Մարգ Մոլ

Մարգ Մոլ;
Ծնվել է	օգոստոսի 2, 1884
Ծննդավայր	Մյուլուզ
Մահացել է	մարտի 15, 1977 (92 տարեկան)
Վախճանի վայրը	Մյունխեն, Գերմանիայի Ֆեդերատիվ Հանրապետություն
Քաղաքացիություն	Գերմանիա
Կրթություն	Մատիսի ակադեմիա
Մասնագիտություն	քանդակագործ և նկարչուհի
Ամուսին	Օսկար Մոլ
Պարգևներ և ; մրցանակներ
Երեխաներ	Brigitte Würtz?
	Marg Moll Վիքիպահեստում

Մարգ Մոլ (գերմ.՝ Marg Moll, ծննդյան անունը՝ Մարգ Խեֆներ, օգոստոսի 2, 1884(1884-08-02)^[1]^[2]^[3], Մյուլուզ - մարտի 15, 1977(1977-03-15)^[1], Մյունխեն, Գերմանիայի Ֆեդերատիվ Հանրապետություն^[4]), գերմանացի քանդակագործ, նկարիչ, գրող։

Կենսագրություն[խմբագրել | խմբագրել կոդը]

Մարգը գեղարվեստական կրթություն է ստացել Մայնի Ֆրանկֆուրտում գտնվող Շտեդելի գեղարվեստի ինստիտուտում, որտեղ մեծ ուշադրություն է դարձրել քանդակագործությանը։ 1905 թվականին եղել է նկարիչ Օսկար Մոլի աշակերտը, որի հետ ամուսնացել է 1906 թվականին։ Երիտասարդ զույգը տեղափոխվել է Բեռլին, որտեղ աշխատել է նկարիչ Լովիս Կորինտի ստուդիայում։ Միաժամանակ Մարգն անատոմիա է ուսանել Լևին-Ֆունկի դպրոցում։ 1907 թվականին Մոլ ընտանիքը տեղափոխվել է Փարիզ, որտեղ ընկերներ են դարձել Անրի Մատիսի հետ, եղել նրա ամենամտերիմ ընկերներից, Մատիսին համոզել բացելու իր ակադեմիան (Մատիսի ակադեմիա)։ Ակադեմիայում Մարգ Մոլն աշխատել է քանդակագործության բաժնում^[5]։

Առաջին համաշխարհային պատերազմի ավարտից հետո Մարգ Մոլը մեկնել է Բրեսլաու, որտեղ Օսկարը պրոֆեսորի պաշտոն է ստացել Գեղարվեստի պետական ակադեմիայում։ Մարգ Մոլի այդ շրջանի ստեղծագործություններն իրենց վրա են կրում փարիզյան իրեն ծանոթ այնպիսի քանդակագործների ազդեցությունը, ինչպիսիք են Ալեքսանդր Արխիպենկոն, Օսիպ Ցադկինը և Կոնստանտին Բրանկուզին։ 1928 թվականին Մանգ Մոլը կրկին մեկնել է Փարիզ և աշակերտել Ֆեռնան Լեժեին։ Ավելի ուշ Փարիզում ներգրավել է 1940 խմբի կազմում, ցուցահանդեսների մասնակցել այնպիսի նկարիչների հետ, ինչպիսիք են Ռոբեր Դելոնեն և Ալբեր Գլեզը։ Մարգի պլաստիկ ստեղծագործությունները ավելի ու ավելի վերացական են դառնում. աստիճանաբար հեռանում է ռեալիստական արվեստից։

1932 թվականին Բրեսլաուի ակադեմիան փակվել է։ Մոլերը նախ տեղափոխվել են Դյուսելդորֆ, ապա` Բեռլին։ Գերմանիայում Ազգային սոցիալիստների իշխանության գալուց հետո Օսկարին հեռացրել են դասավանդման գործընթացից։ Նրա, ինչպես նաև Մարգի աշխատանքները, վերագրվում էին դեգեներատիվ արվեստին։ Մարգի բրոնզե արձանիկներից մեկը՝ «Պարուհին», 1937 թվականին բռնագրավվել է և ուղարկվել նացիստների կազմակերպած դեգեներատիվ արվեստի ցուցահանդեսին։ Տարիներ շարունակ արձանը համարվել է կորած, մինչև այն հայտնաբերվել է 2009 թվականին Բեռլինի կենտրոնում պեղումների ժամանակ։ Մոլեր ընտանիքին պատկանող դեգեներատիվ արվեստի ստեղծագործությունների զգալի հավաքածու ավերվել է 1943 թվականի ռմբակոծության ժամանակ։

Երկրորդ համաշխարհային պատերազմի ավարտից և 1947 թվականին Օսկար Մոլի մահից հետո Մարգը շարունակում է զբաղվել քանդակագործությամբ։ 1947-1950 թվականներին նա բնակվել է Ուելսում, այնուհետև Լոնդոնում հանդիպել է քանդակագործ Հենրի Մուրի հետ։ 1952 թվականին Մոլը վերադարձել է Դյուսելդորֆ։ Հետագա տարիներին նա շրջագայել է ինչպես Գերմանիայում, այնպես էլ արտասահմանում։ Մարգ Մոլը ստեղծագործել է և՛ բրոնզով, և՛ փայտով։

Պարգևներ[խմբագրել | խմբագրել կոդը]

1969 թվականին պարգևատրվել է «Գերմանիայի Ֆեդերատիվ Հանրապետության վաստակի համար» մեծ շքանշանով, 1970 թվականին՝ Քյոլնի 16-րդ արվեստի ցուցահանդեսի պատվավոր մեդալով։

Երկեր[խմբագրել | խմբագրել կոդը]

Moll, Margarethe, Erinnerungen an Matisse, in: Neue Deutsche Hefte, Heft 23, Gütersloh 1956, S. 853 f. Wieder abgedruckt in: Ausst.kat. "Matisse und seine deutschen Schüler, Pfalzgalerie Kaiserslautern/Ostdeutsche Galerie Regensburg 1988, S. 41 ff.

Գրականություն[խմբագրել | խմբագրել կոդը]

Ausst.kat. «Die große Inspiration». Deutsche Künstler in der Académie Matisse, Teil III, Kunst-Museum Ahlen 2004
Jain, Gora, «Marg Moll - 'Konturen' des bildhauerischen Werks», in: Auss.kat. "Die große Inspiration, Teil I, Kunst-Museum Ahlen 1997, S. 107-122

Ծանոթագրություններ[խմբագրել | խմբագրել կոդը]

↑ ^1,0 ^1,1 ^1,2 ^1,3 ^1,4 Marg Moll (նիդերլ.)
↑ ^2,0 ^2,1 Benezit Dictionary of Artists — OUP, 2006. — ISBN 978-0-19-977378-7
↑ ^3,0 ^3,1 Artists of the World Online, Allgemeines Künstlerlexikon Online, AKL Online (գերմ.) / Hrsg.: A. Beyer, B. Savoy — B: K. G. Saur Verlag, Verlag Walter de Gruyter, 2009. — ISSN 2750-6088 — doi:10.1515/AKL
↑ ^4,0 ^4,1 ^4,2 Deutsche Nationalbibliothek Record #121945774 // Gemeinsame Normdatei (գերմ.) — 2012—2016.
↑ https://books.google.am/books?id=PVAjAAAAQBAJ&pg=PA149&lpg=PA149&redir_esc=y#v=onepage&q&f=false Wilson, H. W. (1997). Moll, Marg. Biography Reference Bank: Dictionary of Woman Artists. Fitzroy Dearborn Publishers.

Արտաքին հղումներ[խմբագրել | խմբագրել կոդը]

www.oskar-u-marg-moll.de Избранные работы Марг и Оскара Молл

Վիքիպահեստն ունի նյութեր, որոնք վերաբերում են «Մարգ Մոլ» հոդվածին։

[_eb1656210ba3b24c-1] 1,0 ^1,1 ^1,2 ^1,3 ^1,4 Marg Moll (նիդերլ.)

[_2ae23f49bd14800e-2] 2,0 ^2,1 Benezit Dictionary of Artists — OUP, 2006. — ISBN 978-0-19-977378-7

[_be3addab3034f788-3] 3,0 ^3,1 Artists of the World Online, Allgemeines Künstlerlexikon Online, AKL Online (գերմ.) / Hrsg.: A. Beyer, B. Savoy — B: K. G. Saur Verlag, Verlag Walter de Gruyter, 2009. — ISSN 2750-6088 — doi:10.1515/AKL

[_fddc5a219263a32d-4] 4,0 ^4,1 ^4,2 Deutsche Nationalbibliothek Record #121945774 // Gemeinsame Normdatei (գերմ.) — 2012—2016.

[5] ttps://books.google.am/books?id=PVAjAAAAQBAJ&pg=PA149&lpg=PA149&redir_esc=y#v=onepage&q&f=false Wilson, H. W. (1997). Moll, Marg. Biography Reference Bank: Dictionary of Woman Artists. Fitzroy Dearborn Publishers.

[1]

[2]

[3]

[4]

[5]