mëngjes (անգլ.՝ The flower has risen in the morning)
  • Çil njat zemër plot kujtime (անգլ.՝ Open that heart full of memories)
  • Dallëndyshe (անգլ.՝ Swallow bird)
  • Një lule (անգլ.՝ A flower)
  • Zambaku i Prizrenit (անգլ.՝ Prizren's lily)
  • Sytë për ty i kam të njomë (անգլ.՝ My eyes for you are wet)

Ֆիլմագրություն[խմբագրել | խմբագրել կոդը]

  • Makedonska krvava svadba, ալբ․՝ Dasma e përgjakur, անգլ.՝ Bloodshed at the Wedding (1967) as Nedžmije Pagaruša[4]
  • Jugovizija, ալբ․՝ Jugovizioni, անգլ.՝ Jugovision (1973)
  • Gëzuar viti i ri, անգլ.՝ Happy New Year (1976)[5]
  • E kafshoja terrin, անգլ.՝ Biting the darkness (1977)[6]
  • I ikuri, անգլ.՝ Gone (1980)[7]
  • Tre vetë kapërcejnë malin, անգլ.՝ Three people overpass the mountain (1981)[8]
  • Lepuri me pesë këmbë, անգլ.՝ The Five-Legged Hare[9]
  • Fluturimi i Micakut, անգլ.՝ Micak's flight
  • Daullet e të çmendurve, անգլ.՝ The drums of the crazy ones
  • Rexha i nënës në grazhd të kalit, անգլ.՝ Mother's son Rexha in the stall
  • Vrasësit bëjnë dasmë natën (1997), անգլ.՝ The killers throw a wedding at nighttime

Ծանոթագրություններ[խմբագրել | խմբագրել կոդը]