Իզաբելլա Լիսիցյան
Իզաբելլա Լիսիցյան | |
---|---|
Հիմնական տվյալներ | |
Ծնվել է | մարտի 9, 1905 Գրոզնի, Թերեքի մարզ, Ռուսական կայսրություն |
Երկիր | ԽՍՀՄ |
Մահացել է | մարտի 23, 1941 (36 տարեկան) Մոսկվա, ԽՍՀՄ |
Մասնագիտություն | օպերային երգչուհի |
Աշխատավայր | Փոքր թատրոն և Ալեքսանդր Սպենդիարյանի անվան օպերայի և բալետի ազգային ակադեմիական թատրոն |
Իզաբելլա Նիկիտայի Լիսիցյան (մարտի 9, 1905, Գրոզնի, Թերեքի մարզ, Ռուսական կայսրություն - մարտի 23, 1941, Մոսկվա, ԽՍՀՄ), հայ օպերային երգչուհի (մեցցո-սոպրանո)։
Կենսագրություն[խմբագրել | խմբագրել կոդը]
Իզաբելլա Լիսիցյանը ծնվել է 1905 թվականի մարտի 9-ին Գրոզնիում։ Ավարտել է Ս. Լիսիցյանի արտասանության, ռիթմի և պլաստիկայի ստուդիան, ապա սովորել Լենինգրադի երաժշտական ուսումնարանի վոկալ բաժնում։
Ձայնային բացառիկ տվյալների շնորհիվ 1927 թվականին (դեռևս՝ ուսանող) հրավիրվել է Լենինգրադի օպերայի և բալետի թատրոն, 1929 թվականից երգել է Փոքր թատրոնում[1]։ Դերերգերից են՝ Պոլինա (Պ. Ի. Չայկովսկու «Պիկովայա դամա»), Լյուբաշա, Լել (Ն. Ա. Ռիմսկի-Կորսակովի «Թագավորի հարսնացուն», «Ձյունանուշ»), Սուզուկի (Ջ. Պուչինիի «Մադամ Բատերֆլայ»), Հրեշտակ (Ա. Գ. Ռուբինշտեյնի «Դևը»), Մադալենա (Ջ. Վերդիի «Ռիգոլետտո») և այլն։
1937 թվականին տեղափոխվել է Երևան, երկու թատերաշրջան Երևանի օպերայի և բալետի թատրոնում հանդես եկել Ալմաստի (Ա. Սպենդիարյանի «Ալմաստ»), Իշխանուհու (Ա. Ս. Դարգոմիժսկու «Ջրահարսը»), Ակսինիայի (Ի. Ի. Ձերժինսկու «Խաղաղ Դոն») և այլ դերերգերով։
Իզաբելլա Լիսիցյանի կատարողական արվեստը բարձր են գնահատել դիրիժորներ Ս. Ա. Սամոսուդը, Ալեքսանդր Մելիք-Փաշաևը, Բ. է. Խայկինը (Կոստանդին Սարաջևի աշակերտը) և ուրիշներ։
Իզաբելլա Լիսիցյանը մահացել է 1941 թվականի մարտի 23-ին Մոսկվայում[2]։
Ծանոթագրություններ[խմբագրել | խմբագրել կոդը]
Այս հոդվածի կամ նրա բաժնի որոշակի հատված վերցված է «Հայ երաժշտության հանրագիտարանից», որի նյութերը թողարկված են՝ Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) թույլատրագրի ներքո։ |