Ժան Ֆոտրիե

Ժան Ֆոտրիե; ֆր.՝ Jean Fautrier
Ծնվել է	մայիսի 16, 1898[…]
Ծննդավայր	Փարիզի 8-րդ շրջան, Փարիզ
Վախճանվել է	հուլիսի 21, 1964[…] (66 տարեկան)
Մահվան վայր	Շատնե-Մալաբրի
Քաղաքացիություն	Ֆրանսիա
Կրթություն	Գեղարվեստի թագավորական ակադեմիա և Académie de La Palette?
Մասնագիտություն	նկարիչ, քանդակագործ, նկարազարդող, գծանկարիչ և գծանկարիչ
Ոճ	ինֆորմալիզմ
Թեմաներ	գեղանկարչություն, իլյուստրացիա, գրաֆիկա և քանդակագործություն
Ուշագրավ աշխատանքներ	Hurluberlu? և Round box?

Ժան Ֆոտրիե ( ֆր.՝ Jean Fautrier. մայիսի 16, 1898(1898-05-16)^[1]^[2]^[3]^[…], Փարիզի 8-րդ շրջան, Փարիզ^[4] - հուլիսի 21, 1964(1964-07-21)^[1]^[2]^[3]^[…], Շատնե-Մալաբրի), ֆրանսիացի նկարիչ, փորագրանկարիչ, պատկերազարդող և քանդակագործ, ինֆորմալիզմի, տաշիզմի խոշորագույն ներկայացուցիչներից մեկը։

Կյանք և ստեղծագործություն[խմբագրել | խմբագրել կոդը]

Արվեստի գործերի լոնդոնցի առևտրականի արտաամուսնական կապից ծնված որդին՝ Ժան Ֆոտրիեն իր մանկությունն անցկացրել է Իռլանդիայում՝ տատի տանը։ 15 տարեկան հասակում, հոր ու տատի մահից հետո, նա մոր հետ տեղափոխվել է Լոնդոն, որտեղ հաջորդ տարում ընդունվել է գեղարվեստի թագավորական ակադեմիա։ 1917 թվականին զորակոչվել է ֆրանսիական բանակ, Առաջին համաշխարհային պատերազմի մարտերից մեկում ծանր վիրավորվել կրծքից։ 1920-ականների սկզբին վերադարձել է Փարիզ։ Առաջին անհատական ցուցահանդեսը կազմակերպվել է 1927 թվականին, Բեռնհայմի պատկերասրահում։ Սկսվել է համաշխարհային ճգնաժամը, և նկարչի կտավները վատ են վաճառվել։ Մինչև 1930-ականների վերջը նա ապրել է Իտալիայում ՝ Հարավային Տիրոլում, որտեղ կլիման բարենպաստ էր նրա անառողջ թոքերի համար։

Գերմանացիների կողմից Փարիզի գրավումից հետո Ֆոտրիեն վերադարձել է Ֆրանսիա, որտեղ մասնակցել է Դիմադրության շարժմանը։ 1943 թվականին անցել է ընդհատակ, թաքնվել Շատնե-Մալաբրիում։ 1945 թվականին, պատերազմական ժամանակաշրջանում ստեղծած «Պատանդներ» ( Otages ) նկարաշարի ցուցադրությունից հետո, ճանաչում ու համբավ է ձեռք բերել։ Մինչև 1954 թվականը Ժան Ֆոտրիեն զբաղվել է վերատպությունների թողարկմամբ, այնուհետև նորից անցել է կերպարվեստի նոր գործեր ստեղծելուն։ Նա մասնակցել է ժամանակակից արվեստի կասելյան Documenta 2 ցուցահանդեսին ( 1959 թ. ):

Ֆոտրիեի ստեղծագործություններին բնորոշ է խորը, երբեմն դրամատիկ լրջությունը, որը բխում է Երկրորդ համաշխարհային պատերազմի ժամանակ նրա ապրածից ու տեսածից։

Մեծարում[խմբագրել | խմբագրել կոդը]

1960 թվականին նա Հանս Հարթունգի հետ արժանացել է Վենետիկի բիենալեի Գրան պրիին։

Գրականություն[խմբագրել | խմբագրել կոդը]

Michel Ragon. Fautrier / Միշել Ռագոն . Ֆոտրիե. P., 1957 թ.
Pierre Cabanne. Jean Fautrier / Պիեռ Կաբան . Ժան Ֆոտրիե. P., 1957 թ.
Fautrier, Jean, and André Malraux. 1945. Les otages: peintures et sculptures de Fautrier, du vendredi 26 octobre au samedi 17 novembre 1945 à la Galerie René Drouin ... Paris. Paris: Galerie René Drouin. OCLC 243783618
Stiles, Kristine and Peter Selz. 2012. Theories and Documents of Contemporary Art: A Sourcebook of Artists' Writings, pp. 215–216. University of California Press. 9780520257184

Ծանոթագրություններ[խմբագրել | խմբագրել կոդը]

↑ ^1,0 ^1,1 ^1,2 ^1,3 ^1,4 Bibliothèque nationale de France data.bnf.fr (ֆր.): տվյալների բաց շտեմարան — 2011.
↑ ^2,0 ^2,1 ^2,2 ^2,3 ^2,4 Jean Fautrier (նիդերլ.)
↑ ^3,0 ^3,1 ^3,2 ^3,3 ^3,4 Jean Fautrier (դան.)
↑ ^4,0 ^4,1 ^4,2 Deutsche Nationalbibliothek Record #11853212X // Gemeinsame Normdatei (գերմ.) — 2012—2016.
↑ Ժամանակակից արվեստի թանգարանի առցանց հավաքածու
↑ ^6,0 ^6,1 ^6,2 ^6,3 Չեխիայի ազգային գրադարանի կատալոգ

Արտաքին հղումներ[խմբագրել | խմբագրել կոդը]

[_e652d9328b7230a9-1] 1,0 ^1,1 ^1,2 ^1,3 ^1,4 Bibliothèque nationale de France data.bnf.fr (ֆր.): տվյալների բաց շտեմարան — 2011.

[_112420273f6b18ac-2] 2,0 ^2,1 ^2,2 ^2,3 ^2,4 Jean Fautrier (նիդերլ.)

[_a7223fe44ec9c7d9-3] 3,0 ^3,1 ^3,2 ^3,3 ^3,4 Jean Fautrier (դան.)

[_f34d86e8ab5359f3-4] 4,0 ^4,1 ^4,2 Deutsche Nationalbibliothek Record #11853212X // Gemeinsame Normdatei (գերմ.) — 2012—2016.

[_e4ac11ae14db1e24-5] Ժամանակակից արվեստի թանգարանի առցանց հավաքածու

[_05230a148d2f588d-6] 6,0 ^6,1 ^6,2 ^6,3 Չեխիայի ազգային գրադարանի կատալոգ

[1]

[2]

[3]

[4]

[5]

[6]