Օմեն (ֆիլմ, 1976)

Վիքիպեդիայից՝ ազատ հանրագիտարանից
Օմեն
անգլ.՝ The Omen
Երկիր ԱՄՆ[1][2]
 Միացյալ Թագավորություն[1][2]
Ժանրսարսափ ֆիլմ[3][4][5], միստիկ ֆիլմ[3][4], թրիլեր և սատանայական ֆիլմ
Թեմագերբնական, Նեռ[6], parenthood?[6], ճակատագիր[6], ծնող-երեխա հարաբերություններ[6], Որդեգրում[2], սատանիզմ[2], կաթոլիկություն[2], Սատանա[2] և սպանություն[2]
Թվականսեպտեմբերի 25, 1976[7] և 1976
Լեզուանգլերեն
ՌեժիսորՌիչարդ Դոններ[3][8][5][…]
ՊրոդյուսերՀարվի Բերնհարդ
Սցենարի հեղինակԴեյվիդ Զելցեր
ԴերակատարներԳրեգորի Փեք[8][9][5][…], Լի Ռեմիկ[9][5][10], Դևիդ Ուորներ[9][5][10], Բիլլի Ուայթլոու[9], Հարվի Սթիվենս[9], Պատրիկ Թրոութոն[9], Ռոբերտ Ռիետտի, Նիկոլաս Քեմփբել[9], Լեո ՄակՔերն[9], Մարտին Բենսոն[9], John Stride?[11], Freda Dowie?[11], Tommy Duggan?[11], Հարվի Բերնհարդ[11] և Բրյուս Բոա[11]
ՕպերատորԳիլբերտ Թեյլոր
ԵրաժշտությունՋերրի Գոլդսմիթ
ՄոնտաժՍտյուարտ Բեյրդ
Պատմվածքի վայրԼոնդոն[6], Հռոմ[6], Tel Jezreel?[6], ԱՄՆ[6], Ֆրոզինոնե[6] և Չերվետերե[6]
Նկարահանման վայրՉիկագո և Windsor Safari Park?
Կինոընկերություն20th Century Studios
Տևողություն106 րոպե և 111 րոպե
Բյուջե2 800 000 $
Շահույթ60 900 000 $[12]

«Օմեն» (անգլ.՝ The Omen Նշան/ Նախանշան), 1976 թվականի ռեժիսոր Ռիչարդ Դոնների ամերիկյան միստիկական թրիլեր/ սարսափ ֆիլմ, կինոսերիալ «Օմենի» առաջին մասը, որը պատմում է Նեռի Երկրի վրա իշխելու մասին։

Ֆիլմի պրեմիերան կայացել է 1976 թվականի հունիսի 25-ին։ Ֆիլմն արժանացավ Օսկարի՝ «Ֆիլմի լավագույն երաժշտություն» անվանակարգում։

Սցենարիստ Դևիդ Զելցերը վերամշակեց սցենարը և հրատարակեց հանրահայտ վեպ «Նախանշանը», որը սկիզբ դրեց «Օմեն» գրքերի շարքին, որոնք շարունակեցին Ժոզեֆ Հովարդը և Գորդոն Մագկիլը[13]։

Սյուժե[խմբագրել | խմբագրել կոդը]

Ռոբերտ Տորնը, ամերիկացի դիվանագետ Իտալիայում, մտահոգ գնում է հռոմեական ծննդատուն՝ նրա որդին մահացել է ծննդաբերության ժամանակ։ Տեղի քահանան՝ հայր Սպիլետտոն, Ռոբերտին առաջարկում է որդեգրել մի տղայի, որը զուգադիպությամբ ծնվել էր Տորնի երեխայի հետ նույն օրը։ Քահանան ասում է, որ տղան որբացել է՝ նրա մայրը մահացել է ծննդաբերության ժամանակ։

Վախենալով, որ Քեթրինը՝ Ռոբերտի կինը, չի դիմանա դաժան լուրը լսելով, Ռոբերտը համաձայնվում է որդեգրել տղային, կնոջը չհայտնելով դրա մասին։ Քահանան Ռոբերտին հայտնում է, որ երեխայի անունը Դեմիեն է։

5 տարի անց Ռոբերտը ստանում է Անգլիայում ԱՄՆ-ի դեսպանի պաշտոնը, ինչի կապակցությամբ Տորն ընտանիքը տեղափոխվում է Լոնդոն։ Դեմիենի 5-ամյակին նրա դայակը՝ Հոլլին պուրակում հսկայական ռոթվայլեր է նկատում։ Շան հայացքը ասես հիպնոզացնում է աղջկան։ Կարճ ժամանակահատվածից հետո խնջույքի հրավիրված բոլոր հյուրերը սարսափով տեսնում են, թե ինչպես է Հոլլին, բարձրանալով տան տանիք, կոկորդը պարանով փաթաթած ցատկում ներքև և մահանում։

Տորների ընտանիքում նոր դայակ է հայտնվում՝ միսս Բեյլոկ։ Պարզվում է, որ ոչ Ռոբերտը ոչ էլ Քեթրինը աշխատանքի չեն հրավիրել նրան։ Այն հարցին, թե որտեղից է նա հայտնվել, նոր դայակը բացատրում է, որ ուղարկվել է գործակալի կողմից ով լուրերից իմացել է Հոլլիի մահվան մասին։ Նա փորձում է համոզել Դեմիենի ծնողներին վերջինիս իր հետ եկեղեցի չտանել (որի շքամուտքում Դեմիենի մոտ հիստերիկա է սկսվում), ինչպես նաև տուն է բերում մի շան՝ այն նույն ռոթվայլերին։ Չնայած բոլոր համոզումներին, որ Դեմիենը շատ է կապվել շանը, որը երեխայի համար հիանալի պահակ է հանդիսանում, Ռոբերտը նոր դայակից պահանջում է ազատվել շնից։

Ռոբերտի գրասենյակ է գալիս քահանա Բրեննանը, որը փորձում է համոզել Տորնին, որ վերջինիս որդին նեռ է։ Ռոբերտը հրաժարվում է նրան լսել և դուրս է հրավիրում տնից։ Ավելի ուշ քահանան ևս մեկ անգամ փորձում է խոսել Ռոբերտի հետ։ Նա պնդում է հանդիպել վերջինիս հետ այգում և լսել նրան։ Այգում Բրեննանը նորից պնդում է, որ Ռոբերտի որդին Սատանա է։ Բացի դրանից, քահանան պնդում է, որ Քեթրինը հղի է, սակայն Դեմիենի կողմնակիցները թույլ չեն տա, որպեսզի նա ծնվի և կսպանեն Քեթրինին, ինչից հետո նաև հենց Տորնին։ Քահանան խնդրում է Տորնին գնալ հին քաղաք Մեգիդդո և այնտեղ գտնել Բուգենհագեն անունով մարդու։ Ռոբերտը նորից հրաժարվում է հավատալ Բրենոնին և հեռանում է։ Նրա գնալուց հետո եղանակը կտրուկ փոխվում է։ Քահանան վազում է եկեղեցի, սակայն դուռը փակ է լինում։ Այդ պահին կայծակը հարվածում է տանիքի վրա գտնվող մետաղական ձողին, որը ընկնելով խոցում է քահանային։

Տանը Ռոբերտը նկատում է, որ Քեթրինը վախենում է Դեմիենից։ Նա նաև հայտնում է, որ հղի է (ինչպես որ պնդում էր քահանան), սակայն մտադիր է աբորտ անել։

Ավելի ուշ միսս Բեյլոկը, խնամելով փոքրիկ Դեմիենին, պարզապես մանկական հեծանիվ քշող երեխային ուղորդում է այն աթոռի վրա, որի վրա կանգնած էր Քեթրինը։ Աթոռին հարվածելով Դեմիենը հավասառակշռությունից շեղում է խորթ մորը, ինչից վերջինս ընկնում է աստիճաններից։ Հիվանդանոց եկած Ռոբերտը իմանում է, որ նրա կինը կենդանի է մնացել, սակայն երեխան, որին նա սպասում էր մահացել է։

Ռոբերտին զանգում է լուսանկարիչ Կիտ Ջեննինգսը, որը դեսպանի կյանքի տարբեր միջոցառումներ էր նկարահանում, այդ թվում նաև Դեմիենի 5-ամյակը։ Նա խնդրում է Ռոբերտին գալ իր մոտ։ Լուսանկարիչը պատմում է, որ իր լուսանկարներում տարօրինակ բծեր է գտել, որոնք ասես մահվան նախանշաններ լինեն. ամպանման պարան դայակի պարանոցի շուրջ և բիծ, որը խոցում էր հայր Բրեննոնին։ Ռոբերտի այն հարցին, թե ինչ շահ ունի լուսանկարիչը ցույց է տալիս իր լուսանկարը, որտեղ նույնպես ամպանման գիծ կա, որը հատում է լուսանկարչի գլուխը։

Ռոբերտը որոշում է միանալ հետաքննությանը։ Հերոսները գնում են ծննդատուն, որպեսզի իմանան, թե ով էր Դեմիենի իրական մայրը։ Տեղ ժամանելով, նրանք իմանում են, որ 5 տարի առաջ հաստատությունը այրվել է և ոչ մի փաստաթուղթ չի մնացել։ Քահանան, որը առաջարկեց Ռոբերտին որդեգրել Դեմիենին կենդանի մնաց հրդեհի ժամանակ, սակայն լուրջ այրվածքներ ստացավ և հիմա ապրում է հեռավոր մենաստանում։ Ռոբերտը և Ջեննինգսը գնում են Ֆրոզինոնում գտնվող մենաստան։ Թորնը հուսահատորեն խնդրում է քահանային նշան տալ, որտեղ փնտրել Դեմիենի կենսաբանական մոր նասին տեղեկություններ։ Վերջինս նշում է Չերվետ գերեզմանոցի անունը։

Գերեզմանոցում դեսպանը և լուսանկարիչը գտնում են ոմն Մարիա Սկիանոյի գերեզմանը, որը մահացել է այն նույն օրը, երբ ծնվել է Դեմիենը։ Կողքին գտնվում է նրա որդու գերեզմանը։ Տորնը և Ջենինգը բացում են գերեզմանը և սարսափահար գտնում են շնագայլի կմախք, իսկ մյուս գերեզմանում՝ փոքրիկի կմախք՝ ջարդված գանգով։ Տորնը հասկանում է, որ դա նրա հարազատ որդին է ում սպանել են, որպեսզի Ռոբերտը իր խնամակալության տակ վերցնի Դեմիենին։ Հանկարծ, լուսնակարչի և դեսպանի վրա է հարձակվում ռոթվեյլերների ոհմակ, որոնցից նրանք փրկվում են ու հեռանում։ Հյուրանոցից Ռոբերտը զանգում է հիվանդանոցում գտնվող կնոջը և պահանջում է, որպեսզի վերջինս շուտափույթ լքի Լոնդոնը։ Քեթրինը չի հասցնում դա անել՝ միսս Բեյլոկը սպանում է նրան։ Իմանալով կնոջ մահվան մասին, Ռոբերտը հուսալքվում և Ջենիննգսին հայտնում է, որ ուզում է սպանի Դեմիենին։ Նրանք մեկնում են Մեգիդդո քաղաք։ Բուգենհագենը, որի մասին ասում էր քահանան էկզորսիստ է։ Նա Ռոբերտին 7 սեպ է տալիս, որոնց միջոցով պետք է սպանել հրեշին և բացատրում է, որ Նեռի հեռացման ծիսակարգը անհրաժեշտ է իրականացնել եկեղեցում։ Նա նաև հաստատում է դեսպանի մտավախությունները միսս Բեյլոկի մասին՝ նա սատանայի որդու ծառան է։ Տորնը սարսափի մեջ է երեխային սպանելու մտքից, ինչին Բուգենհեգենը պատասխանում է, որ Դեմիենն ոչ մարդկային երեխա է։ Ռոբերտը կարող է համոզվել դրանում՝ Դեմիենի մարմնի վրա պետք է նշան լինի երեք վեցերի տեսքով՝ գազանի թիվը։ Չնայած դրան, դեսպանը չի վերցնում սեպերը։ Ջենիննգսը հանդիմանելով վերցնում է սեպերը, սակայն այդ պահին ոչ հեռվում կանգնած բեռնատար մեքենայի արգելակը փչանում է և պոկված հայելին հատում է լուսանկարչի գլուխը։ Ցնցվելով իր ընկերոջ մահվամբ Տորնը վերցնում է սեպերը։

Ուշ երեկոյան Ռոբերտը վերադառնում է տուն։ Նա նորից է նկատում ռոթվեյլերին։ Նրան հաջողվում է փակել շանը նկուղում։ Ռոբերտը բարձրանում է վերև, մի փունջ մազ է կտրում Դեմիենի գլխից և համոզվում է նրա էության մեջ՝ երեխայի մազերի տակ գտնվում է հրեշի թվանշանը։ Այդ պահին նրա վրա է հարձակվում քնից արթնացած դայակը։ Ռոբերտը պայքարում է դայակի հետ և վերջնարդյունքում սպանում է նրան։ Նա անգթորեն քաշում է Դեմիենին մինչև մեքենա և նրան տանում եկեղեցի՝ լրջորեն մտադրված լինելով սպանել նրան։ Դեսպանը մեծ արագության վրա է ընթանում և նրան սկսում է ոստիկանությունը հետապնդել։ Մտնելով եկեղեցի, Ռոբերտը մոտեցնում է թուրը սակայն վերջին պահին վարանում է, նրա հետևից մտած ոստիկանությունը սպանում է դեսպանին։

Ռոբերտի հողարկավորությանը Դեմիենը բռնած է նախագահի ձեռքից։ Դեմիենը շրջվում և ժպտում է...

Դերերում[խմբագրել | խմբագրել կոդը]

Դերասան Դեր
Գրեգորի Պեք դեսպան Ռոբերտ Թորն
Լի Ռեմիկ Ռոբերտի կինը՝ Քեթրին Թորն
Դևիդ Ուորներ Կիտ Ջեննինգս
Բիլլի Ուայթլոու օրիորդ Բեյլոկ
Հարվի Սթիվենս Դեմիեն Թորն
Պատրիկ Տրաուտոն հայր Բրեննան
Մարտին Բենսոն հայր Սպիլետտո
Էնթոնի Նիկոլլս բժիշկ Բեկկեր
Շեյլա Ռեյնոր օրիորդ Խորտոն

Պարգևներ և անվանակարգեր[խմբագրել | խմբագրել կոդը]

Պարգևներ[խմբագրել | խմբագրել կոդը]

  • Օսկար (1977) - Լավագույն օրիգինալ սաունդթրեք (Ջերրի Գոլդսմիթ)

Անվանակարգեր[խմբագրել | խմբագրել կոդը]

Ծանոթագրություններ[խմբագրել | խմբագրել կոդը]

  1. ↑ 1,0 1,1 BFI Film & TV Database
  2. ↑ 2,0 2,1 2,2 2,3 2,4 2,5 2,6 AFI լիամետրաժ ֆիլմերի կատալոգ
  3. ↑ 3,0 3,1 3,2 http://www.imdb.com/title/tt0075005/
  4. ↑ 4,0 4,1 http://www.filmaffinity.com/en/film874811.html
  5. ↑ 5,0 5,1 5,2 5,3 5,4 http://stopklatka.pl/film/omen-1976
  6. ↑ 6,00 6,01 6,02 6,03 6,04 6,05 6,06 6,07 6,08 6,09 The Omen — 1976.
  7. ↑ Internet Movie Database — 1990.
  8. ↑ 8,0 8,1 http://www.filmaffinity.com/es/film874811.html
  9. ↑ 9,0 9,1 9,2 9,3 9,4 9,5 9,6 9,7 9,8 http://www.imdb.com/title/tt0075005/fullcredits
  10. ↑ 10,0 10,1 http://www.allocine.fr/film/fichefilm_gen_cfilm=40143.html
  11. ↑ 11,0 11,1 11,2 11,3 11,4 ČSFD (չեխերեն) — 2001.
  12. ↑ https://www.boxofficemojo.com/release/rl1567000065/weekend/
  13. ↑ Дэвид Зельцер

Արտաքին հղումներ[խմբագրել | խմբագրել կոդը]

 ⛭ 
  Թեմատիկ կայքեր
Բառարաններ և հանրագիտարաններ
Չափորոշչային վերահսկողություն
Ստացված է «https://hy.wikipedia.org/w/index.php?title=Օմեն_(ֆիլմ,_1976)&oldid=9828482» էջից