Շատնե-Մալաբրի

Շատնե-Մալաբրի
Բնակավայր
	Շատնե-Մալաբրի
	ֆր.՝ Châtenay-Malabry; ֆր.՝ Châtenay-la-Montagne; ֆր.՝ Châtenay
	Զինանշան
Երկիր	Ֆրանսիա
Համայնք	Օ դը Սեն և arrondissement of Antony?
Մակերես	6,38 կմ²
ԲԾՄ	104 մետր, 65 մետր, 172 մետր
Բնակչություն	▲35 490 մարդ (հունվարի 1, 2022)
Ժամային գոտի	UTC+1 և UTC+2
Փոստային դասիչ	92290
Պաշտոնական կայք	chatenay-malabry.fr(ֆր.)
	Շատնե-Մալաբրի (Ֆրանսիա)
	Շատնե-Մալաբրի (Ֆրանսիա)
	Շատնե-Մալաբրի Վիքիպահեստում

Շատնե-Մալաբրի (ֆր.՝ Châtenay-Malabry), քաղաք և համայնք Ֆրանսիայում ՝Իլ դը Ֆրանս երկրամասի Օ դը Սեն դեպարտամենտում, ծովի մակերևույթից 104 մետր բարձրության վրա։ Զբաղեցնում է 6,38 քառակուսի կիլոմետր տարածք։ 2006 թվականի տվյալներով բնակչության թվաքանակը եղել է 31 873։ Բնակչության միջին խտությունը կազմում է 4 996 մարդ/կմ²։

Պատմություն

Մինչև 1920 թվականը բնակավայրն ուղղակի կոչվել է Շատնե (Châtenay): Այդ անվանումը ծագել է լատիներեն castellanum բառից, որը նշանակում է «ոչ մեծ ամրոց» կամ «հռոմեական ամրացված ճամբար»։ Անվանումը հուշում է, որ ներկայիս քաղաքի տեղում մեր թվականության I կամ II դարում մի այդպիսի ամրություն է եղել։

Պատմական փաստաթղթերում Շատնեն առաջին անգամ հիշատակվել է IX դարում։ Մինչև Ֆրանսիական մեծ հեղափոխությունը բնակավայրը գտնվել է Փարիզի կաթոլիկ թեմի կազմում։ 1719-ից 1722 թվականներին այստեղ ապրել է Վոլտերը, ավելի ուշ՝ Շատոբրիանը։ Մինչև 2015 թվականը Շատնե-Մալաբրիում էր գործում փարիզյան տարածաշրջանի ճարտարագիտական բարձրագույն ուսումնարանը՝ արվեստների ու արհեստների կենտրոնական դպրոցը (École Centrale Paris), ինչպես նաև՝ համալսարանի գիտա-դեղագործական ֆակուլտետը։