Լեոն Բատիստա Ալբերտի (1404–1472), իտալացի գիտնական, ճարտարապետ, գրող և երաժիշտ։ Վերածննդի դարաշրջանի մշակույթի ականավոր գործիչ։
Ծնվել է փետրվարի 18-ին, Ջենովայում։ Տեսական տրակտատներում («Արձանի մասին», 1435, «Գեղանկարչության մասին», 1435–1436, «ճարտարապետության մասին», մոտ 1452, հրատարակված 1485) ընդհանրացրել է գիտության նվաճումներով հարստացած իր ժամանակի արվեստի փորձը։ Գրել է «Փառասերը» (1426) կատակերգությունը։ «Ընտանիքի մասին» (1437–1441) քառահատււր աշխատության մեջ զարգացրել է օրինակելի ընտանիքի և ներդաշնակ մարդու վերաբերյալ իր գաղափարը։ Լեոնի նախագծերով կառուցված շինությունները՝ Ֆլորենցիայի Ռաչելլաիի պալատը (1446–1451), Ռիմինիի Սան Ֆրանչեսկո եկեղեցին (1447–1468), Սանտուայի Սան Սեբաստիանո (1460) և Սանտ Անդրեա (1472–1494) եկեղեցիները, կարևոր քայլ էն Վաղ Վերածննդի ճարտարապետության կողմից անտիկ ճարտարապետության յուրացման գործում։ Մահացել է ապրիլի 25-ին, Հռոմում։
Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից։
