Լի Ռեմիք

Լի Ռեմիք
Լի Ռեմիք
Ծննդյան թիվ՝	դեկտեմբերի 14, 1935[…]
Ծննդավայր՝	Քուինսի, Նորֆոլկ շրջան, Մասաչուսեթս, ԱՄՆ
Վախճանի թիվ՝	հուլիսի 2, 1991[…] (55 տարեկան)
Վախճանի վայր՝	Բրենթվուդ, Լոս Անջելես, Լոս Անջելես, Կալիֆոռնիա, ԱՄՆ
Քաղաքացիություն՝	ԱՄՆ
Մասնագիտություն՝	դերասանուհի, բնավորության դերասան, հեռուստատեսային դերասանուհի, թատրոնի դերասանուհի և կինոդերասանուհի
Պարգևներ՝	Քրիստալ մրցանակ Հոլիվուդյան փառքի ծառուղու աստղ Ոսկե գլոբուս մրցանակ դրամատիկական հեռուստասերիալում կանացի լավագույն դերակատարման համար Ոսկե գլոբուս մրցանակ դրամատիկական հեռուստասերիալում կանացի լավագույն դերակատարման համար Արծաթե խեցի լավագույն դերասանուհու համար և Hasty Pudding Woman of the Year?
IMDb։	ID 0001665

Լի Էնն Ռեմիք (անգլ.՝ Lee Ann Remick, դեկտեմբերի 14, 1935(1935-12-14)^[1]^[2]^[3]^[…], Քուինսի, Նորֆոլկ շրջան, Մասաչուսեթս, ԱՄՆ - հուլիսի 2, 1991(1991-07-02)^[1]^[2]^[3]^[…], Բրենթվուդ, Լոս Անջելես, Լոս Անջելես, Կալիֆոռնիա, ԱՄՆ), ամերիկացի դերասանուհի։ «Ոսկե գլոբուս» մրցանակի կրկնակի դափնեկիր, ինչպես նաև «Օսկար » և «Թոնի» մրցանակների հավակնորդ։

Կենսագրություն[խմբագրել | խմբագրել կոդը]

Ծնվել է 1935 թվականի դեկտեմբերի 14-ին Մասաչուսեթսում։ Պատանեկության տարիներին հաճախել է պարի դպրոց, ինչպես նաև դերասանական դասընթացներ Բերնարդ քոլեջում և Նյու Յորքի Դերասանական ստուդիայում։ 1953 թվականին Լին իր առաջնելույթն է կատարել Բրոդվեյում ։

Իսկ կինոյում նրա առաջնելույթը տեղի է ունեցել 1957 թվականին Էլյա Կազանի «Դեմքը ամբոխի մեջ» ֆիլմում։ Դրան հաջորդել են նշանակալից դերեր « Երկար շոգ ամառ » (1958) և « Սպանության անատոմիա » (1959) ֆիլմերում։ 1960 թվականին նա նկարահանվել է Էլյա Կազանի ևս մեկ ֆիլմում՝ «Վայրի գետը» կինոնկարում (1960 թ.)։ 1962 թվականին Ռեմիքն առաջադրվել է «Օսկար» մրցանակի՝ «Լավագույն դերասանուհի» անվանակարգում՝ «Գինու և վարդերի օրեր» ֆիլմում գլխավոր հերոսի՝ Ջեք Լեմմոնի կնոջ՝ Քիրստեն Առնեսեն Քլեյի դերի տպավորիչ կատարման համար։

1966 թվականին Լին առաջադրվել է Թոնի մրցանակի Բրոդվեյի «Սպասիր մինչև մութն ընկնի» պիեսում իր դերակատարման համար։ Մեկ տարի անց պիեսը էկրանավորվեց, բայց նույնանուն ֆիլմում գլխավոր դերը խաղաց Օդրի Հեփբըրնը։ Լի Ռեմիքի դերասանական հիշարժան աշխատանքներից է նաև Դեմիենի մոր՝ Քեթրին Թորնի կերպարի մարմնավորումը 1976 թվականին նկարահանված «Օմենը» / «The Omen»միստիկական թրիլլերում։

Իր առաջին ամուսնուց՝ Բիլ Քոլերանից (1957–1968), Լին ունեցել է մեկական որդի և դուստր։ Նրա երկրորդ ամուսինը բրիտանացի պրոդյուսեր Քիփ Գոուենսն էր (1970–1991): Լի Ռեմիքը մահացել է քաղցկեղից, լոսանջելեսյան իր տանը, 1991 թվականի հուլիսի 2-ին՝ 55 տարեկան հասակում։ Կինոարվեստում ներդրած նշանակալի ավանդի համար Լին աստղի է արժանացել Հոլիվուդյան Փառքի ծառուղում։

Ընտրյալ ֆիլմագրություն[խմբագրել | խմբագրել կոդը]

Տարի		Հայերեն անվանում	Բնօրինակ անվանում	Դեր
1957	ֆ	Դեմքը՝ ամբոխում	A Face in the Crowd	Բեթթի
1958	ֆ	Երկար, շոգ ամառ	The Long, Hot Summer	Յուլա Վառներ
1959	ֆ	Սպանության անատոմիա	Anatomy of a Murder	Լորա Մենիոն
1960	ֆ	Վայրի գետը	Wild River	Քերոլ Հարտ Բոլդուին
1962	ֆ	Փորձարկում՝ սարսափով	Experiment in Terror	Քելլի Շերվուդ
1962	ֆ	Գինու և վարդերի օրեր	Days of Wine and Roses	Քիրստեն Առնսեն Քլեյ
1963	ֆ	Վազող մարդը	The Running Man	Ստելլա Բլեք
1969	ֆ	Դժվարին գործարք	Hard Contract	Շեյլա Մեթքաֆ
1970	ֆ	Երբեմն էլ՝ մեծ երանություն	Sometimes a Great Notion	Վիվ Սթեմփեր
1976	ֆ	Օմենը	Omen	Քեթրին Թորն
1977	ֆ	Հեռախոսը	Telefon	Բարբարա
1978	ֆ	Մեդուզայի հպումը	The Medusa Touch	դոկտոր Զոնֆելդ
1979	ֆ	Եվրոպացիները	The Europeans	Եվգենյա Յանգ
1980	ֆ	Պարգև	Tribute	Մեգգի Սթերտոն
1989	հֆ	Աշխարհի շուրջը՝ 80 օրում	Around the World in 80 Days	Սառա Բեռնար

Մրցանակներ[խմբագրել | խմբագրել կոդը]

Լավագույն դերասանուհու մրցանակ - 1963 թ. Սան Սեբաստիանի կինոփառատոնում ՝ Գինու և վարդերի օրեր ֆիլմի համար
Ոսկե գլոբուս 1974 - «Հեռուստատեսային դրամատիկական լավագույն դերասանուհի» («Կապույտ ասպետ»)
Ոսկե գլոբուս 1976 - «Հեռուստատեսային դրամատիկական լավագույն դերասանուհի» («Լեդի Ռենդոլֆ Չերչիլ»)
BAFTA 1975 - «Լավագույն հեռուստատեսային դերասանուհի» («Ջենի. Լեդի Ռենդոլֆ Չերչիլ»)

Ծանոթագրություններ[խմբագրել | խմբագրել կոդը]

↑ ^1,0 ^1,1 ^1,2 ^1,3 ^1,4 Bibliothèque nationale de France data.bnf.fr (ֆր.): տվյալների բաց շտեմարան — 2011.
↑ ^2,0 ^2,1 ^2,2 ^2,3 ^2,4 Encyclopædia Britannica
↑ ^3,0 ^3,1 ^3,2 ^3,3 ^3,4 Internet Broadway Database — 2000.

Արտաքին հղումներ[խմբագրել | խմբագրել կոդը]

Լի Ռեմիք Internet Movie Database կայքում
Lee Remick at filmreference.com

Վիքիպահեստն ունի նյութեր, որոնք վերաբերում են «Լի Ռեմիք» հոդվածին։

[_034fc71aa2db9c21-1] 1,0 ^1,1 ^1,2 ^1,3 ^1,4 Bibliothèque nationale de France data.bnf.fr (ֆր.): տվյալների բաց շտեմարան — 2011.

[_dc2f2e40bf97385c-2] 2,0 ^2,1 ^2,2 ^2,3 ^2,4 Encyclopædia Britannica

[_85f788cc45eadd7a-3] 3,0 ^3,1 ^3,2 ^3,3 ^3,4 Internet Broadway Database — 2000.

[1]

[2]

[3]