Թոնի Դանցա
Թոնի Դանցա | |
---|---|
Ծնվել է | ապրիլի 21, 1951[1] (73 տարեկան) |
Ծննդավայր | Բրուքլին, Նյու Յորք, Նյու Յորք, ԱՄՆ |
Կրթություն | University of Dubuque? |
Քաղաքացիություն | ԱՄՆ |
Մասնագիտություն | դերասան, հեռուստատեսային դերասան, հեռուստահաղորդավար, ուսուցիչ, թատրոնի դերասան, բռնցքամարտիկ, կինոդերասան, կինոպրոդյուսեր և երաժիշտ |
Պարգևներ և մրցանակներ | |
Թոնի Դանցա (անգլ.՝ Tony Danza; ապրիլի 21, 1951[1], Բրուքլին, Նյու Յորք, Նյու Յորք, ԱՄՆ), ամերիկացի բռնցքամարտիկ և թատրոնի դերասան, հեռուստահաղորդավար, հայտնի է դարձել «Տաքսի» և «Ո՞վ է այստեղ գլխավորը» հեռուստասերիալների շնորհիվ։ Դանցան «Էմմի», «Ոսկե գլոբուս» և «Ոսկե ազնվամորի» մրցանակների անվանակիր է։
Կենսագրություն
[խմբագրել | խմբագրել կոդը]Անձնական կյանք
[խմբագրել | խմբագրել կոդը]Ծնվել է Բրուքլինում՝ Էնն Քամիսի (1925-1993) և Մետի Յադանցայի (1920-1983) ընտանիքում ( մահացել են քաղցկեղից), Անտոնիո Աալվատորե Յադանցա անվամբ (անգլ.՝ Antonio Salvatore Iadanza)։ Մետի Յադանցան եղել է աղբատար։ Դանցայի նախնիները գաղթել են Իտալիայից։ Նա ունի փոքր եղբայր՝ Մետտի֊կրտսերը (ծնված՝ 1954 թվականին), որը Լոս Անջելեսում ռեստորանի սեփականատեր է[2]։ Երբ Թոնին 14 տարեկան էր, նրա ընտանիքը տեղափոխվել է Նյու Յորքի Մելվերն գյուղ։ 1968 թվականին ավարտել է տեղական դպրոցը։ Իր «Սովորեք․ Թոնի Դանցա» շոուի առաջին սերիայի ժամանակ Դանցան իր մասին արտահայտվել է որպես «վատ աշակերտ»։ 1972 թվականին ստացել է Դեբենյան համալսարանի բակալավրի աստիճան։ 1972 թվականին՝ սովորելու առաջին տարում, աջ ձեռքին Ռոբերտ Քրամբի Keep on Truckin նկարի տեսքով դաջվածք է արել։ 1985 թվականին «Us Weekly»-ին տված հարցազրույցի ժամանակ Դանցան նշել է՝ «Ես լողավազանում խաղում էի տղաների հետ, որոնք ունեին այս դաջվածքները, իսկ ես ցանկանում էի գտնել ընկերներ»[3]։ Իսկ աջ ուսին դաջած է երկու ձեռնոց և Keep Punching մակագրությունը[4]։ Քոլեջում ծանոթացել և հետագայում ամուսնացել է իր առաջին կնոջ՝ Ռոնդե Յոմանի հետ։ Նրանք ունեցել են երկու երեխա։ 1976-1979 թվականներին եղել է պրոֆեսիոնալ բռնցքամարտիկ։ Անցկացրել է 12 մարտ, որոնցից 9-ում հաղթել է[5]։
Մինչև «Տաքսի» սիթքոմում նկարահանվելը Դանցան եղել է Նյու Յորքում բռնցքամարտի դահլիճի ղեկավար։ 1986 թվականին ամուսնացել է Թրեյսի Ռոբինսոնի հետ։ 2006 թվականից նրանք առանձին են ապրել, իսկ 2011 թվականի մարտի 11-ից պաշտոնապես բաժանվել են[6]։ Դանցան և իր որդի Մարկը հրապարակել են Don’t Fill Up on the Antipasto: Tony Danza’s Father-Son Cookbook խոհարարական գիրքը[7]։ Դանցան նաև ԱՄՆ֊ի հանրապետական կուսակցության անդամ է[8]։
Գործունեություն
[խմբագրել | խմբագրել կոդը]Դանցան հայտնի է դարձել Տաքսի սիթքոմի (1978-1983, բռնցքամարտիկ և տաքսիստ Թոնի Բանտի դերում) և «Ո՞վ է այստեղ գլխավորը» (1984-1992, տնտեսուհի Թոնի Միչելլի) ֆիլմի շնորհիվ։ Այս աշխատանքի համար ստացել է «Ոսկե գլոբուս» մրցանակի չորս անվանակարգ։
Նա նաև խաղացել է «Հադսոն֊սթրիթ» (1995-1996) և «Թոնի Դանցայի շոուն» (1997) կատակերգական սերիալներում։ 2000-2002 թվականներին մասնակցել է «Ընտանեկան իրավունքներ» իրավաբանական սերիալի նկարահանումներին։
Նկարահանվել է «Մրցարշավ «Թնդանոթային միջուկ» 2» (1984), «Հրեշտակները դաշտի եզրին» (1994), «12 զայրացած տղամարդ» (1997), «Բախում» (2004) և այլ ֆիլմերում։
1999 թվականին «Պրակտիկա» սերիալում մասնակցելու համար ստացել է Էմմի մրցանակ՝ որպես դրամատիկական հեռուստասերիալում լավագույն հրավիրված դերասան։ Նրա կարիերայի առաջին ֆիլմը եղել է «Հոլիվուդյան զինվորներ» կինոժապավենը։ 2002 թվականին թողարկել է իր առաջին երաժշտական ալբոմը՝ «Տունը, որտեղ ես ապրում եմ»[9]։ Նույն թվականին եղել է Միսս Ամերիկա շոուի հաղորդավար։
Հայտնի է նաև որպես «Թոնի Դանցայի շոուի» հաղորդավար։ Շոուն ցուցադրվել է 2004-2006 թվականներին՝ ամեն աշխատանքային առավոտ։ 2005 թվականի մայիսի հինգին Դանցան և իր հյուրը՝ NASCAR մրցարշավորդ Ռաստի Ուոլլեսը, մասնակցել են կարտինգի։ Նրա մրցարշավի ավտոմեքենան հարվածել է Բոլիդ Ուոլլեսին, ինչի հետևանքով ավտոմեքենաները շրջվել են։ Դանցան ստացել է ուղեղի ցնցում[10]։ Նույն թվականի հոկտեմբերի 20-ին նա մարտահրավեր է նետել IndyCar Series֊ի մրցարշավորդ Դանիկա Պատրիկին։ Մրցարշավի ժամանակ նրա ավտոմեքենայի արգելակները դադարել են աշխատել, և մեքենան հարվածել է պատին։ Դանցան այդ անգամ չի տուժել։ Վերջին անգամ նրա թոք֊շոուն թողարկվել է 2006 թվականի սեպտեմբերի 15-ին[11]։
2006 թվականի դեկտեմբերի 19-ից մինչև 2007 թվականի մարտի 11-ը Բրոդվեյում և 2007 թվականի օգոստոսի 13-ից մինչև 2008 թվականի փետրվարի 9-ը Լաս Վեգասում խաղացել է Մաքս Բյալիստոկի բեմադրությունում՝ Մել Բրուքսի «Պրոդյուսերները» մյուզիքլում։ Գլխավոր աստղն է եղել է «Սովորեք․ Թոնի Դանցա» ռեալիթի-շոուում, որի նկարահանումները տեղի են ունեցել 2009-2010 թվականներին Ֆիլադելֆիայում։ Դենցան կատարել է 10-րդ դասարանի անգլերենի ուսուցչի դերը[12]։ Ծրագրի պրեմիերան տեղի է ունեցել 2010 թվականի հոկտեմբերի մեկին, սակայն յոթ էպիզոդից հետո հեռարձակումը ցածր վարկանիշի պատճառով դադարեցվել է[13]։
Ծանոթագրություններ
[խմբագրել | խմբագրել կոդը]- ↑ 1,0 1,1 Internet Broadway Database — 2000.
- ↑ Tony Danza’s TCM bio
- ↑ «Danza, Father and (Finally) Grown-up» by Steve Pond. Us Weekly, August 26, 1985
- ↑ «Tony Danza President Puncher». Maxim. Արխիվացված է օրիգինալից 2012 թ․ սեպտեմբերի 11-ին. Վերցված է 2011 թ․ հունիսի 17-ին.
- ↑ Rafael, Dan (2008 թ․ հոկտեմբերի 1). «'The Contender' to feature two ex-title challengers; TV star Danza to host». ESPN.com. Վերցված է 2008 թ․ դեկտեմբերի 17-ին.
- ↑ «Tony Danza Files for Divorce After 24 Years of Marriage». TV Guide. 2011 թ․ մարտի 10. Արխիվացված է օրիգինալից 2012 թ․ սեպտեմբերի 11-ին. Վերցված է June17, 2011-ին.
- ↑ «Tony and Mark Danza's Favorite Family Recipes». ABC News. 2008 թ․ մայիսի 20. Վերցված է 2011 թ․ հունիսի 17-ին.
- ↑ «Conservative Celebrities». CBS Philadelphia. Արխիվացված է օրիգինալից 2012 թ․ սեպտեմբերի 11-ին. Վերցված է 2011 թ․ հունիսի 17-ին.
- ↑ Opinion on Tony Danza’s The House I Live In. Արխիվացված 2012-04-26 Wayback Machine epinions.com Retrieved 2010-08-10.
- ↑ «Wallace swaps go-cart paint with Danza». MSNBC. Associated Press. 2005 թ․ մայիսի 10. Արխիվացված է օրիգինալից 2012 թ․ հունվարի 12-ին. Վերցված է 2011 թ․ հունիսի 17-ին.
- ↑ Шоу Тони Данца на IMDb.com
- ↑ Would you let Tony Danza teach your kid? Read more: http://www.nypost.com/p/blogs/popwrap/would_you_let_tony_danza_teach_your_V5mndz0g5yoRedgJf1uH8M#ixzz1lnIpdOl5
- ↑ «Friday Cable Ratings: Sanctuary, WWE Smackdown!, Swamp Loggers, NBA, Tony Danza & More». Արխիվացված է օրիգինալից 2016 թ․ մարտի 4-ին. Վերցված է 2020 թ․ հոկտեմբերի 25-ին.
Արտաքին հղումներ
[խմբագրել | խմբագրել կոդը]- Թոնի Դանցայի շոուի կայքը
- Թոնի Դանցայի բռնցքամարտի ցուցանիշը
- Հարցազրույց Թոնի Դանցայի հետ
- Հարց ու պատասխան՝ Թոնի Դանցա
- Թոնի Դանցան Emmys.com կայքում
Վիքիպահեստն ունի նյութեր, որոնք վերաբերում են «Թոնի Դանցա» հոդվածին։ |
|
- Էջեր, որոնք օգտագործում են JsonConfig
- Ապրիլի 21 ծնունդներ
- 1951 ծնունդներ
- Ապրող անձինք
- Բրուքլինում ծնվածներ
- Անձինք այբբենական կարգով
- Դերասաններ այբբենական կարգով
- 1950 ծնունդներ
- 20-րդ դարի ամերիկացի տղամարդ դերասաններ
- 20-րդ դարի դերասաններ
- 21-րդ դարի ամերիկացի տղամարդ դերասաններ
- «Էմմի» մրցանակի դափնեկիրներ
- «Ոսկե գլոբուս» մրցանակի դափնեկիրներ
- ԱՄՆ-ի հանրապետական կուսակցության անդամներ
- Ամերիկացի բռնցքամարտիկներ
- Ամերիկացի երաժիշտներ
- Ամերիկացի կինոպրոդյուսերներ
- Ամերիկացի կինոռեժիսորներ
- Ամերիկացի հեռուստապրոդյուսերներ
- Ամերիկացի տղամարդ թատերական դերասաններ
- Ամերիկացի տղամարդ կինոդերասաններ
- Ամերիկացի տղամարդ հեռուստատեսային դերասաններ
- Բռնցքամարտիկներ այբբենական կարգով
- Կեղծանուններ
- Հոլիվուդյան փառքի ծառուղի
- Նյու Յորք քաղաքում ծնվածներ