Իրինա Խակամադա

Վիքիպեդիայից՝ ազատ հանրագիտարանից
Jump to navigation Jump to search
Իրինա Խակամադա
Irina Hakamada1.jpg
Ծնվել էապրիլի 13, 1955(1955-04-13)[1] (64 տարեկան)
ԾննդավայրՄոսկվա, ԽՍՀՄ
ՔաղաքացիությունFlag of the Soviet Union.svg ԽՍՀՄ
Flag of Russia.svg Ռուսաստան
Մայրենի լեզուռուսերեն
ԿրթությունՄոսկվայի ժողովուրդների բարեկամության համալսարան
Գիտական աստիճանտնտեսագիտական գիտությունների թեկնածու
Մասնագիտությունքաղաքական գործիչ, համալսարանի պրոֆեսոր, նորաձևության դիզայներ, գրող, տնտեսագետ և արվեստների գործիչ
ԱշխատավայրMoscow State Industrial University? և Q4397998?
Ծնողներհայր՝ Mutsuo Hakamada?
Զբաղեցրած պաշտոններՊետական Դումայի անդամ և Special Guest of the Parliamentary Assembly of the Council of Europe?[2]
Քաղաքական կուսակցությունԽՄԿԿ, Party of Economic Freedom?, Աջ ուժերի միություն, Q4315199?, Ռուսական ժողովրդա-դեմոկրատական միություն, անկուսակցական և Party of Growth?
Պարգևներ և
մրցանակներ
Q4377015?
ԱնդամությունՌԴ Նախագահին առընթեր քաղաքացիական հասարակության զարգացման և մարդու իրավունքների խորհուրդ և Եվրոպայի խորհրդի խորհրդարանական վեհաժողով
Կայքhakamada.ru
Irina Hakamada Վիքիպահեստում

Իրինա Խակամադա (ռուս.՝ Ирина Муцуовна Хакамада, ապրիլի 13, 1955(1955-04-13)[1], Մոսկվա, ԽՍՀՄ), ռուս քաղաքական գործիչ և հրապարակախոս, տնտեսագիտության թեկնածու, գրող, ռադիո- և հեռուստահաղորդավարուհի։ Պետական դումայի երեք գումարումների պատգամավոր (1993-2003), «Աջ ուժերի միություն» քաղաքական կուսակցության համանախագահ (1999-2003), Ռուսաստանի Դաշնության նախագահի թեկնածու (2004), «Ռուսաստանի նախագահին առընթեր քաղաքացիական հասարակության զարգացման և մարդու իրավունքների խորհրդի» անդամ (2012 թվականից)։

Հոր ազգանունն է վերցրել Կոնստանտին Բորովոյի խորհրդով (մինչ այդ եղել է Իրինա Զլոբինա)[3][4]։

Կենսագրություն[խմբագրել | խմբագրել կոդը]

Ծնվել է 1955 թվականի ապրիլի 13-ին Մոսկվայում։ Հայրը՝ Մուցուո Խակամադան (ճապ.՝ 袴田陸奥男, ճապոներեն արտասանությամբ՝ Հաքամադա) ճապոնացի կոմունիստ էր, գաղթել է Խորհրդային Միություն 1939 թվականին[5]։ Մայրը՝ Նինա Սինելնիկովան ուներ ռուսական, հայկական և լեզգինական արմատներ[6], աշխատում էր որպես անգլերենի ուսուցչուհի։

Արյունակից ավագ եղբայրը՝ Սիգեկի Հակամադան (ճապ.՝ 袴田茂樹) Տոկիոյի Աոյամա համալսարանի պրոֆեսոր է։

Կրթությունը բարձրագույն է, ավարտել է Պատրիս Լումումբայի անվան ժողովուրդների բարեկամության համալսարանը։ Թեկնածուական ատենախոսությունը պաշտպանել է Մ․ Վ․ Լոմոնոսովի անվան Մոսկվայի պետական համալսարանի տնտեսագիտության ֆակուլտետում։ 1983 թվականին ստացել է դոցենտի գիտական աստիճան «քաղաքական տնտեսագիտություն» մասնագիտության համար։ Տիրապետւմ է անգլերեն և ֆրանսերեն լեզուներին։

1980 թվականին եղել է ՌԽՖՍՀ ԳՀԻ Պետպլանի կրտսեր գիտաշխատող։

Մինչ 1990-ականների սկիզբը զբաղվել է գիտական և դասախոսական աշխատանքներով։ Եղել է «Системы + программы» կոոպերատիվի ղեկավարներից մեկը, Տեղեկատվական-վերլուծական կենտրոնի տնօրենը, Ռուսական ապրանքահումքային բորսայի խորհրդի անդամը և գլխավոր փորձագետը։

Քաղաքական գործունեություն[խմբագրել | խմբագրել կոդը]

Հանդիպում Վլադիմիր Պուտինի հետ (2014-04-17)

1984-1989 թվականներին՝ ԽՄԿԿ անդամ։

1992-1994 թվականներին Պետական դումայի առաջին գումարման պատգամավոր։

1995-1999 թվականներին «Ընդհանուր գործ» հասարակական շարժման նախագահ, վերընտրվել է Պետական Դումայի երկրորդ գումարման պատգամավոր։ 1997 թվականին Պետական դումայում ընտրվել է Փոքր ձեռնարկատիրության աջակցության և զարգացման պետական կոմիտեի նախագահ։ Եղել է Ռուսաստանի կառավարության օպերատիվ հարցերի կոմիտեի անդամ, տնտեսական բերափոխումների կոմիտեի անդամ։ ԱՊՀ երկրներում տնտեսական բարեփոխումների, փոքր ձեռնարկատիրության աջակցության և զարգացման կոմիտեի անդամ։ Այս պաշտոնում էլ, ըստ «Московский комсомолец» թերթում Ալեքսանդր Խեյնշտեյնի արտահայտած կարծիքի, չարաշահել է դիրքը՝ օգնելով իր ամուսնու ընկերությանը։

1999-2003 թվականներին «Աջ ուժերի միություն» (ԱՈՒՄ) կուսակցության համանախագահ, վերընտրվել է Պետական դումայի երրորդ գումարման պատգամավոր, Պետդումայի փոխնախագահ, «Աջ ուժերի միության» խմբակցության անդամ։

2003 թվականին Իրինա Խակամադան չի կարողացել անցնել Պետդումայի 4-րդ գումարում։

2004 թվականին առաջադրել է իր թեկնածությունը Ռուսաստանի Դաշնության նախագահի պաշտոնում և հավաքել է 3.84% ձայն։

2004 թվականից Ռուսական դեմոկրատական «Մեր ընտրությունը» կուսակցության նախագահ։ 2008 թվականին դուրս է եկել կուսակցությունից սեփական որոշմամբ՝ բացատրելով, որ դադարեցնում է քաղաքական գործունեությունը։

2012 թվականին ընդգրկվել է «Ռուսաստանի նախագահին կից քաղաքացիական հասարակության զարգացման և մարդու իրավունքների հարցերով խորհրդի» մեջ[7][8]։

2016 թվականին ընդգրկվել է քաղաքական «Աճի կուսակցության» խորհրդի անդամների կազմում[9]։ Պետդումայի 7-րդ գումարման ընտրություններում առաջադրվել է որպես պատգամավոր «Աճի կուսակցությունից»[10]։

Պետդումայի պատգամավոր[խմբագրել | խմբագրել կոդը]

Իրինա Խակամադան 2003 թվականին

1995 թվականին «Թայմ» ամսագիրը Իրինա Խակամադային ընդգրկել է 21-րդ դարի 100 հայտնի կանանց շարքում։ 1977-1999, 2001-2005 թվականների սոցիոլոգիական հարցումների արդյունքներով՝ անվանվել է տարվա կին, իսկ 1999 և 2002 թվականին հաղթել է այդ անվանակարգում։ 2005 թվականին առաջադրվել է Խաղաղության Նոբելյան մրցանակի թեկնածու։

2002 թվականին մասնակցել է ՄԱԿԳլխավոր ասամբլեայի 57-րդ նստաշրջանին։

Հասարակական դիրքորոշում[խմբագրել | խմբագրել կոդը]

2014 թվականի ապրիլի 25-ին «Էխո Մոսկվի» ռադիոյի «2014» ծրագրին տված հարցազրույցին Ղրիմի Հանրապետությունը Ռուսաստանին միացումը «անեքսիա» է անվանել։ Նույն հարցազրույցին հայտարարել է, որ Ռուսաստանը Ուկրաինայից Ղրիմը վերցրել է, որպեսզի կոնսոլիդացնի ազգը[11]։

Ընտանիք[խմբագրել | խմբագրել կոդը]

  • Հայրը՝ Մուցուո Հակամադա,
  • Մայրը՝ Նինա Իոսիֆի Սիլնիկովա,
  • Ամուսիններ՝
    • Սերգեյ Զլոբին (առաջին)՝ գործարարը,
    • Դմիտրի Նիկոլայի Սուխինենկո (երկրորդ)՝ «РИНАКО» ներդրումային ընկերության նախկին նախագահ,
    • Վլադիմիր Եվգենիի Սիրոտինսկի (երրորդ)՝ ֆինանսական խորհրդատու, մենեջեր,
  • Երեխաներ՝
    • Դանիել (1978 թվականի ծնունդ),
    • Մարիա (1997 թվականի ծնունդ),
  • Սիգեկի Հակամադա՝ արյունակից եղբայր, գիտնական, Տոկիոյի Աոյամա համալսարանի պրոֆեսոր։

Ֆիլմագրություն[խմբագրել | խմբագրել կոդը]

Տարի Տեսակ Անվանում Բնօրինակ

անվանում

Դեր
1991 ֆիլմ Հանճարը Гений կամեո
1999 ֆիլմ Դ․Դ․Դ Դետեկտիվ

Դուբրովսկու դոսյեն

Д. Д. Д. Досье детектива Дубровского Լենա
2011 ֆիլմ Իմ ընկերը հրեշտակ է Мой парень — ангел կինոռեժիսոր
2011 սերիալ Երջանիկ կյանքի

համառոտ դասընթաց

Краткий курс счастливой жизни Վերա Ռոդինկա
2013 ֆիլմ Բուքը Метель VIP-մարդ

Մատենագիտություն[խմբագրել | խմբագրել կոդը]

  • Ирина Хакамада. Общее дело. - М.: Ректор комьюникейшнз, 1995
  • Ирина Хакамада. Девичья фамилия. - М.: Подкова, 1999
  • Ирина Хакамада. Особенности национального политика. - М.: Олма-пресс, 2002
  • Ирина Хакамада В предвкушении себя: От имиджа к стилю. — М.: Альпина Паблишер, 2014. — 234 с. — ISBN 978-5-9614-4729-3
  • Ирина Хакамада Дао жизни: Мастер-класс от убежденного индивидуалиста. — М.: «Альпина Паблишер», 2012. — С. 204. — ISBN 978-5-9614-1827-9
  • Ирина Хакамада Sex в большой политике. Самоучитель self-made woman. — М.: Новая газета, Книжный клуб 36.6, 2006. — 232 с. — ISBN 5-91147-001-2
  • SUCCESS (Успех) в большом городе.
  • Ирина Хакамада Любовь, вне игры. История одного политического самоубийства. — М.: Аст, 2007. — 192 с. — ISBN 978-5-271-16838-3

Ծանոթագրություններ[խմբագրել | խմբագրել կոդը]

Արտաքին հղումներ[խմբագրել | խմբագրել կոդը]