Մասնակից:Hanasonmi/Ավազարկղ2

Վիքիպեդիայից՝ ազատ հանրագիտարանից
Hanasonmi/Ավազարկղ2

Շիլպա Շեթի Կունդրա (ծնված՝ Ashwini Shetty; Née Shetty; 1975 թվականի հունիսի 8-ին)[1], հնդիկ դերասանուհի, որը հիմնականում նկարահանվում է հնդկական ֆիլմերում։ Շեթին իր դերասանական դեբյուտն է կատարել «Baazigar» (1993) թրիլլերում, որը արժանացրել է նրան Filmfare Awards մրցանակաբաշխության 2 նոմինացիայի, որից հետո նա երկակի դեր է խաղացել «Main Khiladi Tu Anari» (1994) կատակերգական մարտաֆիլմում։

Հազարամյակի ավարտին Շեթիի կարիերան, որպես գլխավոր դերասանուհի, վերածնունդ է ապրել Dhadkan (2000) ռոմանտիկ դրամայի շնորհիվ, նշմարելով շրջադարձային փուլ նրա կարիերայում։ Հաջորդիվ նա դերակատարումներ է ունեցել «Indian» (2001) և «Rishtey» (2002) ֆիլմերում, որոնք նրան արժանացրել է գովասանքի, իսկ վերջինի համար նա արժանացել է մեկ այլ Filmfare մրցանակաբաշխության նոմինացիայի «Երկրորդական դերի լավագույն դերասանուհի» անվանակարգում։ Շեթին քննադատների գնահատանքին է արժանացել Phir Milenge (2004) սոցիալական դրամայում ՁԻԱՀ-ով հիվանդ կարիերիստ կնոջ դեր խաղալու համար, որը նրան արժանացրել է Filmfare մրցանակաբաշխության նոմինացիայի «Լավագույն դերասանուհի» անվանակարգում։ Հետագայում նա նկարահանվել է մի շարք հաջողակ ֆիլմերում, ինչպիսիք են «Dus» (2005) մարտաֆիլմը, «Life in a... Metro» (2007) անսամբլային դրաման, որի համար նա արժանացել է քննադատների գովասանքին, և «Apne» (2007) սպորտային դրաման։ Նա նաև աչքի է ընկել «Dostana» (2008) ռոմանտիկ կատակերգությունում "Shut Up & Bounce" երգի ներքո իր պարային կատարմամբ։ Այնուհետև նա դադար է վերցրել ֆիլմերում նկարահանվելուց։

2006 թվականին, նա հայտնվում է հեռուստատեսությունում, որպես «Jhalak Dikhhla Jaa» պարային ռեալիթի հաղորդման ժյուրի։ 2007 թվականի սկզբին Շեթին միանում է Celebrity Big Brother բրիտանական ռեալիթի շոուի հինգերորդ սեզոնին։ Իր դադարի ընթացքում նա արժանանում է միջազգային լրատվամիջոցների լայնածավալ լուսաբանմանը և ուշադրությանը՝ մրցակիցների կողմից ստացած ռասիզմի և, ի վերջո, շոուում հաղթելու համար: Հաջորդիվ նա վարել է «Bigg Boss» ռեալիթի շոուի երկրորդ սեզոնը: Այնուհետև Շեթին ստանձնել է ժյուրիի դերը մի քանի հնդկական պարային ռեալիթի շոուներում, ինչպիսիք են՝ «Zara Nachke Dikha» (2010), «Nach Baliye» (2012–20) և «Super Dancer» (2016–ներկա):

Ֆիլմերում նկարահանվելուց բացի, Շեթին հանդիսանում է ապրանքանիշերի և արտադրանքների հայտնի դեմք, և բարձրաձայնում է այնպիսի խնդիրների մասին, ինչպիսիք են ֆեմինիզմը և կենդանիների իրավունքները[2][3][4][5]։ 2006 թվականից սկսած Շեթին աշխատում է PETA-ի հետ՝ կրկեսներում վայրի կենդանիների օգտագործման դեմ գովազդային արշավի շրջանակներում: Նա նաև սիրում է ֆիթնես և 2015 թվականին թողարկել է Յոգայի մասին իր DVD-ին։ Նա ներգրավված է մի քանի ֆիթնես արշավներում, ինչպիսին է Fit India Movement-ը, որը ձեռնարկվել է Հնդկաստանի կառավարության կողմից: Շեթին արժանացել է «Փոփոխությունների չեմպիոններ» մրցանակին՝ Swachh Bharat Mission-ի մաքրության արշավում իր աշխատանքի համար: 2009-ից 2015 թվականներին նա եղել է Հնդկաստանի Պրեմիեր Լիգայի «Rajasthan Royals» թիմի մասնակի սեփականատերը։

Վաղ կյանք[խմբագրել | խմբագրել կոդը]

Շեթին ծնվել է Կարնատակա նահանգի Մանգալոր քաղաքում, տուլու բարբառով խոսող բունտերի ընտանիքում[6]: Նրա մայրը՝ Սունանդան, և հանգուցյալ հայրը՝ Սուրենդրա Շեթին, երկուսն էլ աշխատում էին դեղագործական արդյունաբերության ոլորտում և ջրի ամուր փականներ էին արտադրում[7]: Նա Շամիտա Շեթիի ավագ քույրն է։ 2016 թվականին Շեթին հայտնել է իր բենգալական ծագման մասին՝ Դաքքայում նորաձևության ցուցադրության այցելության ժամանակ, որտեղ նա նաև նշեց իր ապագա պլանները՝ այցելելու իր նախնիների տունը Սիլհեթում և նկարահանվելու Բանգլադեշի արտադրության ֆիլմում[8]:

Շեթին կրթություն է ստացել Չեմբուրում գտնվող Սուրբ Էնթոնիի աղջիկների միջնակարգ դպրոցում և Մատունգայի Պոդար քոլեջում[9]: Նա փորձառու բհարատանատյամ ոճի պարուհի է, ինչպես նաև իր դպրոցի վոլեյբոլի թիմի ավագն էր[10]:

1991 թվականին, տասներորդ դասարանի քննություններն ավարտելուց հետո, Շեթին սկսել է մոդելի իր կարիերան՝ Limca հեռուստատեսային գովազդով և այնուհետև նկարահանվել է մի քանի այլ գովազդներում, որից հետո նա սկսել է առաջարկներ ստանալ ֆիլմերում դերերի համար: Շեթին շարունակել է զբաղվել մոդելի իր կարիերայով մինչև դերասանուհի դառնալը[11]։

Դերասանական կարիերա[խմբագրել | խմբագրել կոդը]

1993–1994: Դեբյուտ և վաղ դերեր[խմբագրել | խմբագրել կոդը]

1992 թվականի սեպտեմբերին, Շեթին ստորագրեց և սկսեց աշխատել Դիլիպ Նայիկի ռեժիսորությամբ իր առաջին ֆիլմի՝ «Gaata Rahe Mera Dil» ռոմանտիկ դրամայի վրա[12], որը պատմում է երկու տղամարդկանց հետ (մարմնավորվում են Ռոնիտ Ռոյը և Ռոհիտ Ռոյը) սիրային եռանկյունու մեջ հայտնված աղջնակի մասին: Այնուամենայնիվ, ֆիլմը չի թողարկվում, ինչը նշանակում է, որ Շեթիի դեբյուտային թողարկումը նրա հաջորդ ֆիլմն էր՝ Աբբաս-Մուստանի «Baazigar» թրիլլերը, Շահրուխ Խանի և Կաջոլի կողքին։ Ոգեշնչված հոլիվուդյան «A Kiss Before Dying» (1956) ֆիլմով, Շեթին նկարահանվել է Սեմա Չոպրայի երկրորդական դերում․ մի աղջկա, որը սպանվում է իր վրեժ փնտրող ընկերոջ կողմից, որի դերը խաղում է Խանը: «Baazigar»-ը դառնում է դրամարկղային մեծ հիթ և դառնում է տարվա չորրորդ ամենաբարձր եկամուտ ունեցող ֆիլմը[13]: Թե՛ ֆիլմը, և թե՛ Շեթիի խաղը արժանացան քննադատական գնահատանքի։ Ամենամյա Filmfare մրցանակաբաշխության ժամանակ Շեթին նոմինացվել է «Երկրորդական դերի լավագույն դերասանուհի» և «Տարվա լյուքս նոր դեմք» անվանակարգերում[14]։

1994 թվականին Շեթիի մասնակցությամբ երեք ֆիլմ է թողարկվում[13]։ Այդ տարվա նրա առաջին թողարկումը «Aag» մարտաֆիլմն էր, որտեղ նա խաղացել է իր առաջին գլխավոր դերը։ Գովինդայի և Սոնալի Բենդրեի հետ միասին ֆիլմում Շեթին պատկերում է Բիջլի անունով գյուղացի գեղեցկուհու, որը իրականում քաղաքացիական հագուստով ոստիկան է, որին հանձնարարված է ամեն գնով ձերբակալել մի մարդասպանի (մարմնավորել է Գովինդան): «Aag»-ը ստանում է միջին դրամարկղային հաջողություն և տարբեր քննադատական ակնարկներ, ինչպես և Շեթիի խաղը: Հաջորդիվ Շեթին նկարահանվել է Ակշայ Կումարի, Սաիֆ Ալի Խանի, Ռաաջեշվարիի և Շակտի Կապուրի հետ՝ «Main Khiladi Tu Anari» կատակերգական մարտաֆիլմում: Ֆիլմում Շեթին խաղացել է Մոնայի (կաբարեի պարուհի և գանգսթերի ընկերուհի) և նրա նմանակ Բասանտիի (գյուղացի գեղեցկուհի) երկակի դերերը։ Ֆիլմը, որը ազդարարեց Կումարի հետ բազմաթիվ համագործակցություններից առաջինը, մեծ հաջողության է հասնում: Ե՛վ ֆիլմը, և՛ Շեթիի կատարումը արժանանում են քննադատների մեծ գնահատանքին. «Main Khiladi Tu Anari»-ի հաջողությունը բեկումնային դարձավ Շեթիի համար: Այդ տարվա նրա երրորդ և վերջին թողարկումը Սաիֆ Ալի Խանի մասնակցությամբ «Aao Pyaar Karen» ռոմանտիկ դրաման էր: Ֆիլմը, որը պատմում է մեծահարուստ տղամարդու և նրա սպասուհու (համապատասխանաբար Խանի և Շեթիի դերակատարմամբ) սիրո պատմությունը, դրամարկղում հաջողության չի հասնում[13]։

1995–1999: Հանրային ճանաչում և հաջողություն[խմբագրել | խմբագրել կոդը]

1995 թվականին Շեթին նկարահանվել է «Hathkadi»-ում, որտեղ նա աշխատում էր այնպիսի դերասանների կողքին, ինչպիսիք են Սաիֆ Ալի Խանը, Գովինդան և Մադհուն, բայց ֆիլմը հաջողության չի հասնում։ 1996 թվականին նա կատարել է իր դեբյուտը «Mr. Romeo» թամիլերեն ֆիլմում` դերասաններ Պրաբհու Դևայի և Մադհուի կողքին: Ֆիլմը հետագայում դառնում է երաժշտական հիթ տոմսարկղերում: 1997 թվականը նրա ամենազբաղված տարիներից մեկն էր. նա նկարահանվել է վեց տարբեր ֆիլմերում՝ սկսած թելուգու լեզվով «Veedevadandi Babu» ֆիլմից: Այդ տարվա նրա առաջին խոշոր բոլիվուդյան ֆիլմը «Auzaar» մարտաֆիլմն էր: Շիլպան մարմնավորել է Պրատնա Թակուրի կերպարը՝ դերասաններ Սալման Խանի և Սանջայ Կապուրի կողքին։ 1998 թվականին նա ունեցել է մեկ թողարկում՝ «Pardesi Babu»-ն, որի համար արժանացել է քննադատների գնահատանքին և Bollywood Movie Awards մրցանակաբաշխության «Երկրորդական դերի լավագույն դերասանուհի» մրցանակին՝ ֆիլմում իր դերակատարման համար։ 1999 թվականին նա հայտնվեց կոմերցիոն հաջողություն գրանցած «Jaanwar» ֆիլմում՝ Ակշայ Կումարի և Կարիշմա Կապուրի կողքին։

2000–2007: Քննադատների ճանաչում և կոմերցիոն հաջողություն[խմբագրել | խմբագրել կոդը]

Շեթին՝ IIFA Awards 2007-ին

2000 թվականին Շեթին բարձր գնահատանքի արժանացավ «Dhadkan» ֆիլմում իր դերի համար, որը հաջողություն գրանցեց դրամարկղում[15]: Մի շարք մրցանակաբաշխություններում նա ստացել է մի քանի նոմինացիա «Լավագույն դերասանուհի» անվանակարգում։ Հետագայում նա նկարահանվել է Անիլ Կապուրի և Կարիշմա Կապուրի հետ «Rishtey» (2002) ֆիլմում։ Նրա ծիծաղելի կերպարը՝ որպես տարօրինակ ձկնորսուհի արժանացել է գնահատանքի, և նա նոմինացվել է Filmfare մրցանակաբաշխության «Երկրորդական դերի լավագույն դերասանուհի» անվանակարգում, ինչպես նաև «Լավագույն կատակերգու» անվանակարգերում ևս[16]։

2004 թվականին Սալման Խանի հետ միասին Շեթին նկարահանվել է «Garv»-ում, որտեղ նա մարմնավորել է մահմեդական որբի և հիասթափված պարուհու: Ըստ Շեթիի, նա ընտրել է ֆիլմը, քանի որ իրեն դուր է եկել թեման: Ֆիլմը ոստիկանական դրամա էր[17]։ Նա արժանացավ քննադատների բարձր գնահատանքին «Phir Milenge»-ում իր խաղի համար, որտեղ նա զգայուն կերպով մարմնավորել է քաղաքային հաջողակ մարդու, որը անպաշտպան սեռական հարաբերության հետևանքով վարակվում է ՄԻԱՎ-ով և արդյունքում դառնում է սոցիալական վտարանդի: Ֆիլմը, որը հիմնված է 1993 թվականի «Philadelphia» ֆիլմի վրա, վերաբերվում էր սոցիալական այնպիսի տաբուի, որը դեռևս չի բարձրաձայնվում Բոլիվուդի կողմից[11]: Ֆիլմի համար Շեթին ստացել է նոմինացիա Filmfare մրցանակաբաշխության «Լավագույն դերասանուհի» անվանակարգում և խթան հանդիսացավ ՄԻԱՎ-ի հետ կապված նրա բարեգործական աշխատանքի համար: IndiaFM-ի կինոքննադատ Տարան Ադարշը նշել է. «Phir Milenge-ն լիովին պատկանում է Շեթիին: Նա մատուցում է, ինչը չափազանցություն չի համարվի նշել, իր կարիերայի լավագույն կատարումը[18]»: Սա նշանավորեց տարանջատում մակերեսային երգ-պար կատարումների նախկին միտումից՝ հօգուտ դերերի, որոնք կերպարի ավելի մեծ խորություն ունեն[17], օրինակ՝ նրա «Dus» (2005) մարտաֆիլմ թրիլլերը: Թեև այն միջին եկամուտ է ստացել դրամարկղում[19], Շեթին հայտարարել է, որ ինքը ստանձնել է դերը, որպեսզի նորովի հայտնագործի իրեն՝ պատկերելով հակաահաբեկչական ջոկատի անդամի բավականին ոչ սովորական կերպարը[17]:

2005 թվականին Շեթին նկարահանվել է Ուպենդրայի հետ՝ կաննադական «Auto Shankar» ֆիլմում։ Ֆիլմը մեծ հաջողություն ունեցավ դրամարկղում, և այն տվեց Շիլպային «Հարավի Գաբբար Սինգհ» անունը՝ ֆիլմում իր զազրելի դերի պատճառով: Նույն տարի նա նկարահանվել է «Fareb» ֆիլմում իր կրտսեր քրոջ` Շամիտա Շեթիի հետ: Շեթին մեկ թողարկում է ունեցել 2006 թվականին՝ շատ հետաձգված «Shaadi Karke Phas Gaya Yaar»-ը: Ֆիլմը դրամարկղում ձախողվեց, բայց Շեթին լավ արձագանքներ ստացավ ոչ բոլորովին համակրելի կնոջ դերի համար[20]: 2006 թվականին Ֆարահ Խանի և Սանջայ Լիլա Բհանսալիի հետ միասին նա ժյուրիի անդամ էր «Jhalak Dikhhla Jaa»-ում՝ Sony հեռուստատեսության պարային շոուում, որը հիմնված էր բրիտանական «Strictly Come Dancing» շոուի վրա։

Շեթին մեկ անգամ մասնակցել է Մանի Ռաթնամի «Netru, Indru, Naalai» բեմական հաղորդմանը։

2007 թվականը Շեթիի ամենահաջող տարին էր դրամարկղում: Նրա առաջին թողարկումը՝ «Life in a... Metro»-ն, արժանացավ շատ դրական քննադատական ակնարկների և դարձավ առաջին բոլիվուդյան ֆիլմը, որի պրեմիերան տեղի ունեցավ Լոնդոնի Լեսթեր Հրապարակում[21]: Ֆիլմը շահութաբեր էր և հայտարարվել էր կիսահիթ՝ թողարկումից հետո երեք շաբաթվա ընթացքում։ Նաև, ֆիլմը արժանացել է քննադատների գնահատանքին, իսկ Շեթիի խաղը գնահատվել է։ CNN-IBN-ի Ռաջև Մասանդը գրել է. «Նրա կատարում հիանալի է և, անկասկած, Շեթիի լավագույնը մինչ օրս»[22]: Նրա երկրորդ թողարկումը՝ «Apne» ընտանեկան դրաման, երեք Դոլերի հետ միասին (Դհարմենդրա, Սաննի և Բոբի), նույնպես հաջողություն է ունեցել դրամարկղում:

Շեթին նկարահանվել է 2010 թվականին չթողարկված հնդկա-չինական «The Desire» դրամայում, որն իր մայրն է պահպանել արտադրության ժամանակ, երբ ֆիլմի պրոդյուսերը թողել է նախագիծն անավարտ։

Վերադարձը և նոր աշխատանքները (2021–ներկա)[խմբագրել | խմբագրել կոդը]

Իր դադարի ընթացքում Շեթիի միակ էկրանային ելույթը եղել է 2014 թվականի «Dishkiyaoon» ֆիլմում, որտեղ նա հայտնվել է «Tu Mere Type Ka Nahi Hai» երգում։ 14 տարի դադարից հետո, նա վերադարձել է էկրանին՝ 2021 թվականին թողարկված «Hungama 2» ֆիլմում, որը արժանացել է շատ բացասական արձագանքների[23]։

Շեթին հաջորդիվ կհայտնվի «Nikamma»-ում՝ Աբհիմանյու Դասանիի և Շիրլի Սեթիայի հետ միասին[24]: Նա նաև գլխավոր դեր կխաղա կանանց շուրջ կենտրոնացած «Sukhee» ֆիլմում՝ Ամիտ Սադհի հետ[25]: Շեթին իր վեբ-դեբյուտը կունենա Ռոհիտ Շեթիի «Հնդկական ոստիկանական ուժեր» սերիալում՝ միանալով որպես վերջինիս ոստիկանական տիեզերքի առաջին կին ոստիկան: Նա կխաղա Սիդհարթ Մալհոտրայի հետ միասին[26]։

Այլ աշխատանքներ[խմբագրել | խմբագրել կոդը]

Շեթին՝ Nach Baliye 5-ի նկարահանմանը որպես ժյուրի

2006թ. փետրվարին Շեթին աջակցություն ցուցաբերեց «BBC World Service Trust» հեռուստաշոուին, որը նախատեսված էր Հնդկաստանում ՄԻԱՎ-ՁԻԱՀ-ի խնդրին անդրադառնալու համար[27]: Ըստ տեղեկությունների՝ նա մասնակցել է ՄԻԱՎ-ՁԻԱՀ-ով տառապողներին իր ապրումակցությունը ցույց տալու նպատակով[27]։ Ըստ Շեթիի, այդ հարցը հատկապես հոգեհարազատ էր իրեն, քանի որ նա մարմնավորել էր ՄԻԱՎ-ով վարակված մարդու՝ 2004 թվականին նկարահանված «Phir Milenge» ֆիլմում: Խոսելով ֆիլմի և ընդհանրապես ՄԻԱՎ-ի մասին՝ Շեթթին ասել է. «Ինչո՞ւ չնկարահանվի ֆիլմ ՄԻԱՎ վարակակիր հիվանդների մասին: Այն սոցիալական ստիգմա է մեր հասարակության մեջ: Մենք նկարահանել ենք այս ֆիլմը խնդիրը լուսաբանելու համար… Այս ֆիլմը մեր երկրում սոցիալական իրազեկում կբերի ՁԻԱՀ-ի մասին: Վաղուց ժամանակն է, որ այս մասին խոսենք մեր հասարակության մեջ»[28]:

2006 թվականի մարտին տարբեր աղբյուրներ հայտնել են, որ Շեթին միացել է PETA-ին` որպես կրկեսներում վայրի կենդանիների օգտագործման դեմ գովազդային արշավի մի մաս[29]: Համաձայն PETA India-ի մամուլի հաղորդագրության՝ Շեթին PETA-ի երկարամյա աջակից է և աջակցել է արշավին՝ լուսանկարվելով մարմինն ընդգծող վագրի կոստյումով: Նա բացատրել է, որ իր՝ վանդակում կուչ գալը անհարմար է եղել ֆոտոշարքի ժամանակ, սակայն իր անհանգստությունն աննշան է կենդանիների կրած ցավի համեմատ։ «Այս երբեմնի արժանապատիվ կենդանիները ամեն օր մի քանի րոպեով լքում են իրենց մարմնի չափից հազիվ թե մեծ վանդակները, որպեսզի ստիպված կրկեսի հրապարակ մտնեն՝ անիմաստ և վրդովեցնող հնարքներ կատարելու համար: Լավագույն միջոցը կրկեսներում տառապող կենդանիներին օգնելու՝ կրկեսը բոյկոտելն է»[30]: Շեթին ավելի ուշ հարցազրույցներից մեկում բացահայտեց, որ իրեն խորապես դիպչում է այս խնդիրը, և որ նա ապշած է լսելով՝ կենդանիների նկատմամբ նման դաժան վերաբերմունքի մասին: «Ես մտածեցի, որ պետք է դադարեցնեմ սա: Եթե ես կարող եմ անգամ մի փոքր փոխել նրանց կյանքը, ինչո՞ւ չանեմ դա»[28]: 2006 թվականի սեպտեմբերին Ֆարահ Խանի և Սանջայ Լիլա Բհանսալիի հետ միասին Շեթին սկսեց «Jhalak Dikhhla Jaa» պարային ռեալիթի շոուի առաջին սեզոնը։

Դանիելա Լոյդը (ձախ) և Շեթին (աջ) Life in a... Metro ֆիլմի պրեմիերային՝ Լոնդոնի Լեսթեր Հրապարակում, 2007 թվականին

2007 թվականի հունվարին Շեթին «Celebrity Big Brother 5» բրիտանական ռեալիթի մրցույթի մասնակից էր և հաղթողը[31]: Նա առաջին հնդիկ հայտնին էր, որն ընդգրկված էր շոուում: Ըստ լուրերի, իր մասնակցության համար վճարվելով 31,5 միլիոն ռուբլի (367,500 ֆունտ ստեռլինգ)[32], նա հաղորդավարուհի Դավինա ՄաքՔալին ասել է. «Ես պարզապես ուզում եմ, որ յուրաքանչյուր հնդիկ անչափ հպարտ լինի, որ ես այստեղ եմ»[33]: Ինչ վերաբերում է իր մասնակցությանը, ապա նա նշել է. «Ես ակնկալիքներ չունեմ։ Միակ բանը, որ իսկապես հույս ունեմ, որ կպահպանեմ, դա իմ ինքնասիրությունն է և իմ արժանապատվությունը»[34]: Նրա քույրը՝ Շամիտան, The Times of India-ին ասել է, որ սա «ամենահամարձակ որոշումն է, որ Շիլպան ընդունել է մինչ այժմ»[35]։ Շոուում գտնվելու ընթացքում Շեթին սովորեցրել է իր ընկերներ Քերոլ Մալոնին և Քեն Ռասելին մեդիտացիա անել[36] և սեթևեթել է Դիրկ Բենեդիկթի հետ[37], բայց 7-րդ օրը սկսվում է խառնաշփոթը, քանի որ տանը ձևավորվում է մի խումբ, որը հավանություն չէր տալիս Շիլպայի ներկայությանը[38][39]: Հանրային բանավեճից հետո, որը նրան հանրայնացնում է՝ որպես տան ներսում ռասիստական բուլիինգի թիրախ, Շեթին հաղթում է մրցույթը՝ հավաքելով հանրության ձայների 63%-ը և նկարագրում է այդ փորձը որպես «անհավանական և ջերմացնող»: Նա նաև շնորհակալություն հայտնեց հանրությանը «իմ երկրին հպարտացնելու ֆանտաստիկ հնարավորության համար»[40]: 2008 թվականի օգոստոսին Շեթին սկսեց վարել «Big Brother» միջազգային ռեալիթի հեռուստասերիալի հնդկական տարբերակ՝ «Big Boss» ռեալիթի հեռուստասերիալի երկրորդ սեզոնը։ 2009 թվականի փետրվարին Շեթին և Ռաջ Կունդրան դարձան Հնդկական Պրեմիեր Լիգայի Rajasthan Royals ֆրանշիզային կրիկետի թիմի սեփականատերերը՝ վճարելով մոտավորապես 15,4 միլիոն ԱՄՆ դոլար՝ 11,7% բաժնետոմսի համար: Շեթին նաև «Losis» անվամբ հնդկական ՍՊԱ սրահ ցանցերի համանասեփականատեր է[41]: Սաջիդ Խանի և Թերենս Լյուիսի հետ միասին, Շեթին 2012-ից 2014 թվականներին եղել է «Nach Baliye» պարային ռեալիթի շոուի (5, 6 սեզոններ և Շրիման ընդդեմ Շրիմատի) տաղանդավոր ժյուրի:

Շեթին՝ իր ամուսնու՝ Ռաջ Կունդրայի հետ 2020 թվականին

2014 թվականի մարտին Շեթին սկսել է վարել «Soney Ka Dil» ռեալիթի հեռուստաշոուն, որի պրոդյուսերական աշխատանքներով է զբաղվել Կունդրայի հետ համատեղ։ Շոուի ձևաչափը հիմնված է սովորական մարդկանց մասնակցության վրա, որոնք իրենց յուրօրինակ օգնությունն են ցուցաբերում կարիքավոր մարդկանց[42]: Նույն տարում Շեթին դարձավ կինոպրոդյուսեր «Dishkiyaaoon» մարտաֆիլմով, որը ձախողվեց դրամարկղում[43]: Կարատեի սև գոտիով[44], 2015 թվականին Շեթին թողարկեց իր ֆիթնես յոգայի DVD-ն[45]։


2016 թվականի սկզբից Գիտա Կապուրի և Անուրագ Բասուի հետ միասին նա ժյուրի է Sony Entertainment հեռուստաալիքի «Super Dancer» պարային ռեալիթի հաղորդմանը։ 2017-ին Հնդկաստանի կառավարությունն ընտրեց Շեթիին՝ որպես Swachh Bharat Mission ապրանքանիշի դեսպան, ողջ Հնդկաստանում սանիտարական պայմանները բարելավվելու քարոզարշավի շրջանակներում[46]: 2020 թվականի հունվարի 20-ին նա ստացել է «Փոփոխության չեմպիոններ» մրցանակը՝ այդ արշավում իր աշխատանքի համար[47]։

2021 թվականին B.L. Agro Industries ուտելի յուղերի և սննդամթերքի ընկերությունը հայտարարեց նրան ապրանքանիշի դեսպան՝ հատիկաընդեղեն բույսերի, չոր մրգերի և ալյուրների Nourish ապրանքանիշի սննդամթերքի առաջարկների համար [48]:

Անձնական կյանք[խմբագրել | խմբագրել կոդը]

Աշխատելով Ակշայ Կումարի հետ «Main Khiladi Tu Anari» (1994) ֆիլմում, «Insaaf» (1997) ֆիլմի նկարահանումների ընթացքում Շեթին սիրավեպ սկսեց Ակշայի հետ, որը նոր էր բաժանվել դերասանուհի Ռավինա Տանդոնից[11]: Շեթին բացահայտ է խոսել Կումարի հետ իր հարաբերությունների մասին։ Հնդկական լրատվամիջոցները ենթադրում էին, որ նա նշանվել է, և հայտնում էին, որ Կումարը ցանկանում է, որ Շեթին թողնի ֆիլմերը և կենտրնոնանա ընտանիքի վրա: Շեթին, սակայն, հայտարարել էր, որ չի պատրաստվում ամուսնանալ։ Զույգը բաժանվել է 2000 թվականին՝ «Dhadkan»-ի նկարահանումների ժամանակ[15]։

2009 թվականի փետրվարին Շեթին նշանադրվել է Ռաջ Կունդրայի հետ, ում հետ միասին նա «Հնդկաստանի Պրեմիեր Լիգայի» (IPL) Rajasthan Royals կրիկետի թիմի համասեփականատերն էր։ Նրանք ամուսնացել են 2009 թվականի նոյեմբերի 22-ին[49][50]: Շեթին իր առաջնեկին է ունեցել 2012 թվականի մայիսի 21-ին[51]: Փոխնակ մայրության միջոցով զույգն իր երկրորդ՝ աղջիկ երեխային է ունեցել 2020 թվականի փետրվարի 15-ին[52][53]:

Մեդիա[խմբագրել | խմբագրել կոդը]

Շեթին՝ 2017 թվականի Asia Spa Awards մրցանակաբաշխությանը ժամանելիս

2007 թվականի փետրվարին պատգամավոր Քիթ Վազի հրավերով Շեթին մասնակցել է Համայնքների պալատում կայացած ընդունելությանը՝ հանդիպելու այն ժամանակվա վարչապետ Թոնի Բլերի հետ: 2007 թվականի մարտին նա հրավիրվել էր հանդիպելու Եղիսաբեթ II թագուհուն՝ Լոնդոնի Marlborough House-ում: This Morning-ին տված հարցազրույցի ժամանակ Շեթին հաստատեց, որ իրեն առաջարկել են նկարահանվել բրիտանական «EastEnders» սերիալում, և նա մերժել է առաջարկը, քանի որ այդ դեպքում նրա մյուս բոլոր պայմանավորվածությունները պետք է հետաձգվեն[54]:

Նա եղել է Sky One-ի «The Real Shilpa Shetty» վերնագրով վավերագրական ֆիլմի թեման, որն արտադրվել է բրիտանական Twofour հեռուստատեսային ընկերության կողմից: Celebrity Big Brother 5-ում հաղթելուց հետո ստացած մեծ թվով կոմերցիոն առաջարկները ինքնին հակասությունների պատճառ են դառնում, առաջ բերելով մեղադրանքներ առ այն, որ Շեթին «ռասիզմի» ալիքը իր օգուտի համար է օգտագործում[55]: Նա եղել է Հնդկաստանում վաճառվող OK! ամսագրի առաջին թողարկման շապիկին[56]։

2007 թվականի սեպտեմբերի սկզբին նա քայլել է Wills Lifestyle India Fashion Week-ի պոդիումին[57]։ Հաջորդիվ նրա օրակարգում «Soul Curry» վերնագրով խոհարարական գիրքն էր, և Սիտայի դերը` Ուրու Պատելի «Hanuman» միջազգային ֆիլմում[58]:

2019 թվականի մայիսի սկզբին դերասանուհին, որը երկար ժամանակ եղել է ֆիթնեսի պաստառներին, ձեռնարկել է առողջության ամբողջական հավելված՝ «The Shilpa Shetty» հավելվածը[59], որը ներառում է յոգայի օրակարգեր, ֆունկցիոնալ մարզումներ, հատուկ ռեժիմներ (հղիների, դաշտանային ցավերից տառապող և այլ կարգավիճակ ունեցողների համար), և յուրաքանչյուր ծրագրի համար ամենօրյա սնուցման աղյուսակներ: «Կարծում եմ, որ ապրելակերպի փոփոխությունները ժամանակի պահանջն են: Հավելվածում բոլորի համար մի բան կա[60]: Դուք կարող եք մարզումները կատարել ձեր տան հարմարավետության մեջ, առանց որևէ սարքավորման», - ասում է Շիլպան:

Ծանոթագրություններ[խմբագրել | խմբագրել կոդը]

  1. ↑ «Happy birthday Shilpa Shetty: A stylish star, a mother and an inspiration, here are all the roles she plays to perfection she is the mother of a 5-year-old Y.Vishwa of Hyderabad». Hindustan Times. 8 June 2017. Վերցված է 8 June 2017-ին. «...and thus we celebrate her 42nd birthday...»
  2. ↑ Sharma, Karuna. «What continues to make Shilpa Shetty Kundra relevant for brands». Business Insider. Axel Springer SE. Արխիվացված օրիգինալից 10 April 2020-ին. Վերցված է 9 April 2020-ին.
  3. ↑ «Have Bollywood Celebs Finally Embraced Feminism?». Tata Cliq. Վերցված է 9 April 2020-ին.
  4. ↑ «Shilpa Shetty Kundra Honoured With PETA's 'Hero to Animals' Award». PETA. Արխիվացված է օրիգինալից 31 August 2020-ին. Վերցված է 9 April 2020-ին.
  5. ↑ «Shilpa Shetty wins PETA's 'Hero To Animals' Award». ABP News. ABP Group. 17 December 2017. Վերցված է 9 April 2020-ին.
  6. ↑ «I am a full on Bunt: Shilpa Shetty». The Times of India (անգլերեն). 25 November 2013. Վերցված է 16 July 2020-ին.
  7. ↑ Raghuram, M. (19 April 2010). «Bunts feel at home wherever they are». DNA India (անգլերեն). Վերցված է 16 July 2020-ին.
  8. ↑ «Shilpa Shetty's ancestors from Sylhet». Dhaka Tribune. Dhaka, Bangladesh. 25 May 2016. Արխիվացված է օրիգինալից 30 Jul 2016-ին. Վերցված է 26 Dec 2019-ին.
  9. ↑ Vibhute, Kranti (19 December 2018). «Mumbai: Chembur's St Anthony's Girl's school to extend premises». DNA India (անգլերեն). Վերցված է 22 November 2020-ին.
  10. ↑ «Fitness a way of life for Shilpa Shetty who was a state-level volleyball player once». Hindustan Times (անգլերեն). 10 June 2018. Վերցված է 25 May 2019-ին.
  11. ↑ 11,0 11,1 11,2 Chadha, Monica (17 January 2007). «Profile: Shilpa Shetty». BBC. Վերցված է 2 March 2007-ին.
  12. ↑ «Screenindia Weekly – On Location». Gaata Rahe Mera Dil Launch. 27 September 1992.
  13. ↑ 13,0 13,1 13,2 «Box office analysis». Box Office India. Արխիվացված է օրիգինալից 6 December 2006-ին. Վերցված է 23 January 2007-ին.
  14. ↑ «Filmfare nomination for Shetty». The Times of India. Արխիվացված է օրիգինալից 29 June 2012-ին. Վերցված է 23 January 2007-ին.
  15. ↑ 15,0 15,1 «Box office analysis». Box Office India. Վերցված է 23 January 2007-ին. (չաշխատող հղում)
  16. ↑ «Filmfare nomination for Shetty». The Times of India. Արխիվացված է օրիգինալից 8 July 2012-ին. Վերցված է 23 January 2007-ին.
  17. ↑ 17,0 17,1 17,2 «Shilpa Shetty on matters close to her heart». Rediff.com. Վերցված է 2 January 2007-ին.
  18. ↑ «Shetty shines in Phir Milenge». indiafm.com. Վերցված է 23 January 2007-ին.
  19. ↑ «Box office analysis». Box Office India. Արխիվացված է օրիգինալից 20 January 2007-ին. Վերցված է 23 January 2007-ին.
  20. ↑ «Shaadi Karke Phas Gaya Yaar». indiafm.com. Վերցված է 25 January 2007-ին.
  21. ↑ «Shilpa's World Premiere in London». CNN-IBN. Արխիվացված է օրիգինալից 10 June 2007-ին. Վերցված է 1 July 2007-ին.
  22. ↑ Masand, Rajeev. «Masand's verdict: Metro». CNN-IBN. Վերցված է 29 December 2007-ին.
  23. ↑ «Shilpa Shetty and Paresh Rawal are ready for a laugh riot with Meezaan Jafri and Pranitha Subhash». India Today. 24 December 2019. Վերցված է 24 December 2018-ին.
  24. ↑ IANS (1 August 2019). «I'm ready to take that plunge again, says Shilpa Shetty on her comeback film 'Nikamma'». News 18. Վերցված է 21 August 2019-ին.
  25. ↑ «Sukhee diaries: Shilpa Shetty shares fun video with co-star Amit Sadh; fans say so cute!». Pinkvilla. 30 March 2022. Վերցված է 23 April 2022-ին.
  26. ↑ «Shilpa Shetty to make her OTT debut with Rohit Shetty's 'Indian Police Force' alongside Sidharth Malhotra». Bollywood Hungama. 23 April 2022. Վերցված է 23 April 2022-ին.
  27. ↑ 27,0 27,1 «Bollywood stars in BBC Aids show». BBC. 9 February 2006. Վերցված է 4 January 2007-ին.
  28. ↑ 28,0 28,1 «Shilpa Shetty on matters close to her heart». Rediff.com. Վերցված է 2 January 2007-ին.
  29. ↑ «Distress call from tinsel town 'tigress'». The Hindu. Chennai, India. 2 May 2006. Արխիվացված է օրիգինալից 13 May 2006-ին. Վերցված է 2 January 2007-ին.
  30. ↑ «Shilpa Shetty Speaks Up About Cruelty To Animals in Circuses». petaindia.com. Արխիվացված է օրիգինալից 14 December 2006-ին. Վերցված է 2 January 2007-ին.
  31. ↑ «Bollywood star in Celebrity Big Brother». Metro. UK. 3 January 2007. Վերցված է 3 January 2007-ին.
  32. ↑ «Lots of money for BB7». gg2.net. Արխիվացված է օրիգինալից 18 July 2011-ին. Վերցված է 3 January 2007-ին.
  33. ↑ «Sixth to enter house». breakingnews.iol.ie. Արխիվացված է օրիգինալից 26 September 2007-ին. Վերցված է 3 January 2007-ին.
  34. ↑ «Housemates». Channel 4. Վերցված է 5 January 2007-ին.
  35. ↑ «'This is Shilpa's boldest decision'». The Times of India. 8 January 2007. Վերցված է 13 January 2007-ին.
  36. ↑ «The Universal Om». Channel 4. Վերցված է 5 January 2007-ին.
  37. ↑ «Flirt Alert». Channel 4. Վերցված է 10 January 2007-ին.
  38. ↑ «The Fit Controller». Channel 4. Վերցված է 10 January 2007-ին.
  39. ↑ «Mountain out of a Molehill». Channel 4. Վերցված է 14 January 2007-ին.
  40. ↑ «Shetty wins Celebrity Big Brother». BBC. 29 January 2007. Վերցված է 30 January 2007-ին.
  41. ↑ «10 Bollywood stars who made it big as entrepreneurs». Business Today. Վերցված է 27 March 2017-ին.
  42. ↑ «Shilpa Shetty to Producer and Host a New Show Called Soney Ka Dil». TellyTRP.in. 15 March 2014. Վերցված է 16 March 2014-ին.
  43. ↑ «First Look: Shilpa Shetty's production 'Dishkiyaaoon' starring Sunny Deol, Harman Baweja». The Indian Express. 14 October 2013. Վերցված է 23 November 2013-ին.
  44. ↑ «10 Bollywood actresses who are trained in martial arts». The Times of India (Indian English). 7 September 2015. Վերցված է 22 October 2020-ին.
  45. ↑ Rakshit, Nayandeep (28 July 2015). «Shilpa Shetty Kundra to launch an express Yoga DVD !». DNA (ամերիկյան անգլերեն). Վերցված է 9 December 2016-ին.
  46. ↑ PTI (24 February 2017). «Government ropes in Shilpa Shetty as Swachh Bharat brand ambassador». The TImes of India. Վերցված է 23 April 2022-ին.
  47. ↑ ANI (20 January 2020). «Shilpa Shetty gets 'Champions of Change' award for Swachh Bharat Abhiyan». Business Standard India. Վերցված է 23 April 2022-ին.
  48. ↑ «BL Agro signs Shilpa Shetty as brand ambassador for Nourish». Indian Television Dot Com (անգլերեն). 11 March 2021. Վերցված է 20 December 2021-ին.
  49. ↑ I am officially Shilpa Shetty Kundra now!! 26 November 2009
  50. ↑ «Thank god, I'll marry only once: Shilpa». The Times of India. 30 November 2009. Արխիվացված է օրիգինալից 11 August 2011-ին.
  51. ↑ Shilpa Shetty gives birth to a baby boy – Rediff.com Movies. Rediff.com (21 May 2012). Retrieved 23 December 2013.
  52. ↑ «Shilpa Shetty Kundra on Instagram: "| |Om Shri Ganeshaya Namah|| Our prayers have been answered with a miracle... With gratitude in our hearts, we are thrilled to announce the…"». Instagram (անգլերեն). Արխիվացված է օրիգինալից 23 December 2021-ին. Վերցված է 27 February 2020-ին.
  53. ↑ «Shilpa Shetty and Raj Kundra welcome a baby girl». filmfare.com (անգլերեն). Վերցված է 11 April 2020-ին.
  54. ↑ «Shilpa turns down part in EastEnders». Radiosargam.com. Վերցված է 1 July 2007-ին.
  55. ↑ «Shilpa Shetty To Milk Britons Dry». Bollyrock.com. Վերցված է 1 July 2007-ին.
  56. ↑ «Shilpa on the cover of OK Magazine». Yahoo!. Արխիվացված է օրիգինալից 9 December 2006-ին. Վերցված է 6 January 2007-ին.
  57. ↑ Shilpa models for Lifestyle fashion week. Yahoo! Արխիվացված 9 Հոկտեմբեր 2007 Wayback Machine
  58. ↑ Shilpa's next plans. indiaglitz.com.
  59. ↑ «Shilpa Shetty Fitness App| Yoga Body, Mind, Nutrition & Diet». www.theshilpashetty.com (անգլերեն). Վերցված է 22 October 2020-ին.
  60. ↑ «Download the best yoga app, available on both Google Play and IOS». theshilpashetty.com (անգլերեն). Վերցված է 2020-10-22-ին.

Արտաքին հղումներ[խմբագրել | խմբագրել կոդը]


Ստացված է «https://hy.wikipedia.org/w/index.php?title=Մասնակից:Hanasonmi/Ավազարկղ2&oldid=8639942» էջից