Լոբեզ
| Բնակավայր | |||||
|---|---|---|---|---|---|
| Լոբեզ | |||||
| լեհ.՝ Łobez | |||||
| |||||
 | |||||
| Երկիր |  Լեհաստան | ||||
| Մակերես | 12,84 կմ² | ||||
| ԲԾՄ | 94 մետր | ||||
| Բնակչություն | 9792 մարդ (մարտի 31, 2021)[1] | ||||
| Ժամային գոտի | UTC+1 և UTC+2 | ||||
| Փոստային դասիչ | 73-150, 73-153 | ||||
| Ավտոմոբիլային կոդ | ZLO | ||||
| Պաշտոնական կայք | lobez.pl | ||||
| |||||
Լոբեզ (լեհ.՝ Łobez, գերմ.՝ Labes), քաղաք Լեհաստանում։ Ունի քաղաքային-գյուղական համայնքի կարգավիճակ։ Տարածքը կազմում է 12,8 կմ²։ Բնակչությունը՝ 10 066 մարդ (2019 թվականի տվյալներով)[2]։ Լոբեզ քաղաքը գտնվում է Ռեգա գետի ափին։
Պատմություն[խմբագրել | խմբագրել կոդը]
Լոբեզը տեղակայված է տասներորդ դարում հիմնադրված հին սլավոնական գյուղի տեղում։ Քաղաքը հիմնադրվել է 13-րդ դարում ֆոն Բորկ ասպետի կողմից։ Քաղաքը ստացել է Լոբեզ անվանումը, մոտավորապես 1275 թվականին։ 14-րդ դարում քաղաքը ուներ իր քաղաքապետն ու քաղաքային խորհուրդը, ապա քաղաքի շուրջ կառուցվել է պատ, որը ավերվել Է 18-րդ դարում։ 1460 թվականին քաղաքն ունեցել է իր սեփական դատարանը։ 17-րդ դարում քաղաքը գտնվում էր Բրանդենբուրգի ենթակայության տակ, ապա՝ Պրուսիայի, 1871 թվականից՝ Գերմանական կայսրության, 1933 թվականից՝ Նացիստական Գերմանիայի։
Երկրորդ համաշխարհային պատերազմի ժամանակ Լոբեզում ռազմագերիների երկու ճամբարներ էին տեղակայված, որոնցում գտնվում էին լեհերը, ռուսներն ու ֆրանսիացիները, որոնք աշխատում էին քաղաքում ու շրջակա գյուղերում։ 1945 թվականի մարտի 3-ի գիշերը Լոբեզն ազատագրվեց Կարմիր բանակի և Լեհաստանի զորքերի կողմից՝ տեղի Հիտլերյուգենդ ստորաբաժանման՝ «Jagdkommandos»-ի հետ ծանր մարտերից հետո։
Լոբեզի համար մարտերին մասնակցել են․
- Առաջին Բելառուսական ճակատի 1-ին տանկային բանակի 44-րդ գվարդիական տանկային բրիգադը, Խորհրդային Միության կրկնակի հերոս գնդապետ Իոսիֆ Գուսակովսկու հրամանատարությամբ։
- Պարտիզանական ջոկատը, որի կազմում ընդգրկված էին լեհերն ու այլ ազգի մարտիկները (ռուսներ, ֆրանսիացիներ և սերբեր), որոնք փախել էին մոտակա համակենտրոնացման ճամբարներից։
- Լեհաստանի 43-րդ հրետանային գունդը մայոր Իլյա Սադովսկու հրամանատարությամբ։
Քաղաքի անվանման պատմություն[խմբագրել | խմբագրել կոդը]
Առաջին աղբյուրները պնդում են, որ քաղաքի անունը եղել է՝ Lobis (1271), Lobese (1280), Lobse (1285): Լեհ պատմաբանները կարծում են, որ քաղաքը ստացել է իր անունը հին սլավոնական շամբիի կամ գետի անունից, որի վրա գտնվում է քաղաքը (laba, lobose, łabuź): Գերմանացի պատմաբանները կարծում են, որ քաղաքի անունը գալիս է կարապ բառից (հին սլավոներեն՝ labez, labendz): Łobez քաղաքի ներկայիս անվանումը պաշտոնապես հաստատվել է 1946 թվականի մայիսի 19-ին[3]։
Պատկերասրահ[խմբագրել | խմբագրել կոդը]
-
15-րդ դարի եկեղեցի -
20-րդ դարի սկզբի պատմական տուն -
20-րդ դարի սկզբի պատմական տուն -
19-րդ դարի սկիզբ -
Լոբեզի համար մարտերում զոհված զինվորի հիշատակին նվիրված հուշարձան -
Պատվավոր պահակ - 03.03.2009 -
Հուշարձան Լոբեզի շրջակայքում (Łobez-Świętoborzec) նվիրված Կարմիր բանակի և լեհական զորքերի զինվորների հիշատակին -
Արձանագրություն՝ Լոբեզ քաղաքի նախկին բնակիչների՝ գերմանացիների համար -
Քաղաքային խորհուրդ
.jpg)
Քույր քաղաքներ[խմբագրել | խմբագրել կոդը]
Լոբեզը հանդիսանում է հետևյալ քաղաքների քույր քաղաքը․
Գերմանիա Աֆֆինգ (1997)
Լիտվա Կեդայնյայ (2002)
Էստոնիա Պաիկուսե (2003)
Շվեդիա Սվալյով (2000)- Գերմանիա Վիկ (2008)
Սերբիա Գուչա (2010)
Ռուսաստան Ինստրա (2011)
Ծանոթագրություններ[խմբագրել | խմբագրել կոդը]
- ↑ https://bdl.stat.gov.pl/api/v1/data/localities/by-unit/023216418024-0979136?var-id=1639616&format=jsonapi
- ↑ Polska w liczbach w oparciu o dane GUS, 2019.
- ↑ Monitor Polski 1946, nr 44, poz.85
Գրականություն[խմբագրել | խմբագրել կոդը]
- Zbigniew Harbuz: Kalendarium ziemi i powiatu łobeskiego, «Łabuź», Łobez 2007, ISSN 1509-6378.
- Z dziejów ziemi łobeskiej — praca zbiorowa pod redakcją Tadeusza Białeckiego, Instytut Zachodniopomorski, Szczecin 1971.
Արտաքին հղումներ[խմբագրել | խմբագրել կոդը]
 | Վիքիպահեստն ունի նյութեր, որոնք վերաբերում են «Լոբեզ» հոդվածին։ |
| ||||||
