Թենգիզ Ամիրեջիբի

Թենգիզ Ամիրեջիբի
Ի ծնե անուն	վրաց.՝ თენგიზ ამირეჯიბი
Ծնվել է	սեպտեմբերի 30, 1927; Թիֆլիս, ԱԽՖՍՀ, ԽՍՀՄ
Երկիր	Վրաստան
Մահացել է	մարտի 9, 2013 (85 տարեկան)
Մասնագիտություն	երաժշտության ուսուցիչ, դաշնակահար, երաժիշտ և դերասան
Գործիքներ	դաշնամուր
Կրթություն	Մոսկվայի կոնսերվատորիա
Պարգևներ	Վրացական ԽՍՀ ժողովրդական արտիստ
	Tengiz Amirejibi Վիքիպահեստում

Թենգիզ (Գիզի) Կոնստանտինի Ամիրեջիբի (նաև՝ Ամիրաջիբի, վրաց.՝ თენგიზ (გიზი) კონსტანტინეს ძე ამირეჯიბი , 30 սեպտեմբերի, 1927, Թբիլիսի, Վրացական ԽՍՀ, ԽՍՀՄ — 9 մարտի, 2013), վրացի դաշնակահար և մանկավարժ։ Թբիլիսիի կոնսերվատորիայի պրոֆեսոր^[2], Վրաստանի Շոթա Ռուսթավելու անվան պետական մրցանակի դափնեկիր, Վրացական ԽՍՀ ժողովրդական արտիստ (1961)^[3]:

Կենսագրություն

Թենգիզ Ամիրեջիբին ծնվել է 1927 թվականի սեպտեմբերի 30-ին Թբիլիսիում։ Դաշնամուր նվագել սովորել է Թբիլիսիի կոնսերվատորիային կից «շնորհալի երեխաների խմբակում» պրոֆեսոր Աննա Տելաշվիլու ղեկավարությամբ։ Ութ տարեկան հասակից ելույթներ է ունեցել անհատական ծրագրերով, այդ թվում նաև Վրաստանի պետական սիմֆոնիկ նվագախմբի հետ։

1945—1950 թվականներին սովորել է Մոսկվայի կոնսերվատորիայում (պրոֆեսոր Կոնստանտին Իգումանովի և Լև Օբորինի դասարաններում)։ Կոնսերվատորիայում ուսումն ավարտելուց հետո համերգներ է տվել Մոսկվայում, Լենինգրադում, ԽՍՀՄ տարբեր քաղաքներում, ինչպես նաև արտասահմանում՝ ԱՄՆ-ում, Կանադայում, Գերմանիայում, Լեհաստանում, Հարավսլավիայում։ Ֆրանսիայում (Փարիզ) նկարահանվել է «Նվագում է Թ. Ամիրեջիբին» ֆիլմը։

Թենգիզ Ամիրեջիբիի կատարումների շարքում առանձնակի տեղ են զբաղեցրել Ֆրեդերիկ Շոպենի ստեղծագործությունները։

Նշանավոր աշակերտներ

Մ. Դոիջաշվիլի, Վրաստանի ժողովրդական արտիստ, Թբիլիսիի կոնսերվատորիայի ռեկտոր,
Ալեքսանդր Կորսանտիա, Բոստոնի ազգային համալսարանի պրոֆեսոր
միջզագային բազմաթիվ մրցույթների դափնեկիրներ, մանկավարժներ և կատարողներ․
- Էլիսո Բոլկվաձե (Փարիզ)
- Մարինա Նադիրաձե (Գլազգո)
- Տամարի Գուրևիչ (Բոստոն)
- Խատիա Բունիատիշվիլի (Փարիզ)

Մրցանակներ

1951 թվականին Բեռլինում երիտասարդ կատարողների փառատոնում արժանացել է պատվավոր մեդալի,
Վրաստանի ժողովրդական արտիստ
Վրացական ԽՍՀ Շոթա Ռուսթավելու անվան պետական մրցանակ
Պատվո շքանշան

Ծանոթագրություններ

1 2 საქართველოს ბიოგრაფიული ლექსიკონი (վրաց.) — 2001.
↑ კონსერვატორია" — თენგიზ ამირეჯიბი
↑ «СГ. Культура». Արխիվացված է օրիգինալից 2019 թ․ սեպտեմբերի 11-ին. Վերցված է 2021 թ․ մայիսի 26-ին.

Արտաքին հղումներ

Аида с мотоциклом Արխիվացված 2016-03-04 Wayback Machine: Интервью Тенгиза Амирэджиби // «Эксперт Украина», № 23 (120), 11 июня 2007.

[_267b08ded40e3ae0-1] 1 2 საქართველოს ბიოგრაფიული ლექსიკონი (վրաց.) — 2001.

[2] კონსერვატორია" — თენგიზ ამირეჯიბი

[3] «СГ. Культура». Արխիվացված է օրիգինալից 2019 թ․ սեպտեմբերի 11-ին. Վերցված է 2021 թ․ մայիսի 26-ին.

[1]

[2]

[3]