Յուլիան Դրաքսլեր

Վիքիպեդիայից՝ ազատ հանրագիտարանից
(Վերահղված է Յուլիան Դրաքսլյերից)
Յուլիան Դրաքսլեր
գերմ.՝ Julian Draxler
Անձնական տվյալներ
Ամբողջական անուն Յուլիան Դրաքսլեր
Քաղաքացիությունը Գերմանիա Գերմանիա
Ծննդյան ամսաթիվ սեպտեմբերի 20, 1993 (30 տարեկան)
Ծննդավայր Գլադբեկ, Գերմանիա
Հասակ 187[1]
Քաշ 75
Դիրք կիսպաշտպան
Ակումբային տեղեկություններ
Ներկա ակումբ Գերմանիա Վոլֆսբուրգ
Համար 10
Պատանեկան կարիերա
2001 - 2010 Գերմանիա Շալկե 04
Մասնագիտական կարիերա*
Տարի Ակումբ Խաղ (Գոլ)
2015 - մ.հ. Գերմանիա Վոլֆսբուրգ 15 (3)
Ազգային հավաքական‡
2010 - 2011
2011
2012 -		 Գերմանիա Գերմանիա(Մ18)
Գերմանիա Գերմանիա(Մ21)
Գերմանիա Գերմանիա		 8 (1)
1 (1)
12 (1)

* Մասնագիտական կարիերայում ընդգրկված են միայն առաջնության խաղերը և գոլերը 
ըստ 11 փետրվար 2015:

‡ Ազգային հավաքականի խաղերն ու գոլերը ըստ 13 հուլիս 2014

Յուլիան Դրաքսլեր (գերմ.՝ Julian Draxler, սեպտեմբերի 20, 1993(1993-09-20)[2][3][4], Gladbeck, Recklinghausen, Մյունստեր, Հյուսիսային Հռենոս-Վեստֆալիա, Գերմանիա), գերմանացի ֆուտբոլիստ, կիսապաշտպան, հանդես է գալիս «Վոլֆսբուրգ» ակումբում և Գերմանիայի հավաքականում։

Կարիերա[խմբագրել | խմբագրել կոդը]

2010/2011 մրցաշրջան[խմբագրել | խմբագրել կոդը]

Դրաքսլերի դեբյուտը Բունդեսլիգայում տեղի է ունեցել 2011 թվականի հունվարի 15-ին, Համբուրգի դեմ խաղի ժամանակ(0-1)։ Այդ խաղով նա դարձավ 4-րդ ամենաերիտասարդ ֆուտբոլիստը ով խաղացել է Բունդեսլիգայում։ Մեկ շաբաթ անց Յուլիանը դուրս եկավ խաղադաշտ մեկնարկային րոպեներից(1-0)։ Իսկ այդ խաղով նա դարձավ 2-րդ ամենաերիտասարդ ֆուտբոլիստը ով դաշտ է դուրս եկել մեկնարկային րոպեներից, Նուրի Շահինից հետո։ 2011 թվականի ապրիլի 1-ին Դրաքսլերը խփեց առաջին գնդակը Բունդեսլիգայում, «Սանկտ Պաուլի» դարպասին»[5]։ Ամբողջ առաջնությունում երիտասարդ կիսապաշտպանը անցկացրեց 15 խաղ(3 հիմնական, 12 պահեստային), խաղալով 498 րոպե։ Խփեց մեկ գնդակ և ստացավ մեկ դեղին քարտ։ 2011 թվականի հունվարի 25-ին տեղի ունեցավ Դրաքսլերի դեբյուտը Գերմանիայի գավաթում(1/4 եզրափակչում)։ Դրաքսլերը դուրս եկավ փոխարինման Պերա Կլյուգեյի փոխարեն, լրացուցիչ ժամանակում։ Քիչ հետո նա խփեց գնդակ և թիմը հայտնվեց կիսաեզրափակչում։ Կիսաեզրափակչում Շալկեն խաղաց Բավարիայի դեմ։ Դրաքսլերը դուրս եկավ փոխարինման 61-րդ րոպեին և անկացրեց հանդիպման մնացած մասը։ Այդ խաղում հաղթեց Շալկեն և նրանք դուրս եկան եզրափակիչ։ 2011 թվականի մայիսի 21-ին 2010/11 մրցաշրջանի Գերմանիայի գավաթում խփեց հաղթական գնդակը՝ «Դույսբուրգի» դարպասին։ Խփելով այդ գոլը, նա դարձավ ամենաերիտասարդ ֆուտբոլիստը թվ գոլ է խփել Գերմանիայի գավաթի եզրափակչում։ 17 տարեկան 243 օրական հասակում նա գերազանցեց Խորսթ Տրիմխոլդի ռեկորդը, ով 1959 թվականին խաղալով էսսենյան «Շվարց-Վայսում», գոլ է խփել նոյնկիրխենյան Բորուսիային, Գերմանիայի գավաթի եզրափակչում[6]։ Դույսբուրգին խփած գնդակը արժանացավ Գերմանիայում մայիս ամսվա լավագույն գոլի[7]։ Յուլիանի գոլից հետո գելզենկիրխենները խփեցին ևս 4 անպատասխան գնդակ և հաղթեցին հակառակորդին 5-0 հաշվով։ Չեմպիոնների լիգայում Դրաքսլերի դեբյուտը տեղի ունեցավ փետրվարի 15-ին, իսպանական Վալենսիայի դեմ հանդիպման ժամանակ, խաղադաշտ դուրս գալով 78-րդ րոպեին։ Չեմպիոնների լիգայի խաղարկությունում Շալկեն հասավ կիսաեզրափակիչ, որտեղ հանդիպեց «Մանչեսթեր Յունայթեդին»։ Չեմպիոնների Լիգայում Դրաքսլերը խաղաց 6 խաղ(1 հիմնական, 5 փոխարինման), անկացրեց 148 րոպե։

2011/2012 մրցաշրջան[խմբագրել | խմբագրել կոդը]

2011 թվականի հունիսի 19-ին Դրաքսլերը Շալկեյի հետ կնքեց պայմանագիր մինչև 2016 թվական[8]։ Հուլիսի 23-ին Յուլիանը իր թիմի հետ հաղթեց Գերմանիայի սուպերգավաթը։ Դրաքսլերը անկացրեց ամբողջ խաղակեսը և նրա փոխարեն դուրս եկավ խաղադաշտ Խոսե Մանուալ Խուրադոն։ Այդ խաղում Շալկե 04-ը հաղթեց Դորտմունդի Բորուսիային, 11մ գրանցվեց 4։3 հաշիվը։ 2011 թվականի հուլիսին Յուլիանը պարգևատրվեց Ֆրից Վալտերի անվան DFL ոսկե մեդալով, որը տրվում է առաջնության մինչև 18 տարեկան լավագույն ֆուտբոլիստներին[9]։ Առաջնության առաջին խաղում Դրաքսլերը խաղաց Շտուտգարտի դեմ(0։3), դուրս գալով փոխարինման երկրորդ խաղակեսին։ Հոկտեմբերի 29-ին՝ 11-րդ տուրի Հոֆֆենհայմի հանդիպման ժամանակ Դրաքսլերը կատարեց առաջին գոլային փոխանցումը, որը ուղղված էր Ռաուլին։ Հունվարի 21-ին Դրաքսլերը մի խաղի ընթացքում և' խփեց գոլ, և' կատարեց գոլային փոխանցում։ Մրցաշրջանում երկրորդ գոլը նա խփեց առաջնության վերջին տուրում, իսկ Շալկեն հաղթեց 3-2 հաշվով։ Այդ առաջնությունում Շալկեն զբաղեցրեց 3-րդ տեղը։ Բունդեսլիգայում Դրաքսլերը խաղաց 30 խաղ(21 հիմնական), անկացրեց 1771 րոպե, խփեց երկու գնդակ և աչքի ընկավ գոլային փոխանցումով։ Եվրագավաթներում Դրաքսլերը անկացրեց առաջին խաղը Փլեյ-օֆֆ փուլում, խաղալով՝ ֆիննական ԽԻԿ-ի դեմ(0։2)։ Պատասխան խաղում գելզենկիրխենցիները 6-1 հաշվով ջախջախեցին հակառակորդին, իսկ Դրաքսլերը խփեց առաջին գնդակը Եվրոպայի Լիգայում։ Եվրոպայի Լիգայում Դրաքսլերը անկացրեց 13 խաղ(10 հիմնական), խաղաց 859 րոպե, խփեց երկու գնդակ և կատարեց գոլային փոխանցում։

2012/2013 մրցաշրջան[խմբագրել | խմբագրել կոդը]

Դրաքսլերի առաջին խաղը առաջնությունում տեղի ունեցավ հենց առաջին տուրում։ Հաննովերը հյուրընկալել էր Շալկեին։ Յուլիանը դուրս եկավ խաղադաշտ առաջին րոպեներից և փոխարինվեց 80-րդ րոպեին, ստացավ դեղին քարտ։ 2012 թվականի սեպտեմբերի 15-ին Դրաքսլերը խփեց առաջին գնդակը մրցաշրջանում, իսկ Շալկեն հաղթեց «Գրոյտեր-Ֆրույտին» 2։0 հաշվով։ 2012 թվականի սեպտեմբերի 25-ին Յուլիանը կատարեց առաջին գոլային փոխանցումը մրցաշրջանում, Մայնցի դեմ խաղի ժամանակ։ 2012 թվականի հոկտեմբերի 5-ին նա գոլ խփեց Մոնպելյեի դարպասը(2։2)։ Դրաքսլերը գերազանցեց Լարս Ռիկենի ռեկորդը և դարձավ գերմանացի ամենաերիտասարդ խաղացողը, ով գոլ է խփել Չեմպիոնների Լիգայում։ 2013 թվականի հունվարի 18-ին Յուլիանը խփեց առաջին գոլը 2013 թվականին, գրավելով «Հաննովերի» դարպասը(5։4)` 49-րդ րոպեին։ 2013 թվականի մարտի 2-ին Դրաքսլերը 2 գնդակ ուղարկեց «Վոլֆսբուրգի» դարպասը, և ձևակերպեց առաջին դուբլը կարիերայի ընթացքում։ 2013 թվականի մարտի 9-ին Դորտմունդի Բորուսիայի դեմ հանդիպման ժամանակ, նա անցակցրեց իր 100-րդ պաշտոնական հանդիպումը` «Շալկեյում»` 19 տարեկան, 170 օրական հասակում։ Այդ ցուցանիշով նա դարձավ Բունդեսլիգայի պատմության ամենաերիտասարդ ֆուտբոլիստը[10]։ Եվ նույնպես Դրաքսլերը դարձավ Բունդեսլիգայի պատմության այն ֆուտբոլիստը, ում 20 տարեկանը Բունդեսլիգայի 75-րդ խաղում դեռ չէր լրացել։ 2013 թվականի մայիսի 10-ին Դրաքսլերը երկարաձգեց պայմանագիրը մինչև 2018 թվական և վերցրեց 10 համարը[11]։

2013/2014 մրցաշրջան[խմբագրել | խմբագրել կոդը]

2014 թվականի մայիսի 3-ին Ֆրայրբուրգի դեմ հանդիպման ժամանակ։ Դրաքսլերը դուրս եկավ խաղադաշտ 20 տարեկան, 7 ամսական և 13 օրական հասակում դարձավ Բունդեսլիգայի պատմության ամենաերիտասարդ ֆուտբոլիստը, ով անցկացրել է 100 խաղ[12]։

Հաջողություններ[խմբագրել | խմբագրել կոդը]

Ակումբային[խմբագրել | խմբագրել կոդը]

Գերմանիա «Շալկե 04»

  • Գերմանիայի գավաթակիր` 2010/11
  • Գերմանիայի սուպերգավաթակիր՝ 2011

Գերմանիա Գերմանիայի հավաքական

  • 2014 թվականի աշխարհի առաջնության չեմպիոն

Մրցանակներ[խմբագրել | խմբագրել կոդը]

  • Ֆրից Վալտերի անվան ոսկե մեդալակիր՝ 2011
  • Գերմանիայի ամսվա գոլ՝ 2011 թվականի մայիս

Ծանոթագրություններ[խմբագրել | խմբագրել կոդը]

  1. ↑ «10 Julian Draxler». Արխիվացված է օրիգինալից 2015 թ․ օգոստոսի 1-ին. Վերցված է 2021 թ․ մարտի 30-ին.
  2. ↑ Transfermarkt.com(բազմ․) — 2000.
  3. ↑ Արգենտինական ֆուտբոլի տվյալների շտեմարան (իսպ.)
  4. ↑ As (իսպ.) — Madrid: Grupo Prisa, 1967. — ISSN 1888-6671
  5. ↑ Schalke’s Julian Draxler proud to score first Bundesliga goal against St Pauli
  6. ↑ Pokalheld Draxler: Neuers Nachfolger?
  7. ↑ Tor des Monats, Mai 2011
  8. ↑ «Шальке» продлил контракт с Дракслером(չաշխատող հղում)
  9. ↑ «Gold für Julian Draxler – S04-Youngster erhält Fritz-Walter-Medaille». Արխիվացված է օրիգինալից 2012 թ․ դեկտեմբերի 14-ին. Վերցված է 2015 թ․ ապրիլի 24-ին.
  10. ↑ Julian Draxler macht im Derby die 100 voll
  11. ↑ «Julian Draxler verlängert seinen Vertrag bis zum 30. Juni 2018». Արխիվացված է օրիգինալից 2013 թ․ օգոստոսի 8-ին. Վերցված է 2015 թ․ ապրիլի 24-ին.
  12. ↑ Дракслер стал самым молодым игроком в истории бундеслиги, сыгравшим 100 матчей

Արտաքին հղումներ[խմբագրել | խմբագրել կոդը]

Վիքիպահեստն ունի նյութեր, որոնք վերաբերում են «Յուլիան Դրաքսլեր» հոդվածին։
Ֆոտո, վիդեո և աուդիո
Թեմատիկ կայքեր
Բառարաններ և հանրագիտարաններ
Չափորոշչային վերահսկողություն
Գերմանիայի ֆուտբոլի ազգային հավաքական – ներկա կազմ
Ստացված է «https://hy.wikipedia.org/w/index.php?title=Յուլիան_Դրաքսլեր&oldid=9620149» էջից