Մոշելեց Իգնաց

Վիքիպեդիայից՝ ազատ հանրագիտարանից
Jump to navigation Jump to search
Մոշելեց Իգնաց
Ignaz Moscheles.jpg
Բնօրինակ անունգերմ.՝ Ignaz Moscheles
Ծնվել էմայիսի 23, 1794(1794-05-23)[1][2][3][4]
Պրահա, Lands of the Bohemian Crown[5]
ԵրկիրFlag of the Habsburg Monarchy.svg Հաբսբուրգի միապետություն
Flag of the Habsburg Monarchy.svg Ավստրիական կայսրություն
Banner of the Holy Roman Emperor with haloes (1400-1806).svg Սրբազան Հռոմեական կայսրություն
Flag of Germany (3-2 aspect ratio).svg Գերմանական միություն
Մահացել էմարտի 10, 1870(1870-03-10)[1][2][3][4] (75 տարեկանում)
Լայպցիգ, Սաքսոնիայի թագավորություն[5]
Մասնագիտությունդաշնակահար, դիրիժոր, կոմպոզիտոր, մանկավարժ, երաժշտագետ, երաժշտության ուսուցիչ, օրագրի հեղինակ, համալսարանի պրոֆեսոր և երաժիշտ
Գործիքներդաշնամուր
ԱշխատավայրԼայպցիգի երաժշտության և թատրոնի բարձրագույն դպրոց
ՇրջանավարտՊրահայի կոնսերվատորիա
Կայքmoscheles.org

Իգնաց Իսահակ Մոշելեց, (գերմ.՝ Ignaz Moscheles, մայիսի 23, 1794(1794-05-23)[1][2][3][4], Պրահա, Lands of the Bohemian Crown[5] - մարտի 10, 1870(1870-03-10)[1][2][3][4], Լայպցիգ, Սաքսոնիայի թագավորություն[5]), բոհեմական ոճի վիրտուոզ դաշնակահար, դիրիժոր, կոմպոզիտոր, մանկավարժ։

Կենսագրություն[խմբագրել | խմբագրել կոդը]

Իսահակ (հետագայում օգտագործել է Իգնաց անունը) Մոշելեցը ծնվել է Պրահայում՝ հարուստ հրեայի ընտանիքում։ Դաշնամուրով նվագել սովորել է Պրահայում՝ Դ. Վեբերի մոտ: 1808 թվականին գնացել է Վիենա, որտեղ կոմպոզիտորական արվեստ է սովորել Անտոնիո Սալիերիի մոտ, իսկ նրա մոտ աշխատող Ի. Գ. Ալբրեխտսբերգերից սովորել է երաժշտության տեսություն։ Մանկական տարիքից սկսել է համերգներ տալ և արդեն 14 տարեկանում իր սեփական համերգն է բեմադրել։

1814 թվականին Բեթհովենը նրան հանձնարարել է «Ֆիդելիո» օպերայի համար ստեղծել դաշնամուրային երաժշտություն։

1821—1845 թվականներին ապրել է Լոնդոնում և Բեռլինում,որտեղ զբաղվել է համերգային և մանկավարժական գործունեությամբ։ Նրա աշակերտը եղել է Արնի Լիտոլֆը, որը 12 տարեկանում Կովենտ գարդեն արքունական թատրոն հանդես է եկել որպես դաշնակահար։ 1825 թվականին ամուսնացել է Ֆրանկ Ֆուրտում՝ Շարլոտ Էմդենի հետ, որը հրեա բանկիրի աղջիկ էր և հրեական ծագումով գերմանացի բանաստեղծ, հրապարակախոս և գրաքննադատ Հայնրիխ Հայնեի զարմուհին։

1837 թվականին հանդես է եկել որպես դիրիժոր։

1844 թվականին նրան պատվել են Ռուսաստանի արտաքին գործերի նախարար Կ. Վ. Նեսելռոդը և Անգլիայի դեսպան Ֆ. Ի. Բրուննովը, սակայն երաժշտի` Պետերբուրգում կայանալիք համերգն ընդհատվել է իշխանուհի Ալեքսանդրա Նիկոլաևնայի մահվան պատճառով։

1846 թվականին մշտական բնակության է մեկնել Լայպցիգ, որտեղ մինչև կյանքի վերջ եղել է Լայպցիգի կոնսերվատորիայի դաշնամուրային բաժնի պրոֆեսոր։ Նրա աշակերտներից են եղել Եվգենի Ալբրեխտը, Իոսիֆ Աշերը, Վոլդեմար Բարգիլը, Ֆյոդոր Բեգրովը, Լուի Բրասսեն, Ռաֆայել Յոշեֆֆին, Իվան Կնորրը, Նիկոլայ Լիսենկոն, Ալեքսանդր Միխալովսկին, Լուի Նիդերմեյերը, Լուիզա Ֆարրանկը, Ալֆրեդ Յաելը և այլ հայտնի երաժիշտներ։

Ստեղծագործություններ[խմբագրել | խմբագրել կոդը]

  • 8 համերգ՝ դաշնամուրի համար՝ նվագախմբի հետ առավել հայտնի է 3-րդ, 5-րդ և 7-րդ Պաթետիկ կոնցերտ
  • «Հուշեր Իռլանդիայի մասին», «Հուշեր Դանիայի մասին», «Շոտլանդիայի արձագանքները»
  • Մեծ յոթներգություն դաշնամուրի, լարային քառյակի, կլարնետի և եղջյուրաձև շեփորի համար
  • Մեծ վեցյակ դաշնամուրի, ֆլեյտայի, 2 եղջյուրաձև շեփորի, ջութակի և թավջութակի համար
  • և այլ ստեղծագործություններ, պիեսներ՝ մեկ կամ երկու դաշնամուրի համար, այդ թվում սոնատներ, էտյուդներ և այլն։

Ծանոթագրություններ[խմբագրել | խմբագրել կոդը]

Գրականություն[խմբագրել | խմբագրել կոդը]

Արտաքին հղումներ[խմբագրել | խմբագրել կոդը]