Խատիա Բունիաթիշվիլի
| Խատիա Բունիաթիշվիլի | |
|---|---|
 | |
| Բնօրինակ անուն | ხატია ბუნიათიშვილი |
| Ի ծնե անուն | վրաց.՝ ხატია ბუნიათიშვილი |
| Ծնվել է | հունիսի 21, 1987[1] (32 տարեկան) Բաթում, Վրացական Խորհրդային Սոցիալիստական Հանրապետություն, ԽՍՀՄ |
| Երկիր |  Վրաստան Ֆրանսիա |
| Մասնագիտություն | դաշնակահարուհի |
| Գործիքներ | դաշնամուր |
| Կայք | khatiabuniatishvili.com |
| Khatia Buniatishvili Վիքիպահեստում | |
Խատիա Բունիաթիշվիլի (վրաց.՝ ხატია ბუნიათიშვილი, ծնվ․ հունիսի 21, 1987, Բաթում), վրացի դաշնակահարուհի։
Բովանդակություն
Կենսագրություն[խմբագրել | խմբագրել կոդը]
Ծնվել է 1987 թվականի հունիսի 21-ին Բաթումում։
Դաշնամուր նվագել սկսել է սովորել 3 տարեկան հասակում ավագ քրոջ՝ Գվացայի հետ՝ մոր ղեկավարությամբ[2]։ 6 տարեկանում Թիֆլիսում նա կամերային նվագախմբի հետ տվել է իր առաջին համերգը։ 10 տարեկանում հրավիրվել է համերգներ ունենալու Շվեյցարիայում, Ֆրանսիայում, Գերմանիայում, Բելգիայում, Լյուքսեմբուրգում, Նիդերլանդներում, Մոնակոյում, Իտալիայում, Ավստրիայում, Դանիայում, Ռուսաստանում, Ուկրաինայում, Հայաստանում, Իսրայելում և ԱՄՆում։
Բունիաթիշվիլին ավարտել է Թբիլիսիի կենտրոնական երաժշտական դպրոցը, այնուհետև 2004 թվականին ընդունվել է Թբիլիսիի Վանո Սարաջիշվիլիի անվան պետական կոնսերվատորիան։ Սովորել է Թենգիզ Ամիրեջիբիի մոտ։
Որպես կոնսերվանտորիայի ուսանողուհի՝ Խատիան 2003 թվականին Կիևում արժանացել է Վ․ Գորովիցի անվան երիտասարդ դաշնակահարների միջազգային մրցույթի հատուկ մրցանակի, ինչպես նաև Վրացի երիտասարդ երաժիշտներին սատարող մրցույթի առաջին մրցանակի (մրցույթի հիմնադիրը Ելիզավետա Լեոնսկայան է)։
2010 թվականին Խատիան դարձել է Borletti-Buitoni Trust Award մրցանակաբաշխության դափնեկիր, 2012 թվականին Echo Klassik Awards մրցույթում արժանացել է տարվա լավագույն սկսնակ կոչման։
Խատիա Բունիաթիշվիլին ազատ խոսում է 5 լեզվով, ներկայումս բնակվում է Փարիզում[3]։
Սկավառակագրություն[խմբագրել | խմբագրել կոդը]
- 2011 - Franz Liszt[4]
- 2012 - Chopin[5] (Ֆարիզի նվագախմբի հետ)
- 2014 - Motherland[6]
Ծանոթագրություններ[խմբագրել | խմբագրել կոդը]
Արտաքին հղումներ[խմբագրել | խմբագրել կոդը]
- Պաշտոնական կայք (գերմ.)
- Դաշնամուրային արվեստի համաշխարհային աստղեր։ Խատիա Բունիաթիշվիլի
- «Annecy Classic» միջազգայի փառատոնի բացման թողարկումը Ֆրանսիայից
| ||||||||||
